Chunjhan Ponche

ਚੁੰਝਾਂ-ਪੌਂਚ੍ਹੇ - ਨਿਰਮਲ ਸਿੰਘ ਕੰਧਾਲਵੀ

25 Nov. 2018

ਬਾਲਾਸਰ ਫਾਰਮ ਤੋਂ ਕਿੰਨੂਆਂ ਦੀ ਚੋਰੀ ਨੇ ਬਾਦਲ ਦੇ ਸਾਹ ਸੁਕਾਏ- ਇਕ ਖ਼ਬਰ
ਕਾਸ਼ ਕਿ ਗੁਰੂ ਗ੍ਰੰਥ ਸਾਹਿਬ ਦੀ ਹੋਈ ਚੋਰੀ ਵੇਲੇ ਵੀ ਤੁਹਾਡੇ ਸਾਹ ਸੁੱਕਦੇ ਬਾਦਲ ਸਾਹਿਬ।

ਅਕਾਲੀ ਦਲ ਦੀ 'ਸਿਆਸਤ' ਦੇ ਗੇੜ 'ਚ ਉਲਝੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ- ਇਕ ਖ਼ਬਰ
ਆਪ ਤੇ ਡੁੱਬਿਉਂ ਬਾਹਮਣਾ, ਜਜਮਾਨ ਵੀ ਗਾਲ਼ੇ।

ਸਾਡੀ ਲੜਾਈ ਪਾਰਟੀ ਨਾਲ਼ ਨਹੀਂ, ਬਾਦਲਾਂ ਨਾਲ਼ ਹੈ- ਬੋਨੀ ਅਜਨਾਲ਼ਾ
ਜੱਗ ਭਾਵੇਂ ਜੋ ਵੀ ਕਹੇ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਐੱਸ.ਆਈ.ਟੀ. ਬਾਰੀਕੀ ਨਾਲ਼ ਜਾਂਚ ਕਰ ਰਹੀ ਹੈ ਪਰ ਹੱਥ ਉਹਦੇ ਅਜੇ ਵੀ ਖ਼ਾਲੀ?- ਇਕ ਖ਼ਬਰ
ਜਾਂਚ ਕਿਸੇ ਬਾਹਰਲੀ ਏਜੰਸੀ ਨੂੰ ਦਿਉ, ਦੇਖੋ ਫਿਰ ਹੱਥ ਭਰਦੇ।

ਜੀਜੇ-ਸਾਲੇ ਨੇ ਲਗਾਇਆ ਸਿੱਖ ਪੰਥ ਅਤੇ ਅਕਾਲੀ ਦਲ ਨੂੰ ਧੱਬਾ-ਟਕਸਾਲੀ ਅਕਾਲੀ ਆਗੂ
ਲਾਲ ਸਿੰਘ ਤੇਜ ਸਿੰਘ ਜੀ, ਕਰ ਗਏ ਨੇ ਗ਼ਦਾਰੀ ਭਾਰੀ।

ਜਮਹੂਰੀਅਤ ਲਈ ਖ਼ਤਰਾ ਬਣੀ ਮੋਦੀ ਸਰਕਾਰ- ਮਨਮੋਹਨ ਸਿੰਘ
ਬੋਦੀ ਵਾਲ਼ਾ ਤਾਰਾ ਚੜ੍ਹਿਆ, ਘਰ ਘਰ ਹੋਣ ਵਿਚਾਰਾਂ।

ਬੈਂਕਾਂ ਨਾਲ਼ ਧੋਖਾ ਧੜੀ ਕਰਨ ਵਾਲ਼ੇ ਹੁਣ ਨਹੀਂ ਭੱਜ ਸਕਣਗੇ ਵਿਦੇਸ਼- ਇਕ ਖ਼ਬਰ
ਜੋਤਸ਼ੀ ਦੱਸਿਆ ਕਰਨਗੇ ਕਿ ਬੰਦਾ ਭੱਜਣ ਵਾਲ਼ਾ ਹੈ ਜਾਂ ਨਹੀਂ, ਸ਼ੱਕੀਆਂ ਨੂੰ ਸੰਗਲ ਲਾਏ ਜਾਣਗੇ।

