ਤਲਵੰਡੀ ਸਾਬੋ ਦੇ ਸੁਖਬੀਰ ਸਿੰਘ ਚੱਠਾ ਦੇ ਘੋੜੇ ਨੇ ਹਾਰਸ ਸ਼ੋਅ 2021 ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਜਿੱਤੀ ਟਰਾਫੀ

ਤਲਵੰਡੀ ਸਾਬੋ, 17 ਫਰਵਰੀ (ਗੁਰਜੰਟ ਸਿੰਘ ਨਥੇਹਾ)- ਪਸ਼ੂ ਪਾਲਕ ਕਿਸਾਨਾਂ ਵੱਲੋਂ ਹੁਣ ਪਸ਼ੂਆਂ ਦੇ ਮੁਕਾਬਲਿਆਂ ਵਿੱਚ ਸ਼ਮੂਲੀਅਤ ਕਰਨ ਦੇ ਵਧ ਰਹੇ ਰੁਝਾਨ ਨੂੰ ਦੇਖਦਿਆਂ ਸੂਬੇ ਦੀ ਇੱਕ ਸੰਸਥਾ ਵੱਲੋਂ ਕਰਵਾਏ ਹਾਰਸ ਸ਼ੋਅ 2021 ਵਿੱਚ ਤਲਵੰਡੀ ਸਾਬੋ ਸ਼ਹਿਰ ਦੀ ਮੋਹਤਬਰ ਸਖਸ਼ੀਅਤ ਅਤੇ ਕਿਸਾਨ ਸੁਖਬੀਰ ਸਿੰਘ ਚੱਠਾ ਦੇ ਘੋੜੇ ਵੱਲੋਂ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਟਰਾਫੀ ਜਿੱਤੀ ਗਈ ਹੈ।

  ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੁਖਬੀਰ ਸਿੰਘ ਚੱਠਾ ਨੇ ਦੱਸਿਆ ਕਿ ਸ੍ਰੀ ਗੁਰੂੁ ਗੋਬਿੰਦ ਸਿੰਘ ਜੀ ਹਾਰਸ ਬਰੀਡਰਜ਼ ਸੁਸਾਇਟੀ ਪੰਜਾਬ ਵੱਲੋਂ 14 ਫਰਵਰੀ ਤੋਂ ਫਰੀਦਕੋਟ ਵਿੱਚ ਕਰਵਾਏ ਗਏ ਵੱਖ ਵੱਖ ਘੋੜਿਆਂ ਦੇ ਮੁਕਾਬਲਿਆਂ ਵਿੱਚ ਉਨਾਂ ਦੇ ਨੁਕਰੇ ਘੋੜੇ ਰਾਜ ਰੂਪ ਨੇ ਮਿਲਕ ਟੀਥ ਕੋਲਟ ਕੈਟਾਗਰੀ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ ਜਿਸ ਕਾਰਣ ਪ੍ਰਬੰਧਕਾਂ ਵੱਲੋਂ ਉਨਾਂ ਨੂੰ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ ਗਿਆ ਹੈ। ਦੱਸਣਾ ਬਣਦਾ ਹੈ ਕਿ ਚੱਠਾ ਸਟੱਡ ਫਾਰਮ ਦੇ ਮਾਲਕ ਸੁਖਬੀਰ ਸਿੰਘ ਚੱਠਾ ਨੇ ਆਪਣੇ ਕੋਲ ਚੰਗੀ ਨਸਲ ਦੇ ਘੋੜੇ ਰੱਖੇ ਹੋਏ ਹਨ ਅਤੇ ਉਹ ਅਕਸਰ ਇਨਾਂ ਘੋੜਿਆਂ ਨੂੰ ਰਾਜਸਥਾਨ ਦੇ ਪਸ਼ਕਰ ਵਿੱਚ ਲੱਗਣ ਵਾਲੇ ਦੇਸ਼ ਦੇ ਮਸ਼ਹੂਰ ਪਸ਼ੂ ਮੇਲੇ ਸਮੇਤ ਹੋਰਨਾਂ ਮੇਲਿਆਂ ਤੇ ਪ੍ਰਦਰਸ਼ਨ ਲਈ ਲੈ ਕੇ ਜਾਂਦੇ ਰਹਿੰਦੇ ਹਨ।