ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
10 ਜਨਵਰੀ 2022
ਨਕਲੀ ਸ਼ਰਾਬ ਵੇਚਣ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਕਿਉਂ ਨਹੀਂ ਕੀਤੀ ਗਈ?- ਦੂਲੋਂ
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।
ਯੂ.ਪੀ. ਦੇ ਲੋਕ ਭਾਜਪਾ ਦੀ ਸਰਕਾਰ ਬਦਲਣ ਲਈ ਕਾਹਲੇ- ਅਖਿਲੇਸ਼
ਉੱਤੇ ਪਾ ਦੇ ਫੁੱਲ ਕਲੀਆਂ, ਮੰਜਾ ਬੁਣ ਦੇ ਜੁਗਿੰਦਰਾ ਯਾਰਾ।
ਮੁੱਖ ਮੰਤਰੀ, ਉੱਪ ਮੁੱਖ ਮੰਤਰੀ ਤੇ ਸਿੱਧੂ ਬਹੁਤ ਜ਼ਿਆਦਾ ਉਲਝਣ ‘ਚ ਹਨ- ਕੈਪਟਨ
ਤੁਝੇ ਪਰਾਈ ਕਿਆ ਪੜੀ, ਤੂ ਅਪਨੀ ਨਬੇੜ।
ਚੋਣਾਂ ‘ਚ ਟੱਕਰ ਸੰਯੁਕਤ ਸਮਾਜ ਮੋਰਚਾ ਅਤੇ ਰਵਾਇਤੀ ਪਾਰਟੀਆਂ ਵਿਚਕਾਰ ਹੋਵੇਗੀ- ਰਾਜੇਵਾਲ
ਸਿੰਘ ਸੂਰਮੇ ਸ਼ੇਰ ਦਲੇਰ ਬਾਂਕੇ, ਕੱਸਣ ਘੋੜੀਆਂ ਜ਼ੀਨਾਂ ਸਵਾਰੀਆਂ ਨੇ।
ਪੰਜਾਬ ਵਿਚ ਅਮਨ ਕਾਨੂੰਨ ਪੂਰੀ ਤਰ੍ਹਾਂ ਢਹਿ ਢੇਰੀ- ਸੁਖਬੀਰ ਬਾਦਲ
ਮੌਕਾ ਮਿਲਿਆ ਸਾਨੂੰ ਸੋਹਣਾ, ਨੰਬਰ ਬਣਾ ਲਈਏ।
‘ਆਪ’ ਨਾਲ ਮਿਲ ਕੇ ਕਿਸਾਨ ਚੋਣਾਂ ਨਹੀਂ ਲੜਨਗੇ- ਚੜੂਨੀ
ਤੇਰੀ ਮੇਰੀ ਨਹੀਂ ਨਿਭਣੀ, ਮੈਂ ਪਤਲੀ ਤੂੰ ਭਾਰਾ।
ਮੋਦੀ ਵਲੋਂ ਗ਼ਰੀਬਾਂ ਨੂੰ ਵਧੀਆ ਸਿਹਤ ਸਹੂਲਤਾਂ ਦੇਣ ਦਾ ਅਹਿਦ- ਇਕ ਖ਼ਬਰ
ਕਸਮੇਂ, ਵਾਅਦੇ, ਝੂਠੇ ਜੁਮਲੇ, ਜੁਮਲੇ ਹੈਂ ਜੁਮਲੋਂ ਕਾ ਕਿਆ।
ਨਵਜੋਤ ਸਿੱਧੂ ਦੀ ਕਾਂਗਰਸ ਵਿਚ ਮੁੜ ‘ਘੇਰਾਬੰਦੀ’ ਹੋਣ ਲੱਗੀ- ਇਕ ਖ਼ਬਰ
ਛਵ੍ਹੀਆਂ ਦੇ ਘੁੰਡ ਮੁੜ ਗਏ, ਜਿਉਣਾ ਮੌੜ ਵੱਢਿਆ ਨਾ ਜਾਵੇ।
ਕਾਂਗਰਸ ਦੇ ਕਾਰਜਕਾਲ ਵਿਚ ਰੇਤ ਮਾਫ਼ੀਆ ਦਾ ਰਾਜ ਰਿਹਾ- ਹਰਸਿਮਰਤ ਬਾਦਲ
ਬੀਬੀ, ਤੁਹਾਡਾ ਇਕ ਲੀਡਰ ਤਾਂ ਆਪਣੀ ਔਰਤ-ਮਿੱਤਰ ਨੂੰ ਹੁਣੇ ਰੇਤ ਦੀ ਖੱਡ ਦੇਈ ਜਾਂਦੈ।
ਭਾਜਪਾ ਦੀ ਸੋਚ ਦੇਸ਼ ਨੂੰ ਮਜਬੂਤ ਕਰਨ ਵਾਲੀ- ਕੈਪਟਨ
ਗੰਗਾ ਗਏ ਗੰਗਾ ਰਾਮ, ਜਮਨਾ ਗਏ ਜਮਨਾ ਦਾਸ।
ਛੇ ਦਿਨਾਂ ਬਾਅਦ ਹੀ ਵਿਧਾਇਕ ਲਾਡੀ ਭਾਜਪਾ ‘ਚੋਂ ਵਾਪਸ ਮੁੜ ਆਏ- ਇਕ ਖ਼ਬਰ
ਨਾਰ ਬਿਗਾਨੀ ਦੀ, ਬਾਂਹ ਨਾ ਮੂਰਖਾ ਫੜੀਏ।
ਮੋਦੀ ਖਾਲੀ ਕੁਰਸੀਆਂ ਕਾਰਨ ਮੁੜੇ- ਚੰਨੀ
ਜੇ ਮਾਂਏਂ ਕੁਝ ਦਿਸਦਾ ਹੋਵੇ, ਥੋੜ੍ਹਾ ਕਰਾਂ ਅੰਦੇਸਾ।
ਭਾਜਪਾ ਨੇ ਰਾਸ਼ਟਰਪਤੀ ਰਾਜ ਦੀ ਮੰਗ ਲਈ ਪੰਜਾਬ ਭਰ ‘ਚ ਕੀਤੇ ਮੁਜ਼ਾਹਰੇ-ਇਕ ਖ਼ਬਰ
ਬੰਨੇ ਬੰਨੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।
ਸੰਯੁਕਤ ਸਮਾਜ ਮੋਰਚੇ ਦੀ ‘ਆਪ’ ਨਾਲ ਗੱਲਬਾਤ ਦੀ ਸੰਭਾਵਨਾ ਖਤਮ-ਰੁਲਦੂ ਸਿੰਘ
ਅਸੀਂ ਤੁਰਾਂਗੇ ਆਪਣੇ ਰਾਹ ਬੀਬਾ, ਤੇਰਾ ਸਾਡਾ ਕੋਈ ਬੈਠਦਾ ਮੇਲ਼ ਨਾਹੀਂ।
ਪ੍ਰਧਾਨ ਮੰਤਰੀ ਦੀ ਰੈਲੀ ਵਿਚ ਇਕੱਠ ਨਾ ਹੋਣਾ,ਰੈਲੀ ਰੱਦ ਹੋਣ ਦਾ ਕਾਰਨ-ਪ੍ਰਕਾਸ਼ ਸਿੰਘ ਬਾਦਲ
ਇਹ ਸਮੇਂ ਕਿਹੋ ਜਿਹੇ ਆਏ ਕਿ ਸੱਚ ਮੈਨੂੰ ਬੋਲਾ ਪਿਆ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
03 ਜਨਵਰੀ 2022
ਭਾਜਪਾ, ਕੈਪਟਨ ਤੇ ਢੀਂਡਸਾ ਦੀਆਂ ਪਾਰਟੀਆਂ ‘ਚ ਗੱਠਜੋੜ ਦੀ ਬਣੀ ਸਹਿਮਤੀ- ਇਕ ਖ਼ਬਰ
ਕਹੀਂ ਕੀ ਈਂਟ ਕਹੀਂ ਕਾ ਰੋੜਾ, ਭਾਨਮਤੀ ਨੇ ਕੁਨਬਾ ਜੋੜਾ।
ਅਦਾਲਤਾਂ ‘ਚ ਪੰਜਾਬੀ ਲਾਗੂ ਹੋਣ ਨਾਲ਼ ਦੋ ਲੱਖ ਲੋਕਾਂ ਨੂੰ ਰੋਜ਼ਗਾਰ ਮਿਲ ਸਕਦਾ ਹੈ- ਮਿੱਤਰ ਸੈਨ ਮੀਤ
ਫਿਰ ਬੇਰੋਜ਼ਗਾਰਾਂ ਦੇ ਡਾਂਗਾਂ ਫੇਰਨ ਦਾ ਸੁਆਦ ਕਿਵੇਂ ਲੈਣਗੇ ਸਿਆਸੀ ਲੀਡਰ ਮੀਤ ਜੀ?