ਕੌਮੀ ਸਿਆਸਤ ਵਿਚ ਚਮਕਣ ਲੱਗਿਆ ਨਵਜੋਤ ਸਿੱਧੂ-ਇਕ ਖ਼ਬਰ
ਤੇਗ਼ਾਂ ਮਾਰਦਾ ਦਲਾਂ ਨੂੰ ਜਾਵੇ ਚੀਰਦਾ, ਗੋਰਿਆਂ ਦੇ ਘਾਣ ਲੱਥ ਗਏ।

ਪਾਕਿਸਤਾਨ ਕਈ ਸਾਲਾਂ ਤੋਂ ਆਪਣੇ ਸਾਧਨਾਂ ਤੋਂ ਬਾਹਰ ਜਾ ਕੇ ਖ਼ਰਚ ਕਰ ਰਿਹੈ- ਇਕ ਰਿਪੋਰਟ
ਆਮਦਨੀ ਅਠੰਨੀ, ਖ਼ਰਚਾ ਰੁਪੱਈਆ, ਥਾ ਥੱਈਆ ਥਾ ਥੱਈਆ।

ਡੇਰਾ ਸਿਰਸਾ ਦੇ ਉਭਾਰ ਲਈ ਗੁਰਦੁਆਰਿਆਂ ਦੀਆਂ ਪ੍ਰਬੰਧਕ ਕਮੇਟੀਆਂ ਦੇ ਪ੍ਰਧਾਨ ਜ਼ਿੰਮੇਵਾਰ- ਰਾਮੂਵਾਲੀਆ
ਤੁਸੀਂ ਵਿਚ ਖ਼ੁਦਾ ਦੇ ਖ਼ਾਨਿਆਂ ਦੇ, ਜੀਊਂਦੇ ਨਾਲ਼ ਦਵਾਈਆਂ ਮਾਰਦੇ ਓ।

ਬਾਦਲਾਂ ਨੂੰ ਚੁਰਾਸੀ ਦੇ ਪੀੜਤਾਂ ਦੀ ਯਾਦ ਹੁਣ ਹੀ ਕਿਉਂ ਆਈ- ਸ਼ਿੰਗਾਰਾ ਸਿੰਘ ਭੁੱਲਰ
ਬੰਨੇ ਬੰਨੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।

ਸੁਖਪਾਲ ਖਹਿਰਾ ਹੀ ਪੰਜਾਬ ਦੇ ਹਿਤਾਂ ਦੀ ਰਾਖੀ ਕਰ ਸਕਦਾ ਹੈ- ਕੰਗ ਭਰਾ ਤੇ ਮਾਨ
ਐਪਰ ਇਕ ਸਰਦਾਰ ਅਜੀਬ ਯਾਰੋ, ਜ਼ਖ਼ਮ ਸਾਹਮਣੇ ਮੂੰਹ 'ਤੇ ਖਾਣ ਵਾਲ਼ਾ।

ਬਠਿੰਡਾ ਹਲਕੇ ਤੋਂ 'ਬੀਬਾ ਹਰਸਿਮਰਤ' ਦੀ ਜਗ੍ਹਾ 'ਬਾਬੇ ਬਾਦਲ' ਨੂੰ ਚੋਣ ਲੜਾਉਣ ਦੀ ਚਰਚਾ- ਇਕ ਖ਼ਬਰ
ਬਾਪੂ ਵੇ ਕਲਾ ਮਰੋੜ! ਨੀਂ ਸਿਮਰੋ ਲਾ ਦੇ ਜ਼ੋਰ। 

ਸਿਆਸਤ ਤੋਂ ਪ੍ਰੇਰਿਤ ਬਿਆਨ ਦੇ ਕੇ ਅੱਗ ਨਾਲ਼ ਨਾ ਖੇਡੇ ਸੁਖਬੀਰ- ਕੈਪਟਨ
ਫ਼ੈਸ਼ਨ ਨਾ ਕਰ ਨੀਂ, ਤੇਰੀ ਹਾਲੇ ਉਮਰ ਨਿਆਣੀ।

