'ਇਨਸਾਨ' - ਮੇਜਰ ਸਿੰਘ 'ਬੁਢਲਾਡਾ'

ਇਨਸਾਨ ਪਤਾ ਨੀ ਕੀ ਕਰੀ ਜਾਂਦਾ।
ਕਿਤੇ ਡਰਾਈ ਜਾਂਦਾ,ਕਿਤੇ ਡਰੀ ਜਾਂਦਾ।
ਜੋ ਕਰਨੇ ਨੀ ਹੁੰਦੇ ਕੰਮ ਇਨਸਾਨ ਨੇ ,
ਫਿਰ ਵੀ ਉਹ ਕੰਮ ਕਰੀ ਜਾਂਦਾ।
ਮਾੜੇ ਕੰਮ ਕਰੇ ਆਪ ਇਨਸਾਨ,
ਪਰ 'ਕਲਯੁੱਗ' ਸਿਰ ਮੜੀ ਜਾਂਦਾ।
ਵੇਖਕੇ ਚੜ੍ਹਤ ਦੂਜੇ ਦੀ ਇਹ,
ਬਿਨਾਂ ਮਤਲਬ ਹੀ ਸੜੀ ਜਾਂਦਾ।
ਸਬਰ ਵਾਲਾ ਰੁੱਖੀ-ਸੁੱਖੀ ਖਾਕੇ ਖੁਸ਼ ਰਹਿੰਦਾ,
ਬੇਸਬਰਾ ਚਿੰਤਾ 'ਚ ਜੋੜ-ਜੋੜ ਧਰੀ ਜਾਂਦਾ।
ਕਈ ਵਾਰ ਸੁਪਨਾ ਵੀ ਐਸਾ ਆਉਂਦਾ,
ਜਾਗਕੇ ਵੀ ਇਨਸਾਨ ਡਰੀ ਜਾਂਦਾ।
ਮੇਜਰ ਕੈਸਾ ਧੰਦਾ ਹੈ ਇਨਸਾਨ ਦਾ,
ਉਧਰ ਫੜਾਈ ਜਾਂਦਾ,ਇਧਰੋ ਫੜੀ ਜਾਂਦਾ।

ਮੇਜਰ ਸਿੰਘ 'ਬੁਢਲਾਡਾ'
94176 42327

24 Sept. 2018