ਲਾਂਭੇ ਕੀਤੇ ਵੱਡੇ ਬਾਦਲ ਦੀਆਂ ਸੇਵਾਵਾਂ ਆਖਰ ਲੈਣੀਆਂ ਪਈਆਂ ਸੁਖਬੀਰ ਨੂੰ- ਇਕ ਖ਼ਬਰ
ਬੱਗੇ ਬਲ਼ਦ ਖਰਾਸੇ ਜਾਣਾ, ਕੋਠੀ ‘ਚੋਂ ਲਿਆ ਦੇ ਘੁੰਗਰੂ।
ਮਜੀਠੀਏ ਨੂੰ ਬਚਾਉਣ ਲਈ ਕੈਪਟਨ ਨੇ ਪੂਰਾ ਜ਼ੋਰ ਲਗਾਇਆ-ਚੰਨੀ
ਮਿੱਤਰਾਂ ਦੇ ਫੁਲਕੇ ਨੂੰ, ਨੀਂ ਮੈਂ ਖੰਡ ਦਾ ਪਲੇਥਣ ਲਾਵਾਂ।
ਪੁਰਾਣੀਆਂ ਪਾਰਟੀਆਂ ਤੇ ਪੁਰਾਣੇ ਆਗੂਆਂ ਤੋਂ ਤੰਗ ਆ ਚੁੱਕੇ ਹਨ ਲੋਕ- ਕੇਜਰੀਵਾਲ
ਪੱਤ ਝੜੇ ਪੁਰਾਣੇ ਮਾਹੀ ਵੇ, ਰੁੱਤ ਨਵਿਆਂ ਦੀ ਆਈ ਆ ਢੋਲਾ।
ਅਕਾਲੀ ਦਲ ਨੇ ਬ੍ਰਹਮਪੁਰਾ ਨੂੰ ਖਡੂਰ ਸਾਹਿਬ ਤੋਂ ਉਮੀਦਵਾਰ ਐਲਾਨਿਆ- ਇਕ ਖ਼ਬਰ
ਚਲ ਚਲ ਰੇ ਨੌਜਵਾਨ, ਬਨਾ ਦੇ ਬਾਦਲੋਂ ਕੀ ਸ਼ਾਨ।
ਪੰਜਾਬ ਨੂੰ ਦੂਰਦ੍ਰਿਸ਼ਟੀ ਵਾਲ਼ੇ ਮੁੱਖ ਮੰਤਰੀ ਦੀ ਲੋੜ- ਸੁਖਬੀਰ ਬਾਦਲ
ਜਿਹੜਾ ਦੂਰੋਂ ਹੀ ਦੇਖ ਕੇ ਦੱਸ ਦੇਵੇ ਕਿ ਮਾਲ ਖਰਾ ਹੈ ਕਿ ਨਹੀਂ।
ਕੇਂਦਰ ਸਰਕਾਰ ਰਾਣਾ ਸੋਢੀ ‘ਤੇ ਮਿਹਰਬਾਨ, ਮਿਲੀ ਜ਼ੈੱਡ ਸਕਿਉਰਿਟੀ- ਇਕ ਖ਼ਬਰ
ਤੈਨੂੰ ਦੇਵਾਂ ਵੇ ਮੈਂ ਦੁੱਧ ਦਾ ਛੰਨਾ, ਤੇਰੇ ਬੋਤੇ ਨੂੰ ਗਵਾਰੇ ਦੀਆਂ ਫਲ਼ੀਆਂ।
ਗੁਪਤ ਮੀਟਿੰਗ ਲਈ ਸਿੱਧੂ ਨੇ ਦੂਲੋਂ ਨੂੰ ਵਿਆਹ ‘ਚੋਂ ਸੱਦਿਆ- ਇਕ ਖ਼ਬਰ
ਇਕ ਤੂੰ ਹੋਵੇਂ ਇਕ ਮੈਂ ਹੋਵਾਂ, ਆ ਬਹਿ ਕੇ ਦੋ ਗੱਲਾਂ ਕਰੀਏ।
ਨਵਜੋਤ ਸਿੱਧੂ ਦੀ ਬੋਲਬਾਣੀ ਤੋਂ ਕੈਬਨਿਟ ਮੰਤਰੀ ਖ਼ਫ਼ਾ- ਇਕ ਖ਼ਬਰ
ਮੁੰਡਾ ਭੰਨਦਾ ਕਿਰਕ ਨਹੀਂ ਕਰਦਾ, ਮੇਰੀਆਂ ਬਰੀਕ ਚੂੜੀਆਂ।
ਆਪਣੇ ਦਮ ’ਤੇ ਚੋਣਾਂ ਲੜ ਸਕਦੀ ਹੈ ਸੰਯੁਕਤ ਸਮਾਜ ਪਾਰਟੀ- ਕਿਸਾਨ ਨੇਤਾ ਸੰਧੂ
ਘੜਾ ਚੁੱਕ ਲਊਂ ਪੱਟਾਂ ‘ਤੇ ਹੱਥ ਧਰ ਕੇ, ਖਸਮਾਂ ਨੂੰ ਖਾਣ ਕੁੜੀਆਂ।
ਲਉ ਜੀ ਸ਼੍ਰੋਮਣੀ ਅਕਾਲੀ ਦਲ (ਸ਼ਹੀਦਾਂ) ਵੀ ਹੋਂਦ ਵਿਚ ਆ ਗਿਆ- ਇਕ ਖ਼ਬਰ
ਦਲ ਅਸਲੀ ਨਾ ਦਿਸਦਾ ਅੱਜ ਕਿਧਰੇ, ਦਲ ਦੀ ਦਲਦਲ ਇਨ੍ਹਾਂ ਬਣਾ ਛੱਡੀ।
ਨਵੇਂ ਸਾਲ ਵਿਚ ਦੋ ਵਾਰੀ ਆਵੇਗਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ- ਇਕ ਖ਼ਬਰ
ਧੁਮੱਕੜਸ਼ਾਹੀ ਕੈਲੰਡਰ ਦੀਆਂ ‘ਬਰਕਤਾਂ’।
ਕੈਪਟਨ ਨੇ ਭਾਜਪਾ ਨੂੰ ਗਲ਼ ਲਾ ਕੇ ਪੰਜਾਬ ਦੇ ਲੋਕਾਂ ਨਾਲ਼ ਧ੍ਰੋਹ ਕਮਾਇਆ- ਹਰਸਿਮਰਤ ਬਾਦਲ
ਬੀਬਾ ਜੀ, ਤੁਹਾਡੇ ਸਹੁਰਾ ਸਾਹਿਬ ਨੇ ਤਾਂ ਇਹ ਧ੍ਰੋਹ 24-25 ਸਾਲ ਪਹਿਲਾਂ ਹੀ ਕਮਾ ਲਿਆ ਸੀ।
ਸਜ਼ਾ ਦਾ ਡਰਾਵਾ ਦੇ ਕੇ ਸਾਨੂੰ ਖ਼ਾਮੋਸ਼ ਨਹੀਂ ਕੀਤਾ ਜਾ ਸਕਦਾ- ਮਹਿਬੂਬਾ
ਗੱਲ ਸੋਚ ਕੇ ਕਰੀਂ ਜ਼ੈਲਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।
"ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
27 Dec. 2021
ਪਹਿਲਾਂ ਤੋਮਰ ਨੇ ਕਿਹਾ ਖੇਤੀ ਕਾਨੂੰਨ ਮੁੜ ਲਿਆਵਾਂਗੇ ਹੁਣ ਕਿਹਾ ਕਿ ਕੋਈ ਯੋਜਨਾ ਨਹੀਂ- ਤੋਮਰ
ਮਰ ਗਏ ਤੇ ਮੁੱਕਰ ਗਏ ਦਾ ਕੀ ਫੜ ਲੈਣਾ।
ਸੀ.ਐਮ.ਡੀ ਦਾ ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਹੀ ਸਿਫ਼ਾਰਸ਼ਾਂ ਆਉਣ ਲੱਗੀਆਂ- ਬਲਦੇਵ ਸਿੰਘ ਸਰਾਂ
ਪਿੰਡ ਪਏ ਨਹੀਂ ਉਚੱਕੇ ਪਹਿਲਾਂ ਹੀ ਆ ਟਪਕੇ।
ਕਾਂਗਰਸ ਹਾਈ ਕਮਾਨ ਦੇ ਫਾਰਮੂਲੇ ਨੇ ਦੋ-ਦੋ ਟਿਕਟਾਂ ਦੇ ਚਾਹਵਾਨਾਂ ਦੀ ਨੀਂਦ ਉਡਾਈ- ਇਕ ਖ਼ਬਰ
ਨਾਲ਼ੇ ਚੋਪੜੀਆਂ, ਨਾਲ਼ੇ ਦੋ ਦੋ।
ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨਾ ਇਕ ਇਤਿਹਾਸਕ ਫ਼ੈਸਲਾ- ਨਰਿੰਦਰ ਤੋਮਰ
ਸੁਨਹਿਰੀ ਅੱਖਰਾਂ ‘ਚ ਲਿਖਵਾਇਉ ਇਸ ਨੂੰ ਤੋਮਰ ਜੀ।
ਖੇਤੀ ਕਾਨੂੰਨਾਂ ਵਿਚਲੀ ਖ਼ਾਮੀ ਸਾਨੂੰ ਨਜ਼ਰ ਨਹੀਂ ਆਈ- ਕੇਂਦਰੀ ਮੰਤਰੀ ਸ਼ੇਖਾਵਤ
ਘੁਮਿਆਰੀ ਅਪਣਾ ਭਾਂਡਾ ਹੀ ਸਲਾਹੁੰਦੀ ਹੁੰਦੀ ਹੈ ਮੰਤਰੀ ਸਾਹਿਬ।
ਮਜੀਠੀਏ ਵਿਰੁੱਧ ਬਿਨਾਂ ਕਿਸੇ ਸਬੂਤ ਦਰਜ ਕੀਤਾ ਮੁਕੱਦਮਾ- ਕੈਪਟਨ
ਲਾਲੀ ਮੇਰੀਆਂ ਅੱਖਾਂ ਵਿਚ ਰੜਕੇ, ਅੱਖ ਮੇਰੇ ਯਾਰ ਦੀ ਦੁਖੇ।
ਯੂਥ ਅਕਾਲੀ ਦਲ ਪੰਜਾਬ ਦਾ ਮੀਤ ਪ੍ਰਧਾਨ 52000 ਨਸ਼ੀਲੀਆਂ ਗੋਲ਼ੀਆਂ ਸਮੇਤ ਗ੍ਰਿਫ਼ਤਾਰ- ਇਕ ਖ਼ਬਰ
ਸੁਣ ਲੈ ਨਿਹਾਲੀਏ ਚੋਰਾਂ ਦੀਆਂ ਗੱਲਾਂ।
ਪੰਜਾਬ ਲਈ ਤਿੰਨ ਸਰਕਾਰਾਂ ਨਾਲ਼ ਲੜ ਰਿਹੈ ਅਕਾਲੀ ਦਲ- ਪ੍ਰਕਾਸ਼ ਸਿੰਘ ਬਾਦਲ
ਪੰਜਾਬ ਲਈ ਨਹੀਂ, ਖਾਨਦਾਨੀ ਕੁਰਸੀ ਲਈ ਲੜ ਰਿਹੈ ਬਾਦਲ ਸਾਬ।
ਬੇਅਦਬੀ ਦੇ ਦੋਸ਼ੀ ਫੜਨ ਦੀ ਕਾਂਗਰਸ ਦੀ ਮਨਸ਼ਾ ਨਹੀਂ- ਸੁਖਬੀਰ ਬਾਦਲ
ਤੇ ਤੁਹਾਡੀ ਸਰਕਾਰ ਨੇ ਕਿੰਨੇ ਕੁ ਫੜ ਲਏ ਸੀ!