ਅਗਲੀਆਂ ਲੋਕ ਸਭਾ ਚੋਣਾਂ ਨਹੀਂ ਲੜਾਂਗੀ- ਸੁਸ਼ਮਾ ਸਵਰਾਜ
ਜਿੰਨਾ ਨਹਾਤੀ ਓਨਾ ਈ ਪੁੰਨ।

'ਆਪ' ਦੇ ਬਰਾਬਰ ਜਥੇਬੰਦਕ ਢਾਂਚਾ ਖੜ੍ਹਾ ਕਰੇਗਾ ਬਾਗ਼ੀ ਧੜਾ- ਇਕ ਖ਼ਬਰ
ਸੌਂਕਣ ਲਿਆਂਦੀ ਸਿੰਘ ਜੀ, ਤੈਂ ਡਰ ਦੁਨੀਆਂ ਦਾ ਲਾਹ ਕੇ।

ਸਰਕਾਰੀ ਵੋਲਵੋ ਬੱਸ ਨੂੰ ਬਠਿੰਡਾ ਬੱਸ ਸਟੈਂਡ 'ਤੇ ਸੁਖਬੀਰ ਦੀ ਔਰਬਿੱਟ ਨੇ ਲਾਈਆਂ ਬਰੇਕਾਂ- ਇਕ ਖ਼ਬਰ
ਅਸੀਂ ਟੈਂ ਨਹੀਂ ਕਿਸ ਦੀ ਮੰਨਦੇ, ਚਾਚਾ ਸਾਡਾ ਮੁੱਖ ਮੰਤਰੀ।

ਕਾਨੂੰਨ ਦੇ ਹੱਥ ਟਾਈਟਲਰ ਅਤੇ ਸੱਜਣ ਕੁਮਾਰ ਤੱਕ ਵੀ ਪਹੁੰਚਣਗੇ- ਸੁਖਬੀਰ ਬਾਦਲ
ਰੱਬ ਕਰੇ ਇਹ ਹੱਥ ਬਹਿਬਲ ਕਲਾਂ ਤੇ ਕੋਟਕਪੂਰੇ ਗੋਲ਼ੀ ਦਾ ਹੁਕਮ ਦੇਣ ਵਾਲ਼ਿਆਂ ਤੱਕ ਵੀ ਪਹੁੰਚਣ।

ਚੁੰਝਾਂ-ਪੌਂਚ੍ਹੇ - ਨਿਰਮਲ ਸਿੰਘ ਕੰਧਾਲਵੀ

18 Nov. 2018

ਸੰਗਰੂਰ ਤੋਂ ਲੋਕ ਸਭਾ ਚੋਣ ਲੜਨਗੇ ਸਿਮਰਨਜੀਤ ਸਿੰਘ ਮਾਨ - ਇਕ ਖ਼ਬਰ
ਘੱਲਿਆ ਸੀ ਮੈਂ ਮਹੀਂ ਖ਼ਰੀਦਣ, ਖ਼ਰੀਦ ਲਿਆਇਆ ਝੋਟਾ, ਖ਼ਸਮਾਂ ਨੂੰ ਖਾਣੇ ਦਾ ਛੱਪੜੀ ਵਿਚ ਖਲੋਤਾ।

ਬੇਅਦਬੀ ਮਾਮਲਿਆਂ 'ਚ ਐਸ.ਆਈ.ਟੀ. ਦੀ ਜਾਂਚ ਤੋਂ ਧਿਆਨ ਹਟਾਉਣ ਦੀਆਂ ਕੋਸ਼ਿਸ਼ਾਂ ਨਾ ਕਰਨ ਬਾਦਲ- ਅਮਰਿੰਦਰ ਸਿੰਘ
ਉਹਨੇ ਤਖਤੋ ਬਖਤੋ ਬੰਨ੍ਹ ਲਈਆਂ, ਪਾ ਲਈਆਂ ਲਾਹੌਰ ਦੇ ਰਾਹ।

