ਸਰਕਾਰੀ ਪ੍ਰਾਇਮਰੀ  ਸਕੂਲ ਜਗਤਪੁਰ ਜੱਟਾਂ ਵਿਖੇ ਆਨਲਾਈਨ ਸਮਰਕੈਂਪ ਦੀ ਹੋਈ ਸ਼ੁਰੂਆਤ

ਫਗਵਾੜਾ 1 ਜੂਨ (ਅਸ਼ੋਕ ਸ਼ਰਮਾ-ਚੇਤਨ ਸ਼ਰਮਾ) ਸਿੱਖਿਆ ਵਿਭਾਗ ਵਲੋਂ ਚਲਾਈ ਜਾ ਰਹੀ ਵੱਖ-ਵੱਖ ਗਤੀਵਿਧੀਆਂ ਤਹਿਤ ਸ. ਗੁਰਭਜਨ ਸਿੰਘ ਲਾਸਾਨੀ ਜ਼ਿਲ੍ਹਾ ਸਿੱਖਿਆ ਅਫਸਰ ਕਪੂਰਥਲਾ, ਸ੍ਰੀਮਤੀ ਨੰਦਾ ਉਪ ਜ਼ਿਲ੍ਹਾ ਸਿੱਖਿਆ ਅਫਸਰ ਕਪੂਰਥਲਾ, ਸ੍ਰੀਮਤੀ ਹਰਜਿੰਦਰ ਕੌਰ ਬੀਪੀਈਓ ਫਗਵਾੜਾ, ਸ. ਸੁਖਮਿੰਦਰ ਸਿੰਘ ਬਾਜਵਾ ਪੜ੍ਹੋ ਪੰਜਾਬ ਪੜ੍ਹਾਓ ਜ਼ਿਲ੍ਹਾ ਕੋਆਰਡੀਨੇਟਰ ਤੇ ਸ਼੍ਰੀਮਤੀ ਕੁਲਵਿੰਦਰ ਕੌਰ  ਸੀਐਚਟੀ ਖੇੜਾ ਦੀ ਅਗਵਾਈ ਹੇਠਾਂ ਸਰਕਾਰੀ ਪ੍ਰਾਇਮਰੀ ਸਕੂਲ ਜਗਤਪੁਰ ਜੱਟਾਂ ਵਿਖੇ ਆਨਲਾਈਨ ਸਮਰਕੈੰਪ ਦਾ ਆਗਾਜ ਕੀਤਾ ਗਿਆ। ਸਕੂਲ ਇੰਚਾਰਜ ਗੌਰਵ ਸਿੰਘ ਨੇ ਦੱਸਿਆ ਕਿ ਕੋਰੋਨਾ ਕਰਕੇ ਭਾਵੇਂ ਕੀ ਸਕੂਲ ਬੰਦ ਹਨ, ਪਰੰਤੂ ਆਨਲਾਈਨ ਪੜਾਈ ਅੱਜ ਵੀ ਜਾਰੀ ਹੈ। ਹਰ ਰੋਜ ਡੀ.ਡੀ. ਪੰਜਾਬੀ ਤੇ ਆਨਲਾਈਨ ਕਲਾਸਾਂ ਦੇ ਪ੍ਰੋਗਰਾਮ ਚਲ ਰਹੇ ਹਨ। ਹੁਣ ਵਿਭਾਗ ਵਲੋਂ ਗਰਮੀਆਂ ਦੀ ਛੁੱਟੀਆਂ ਦਾ ਐਲਾਨ ਕੀਤਾ ਹੋਇਆ ਹੈ। ਇਨ੍ਹਾਂ ਛੁੱਟੀਆਂ ਵਿੱਚ ਸਕੂਲ ਵਲੋਂ ਆਨਲਾਈਨ  ਸਮਰ ਕੈਂਪ ਆਯੋਜਨ ਕੀਤਾ ਜਾ ਰਿਹਾ ਹੈ। ਜਿਸ ਵਿੱਚ 130 ਬੱਚਿਆਂ ਵੱਲੋਂ ਭਾਗ ਲਿਆ ਜਾ ਰਿਹਾ ਹੈ। ਇਸ ਕੈੰਪ ਵਿੱਚ ਯੋਗਾ, ਪੇਂਟਿੰਗ, ਸੁੰਦਰ ਲਿਖਾਈ, ਡਾਂਸ, ਕੁਕਿੰਗ, ਆਰਟ ਅੈੱਡ ਕਰਾਫਟ, ਕਲੇਅ ਵਰਕ, ਕੋਰੋਨਾ ਤੋਂ ਬਚਾਅ ਪ੍ਰਤੀ ਜਾਗਰੂਕਤਾ ਆਦਿ ਦੀ ਜਾਣਕਾਰੀ ਤੇ ਮੁਕਾਬਲੇ ਕਰਵਾਏ ਜਾ ਰਹੇ ਹਨ। ਮੁਕਾਬਲਾ ਜਿੱਤਣ ਵਾਲੇ ਹਰ ਵਿਦਿਆਰਥੀ ਨੂੰ ਈ-ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।