MediaPunjab
ਮੀਡੀਆ ਪੰਜਾਬ ਦੀਆਂ ਖ਼ਬਰਾਂ

ਛੋਟੇ ਜਿਹੇ ਸੱਦੇ ਤੇ ਮੁਕਤਸਰ ਹਲਕਾ ਵਾਸੀਆ ਨੇ ਵੱਡਾ ਪਿਆਰ ਦਿਖਾਇਆ : ਹਨੀ ਫੱਤਣਵਾਲਾ

ਸ੍ਰੀ ਮੁਕਤਸਰ ਸਾਹਿਬ/ਮੰਡੀ ਬਰੀਵਾਲਾ, 22 ਦਸੰਬਰ (ਸੁਰਿੰਦਰ ਸਿੰਘ ਚੱਠਾ)-ਬੀਤੇ ਦਿਨ ਮਲੋਟ ਰੋਡ ਸਥਿਤ ਰਾਜਪਾਲ ਸਿਨੇਮਾ ਵਿੱਚ ਕੀਤੀ ਗਈ ਰੈਲੀ ਦੇ ਸਬੰਧ ਵਿੱਚ ਅੱਜ ਪੰਜਾਬ ਪ੍ਰਦੇਸ਼ ਕਾਗਰਸ ਕਮੇਟੀ ਦੇ ਜਨਰਲ ਸਕੱਤਰ ਸ.ਜਗਜੀਤ ਸਿੰਘ ਬਰਾੜ ਹਨੀ ਫੱਤਣਵਾਲਾ ਨੇ ਫੱਤਣਵਾਲਾ ਗ੍ਰਹਿ ਨਿਵਾਸ ਵਿਖੇ ਪ੍ਰੈਸ ਕਾਨਫਰੰਸ ਦੌਰਾਨ ਹਲਕਾ ਸ੍ਰੀ ਮੁਕਤਸਰ ਸਾਹਿਬ ਵਾਸੀਆ ਦਾ ਧੰਨਵਾਦ ਕਰਦਿਆ ਕਿਹਾ ਕਿ ਮੁਕਤਸਰ ਵਾਸੀਆ ਨੇ ਇੱਕ ਨਿੱਕੇ ਜਿਹੇ ਸੱਦੇ ਤੇ ਵਿਸ਼ਾਲ ਇਕੱਠ ਕਰਕੇ ਵੱਡਾ ਪਿਆਰ ਦਿਖਾਇਆ ਹੈ।ਉਹਨਾਂ ਕਿਹਾ ਕਿ ਲੋਕ ਨੇ ਆਪਣੇ ਹੀ ਵਹੀਕਲਾ ਤੇ ਇਸ ਮੀਟਿੰਗ ਵਿੱਚ ਪਹੁੰਚ ਕੇ ਇੱਕ ਛੋਟੀ ਜਿਹੀ ਮੀਟਿੰਗ ਨੂੰ ਵਿਸ਼ਾਲ ਰੈਲੀ ਬਣਾ ਦਿੱਤਾ। ਉਹਨਾਂ ਕਿਹਾ ਕਿ ਮੇਰੇ ਦਾਦਾ ਜੀ ਸ.ਹਰਚੰਦ ਸਿੰਘ ਫੱਤਣਵਾਲਾ ਸਾਬਕਾ ਵਿਧਾਇਕ ਦੇ ਕੀਤੇ ਕੰਮਾਂ ਕਾਰਨ ਇਸ ਹਲਕੇ ਦੇ ਲੋਕ ਫੱਤਣਵਾਲਾ ਪਰਿਵਾਰ ਨਾਲ ਦਿਲੋਂ ਜੁੜੇ ਹੋਏ ਹਨ ਅਤੇ ਇਹ ਰਿਸ਼ਤਾ ਅਸੀ ਇਸੇ ਤਰ੍ਹਾਂ ਹੀ ਪੀੜ੍ਹੀ ਦਰ ਪੀੜ੍ਹੀ ਨਿਭਾਈ ਰੱਖਣਾ ਹੈ। ਹਨੀ ਫੱਤਣਵਾਲਾ ਨੇ ਕਿਹਾ ਕਿ ਆਪਣੇ ਹਲਕੇ ਦੇ ਲੋਕਾਂ ਲਈ ਉਹ ਹਮੇਸ਼ਾ ਲਈ ਖੜੇ ਹਨ ਅਤੇ ਹਲਕੇ ਦੇ ਲੋਕਾਂ ਵਿੱਚ ਵੀ ਸਾਡੇ ਪਰਿਵਾਰ ਪ੍ਰਤੀ ਪੂਰਾ ਪਿਆਰ ਅਤੇ ਵਿਸ਼ਵਾਸ਼ ਹੈ। ਇਸ ਮੌਕੇ ਤੇ ਉਹਨਾਂ ਨਾਲ ਜੱਗਾ ਜਵਾਹਰੇ ਵਾਲਾ ਪ੍ਰਧਾਨ, ਇਕਬਾਲ ਸੰਗੂਧੋਨ, ਅਮਿੰਤਪਾਲ ਥਾਂਦੇਵਾਲਾ, ਸਰਬਦਮਨ ਸਿੰਘ ਖੋਖਰ ਆਦਿ ਹਾਜਰ ਸਨ।