ਸਰਕਾਰ ਬਣਨ ਦੇ ਦਸ ਦਿਨਾਂ 'ਚ ਕਿਸਾਨਾਂ ਦਾ ਕਰਜ਼ਾ ਮੁਆਫ਼ ਹੋਵੇਗਾ- ਰਾਹੁਲ ਗਾਂਧੀ
ਤੈਨੂੰ ਬਾਜਰੇ ਤੋਂ ਘੱਗਰਾ ਸੰਵਾ ਦਊਂ, ਜਿਗਰਾ ਤੂੰ ਰੱਖ ਗੋਰੀਏ।

ਬਾਦਲਾਂ ਕਾਰਨ ਸ਼੍ਰੋਮਣੀ ਅਕਾਲੀ ਦਲ ਮੁਸ਼ਕਿਲਾਂ 'ਚ ਘਿਰਿਆ- ਇਕ ਖ਼ਬਰ
ਮਾਉਂ ਹੀਰ ਥੀਂ ਲੋਕ ਕਰਨ ਚੁਗਲੀ, ਤੇਰੀ ਮਲਕੀਏ ਧੀ ਖ਼ਰਾਬ ਹੈ ਨੀਂ।

ਬਾਦਲ ਦੱਸਣ ਕਿ ਗੋਲ਼ੀ ਚਲਾਉਣ ਦੇ ਹੁਕਮ ਕਿਸ ਨੇ ਦਿੱਤੇ- ਜਾਖੜ
ਤੇਰੀ ਤੋੜ ਕੇ ਛੱਡਣਗੇ ਗਾਨੀ, ਵੱਸ ਪੈ ਗਈ ਅੜ੍ਹਬਾਂ ਦੇ।

ਅਰੂਸਾ ਦੇ ਆਲਮ ਅੱਗੇ ਕੇਂਦਰੀ ਗ੍ਰਹਿ ਮੰਤਰਾਲਾ ਖ਼ਾਮੋਸ਼- ਇਕ ਖ਼ਬਰ
ਪੱਤਣੋਂ ਪਾਰ ਲੰਘਣਾ, ਮੈਨੂੰ ਯਾਰ ਉਡੀਕੇ ਖੜ੍ਹ ਕੇ।

ਆਂਧਰਾ ਪ੍ਰਦੇਸ਼ ਅਤੇ ਪੱਛਮੀ ਬੰਗਾਲ ਨੇ ਲਗਾਈ ਸੀ.ਬੀ.ਆਈ. 'ਤੇ ਪਾਬੰਦੀ- ਇਕ ਖ਼ਬਰ
ਜੱਗ ਭਾਵੇਂ ਨਿੰਦਿਆ ਕਰੇ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਪਰਧਾਨ ਮੰਤਰੀ ਅੱਜ ਕਲ ਆਪਣੇ ਭਾਸ਼ਨ ਵਿਚ ਭ੍ਰਿਸ਼ਟਾਚਾਰ ਦਾ ਜ਼ਿਕਰ ਨਹੀਂ ਕਰਦੇ- ਰਾਹੁਲ ਗਾਂਧੀ
ਫੈਸ਼ਨ ਬੇਗੋ ਦੇ, ਮਨ ਮਰਜ਼ੀ ਦੇ ਹੋਣੇ।

ਡਾਕਟਰ ਗਾਂਧੀ ਨੇ ਨਵੇਂ ਤੇ ਖ਼ੁਦ ਮੁਖ਼ਤਾਰ ਪੰਜਾਬ ਦਾ ਹੋਕਾ ਦਿੱਤਾ- ਇਕ ਖ਼ਬਰ
ਫਰਦ ਫ਼ਕੀਰ ਹੋਇਆ ਕੋਈ ਖਾਸਾ, ਮਰਦ ਸਫ਼ਾਈ ਵਾਲ਼ਾ।