ਚੱਪਲਾਂ ‘ਤੇ ਜੀ.ਐਸ.ਟੀ. 5 ਤੋਂ 12 ਫ਼ੀਸਦੀ ਕਰਨ ਦਾ ਵਪਾਰੀਆਂ ਵਲੋਂ ਵਿਰੋਧ-ਇਕ ਖ਼ਬਰ
ਸਰਕਾਰ ਕਹਿੰਦੀ ਐ ਕਿ ਨੰਗੇ ਪੈਰੀਂ ਤੁਰਨ ਨਾਲ਼ ਸਿਹਤ ਠੀਕ ਰਹਿੰਦੀ ਐ।
ਕਾਂਗਰਸ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦੇ ਮਸਲੇ ‘ਤੇ ਰਾਜਨੀਤੀ ਕੀਤੀ- ਸੁਖਬੀਰ
ਤੁਸੀਂ ਆਪ 2015 ਤੋਂ ਇਹੋ ਰਾਜਨੀਤੀ ਕਰਦੇ ਆ ਰਹੇ ਹੋ।
ਕਿਸਾਨਾਂ ਦੀ ਕਰਜ਼ਾ ਮੁਆਫ਼ੀ ਦਾ ਕੋਈ ਪ੍ਰਸਤਾਵ ਵਿਚਾਰ ਅਧੀਨ ਨਹੀਂ- ਕੇਂਦਰ ਸਰਕਾਰ
ਅਸਾਂ ਜੇਠ ਨੂੰ ਲੱਸੀ ਨਹੀਂ ਦੇਣੀ, ਦਿਉਰ ਭਾਵੇਂ ਦੁੱਧ ਪੀ ਲਵੇ।
ਭਾਜਪਾ ਲੇਬਰ ਕਾਰਡਾਂ ਦੇ ਬਹਾਨੇ ਭਾਜਪਾ ਦੀ ਮੈਂਬਰਸ਼ਿੱਪ ਫ਼ਾਰਮ ਭਰਵਾ ਰਹੀ ਹੈ-ਇਕ ਖ਼ਬਰ
ਦੇ ਕੇ ਵੰਙਾਂ ਦਾ ਹੋਕਾ, ਕੱਢ ਦਿਖਾਇਆ ਚੱਕੀਰਾਹਾ।
ਕਿਸਾਨਾਂ ਬਾਰੇ ਟਿੱਪਣੀ ਮਾਮਲੇ ‘ਚ ਕੰਗਨਾ ਮੁੰਬਈ ਪੁਲਿਸ ਅੱਗੇ ਪੇਸ਼- ਇਕ ਖ਼ਬਰ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪਕੇ।
‘ਜੇ ਕਰ ਮਜੀਠੀਆ ਬੇਕਸੂਰ ਹੈ ਤਾਂ ਫਿਰ ਕਿਉਂ ਲੁਕਦਾ ਫਿਰਦਾ ਹੈ?- ਸਿੱਧੂ
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।
"ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
27.12.2021
ਪਹਿਲਾਂ ਤੋਮਰ ਨੇ ਕਿਹਾ ਖੇਤੀ ਕਾਨੂੰਨ ਮੁੜ ਲਿਆਵਾਂਗੇ ਹੁਣ ਕਿਹਾ ਕਿ ਕੋਈ ਯੋਜਨਾ ਨਹੀਂ- ਤੋਮਰ
ਮਰ ਗਏ ਤੇ ਮੁੱਕਰ ਗਏ ਦਾ ਕੀ ਫੜ ਲੈਣਾ।
ਸੀ.ਐਮ.ਡੀ ਦਾ ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਹੀ ਸਿਫ਼ਾਰਸ਼ਾਂ ਆਉਣ ਲੱਗੀਆਂ- ਬਲਦੇਵ ਸਿੰਘ ਸਰਾਂ
ਪਿੰਡ ਪਏ ਨਹੀਂ ਉਚੱਕੇ ਪਹਿਲਾਂ ਹੀ ਆ ਟਪਕੇ।
ਕਾਂਗਰਸ ਹਾਈ ਕਮਾਨ ਦੇ ਫਾਰਮੂਲੇ ਨੇ ਦੋ-ਦੋ ਟਿਕਟਾਂ ਦੇ ਚਾਹਵਾਨਾਂ ਦੀ ਨੀਂਦ ਉਡਾਈ- ਇਕ ਖ਼ਬਰ
ਨਾਲ਼ੇ ਚੋਪੜੀਆਂ, ਨਾਲ਼ੇ ਦੋ ਦੋ।
ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨਾ ਇਕ ਇਤਿਹਾਸਕ ਫ਼ੈਸਲਾ- ਨਰਿੰਦਰ ਤੋਮਰ
ਸੁਨਹਿਰੀ ਅੱਖਰਾਂ ‘ਚ ਲਿਖਵਾਇਉ ਇਸ ਨੂੰ ਤੋਮਰ ਜੀ।
ਖੇਤੀ ਕਾਨੂੰਨਾਂ ਵਿਚਲੀ ਖ਼ਾਮੀ ਸਾਨੂੰ ਨਜ਼ਰ ਨਹੀਂ ਆਈ- ਕੇਂਦਰੀ ਮੰਤਰੀ ਸ਼ੇਖਾਵਤ
ਘੁਮਿਆਰੀ ਅਪਣਾ ਭਾਂਡਾ ਹੀ ਸਲਾਹੁੰਦੀ ਹੁੰਦੀ ਹੈ ਮੰਤਰੀ ਸਾਹਿਬ।
ਮਜੀਠੀਏ ਵਿਰੁੱਧ ਬਿਨਾਂ ਕਿਸੇ ਸਬੂਤ ਦਰਜ ਕੀਤਾ ਮੁਕੱਦਮਾ- ਕੈਪਟਨ
ਲਾਲੀ ਮੇਰੀਆਂ ਅੱਖਾਂ ਵਿਚ ਰੜਕੇ, ਅੱਖ ਮੇਰੇ ਯਾਰ ਦੀ ਦੁਖੇ।
ਯੂਥ ਅਕਾਲੀ ਦਲ ਪੰਜਾਬ ਦਾ ਮੀਤ ਪ੍ਰਧਾਨ 52000 ਨਸ਼ੀਲੀਆਂ ਗੋਲ਼ੀਆਂ ਸਮੇਤ ਗ੍ਰਿਫ਼ਤਾਰ- ਇਕ ਖ਼ਬਰ
ਸੁਣ ਲੈ ਨਿਹਾਲੀਏ ਚੋਰਾਂ ਦੀਆਂ ਗੱਲਾਂ।
ਪੰਜਾਬ ਲਈ ਤਿੰਨ ਸਰਕਾਰਾਂ ਨਾਲ਼ ਲੜ ਰਿਹੈ ਅਕਾਲੀ ਦਲ- ਪ੍ਰਕਾਸ਼ ਸਿੰਘ ਬਾਦਲ
ਪੰਜਾਬ ਲਈ ਨਹੀਂ, ਖਾਨਦਾਨੀ ਕੁਰਸੀ ਲਈ ਲੜ ਰਿਹੈ ਬਾਦਲ ਸਾਬ।
ਬੇਅਦਬੀ ਦੇ ਦੋਸ਼ੀ ਫੜਨ ਦੀ ਕਾਂਗਰਸ ਦੀ ਮਨਸ਼ਾ ਨਹੀਂ- ਸੁਖਬੀਰ ਬਾਦਲ
ਤੇ ਤੁਹਾਡੀ ਸਰਕਾਰ ਨੇ ਕਿੰਨੇ ਕੁ ਫੜ ਲਏ ਸੀ!
