ਅਮਰਕੋਟ ਰੈਲੀ ਦੌਰਾਨ ਅਕਾਲੀ ਆਗੂ ਤੇ ਗਵਾਚੇ ਕਾਗਜ਼ਾਤ ਆਪ ਆਗੂ ਕੰਵਲਜੀਤ ਸਿੰਘ ਨੂੰ ਲੱਭੇ

ਭਿੱਖੀਵਿੰਡ 19 ਮਾਰਚ (ਜਗਮੀਤ ਸਿੰਘ)ਸਾਬਕਾ ਵਿਧਾਇਕ ਵਿਰਸਾ ਸਿੰਘ ਵਲਟੋਹਾ ਵੱਲੋਂ ਅਮਰਕੋਟ ਵਿਖੇ ਕੀਤੀ ਗਈ ਰੈਲੀ ਦੌਰਾਨ ਕਿਸਾਨ ਰਛਪਾਲ ਸਿੰਘ ਪੁੱਤਰ ਸਵਰਨ ਸਿੰਘ ਵਾਸੀ ਬਹਾਦਰ ਨਗਰ ਜੋ ਆਪਣੇ ਸਾਥੀਆਂ ਨਾਲ ਰੈਲੀ ਵਿਚ ਪਹੁੰਚੇ ਤਾਂ ਕਿਸੇ ਜੇਬ ਕਤਰੇ ਨੇ ਭੀੜ ਦਾ ਫਾਇਦਾ ਲੈਂਦਿਆਂ ਉਸਦੀ ਜੇਬ ਕੱਟ ਲਈ ਅਤੇ ਮੌਕੇ ਤੋਂ ਫਰਾਰ ਹੋ ਗਿਆ । ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆਂ ਮੋਟਰਸਾਈਕਲ ਮਕੈਨਿਕ ਕੰਵਲਜੀਤ ਸਿੰਘ ਨੇ ਦੱਸਿਆ ਕੇ ਅਮਰਕੋਟ ਰੈਲੀ ਦੌਰਾਨ ਪਹੁੰਚੇ ਸੁਖਬੀਰ ਸਿੰਘ ਬਾਦਲ ਦੀ ਆਮਦ ਤੇ ਭੀੜ ਹੋਣ ਕਾਰਨ ਕਿਸੇ ਜੇਬ ਕਤਰੇ ਨੇ ਰਸ਼ਪਾਲ ਸਿੰਘ ਦੀ ਜੇਬ ਕੱਟ ਲਈ, ਜਿਸ ਵਿੱਚ ਪੈਸਿਆਂ ਦੇ ਨਾਲ ਕੁਝ ਜ਼ਰੂਰੀ ਕਾਗਜ਼ਾਤ ਸਨ, ਜੇਬ ਕਤਰੇ ਨੇ ਪੈਸੇ ਕੱਢ ਲੈ ਜਦੋਂ ਕਿ ਜਰੂਰੀ ਕਾਗਜਾਤ ਅੰਮ੍ਰਿਤਸਰ ਰੋਡ ਵਿਖੇ ਸੁੱਟ ਦਿੱਤੇ ! ਕੰਵਲਜੀਤ ਨੇ ਦੱਸਿਆ ਕਿ ਸਾਡੇ ਬੱਚੇ ਖੇਡ ਰਹੇ ਸਨ ਉਨ੍ਹਾਂ ਦੀ ਨਿਗਾ ਇਨ੍ਹਾਂ ਕਾਗ਼ਜ਼ਾਂ ਉੱਪਰ ਪਈ, ਕਾਗਜ਼ਾਂ ਦੀ ਪੜਤਾਲ ਕਰਨ ਤੇ ਲਿਖੇ ਅਡਰੈਸ ਤੇ ਕਿਸਾਨ ਦੀ ਭਾਲ ਕਰਕੇ ਉਸ ਨੂੰ ਕਾਗਜ਼ ਵਾਪਸ ਕੀਤੇ ! ਕਿਸਾਨ ਰਛਪਾਲ ਸਿੰਘ ਨੇ ਕੰਵਲਜੀਤ ਸਿੰਘ ਦੇ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਜੇਕਰ ਗੁਆਚੇ ਕਾਗਜ਼ ਨਾ ਮਿਲਦੇ ਤਾਂ ਇਹ ਕਾਗ਼ਜ਼ ਬਣਾਉਣ ਤੇ ਮੇਰੇ ਹਜ਼ਾਰਾਂ ਰੁਪਏ ਖਰਚ ਹੋ ਜਾਣੇ ਸਨ ।