MediaPunjab
ਮੀਡੀਆ ਪੰਜਾਬ ਦੀਆਂ ਖ਼ਬਰਾਂ

ਬਾਬਾ ਫਰੀਦ ਯੂਨੀਵਰਸਿਟੀ ਨੂੰ ਫਿਰ ਮਿਲਿਆ ਆਈ.ਏ.ਐਸ. ਰਜਿਸਟਰਾਰ

-- ਐੱਸ.ਡੀ.ਐਮ. ਕੋਟਕਪੂਰਾ ਨੂੰ ਦਿੱਤਾ ਵਾਧੂ ਚਾਰਜ --

ਫਰੀਦਕੋਟ, 21 ਅਗਸਤ (    ਰਾਸ਼ਟਰੀ ਪ੍ਰਧਾਨ ਜਗਦੀਸ਼    ) ਆਉਂਦੀਆਂ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਪੰਜਾਬ ਸਰਕਾਰ ਨੇ ਕੱਲ ਵੱਡੇ ਪੱਧਰ ’ਤੇ ਆਈ.ਏ.ਐਸ., ਆਈ.ਪੀ.ਐੱਸ., ਪੀ.ਸੀ.ਐੱਸ, ਅਤੇ ਪੀ.ਪੀ.ਐੱਸ. ਅਧਿਕਾਰੀਆਂ ਦੇ ਤਬਾਦਲੇ ਕੀਤੇ ਸਨ। ਇਨਾਂ ਹੁਕਮਾਂ ਦੇ ਜਾਰੀ ਪੱਤਰ ਅਨੁਸਾਰ ਕੋਟਕਪੂਰਾ ਦੇ ਐਸ.ਡੀ.ਐਮ. ਡਾ. ਐਸ. ਨਿਰਮਲ ਔਸੀਪਚਨ, ਆਈ.ਏ.ਐੱਸ. ਨੂੰ ਬਾਬਾ ਫਰੀਦ ਯੂਨੀਵਰਸਿਟੀ ਦੇ ਰਜਿਸਟਰਾਰ ਵਜੋਂ ਐਡੀਸ਼ਨਲ ਚਾਰਜ ਵੀ ਦਿੱਤਾ ਗਿਆ ਹੈ। ਕੇਰਲਾ ਨਾਲ ਸੰਬੰਧਤ ਇਸ ਨੌਜਵਾਨ ਅਧਿਕਾਰੀ ਡਾ. ਐੱਸ. ਨਿਰਮਲ ਨੇ ਆਪਣੇ ਰਾਜ ਦੀ ਨਾਮੀ ਸੰਸਥਾ ‘ਜੁਬਲੀ ਮਿਸ਼ਨ ਮੈਡੀਕਲ ਕਾਲਿਜ ਐਂਡ ਰੀਸਰਚ ਇੰਸਟੀਚਿਊਟ’ ਤੋਂ 2015 ਵਿਚ ਐਮ.ਬੀ.ਬੀ.ਐੱਸ. ਦੀ ਡਿਗਰੀ ਪ੍ਰਾਪਤ ਕੀਤੀ ਸੀ। ਇਕੱਤੀ ਸਾਲਾ ਡਾ. ਐੱਸ. ਨਿਰਮਲ ਨੇ 2018 ਵਿੱਚ ਆਈ.ਐੱਸ. ਦੀ ਪ੍ਰੀਖਿਆ 329 ਵੇਂ ਰੈਕ ਨਾਲ ਪਾਸ ਕੀਤੀ। ਡਾ. ਐੱਸ. ਨਿਰਮਲ ਨੂੰ ਯੂਨੀਵਰਸਿਟੀ ਦੇ ਰਜਿਸਟਾਰ ਵਜੋਂ ਵਾਧੂ ਚਾਰਜ ਦੇਣ ਨਾਲ ਸੂਝਵਾਨ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਵਿੱਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਐਲ.ਬੀ.ਸੀ.ਟੀ. (ਲਾਰਡ ਬੁੱਧਾ ਚੈਰੀਟੇਬਲ ਟਰੱਸਟ) ਦੇ ਚੇਅਰਮੈਨ ਅਤੇ ਆਲ ਇੰਡੀਆ ਐਸ.ਸੀ./ਬੀ.ਸੀ./ਐਸ.ਟੀ. ਏਕਤਾ ਭਲਾਈ ਮੰਚ ਦੇ ਰਾਸ਼ਟਰੀ ਪ੍ਰਧਾਨ ਜਗਦੀਸ਼ ਰਾਏ ਢੋਸੀਵਾਲ, ਮੁੱਖ ਸਲਾਹਕਾਰ ਪ੍ਰਿੰ. ਕ੍ਰਿਸ਼ਨ ਲਾਲ, ਸ੍ਰੀ ਕ੍ਰਿਸ਼ਨ ਸੰਚਾਲਕ ਸਮੇਤ ਸੰਸਥਾ ਦੇ ਸਮੂਹ ਆਗੂਆਂ ਤੇ ਮੈਂਬਰਾਂ ਨੇ ਡਾ. ਐੱਸ. ਨਿਰਮਲ ਆਈ.ਏ.ਐੱਸ. ਨੂੰ ਯੂਨੀਵਰਸਿਟੀ ਦਾ ਰਜਿਸਟਰਾਰ ਲਾਏ ਜਾਣ ਦੇ ਫੈਸਲੇ ਦੀ ਪੁਰਜੋਰ ਸ਼ਲਾਘਾ ਕੀਤੀ ਹੈ। ਉਕਤ ਆਗੂਆਂ ਨੇ ਕਿਹਾ ਹੈ ਕਿ ਆਈ.ਏ.ਐੱਸ. ਅਧਿਕਾਰੀ ਦੀਆਂ ਰਜਿਸਟਰਾਰ ਵਜੋਂ ਸੇਵਾਵਾਂ ਯੂਨੀਵਰਸਿਟੀ ਲਈ ਲਾਭਦਾਇਕ ਸਿੱਧ ਹੋ ਸਕਦੀਆਂ ਹਨ। ਪ੍ਰਧਾਨ ਢੋਸੀਵਾਲ ਨੇ ਦੱਸਿਆ ਹੈ ਕਿ ਰਜਿਸਟਰਾਰ ਵਲੋਂ ਅਹੁਦਾ ਸੰਭਾਲਣ ’ਤੇ ਉਨ੍ਹਾਂ ਦੀ ਸੰਸਥਾ ਵੱਲੋਂ ਉਨ੍ਹਾਂ ਨਾਲ ਮੁਲਾਕਾਤ ਕਰਕੇ ਵਧਾਈ ਦਿੱਤੀ ਜਾਵੇਗੀ।