ਚੱਪਲਾਂ ‘ਤੇ ਜੀ.ਐਸ.ਟੀ. 5 ਤੋਂ 12 ਫ਼ੀਸਦੀ ਕਰਨ ਦਾ ਵਪਾਰੀਆਂ ਵਲੋਂ ਵਿਰੋਧ-ਇਕ ਖ਼ਬਰ
ਸਰਕਾਰ ਕਹਿੰਦੀ ਐ ਕਿ ਨੰਗੇ ਪੈਰੀਂ ਤੁਰਨ ਨਾਲ਼ ਸਿਹਤ ਠੀਕ ਰਹਿੰਦੀ ਐ।
ਕਾਂਗਰਸ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦੇ ਮਸਲੇ ‘ਤੇ ਰਾਜਨੀਤੀ ਕੀਤੀ- ਸੁਖਬੀਰ
ਤੁਸੀਂ ਆਪ 2015 ਤੋਂ ਇਹੋ ਰਾਜਨੀਤੀ ਕਰਦੇ ਆ ਰਹੇ ਹੋ।
ਕਿਸਾਨਾਂ ਦੀ ਕਰਜ਼ਾ ਮੁਆਫ਼ੀ ਦਾ ਕੋਈ ਪ੍ਰਸਤਾਵ ਵਿਚਾਰ ਅਧੀਨ ਨਹੀਂ- ਕੇਂਦਰ ਸਰਕਾਰ
ਅਸਾਂ ਜੇਠ ਨੂੰ ਲੱਸੀ ਨਹੀਂ ਦੇਣੀ, ਦਿਉਰ ਭਾਵੇਂ ਦੁੱਧ ਪੀ ਲਵੇ।
ਭਾਜਪਾ ਲੇਬਰ ਕਾਰਡਾਂ ਦੇ ਬਹਾਨੇ ਭਾਜਪਾ ਦੀ ਮੈਂਬਰਸ਼ਿੱਪ ਫ਼ਾਰਮ ਭਰਵਾ ਰਹੀ ਹੈ-ਇਕ ਖ਼ਬਰ
ਦੇ ਕੇ ਵੰਙਾਂ ਦਾ ਹੋਕਾ, ਕੱਢ ਦਿਖਾਇਆ ਚੱਕੀਰਾਹਾ।
ਕਿਸਾਨਾਂ ਬਾਰੇ ਟਿੱਪਣੀ ਮਾਮਲੇ ‘ਚ ਕੰਗਨਾ ਮੁੰਬਈ ਪੁਲਿਸ ਅੱਗੇ ਪੇਸ਼- ਇਕ ਖ਼ਬਰ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪਕੇ।
‘ਜੇ ਕਰ ਮਜੀਠੀਆ ਬੇਕਸੂਰ ਹੈ ਤਾਂ ਫਿਰ ਕਿਉਂ ਲੁਕਦਾ ਫਿਰਦਾ ਹੈ?- ਸਿੱਧੂ
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।
"ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
20 Dec. 2021
ਇਨਕਮ ਟੈਕਸ ਦੀ ਰੇਡ ਮਗਰੋਂ ਅਖਲੇਸ਼ ਨੇ ਕਿਹਾ, “ ਈ.ਡੀ.ਤੇ ਸੀ.ਬੀ.ਆਈ. ਵੀ ਆਉਣਗੀਆਂ-ਇਕ ਖ਼ਬਰ
ਇਬਤਦਾਏ ਇਸ਼ਕ ਹੈ ਰੋਤਾ ਹੈ ਕਿਆ, ਆਗੇ ਆਗੇ ਦੇਖੀਏ ਹੋਤਾ ਹੈ ਕਿਆ।
ਪੰਜਾਬ ਦੀ ਖੁਸ਼ਹਾਲੀ ਲਈ ਮੇਰੀ ਤੇ ਚੰਨੀ ਦੀ ਬਲਦਾਂ ਦੀ ਜੋੜੀ- ਸਿੱਧੂ
ਢੁੱਡਾਂ ਮਾਰਦੇ ਬੱਗਾ ਤੇ ਸਾਵਾ, ਜੱਟ ਨੂੰ ਫਾਲ਼ ਦੇਣਗੇ।
ਰਾਜਨੀਤੀ ਦਾ ਧਰਮ ‘ਤੇ ਭਾਰੂ ਪੈਣਾ ਮੰਦਭਾਗਾ- ਸੁਖਦੇਵ ਸਿੰਘ ਢੀਂਡਸਾ
ਅਜੇ ਕੱਲ੍ਹ ਤੱਕ ਤਾਂ ਤੁਸੀਂ ਵੀ ਇਸੇ ਚਿੱਕੜ ਵਿਚ ਤਾਰੀਆਂ ਲਾਉਂਦੇ ਸੀ।
ਅਕਾਲੀ –ਬਸਪਾ ਗੱਠਜੋੜ 1996 ਵਾਲ਼ਾ ਇਤਿਹਾਸ ਦੁਹਰਾਏਗਾ- ਪ੍ਰਕਾਸ਼ ਸਿੰਘ ਬਾਦਲ
ਫੇਰ ਤਾਂ ਬਸਪਾ ਵਾਲਿਉ ਆਪਣੇ ਆਪਣੇ ਬਿਸਤਰੇ ਬੰਨ੍ਹਣੇ ਸ਼ੁਰੂ ਕਰ ਲਉ।
ਪੰਜਾਬ ਕਾਂਗਰਸ ਵਿਚ ਮੁੜ ਵਧਣ ਲੱਗਿਆ ਟਕਰਾਅ- ਇਕ ਖ਼ਬਰ
ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।
ਪੰਜਾਬ ‘ਚ ਗੁੰਡਾ ਰਾਜ ਚੱਲ ਰਿਹੈ- ਸੁਖਬੀਰ ਬਾਦਲ
ਸ਼ੁਰੂ ਕੀਹਨੇ ਕੀਤਾ ਸੀ ਬਈ ਬਾਦਲ ਸਿਆਂ?
ਮੈਟਰੋਮੈਨ ਈ. ਸ਼੍ਰੀਧਰਨ ਨੇ ਭਾਜਪਾ ਨੂੰ ਅਲਵਿਦਾ ਕਹੀ- ਇਕ ਖ਼ਬਰ
ਆਹ ਲੈ ਚੁੱਕ ਫੜ ਮਿੱਤਰਾ, ਸਾਡੇ ਝਾਂਜਰਾਂ ਮੇਚ ਨਾ ਆਈਆਂ।
ਜਦੋਂ ਚੋਣਾਂ ਆਉਂਦੀਆਂ ਹਨ, ਕੇਜਰੀਵਾਲ਼ ਪੰਜਾਬ ‘ਚ ਆ ਟਪਕਦੇ ਹਨ- ਹਰਸਿਮਰਤ
ਕਿਉਂ ਬੀਬਾ ਜੀ, ਤੁਸੀਂ ਬੈਅ ਕਰਵਾਇਆ ਹੋਇਐ ਪੰਜਾਬ?
2022 ਦੀਆਂ ਚੋਣਾਂ ਜਿੱਤ ਕੇ ਭਾਜਪਾ ਪੰਜਾਬ ‘ਚ ਸਰਕਾਰ ਬਣਾਏਗੀ- ਸਿਰਸਾ
ਬੋਲਿਆ ਨੀ ਬੋਲਿਆ..........ਬੋਲਿਆ।
ਅਜੈ ਮਿਸ਼ਰਾ ਦੇ ਅਸਤੀਫ਼ੇ ਦੀ ਵਿਰੋਧੀ ਧਿਰ ਦੀ ਮੰਗ ਨੂੰ ਭਾਜਪਾ ਨੇ ਕੀਤਾ ਖ਼ਾਰਜ- ਇਕ ਖ਼ਬਰ
ਛੋਟਾ ਦਿਉਰ ਭਾਬੀਆਂ ਦਾ ਗਹਿਣਾ, ਰੰਨਾਂ ਵਿਚ ਮੇਲ੍ਹਦਾ ਫਿਰੇ।
ਪਛੜੇ ਲੋਕਾਂ ਨੂੰ ਸਮਰੱਥ ਬਣਾਉਣਾ ਸਰਕਾਰ ਦੀ ਤਰਜੀਹ- ਮੋਦੀ
ਬਸ ਲਗੇ ਰਹੋ ਮੋਦੀ ਸਾਹਿਬ ਸਮਰੱਥਾ ਤਾਂ ਸੰਭਾਲ਼ੀ ਨਹੀਂ ਜਾਣੀ ਲੋਕਾਂ ਤੋਂ!
ਕੈਪਟਨ ਭਾਜਪਾ ਆਗੂਆਂ ਨਾਲ਼ ਚਰਚਾ ਲਈ ਤਿੰਨ ਦਿਨ ਦੇ ਦੌਰੇ ‘ਤੇ ਦਿੱਲੀ ਪਹੁੰਚੇ- ਇਕ ਖ਼ਬਰ
ਮੇਰੀ ਬਾਂਹਿ ਨਾ ਛੋੜੀਂ ਜੀ, ਮੈਂ ਲੜ ਲਾਗੀ ਤੇਰੇ।
ਨਵਜੋਤ ਸਿੱਧੂ ਦੀ ਕੇਜਰੀਵਾਲ ਨੂੰ ਬਹਿਸ ਕਰਨ ਲਈ ਚੁਣੌਤੀ- ਇਕ ਖ਼ਬਰ
ਟੁੱਟ ਪੈਣੇ ਨੇ ਜਲੇਬੀ ਮਾਰੀ, ਅੱਖ ਵਿਚ ਤੇਲ ਪੈ ਗਿਆ।
ਕਿਸਾਨਾਂ ਨੂੰ ਖੇਤੀ ਕਾਨੂੰਨਾਂ ਦੇ ਫ਼ਾਇਦੇ ਦੱਸਣੇ ਜਾਰੀ ਰੱਖਣਗੇ ਭਾਜਪਾ ਵਰਕਰ- ਤੋਮਰ
ਯਾਨੀ ਕਿ ਰੱਸੀ ਸੜ ਗਈ ਪਰ ਵੱਟ ਨਹੀਂ ਗਿਆ।
ਲੋਕਾਂ ਨੂੰ ਅੱਖਰ ਗਿਆਨ ਦੇਣਾ ਪੜ੍ਹੇ-ਲਿਖੇ ਨੌਜੁਆਨਾਂ ਦੀ ਜ਼ਿੰਮੇਵਾਰੀ- ਉੱਪ ਰਾਸ਼ਟਰਪਤੀ
ਤੇ ਤੁਸੀਂ ਹਰ ਸਾਲ ਸਿੱਖਿਆ ਦਾ ਬਜਟ ਘਟਾਈ ਜਾਉ।
"ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
12.12.2021
ਭਾਜਪਾ ਨਾਲ ਗੱਠਜੋੜ ਅਕਾਲੀ ਦਲ (ਸੰਯੁਕਤ) ਵਿਚ ਨਾ ਬਣੀ ਸਹਿਮਤੀ- ਇਕ ਖ਼ਬਰ
ਛੜੇ ਬੈਠ ਕੇ ਸਲਾਹਾਂ ਕਰਦੇ, ਰੱਬਾ ਹੁਣ ਕੀ ਕਰੀਏ।
ਕਿਸਾਨਾਂ ਖ਼ਿਲਾਫ਼ ਕੇਸ ਵਾਪਸ ਲੈਣੇ ਰਾਜਾਂ ਦਾ ਵਿਸ਼ਾ ਹੈ- ਤੋਮਰ
ਖੇਤੀ-ਬਾੜੀ ਵੀ ਤਾਂ ਰਾਜਾਂ ਦਾ ਵਿਸ਼ਾ ਸੀ, ਉੱਥੇ ਕਿਉਂ ਟੰਗ ਅੜਾਈ ਸੀ ਤੋਮਰ ਸਾਬ?
ਭਾਜਪਾ ਨੇ ਹੁਣ ਕ੍ਰਿਸ਼ਨ ਜਨਮ ਭੂਮੀ ਦਾ ਮੁੱਦਾ ਉਠਾਇਆ- ਇਕ ਖ਼ਬਰ
ਬਈ ਅਗਲੀਆਂ ਚੋਣਾਂ ਵਿਚ ਕੋਈ ਮੁੱਦਾ ਵੀ ਤਾਂ ਹੋਣਾ ਚਾਹੀਦਾ ਵੋਟਾਂ ਲੈਣ ਲਈ।
ਸੁੱਚਾ ਸਿੰਘ ਛੋਟੇਪੁਰ ਅਕਾਲੀ ਦਲ ਬਾਦਲ ‘ਚ ਹੋਏ ਸ਼ਾਮਲ- ਇਕ ਖ਼ਬਰ
ਰੁੱਖਾਂ, ਪੌਣ, ਪਰਿੰਦਿਆਂ ਡਿੱਠੀ, ਜੋ ਨਾਲ਼ ਯੂਸਫ਼ ਦੇ ਬੀਤੀ।
ਮੋਦੀ ਸਰਕਾਰ ਦਾ ਹੰਕਾਰ ਹਾਰ ਗਿਆ ਤੇ ਲੋਕਤੰਤਰ ਦੀ ਜਿੱਤ ਹੋਈ- ਕਾਂਗਰਸ
ਤੀਲੀ ਵਾਲ਼ੀ ਖਾਲ ਟੱਪ ਗਈ, ਲੌਂਗ ਵਾਲ਼ੀ ਨੇ ਭੰਨਾ ਲਏ ਗੋਡੇ।
ਵਿਕਾਸ ਕਾਰਜਾਂ ਲਈ ਫੰਡਾਂ ਦੀ ਕੋਈ ਕਮੀ ਨਹੀਂ- ਚੰਨੀ
ਪੱਲੇ ਨਹੀਂ ਧੇਲਾ, ਕਰਦੀ ਮੇਲਾ ਮੇਲਾ।
ਸ਼ਹੀਦ ਕਿਸਾਨਾਂ ਨੂੰ ਸੰਸਦ ਸ਼ਰਧਾਂਜਲੀ ਦੇਵੇ- ਹਰਸਿਮਰਤ ਬਾਦ
ਲਹੂ ਲਗਾ ਕੇ ਚੀਚੀ ਨੂੰ, ਮੈਂ ਵੀ ਸ਼ਹੀਦ ਹੋ ਜਾਵਾਂ।
ਕੰਗਣਾ ਰਣੌਤ ਨੇ ਦਿੱਲੀ ਵਿਧਾਨ ਸਭਾ ਕਮੇਟੀ ਸਾਹਮਣੇ ਪੇਸ਼ ਹੋਣ ਲਈ ਹੋਰ ਸਮਾਂ ਮੰਗਿਆ- ਇਕ ਖ਼ਬਰ
ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।
ਸਰਕਾਰ ਆਉਣ ‘ਤੇ ਸਿੱਖਿਆ ਤੇ ਸਿਹਤ ਵਿਚ ਵੱਡੇ ਕਾਰਜ ਕਰਾਂਗੇ-ਸੁਖਬੀਰ ਬਾਦਲ
ਯਾਨੀ ਕਿ ਹੁਣ ਆਟੇ ਦਾਲ਼ ਨਾਲ਼ ਆਲੂ ਖੁਆ ਖੁਆ ਕੇ ਲੋਕਾਂ ਨੂੰ ਮੋਟੇ ਕਰਾਂਗੇ।
ਵੋਟਾਂ ਬਟੋਰਨ ਲਈ ਭਾਜਪਾ ਗਾਇਕਾਂ ਦਾ ਸਹਾਰਾ ਲੈ ਰਹੀ ਹੈ- ਇਕ ਖ਼ਬਰ
ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਦੀ ਨੀਤ ਬੁਰੀ।
ਕੈਪਟਨ ਦੇ ਦਫ਼ਤਰ ਦੇ ਉਦਘਾਟਨ ਸਮੇਂ 7 ਮੋਬਾਈਲ ਫੂਨ ਚੋਰੀ- ਇਕ ਖ਼ਬਰ
ਚੋਰਾਂ ਨੂੰ ਮੋਰ।
ਅਕਾਲੀ-ਬਸਪਾ ਸਰਕਾਰ ਬਣਨ ‘ਤੇ ਟਿਊਬਵੈੱਲਾਂ ਦੇ ਕੁਨੈਕਸ਼ਨ ਦੇਵਾਂਗੇ- ਸੁਖਬੀਰ ਬਾਦਲ
ਯਾਨੀ ਕਿ ਪੰਜਾਬ ਵਿਚ ਪਾਣੀ ਦੀ ਇਕ ਤਿੱਪ ਵੀ ਰਹਿਣ ਨਹੀਂ ਦੇਣੀ।
ਅਕਾਲੀ, ਕਾਂਗਰਸੀ ਤੇ ਬਸਪਾ ਆਗੂ ਭਾਜਪਾ ‘ਚ ਸ਼ਾਮਲ- ਅਸ਼ਵਨੀ ਕੁਮਾਰ
ਵਾਰਸ ਸ਼ਾਹ ਮੀਆਂ ਚੰਦ ਰੋਜ਼ ਅੰਦਰ, ਖੇੜੇ ਮੇਲ ਕੇ ਜੰਞ ਲੈ ਆਂਵਦੇ ਨੇ।
ਮੇਰੇ ਵਾਂਗ ਪੰਜਾਬ ਦੀ ਮੌਜੂਦਾ ਸਰਕਾਰ ਵੀ ਅਪਣੇ ਵਾਅਦੇ ਪੂਰੇ ਕਰੇ-ਕੈਪਟਨ ਅਮਰਿੰਦਰ
ਮੂੰਹ ਉਂਗਲਾਂ ਘੱਤ ਕੇ ਕਹਿਣ ਸੱਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।
ਪਹਿਲਾਂ ਮੰਗਾਂ ਪੂਰੀਆਂ ਹੋਣ ਫਿਰ ਮੋਰਚੇ ਹਟਾਵਾਂਗੇ- ਸੰਯੁਕਤ ਕਿਸਾਨ ਮੋਰਚਾ
ਵਿਹੜੇ ਖੇੜਿਆਂ ਦੇ ਤਿਲਕਣਬਾਜ਼ੀਆਂ ਨੇ, ਜ਼ਰਾ ਸੋਚ ਕੇ ਕਦਮ ਟਿਕਾਵਣਾ ਈ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
06 Dec. 2021
ਕੈਪਟਨ ਅਮਰਿੰਦਰ ਸਿੰਘ ਨੇ ਹਰਿਆਣੇ ਦੇ ਮੁੱਖ ਮੰਤਰੀ ਨਾਲ ਕੀਤੀ ਮੁਲਾਕਾਤ-ਇਕ ਖ਼ਬਰ
ਵੇ ਘਰ ਤੇਲਣ ਦੇ, ਤੇਰਾ ਚਾਦਰਾ ਖੜਕੇ।
ਪੰਜਾਬ ਰਾਜਨੀਤੀ: ਆਪਣੇ ਹੀ ਆਪਣਿਆਂ ਨੂੰ ਹੇਠਾਂ ਲਗਾਉਣ ਲੱਗੇ- ਇਕ ਖ਼ਬਰ
ਇਸ ਘਰ ਕੋ ਆਗ ਲਗ ਗਈ ਘਰ ਕੇ ਚਿਰਾਗ਼ ਸੇ।
ਵਿਜੀਲੈਂਸ ਜਾਂਚ ਕਰਵਾ ਕੇ ਦਸ ਹਜ਼ਾਰ ਕਾਂਗਰਸੀਆਂ ਨੂੰ ਜੇਲ੍ਹ ਭੇਜਾਂਗੇ-ਸੁਖਬੀਰ ਬਾਦਲ
ਹੁਣ ਤੁਸੀਂ ਰੇਡੀਉ ਗੱਪਿਸਤਾਨ ਤੋਂ ਤਾਜ਼ੀਆਂ ਤਾਜ਼ੀਆਂ ਗੱਪਾਂ ਸੁਣੋ।
ਆਉਣ ਵਾਲ਼ੀਆਂ ਚੋਣਾਂ ਵਿਚ ਮੈਂ ਮੁੱਖ ਮੰਤਰੀ ਦਾ ਚਿਹਰਾ ਨਹੀਂ ਹਾਂ- ਕੈਪਟਨ
ਦਾਖੇ ਹੱਥ ਨਾ ਅੱਪੜੇ, ਆਖੇ ਥੂ ਕੌੜੀ।
ਕੇਜਰੀਵਾਲ ਦੇ ਧੋਖੇ ਤੇ ਝੂਠ ਤੋਂ ਸੁਚੇਤ ਰਹਿਣ ਪੰਜਾਬੀ- ਮਨਜਿੰਦਰ ਸਿਰਸਾ
ਛੱਜ ਤਾਂ ਬੋਲੇ ਏਥੇ ਛਾਨਣੀ ਹੀ ਸਲਾਹਾਂ ਦੇਈ ਜਾਂਦੀ ਐ।
ਕੈਪਟਨ ਨਾਲ਼ ਹੁਣ ਗ਼ਿਲੇ ਸ਼ਿਕਵੇ ਦੂਰ ਹੋ ਗਏ ਹਨ- ਖੱਟਰ
ਉਂਜ ਵੇਖਣ ਨੂੰ ਅਸੀਂ ਦੋ, ਤੇਰੀ ਮੇਰੀ ਇਕ ਜਿੰਦੜੀ।
ਚੰਨੀ ਸਰਕਾਰ ਨੇ ਵਿਧਾਇਕ ਦਾ ਕਾਕਾ ਲਾਇਆ ਅਫ਼ਸਰ-ਇਕ ਖ਼ਬਰ
ਅੰਨਾਂ ਵੰਡੇ ਰਿਉੜੀਆਂ.................................
ਅਕਾਲੀ ਦਲ ਦੀ ਭਾਸ਼ਾ ਨਾ ਬੋਲਣ ਜਥੇਦਾਰ- ਪਰਮਜੀਤ ਸਿੰਘ ਸਰਨਾ
ਸਰਨਾ ਸਾਹਿਬ, “ ਜਿਸ ਦੀ ਖਾਈਏ ਦਾਲ-ਭਾਤ, ਉਸ ਦੀ ਕਰੀਏ ਬਾਤ”
ਸ਼੍ਰੋਮਣੀ ਕਮੇਟੀ ਦੇ ਕੰਮਾਂ ਦੀ ਨਿਗਰਾਨੀ ਲਈ ਬਣਨਗੀਆਂ ਸਬ-ਕਮੇਟੀਆਂ- ਇਕ ਖ਼ਬਰ
ਕਮੇਟੀਆਂ ਬਣਾ ਲਉ, ਜੋ ਮਰਜ਼ੀ ਕਰ ਲਉ, ਆਰਡਰ ਤਾਂ ਚੰਡੀਗੜ੍ਹੋਂ ਹੀ ਆਉਣੇ ਨੇ।
ਬੰਗਲਾ ਸਾਹਿਬ ਮੱਥਾ ਟੇਕਣ ਜਾਂਦੇ ਨਿਹੰਗ ਸਿੰਘਾਂ ਨੂੰ ਦਿੱਲੀ ਪੁਲਿਸ ਨੇ ਰੋਕਿਆ-ਇਕ ਖ਼ਬਰ
ਨਹਿਰੂ ਵਲੋਂ ਸਿੱਖਾਂ ਨੂੰ ਦਿਤਾ ਹੋਇਆ ਨਿੱਘ ਮਾਣੋ।
ਸਿਰਸਾ ਨੂੰ ਬੰਦੂਕ ਨਾਲ਼ ਡਰਾ ਕੇ ਭਾਜਪਾ ‘ਚ ਸ਼ਾਮਲ ਕੀਤਾ- ਸੁਖਬੀਰ ਬਾਦਲ
ਸ਼ਾਇਦ ਭਾਜਪਾ ਵਾਲ਼ੇ ਬੰਦੂਕ ਵੀ ਸੁਖਬੀਰ ਬਾਦਲ ਪਾਸੋਂ ਹੀ ਲੈ ਕੇ ਗਏ ਹਨ।
ਕਿਸਾਨਾਂ ਦੀ ਆਮਦਨ ਲਗਾਤਾਰ ਵਧ ਰਹੀ ਹੈ-ਤੋਮਰ
ਸਬੂਤ ਹਾਜ਼ਰ ਹੈ: ਮਹਾਂਰਾਸ਼ਟਰ ‘ਚ 11 ਕੁਇੰਟਲ ਪਿਆਜ਼ ਵੇਚ ਕੇ ਕਿਸਾਨ ਨੂੰ ਬਚੇ 13 ਰੁਪਏ।
ਭਾਜਪਾ ਨਾਲ਼ ਸ਼ਰਤਾਂ ਤਹਿਤ ਗੱਠਜੋੜ ਕਰਾਂਗੇ- ਸੁਖਦੇਵ ਸਿੰਘ ਢੀਂਡਸਾ
ਪੈਰੀਂ ਝਾਂਜਰਾਂ ਗਲੀ ਦੇ ਵਿਚ ਗਾਰਾ, ਘਰ ਤੇਰਾ ਦੂਰ ਮਿਤਰਾ।
ਚੰਨੀ, ਸਿੱਧੂ ਤੇ ਰੰਧਾਵਾ ਨੇ ਮੇਰੀ ਪਿੱਠ ਵਿਚ ਛੁਰਾ ਮਾਰਿਆ- ਕੈਪਟਨ ਅਮਰਿੰਦਰ ਸਿੰਘ
ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲਾ ਤਿਲਕ ਪਿਆ।
ਪੰਜਾਬ ਵਿਚ ਦਲ ਬਦਲੀ ਕਰਵਾਉਣ ਲਈ ਸ਼ਾਹ-ਮੋਦੀ ਜੋੜੀ ਸਰਗਰਮ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
30 Nov. 2021
400 ਸਾਲ ਤੋਂ ਪਟਿਆਲਾ ਸਾਡੇ ਨਾਲ਼ ਰਿਹੈ, ਮੈਂ ਪਟਿਆਲ਼ੇ ਤੋਂ ਹੀ ਚੋਣ ਲੜਾਂਗਾ- ਕੈਪਟਨ
ਪਟਾਕਾ ਪੈ ਗਿਆ ਪਟਿਆਲ਼ੇ, ਤੇਰੇ ਮੇਅਰ ਨੂੰ ਕੱਢ ਕੇ ਲਾ ‘ਤੇ ਤਾਲ਼ੇ।
ਵਿਧਾਨ ਸਭਾ ਚੋਣਾਂ ਨਾ ਹੁੰਦੀਆਂ ਤਾਂ ਖੇਤੀ ਕਾਨੂੰਨ ਵਾਪਸ ਨਾ ਹੁੰਦੇ- ਸ਼ਰਦ ਪਵਾਰ
ਮਰਦੀ ਨੇ ਅੱਕ ਚੱਬਿਆ, ਹਾਰ ਕੇ ਜੇਠ ਨਾਲ਼ ਲਾਈਆਂ।
ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਪੰਜਾਬ ਹਿਤੈਸ਼ੀ ਨਹੀਂ- ਪ੍ਰਕਾਸ਼ ਸਿੰਘ ਬਾਦਲ
ਨੌਂ ਸੌ ਚੂਹਾ ਕੇ ਬਿੱਲੀ ਹੱਜ ਨੂੰ ਚੱਲੀ।
ਬੇਜ਼ਮੀਨੇ ਕਿਸਾਨਾਂ ਤੇ ਮਜ਼ਦੂਰਾਂ ਨੂੰ ਕਰਜ਼ਾ ਮੁਆਫ਼ੀ ਦੀ ਰਕਮ ਤੁਰਤ ਦੇਵੇ ਸਰਕਾਰ- ਪ੍ਰਮਿੰਦਰ ਢੀਂਡਸਾ
ਕੀ ਗੱਲ ਤੁਹਾਡੇ ਵੇਲੇ ਖ਼ਜ਼ਾਨੇ ਦੀਆਂ ਚਾਬੀਆਂ ਗੁਆਚੀਆਂ ਹੋਈਆਂ ਸੀ!
ਸੁਖਬੀਰ ਬਾਦਲ ਨੇ ਪਾਰਟੀ ਦੀ ਸੀਨੀਅਰ ਲੀਡਰਸ਼ਿੱਪ ਨਾਲ਼ ਦਿਤੀ ਗ੍ਰਿਫ਼ਤਾਰੀ- ਇਕ ਖ਼ਬਰ
ਸੁਖਬੀਰ ਸਿਆਂ ਇਹ ਧਰਨੇ ਧੁਰਨੇ ਵਿਹਲੇ ਬੰਦਿਆਂ ਦੇ ਕੰਮ ਹੁੰਦੇ ਆ, ਛੱਡ ਪੁਠੇ ਕੰਮ।
ਰਾਮੂਵਾਲੀਆ ਨੇ ‘ਲੋਕ ਭਲਾਈ ਪਾਰਟੀ’ ਮੁੜ ਸੁਰਜੀਤ ਕੀਤੀ- ਇਕ ਖ਼ਬਰ
ਬੇਹੀ ਕੜ੍ਹੀ ਵਿਚ ਉਬਾਲ਼।
ਸੂਬਿਆਂ ਦੇ ਅਧਿਕਾਰ ਖੇਤਰ ’ਚ ਵਧ ਰਹੀ ਦਖ਼ਲਅੰਦਾਜ਼ੀ ਪੁਆੜੇ ਦੀ ਜੜ੍ਹ- ਚੰਦੂਮਾਜਰਾ
ਜਦੋਂ ਬੀ. ਜੇ. ਪੀ. ਨਾਲ਼ ਨਜ਼ਾਰੇ ਲੈਂਦੇ ਸੀ ਉਦੋਂ ਦਖ਼ਲਅੰਦਾਜ਼ੀ ਨਹੀਂ ਦਿਸੀ ਤੁਹਾਨੂੰ।
ਕਸ਼ਮੀਰ ਰੱਖਣਾ ਚਾਹੁੰਦੇ ਹੋ ਤਾਂ ਧਾਰਾ 370 ਬਹਾਲ ਕਰੋ ਤੇ ਕਸ਼ਮੀਰ ਮਸਲਾ ਹੱਲ ਕਰੋ- ਮਹਿਬੂਬਾ ਮੁਫ਼ਤੀ
ਵੇ ਲੈ ਦੇ ਮੈਨੂੰ ਮਖ਼ਮਲ ਦੀ ,ਪੱਖੀ ਘੁੰਗਰੂਆਂ ਵਾਲ਼ੀ।
ਮੁੱਖ ਮੰਤਰੀ ਖੱਟਰ ਨੇ ਨਰਿੰਦਰ ਮੋਦੀ ਨਾਲ ਕੀਤੀ ਮੁਲਾਕਾਤ- ਇਕ ਖ਼ਬਰ
ਛੜੇ ਬੈਠ ਕੇ ਸਲਾਹਾਂ ਕਰਦੇ, ਕੌਣ ਕੌਣ ਹੋਈਆਂ ਰੰਡੀਆਂ।
ਪੰਜਾਬ ਵਿਰੁੱਧ ਕੀਤੇ ਗਏ ਗੁਨਾਹਾਂ ਦੀ ਕੀਮਤ ਬਾਦਲਾਂ ਨੂੰ ਜ਼ਰੂਰ ਚੁਕਾਉਣੀ ਪਵੇਗੀ- ਚੰਨੀ
ਜਦੋਂ ਕੱਢ ਕੇ ਵਹੀ ਲੇਖਾ ਮੰਗਿਆ, ਫਿਰ ਕੀ ਜਵਾਬ ਦੇਵੇਂਗਾ।
ਮਿੱਤਰਾਂ ਨੇ ਹੋਰ ਮਚਾਉਣੇ, ਜਿਹੜੇ ਸਾਥੋਂ ਮਚਦੇ ਆ- ਕੈਪਟਨ ਅਮਰਿੰਦਰ ਸਿੰਘ
ਪਿੱਪਲ ਦਿਆ ਪੱਤਿਆ ਵੇ, ਕੇਹੀ ਖੜ ਖੜ ਲਾਈ ਆ...............
ਸ਼ਰਾਬ, ਰੇਤਾ ਅਤੇ ਕੇਬਲ ਮਾਫ਼ੀਆ ‘ਤੇ ਸਖ਼ਤੀ ਦਾ ਅਸਰ ਕਿਉਂ ਨਹੀਂ ਹੋ ਰਿਹਾ-ਇਕ ਸਵਾਲ
ਕਿਹੜੀ ਸਖ਼ਤੀ ਬਈ? ਕਾਂ ਟੰਗੋ ਦੋ ਚਾਰ, ਦੇਖੋ ਫੇਰ ਅਸਰ ਹੁੰਦਾ।
ਪ੍ਰਦੂਸ਼ਣ ਫ਼ੈਲਾ ਕੇ ਦੁਨੀਆਂ ਨੂੰ ਕੀ ਸੁਨੇਹਾ ਦੇ ਰਹੇ ਹਾਂ ਅਸ਼ੀਂ- ਸੁਪਰੀਮ ਕੋਰਟ
ਕਿ ਅਸੀਂ ਸਵੱਛ ਭਾਰਤ ਅਭਿਆਨ ਚਲਾ ਰਹੇ ਹਾਂ।
ਉਤਰਾਖੰਡ ਤੇ ਯੂ.ਪੀ. ਵਿਚ ਭਾਜਪਾ ਲਈ ਪ੍ਰਚਾਰ ਕਰਾਂਗਾ-ਕੈਪਟਨ ਅਮਰਿੰਦਰ ਸਿੰਘ
ਛਪੜੀ ‘ਚ ਡੁੱਬ ਮਰਿਆ, ਮੁੰਡਾ ਚਹੁੰ ਪੱਤਣਾਂ ਦਾ ਤਾਰੂ।
ਕਿਸੇ ਵੀ ਕੀਮਤ ‘ਤੇ ਹੁਣ ਭਾਜਪਾ ਅਤੇ ਅਕਾਲੀ ਦਲ ਵਿਚਾਲੇ ਸਮਝੌਤਾ ਨਹੀਂ ਹੋਵੇਗਾ-ਹਰਜੀਤ ਗਰੇਵਾਲ
ਹੁਣ ਤੇਰੀ ਸਾਡੀ ਬਸ ਵੇ, ਦੱਸ ਕਿੱਥੇ ਗਿਆ ਸੈਂ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
21 Nov. 2021
ਕਾਂਗਰਸੀਆਂ ਨੇ ਨਾਕਾਮੀਆਂ ਦਾ ਠੀਕਰਾ ਕੈਪਟਨ ਸਿਰ ਭੰਨਣ ਲਈ ਚੰਨੀ ਨੂੰ ਸੀ.ਐਮ. ਬਣਾਇਆ- ਸੁਖਬੀਰ
ਤੈਨੂੰ ਤਾਪ ਚੜ੍ਹੇ, ਮੈਂ ਹੂੰਗਾਂ।
ਕਾਂਗਰਸ ਵਿਚ ਹੁਣ ਵਾਪਸੀ ਦਾ ਸਵਾਲ ਹੀ ਨਹੀਂ – ਕੈਪਟਨ ਅਮਰਿੰਦਰ ਸਿੰਘ
ਲੈ ਚਲ ਵੇ ਮਿੱਤਰਾ, ਮੈਂ ਨਾ ਨਾਨਕੇ ਰਹਿੰਦੀ।
ਕਿਸਾਨਾਂ ਨੂੰ ਵਧਾਈ ਜੋ ਭਾਜਪਾ ਦੇ ਜ਼ੁਲਮ ਅੱਗੇ ਨਾ ਥਿੜਕੇ- ਮਮਤਾ ਬੈਨਰਜੀ
ਵੀਰ ਮੇਰੇ ਸਭ ਸਿਦਕੀ ਸੂਰੇ, ਜੰਗ ਵਿਚ ਧੁੰਮਾਂ ਪਾਉਂਦੇ।
ਖੇਤੀ ਕਾਨੂੰਨ ਥੋਪਣ ਲਈ ਭਾਜਪਾ, ਬਾਦਲ ਅਤੇ ਕੈਪਟਨ ਬਰਾਬਰ ਦੇ ਜ਼ਿੰਮੇਵਾਰ- ਹਰਪਾਲ ਚੀਮਾ
ਕਲਜੋਗਣ ਤਿਕੜੀ ਨੇ, ਦੁਸ਼ਮਣ ਨਾਲ਼ ਨਿਭਾਈ।
ਕੈਪਟਨ ਦੀ ਭਾਜਪਾ ਨਾਲ਼ ਮਿਲੇ ਹੋਏ ਹੋਣ ਦੀ ਗੱਲ ਹੋਈ ਜੱਗ ਜ਼ਾਹਰ- ਬੀਬੀ ਭੱਠਲ
ਤੇਰੇ ਛੱਲੇ ਨੇ ਪੁਆੜੇ ਪਾਏ, ਲਿਆ ਭਾਬੀ ਨੇ ਪਛਾਣ ਮਿੱਤਰਾ।
ਖੱਟਰ ਵਲੋਂ ਕਿਸਾਨਾਂ ਨੂੰ ਅੰਦੋਲਨ ਖ਼ਤਮ ਕਰਨ ਦੀ ਅਪੀਲ- ਖੱਟਰ
ਮੂੰਹ ਉਂਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।
ਸ਼ਾਂਤਮਈ ਅੰਦੋਲਨ ਨੇ ਇਕ ਨਵੀਂ ਮਿਸਾਲ ਕਾਇਮ ਕੀਤੀ- ਕੇਂਦਰੀ ਲੇਖਕ ਸਭਾ
ਸੁੱਚਿਆਂ ਰੁਮਾਲਾਂ ਨੂੰ, ਲਾ ਦੇ ਧੰਨ ਕੁਰੇ ਗੋਟਾ।
ਪੰਜਾਬੀ ਜ਼ੁਬਾਨ ਦੇ ਮੁੜ ਸੁਨਹਿਰੀ ਦਿਨ ਪਰਤਣ ਦੀ ਆਸ ਬੱਝੀ- ਇਕ ਖ਼ਬਰ
ਆਓ ਨੀਂ ਸਈਓ ਰਲ਼ ਵੇਖਣ ਚਲੀਏ, ਰਾਂਝੇ ਖੂਹਾ ਲਵਾਇਆ ਈ।
ਸਿੱਧੂ ਅਤੇ ਚੰਨੀ ਦਾ ਮੇਲ-ਮਿਲਾਪ ਮਜਬੂਰੀ ਹੈ ਪਰ ਦਿਲ ਨਹੀਂ ਮਿਲਦੇ- ਰਵਨੀਤ ਬਿੱਟੂ
ਧਾੜ ਪਵੇ ਉਨ੍ਹਾਂ ਵਿਚੋਲਿਆਂ ਨੂੰ, ਊਠ ਬੱਕਰੀ ਦਾ ਨਰੜ ਕਰਾ ਦਿੰਦੇ।
ਕਾਂਗਰਸ ਟਿਕਟ ਲਈ ਜਿੱਤਣ ਦੀ ਸਮਰੱਥਾ ਅਤੇ ਮੈਰਿਟ ਮੁੱਖ ਸ਼ਰਤ ਹੋਵੇਗੀ- ਸਿੱਧੂ
ਬੂਹੇ ਆਣ ਲੱਥੀ ਜੰਞ ਖੇੜਿਆਂ ਦੀ, ਅੰਦਰ ਹੀਰ ਦੀਆਂ ਹੋਣ ਤਿਆਰੀਆਂ ਜੀ।
ਲੋਕਾਂ ਨੂੰ ਅਜੇ ਵੀ ਮਿਲ ਰਹੀ ਹੈ ਕਈ ਗੁਣਾਂ ਮਹਿੰਗੀ ਰੇਤ- ਇਕ ਖ਼ਬਰ
ਮੂੰਹ ਚੁੰਮਾਂ, ਟੁੱਕ ਨਾ ਦੇਵਾਂ, ਖਾਵੋ ਪੁੱਤ ਬਥੇਰੀਆਂ।
ਪੰਜਾਬ ਨੇ ਦੇਸ਼ ਦੇ ਇਤਿਹਾਸ ਵਿਚ ਹਮੇਸ਼ਾ ਅਹਿਮ ਭੂਮਿਕਾ ਨਿਭਾਈ- ਰਾਸ਼ਟਰਪਤੀ
ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ, ਉਹੀਓ ਮੇਰਾ ਵੀਰ ਕੁੜੀਓ।
ਟੀ.ਵੀ. ‘ਤੇ ਬਹਿਸਾਂ ਵਧੇਰੇ ਪ੍ਰਦੂਸ਼ਣ ਫ਼ੈਲਾ ਰਹੀਆਂ ਨੇ- ਸੁਪਰੀਮ ਕੋਰਟ
ਹਰ ਪਾਸੇ ਚੁਆਤੀ ਲਾਉਂਦੇ ਨੇ, ਸਾਡੇ ਲਹੂ ਦੇ ਵਿਚ ਨਹਾਉਂਦੇ ਨੇ।
ਐਮ.ਪੀ. ਪ੍ਰਨੀਤ ਕੌਰ ਦੀ ਚੰਨੀ ਨਾਲ ਮੁਲਾਕਾਤ ਨੇ ਨਵੇਂ ਚਰਚੇ ਛੇੜੇ- ਇਕ ਖ਼ਬਰ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।
ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਦੀ ਚੋਣ ਲਈ ਜੋੜ-ਤੋੜ ਸ਼ੁਰੂ- ਇਕ ਖ਼ਬਰ
ਜੋੜਾਂ ਤੋੜਾਂ ਨੇ ਉੱਥੇ ਕੀ ਕਰਨਾ, ਜਿੱਥੇ ਚੱਲਣਾਂ ਲਿਫ਼ਾਫ਼ੇ ਦਾ ਜ਼ੋਰ ਮੀਆਂ।
ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਮੀਰੀ-ਪੀਰੀ ਸਿਧਾਂਤ ਨੂੰ ਬਚਾਉਣ ਦਾ ਸੱਦਾ-ਇਕ ਖ਼ਬਰ
ਹੁਣ ਮਿਹਰ ਮੁਹੱਬਤਾਂ ਲੋੜਨਾਂ ਏਂ, ਸਾਡੇ ਸੀਨੇ ‘ਚ ਮਾਰ ਕੇ ਕਟਾਰ ਬੰਦਿਆ।
ਪੰਜ ਸਿਤਾਰਾ ਹੋਟਲਾਂ ‘ਚ ਬੈਠ ਕੇ ਕਿਸਾਨਾਂ ਨੂੰ ਦੋਸ਼ ਦੇਣਾ ਆਸਾਨ- ਸੁਪਰੀਮ ਕੋਰਟ
ਨੀ ਚਰਖ਼ਾ ਬੋਲ ਪਿਆ, ਹਰ ਗੱਲ ਨਾਲ਼ ਭਰਦਾ ਹੁੰਗਾਰੇ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
14 Oct. 2021
ਬਹਿਬਲ ਕਲਾਂ ਗੋਲੀਕਾਂਡ: ਐਸ.ਪੀ. ਵਿਕਰਮਜੀਤ ਸਿੰਘ ਦੀ ਬਹਾਲੀ ਦੇ ਹੁਕਮ ਕੈਪਟਨ ਨੇ ਦਿਤੇ-ਰੰਧਾਵਾ
ਕੀ ਲਗਦੇ ਸੰਤੀਏ ਤੇਰੇ, ਜਿਨ੍ਹਾਂ ਨੂੰ ਰਾਤੀਂ ਖੰਡ ਪਾਈ ਸੀ।
ਪਟਿਆਲਾ ‘ਚ ਕਾਂਗਰਸ ਨੇ ਲਿਆ ਅਮਰਿੰਦਰ ਦੀ ਹਾਰ ਯਕੀਨੀ ਬਣਾਉਣ ਦਾ ਅਹਿਦ- ਇਕ ਖ਼ਬਰ
ਤੇਰੀ ਤੋੜ ਕੇ ਛੱਡਣਗੇ ਗਾਨੀ, ਨੀਂ ਸੋਨੇ ਦੇ ਤਵੀਤ ਵਾਲ਼ੀਏ।
ਸੁਖਬੀਰ ਬਾਦਲ ਨੂੰ ਫਸਾਉਣ ਲਈ ਕਾਂਗਰਸ ਸਰਕਾਰ ਨੇ ਸਾਜ਼ਿਸ਼ ਘੜੀ- ਚੰਦੂਮਾਜਰਾ
ਹੁੰਦਾ ਰੱਬ ਨਹੀਂ ਕਿਸੇ ਦਾ ਵੈਰੀ, ਵੈਰੀ ਤੇਰੇ ਐਬ ਬੰਦਿਆ।
ਵਿਧਾਨ ਸਭਾ ‘ਚ ਮੁੱਖ ਮੰਤਰੀ ਚੰਨੀ ਦੀਆਂ ਟਿੱਪਣੀਆਂ ‘ਤੇ ਅਕਾਲੀਆਂ ਵਲੋਂ ਹੰਗਾਮਾ- ਇਕ ਖ਼ਬਰ
ਜਦੋਂ ਸੱਚੀਆਂ ਸੁਣਾਈਆਂ ਨੀਂ ਬੜਾ ਦੁਖ ਲੱਗਿਆ, ਬੜਾ ਦੁਖ ਲੱਗਿਆ।
ਰੁਪਿੰਦਰ ਰੂਬੀ ਤੋਂ ਬਾਅਦ ਆਪ ਵਿਧਾਇਕ ਜਗਤਾਰ ਸਿੰਘ ਜੱਗਾ ਵੀ ਕਾਂਗਰਸ ਦੇ ਪਾਲੇ ਵਿਚ ਗਿਆ- ਇਕ ਖ਼ਬਰ
ਸਾਡਾ ਚਿੜੀਆਂ ਦਾ ਚੰਬਾ ਵੇ, ਬਾਬਲ ਅਸਾਂ ਉਡ ਜਾਣਾ।
ਸੁਖਬੀਰ ਜਲਾਲਾਬਾਦ ਤੋਂ ਜਿੱਤ ਕੇ ਬਣਨਗੇ ਮੁੱਖ ਮੰਤਰੀ- ਹਰਸਿਮਰਤ ਬਾਦਲ
ਤੇ ਮੈਂ ਵੀ ਹੁਣ ਦਿੱਲੀ ਛੱਡ ਕੇ ਪੰਜਾਬ ‘ਚ ਆ ਕੇ ਉੱਪ ਮੁੱਖ ਮੰਤਰੀ ਬਣੂੰ।
ਕਾਂਗਰਸ ਨੇ ਬੇਅਦਬੀ ਮਾਮਲਿਆਂ ਦਾ ਸਿਆਸੀਕਰਣ ਕੀਤਾ-ਬੀਬੀ ਜਗੀਰ ਕੌਰ
ਬੀਬੀ ਜੀ ਇਹ ਤਾਂ ਤੁਹਾਡੇ ਮਾਲਕਾਂ ਵਲੋਂ ਹੀ ਸ਼ੁਰੂ ਕਰ ਦਿਤਾ ਗਿਆ ਸੀ।
ਮੰਨ ਗਏ ਗੁਰੂ: ਚੰਨੀ ਨੇ ਬੋਲ ਪੁਗਾਏ, ਸਿੱਧੂ ਨੇ ਬੋਲ ਪੁਗਾਏ- ਇਕ ਖ਼ਬਰ
ਚੰਨੀ ਨੇ ਦਿਉਲ ਘਰੇ ਤੋਰਿਆ, ਲਗਦੈ ਸਹੋਤੇ ਦੇ ਵੀ ਥੋੜ੍ਹੇ ਦਿਨ ਹੋਰ ਆ।
ਅਸ਼ਵਨੀ ਸ਼ਰਮਾ ਨੇ ਹਾਈ ਕਮਾਨ ਦੇ ਆਗੂਆਂ ਨੂੰ ਦੱਸੇ ਪੰਜਾਬ ਦੇ ਸਿਆਸੀ ਹਾਲਾਤ- ਇਕ ਖ਼ਬਰ
ਝਾਕਦੀ ਦੀ ਅੱਖ ਪੱਕ ਗਈ, ਕਦੇ ਪਾ ਵਤਨਾਂ ਵਲ ਫੇਰਾ।
ਕੈਪਟਨ ਨੂੰ ਵੱਡੇ ਦਿਲ ਨਾਲ ਹਾਈ ਕਮਾਨ ਦਾ ਫ਼ੈਸਲਾ ਪ੍ਰਵਾਨ ਕਰਨਾ ਚਾਹੀਦਾ ਸੀ- ਬੀਬੀ ਭੱਠਲ
ਰੋਟੀ ਮੇਰਾ ਯਾਰ ਖਾ ਗਿਆ, ਦਾਣੇ ਚੱਬ ਲੈ ਪਤੀਲੇ ਦਿਆ ਢੱਕਣਾ।
ਸੰਯੁਕਤ ਕਿਸਾਨ ਮੋਰਚੇ ਵਲੋਂ 29 ਨਵੰਬਰ ਤੋਂ ਸੰਸਦ ਵਲ ਮਾਰਚ ਕਰਨ ਦਾ ਐਲਾਨ- ਇਕ ਖ਼ਬਰ
ਜਦੋਂ ਕੱਢ ਕੇ ਵਹੀ ਲੇਖਾ ਮੰਗਿਆ, ਫੇਰ ਕੀ ਜਵਾਬ ਦੇਵੇਂਗਾ।
ਸਿੱਧੂ ਤੇ ਚੰਨੀ ਨੇ ਗਿਲੇ-ਸ਼ਿਕਵੇ ਭੁਲਾ ਕੇ ਇਕ ਦੂਜੇ ‘ਚ ਵਿਸ਼ਵਾਸ ਪ੍ਰਗਟ ਕੀਤਾ- ਇਕ ਖ਼ਬਰ
ਚੰਨ ਛੁਪ ਗਿਆ ਟਹਿਕਦੇ ਤਾਰੇ, ਇਕ ਮੰਜੇ ਹੋ ਚਲੀਏ।
ਤੇਲ ਦੀਆਂ ਵਧੀਆਂ ਕੀਮਤਾਂ ਨਾਲ਼ ਇਕੱਠੇ ਹੋਏ ਚਾਰ ਲੱਖ ਪੌਂਡ ਕੇਂਦਰ ਰਾਜਾਂ ਨੂੰ ਵੰਡੇ- ਮਮਤਾ ਬੈਨਰਜੀ
ਇੱਲਾਂ ਦੇ ਆਲ੍ਹਣੇ ‘ਚੋਂ ਮਾਸ ਲੱਭ ਰਹੇ ਹੋ ਬੀਬੀ ਜੀ।
ਰਾਜਪਾਲ ਦੇ ਅਹੁਦੇ ਤੋਂ ਹਟਾਏ ਜਾਣ ਤੋਂ ਨਹੀਂ ਡਰਦਾ- ਸਤਿਆਪਾਲ ਮਲਿਕ
ਤੇਰੀ ਰੰਨ ਦਾ ਨਾ ਭਰਨਾ ਪਾਣੀ, ਤੇਰੀ ਨਾ ਕਨੌੜ ਝੱਲਣੀ।
ਸੁਪਰੀਮ ਕੋਰਟ ਲਖੀਮ ਪੁਰ ਖੀਰੀ ਦੀ ਹੋ ਰਹੀ ਜਾਂਚ ਤੋਂ ਖੁਸ਼ ਨਹੀਂ-ਇਕ ਖ਼ਬਰ
ਸੱਸ ਮੇਰੀ ਦਾ ਐਡਾ ਚੂੜਾ, ਵਿਚੋਂ ਕਿਰਦੀ ਰੇਤ, ਸੱਸੇ ਕੰਜਰੀਏ ਸ਼ੀਸ਼ਾ ਲੈ ਕੇ ਦੇਖ।
ਮਨਜਿੰਦਰ ਸਿਰਸਾ ਨੇ ਸਰਨਾ ਭਰਾਵਾਂ ਤੇ ਜੀ.ਕੇ. ਖ਼ਿਲਾਫ਼ ਜਥੇਦਾਰ ਤੋਂ ਕਾਰਵਾਈ ਮੰਗੀ- ਇਕ ਖ਼ਬਰ
ਲੂਣਾਂ ਅਰਜ਼ ਗੁਜ਼ਾਰੇ ਸਲਵਾਨ ਨੂੰ, ਕਰ ਦੇ ਪੂਰਨ ਜਲਦ ਹਲਾਲ।