ਬਾਦਲ ਜੀ ਤੁਹਾਡੀ ਸਰਕਾਰ ਵੇਲੇ ਮੈਨੂੰ ਵੀ ਸੰਮਨ ਕਰ ਕੇ ਸਰਕਟ ਹਾਊਸ 'ਚ ਪੁੱਛ-ਗਿੱਛ ਕੀਤੀ ਗਈ ਸੀ- ਕੈਪਟਨ
ਕਦੇ ਦਾਦੇ ਦੀਆਂ, ਕਦੇ ਪੋਤੇ ਦੀਆਂ।

ਡੇਰਾ ਬਿਆਸ ਮੁਖੀ ਨੇ ਦਾਦੂਵਾਲ ਨਾਲ ਕੀਤੀ ਵਿਚਾਰ ਚਰਚਾ-ਇਕ ਖ਼ਬਰ
ਖੂਹ ਟੋਭੇ ਤੇਰੀ ਚਰਚਾ ਹੁੰਦੀ, ਚਰਚਾ ਨਾ ਕਰਵਾਈਏ।

ਸ਼੍ਰੋਮਣੀ ਕਮੇਟੀ ਇਜਲਾਸ 'ਚ ਬੀਬੀ ਕਿਰਨਜੋਤ ਕੌਰ ਨੂੰ ਬੋਲਣ ਤੋਂ ਰੋਕਣਾ ਬਾਦਲ ਦਲ ਦਾ ਹੰਕਾਰ- ਸਰਨਾ
ਰੱਬ ਚਾੜ੍ਹ ਪਹਾੜ ਤੋਂ ਡੇਗ ਦਿੰਦਾ, ਕਰੀਏ ਗਰਬ ਨਾ ਵੱਡੇ ਇਕਬਾਲ ਦਾ ਜੀ।

ਭਾਜਪਾ ਤੇ ਆਰ.ਐੱਸ.ਐੱਸ ਘੱਟ ਗਿਣਤੀਆਂ ਨੂੰ ਦਬਾਉਣ ਲਈ ਹਰ ਹੀਲਾ ਵਰਤ ਰਹੀਆਂ ਹਨ-ਭੋਮਾ/ਜੰਮੂ
ਕੰਧਾਂ ਕਾਲ਼ੀਆਂ ਸ਼ਹਿਰ ਹੜਤਾਲ ਹੋਈ, ਧੁੰਦੂਕਾਰ ਜ਼ਮੀਂ ਆਸਮਾਨ ਹੋਇਆ।

ਬੇਅਦਬੀ ਘਟਨਾਵਾਂ: ਬਾਦਲਾਂ 'ਤੇ ਕੇਸ ਦਰਜ ਕਰ ਕੇ ਤੁਰੰਤ ਗ੍ਰਿਫ਼ਤਾਰ ਕੀਤਾ ਜਾਵੇ- ਸਿੱਖ ਬੁੱਧੀਜੀਵੀ
ਬੰਨ੍ਹ ਮੁਸ਼ਕਾਂ ਲੈ ਜਾਉ ਛੇਤੀ, ਤੇ ਜਲਦੀ ਕਰੋ ਹਲਾਲ।

ਜਬਰ ਜਨਾਹ ਕਰਨ ਵਾਲੇ ਪਾਦਰੀ ਦਾ ਕੱਟਿਆ ਪ੍ਰਾਈਵੇਟ ਪਾਰਟ- ਇਕ ਖ਼ਬਰ
ਨਾ ਰਹੇ ਬਾਂਸ. ਨਾ ਵੱਜੇ ਬੰਸਰੀ।

ਚੁੰਝਾਂ-ਪੌਂਚ੍ਹੇ - ਨਿਰਮਲ ਸਿੰਘ ਕੰਧਾਲਵੀ

14 Nov. 2018

'  ਸ਼ਹੀਦ ਭਗਤ ਸਿੰਘ ਦਾ ਨਾਨਕਾ ਪਿੰਡ ਮੋਰਾਂਵਾਲੀ ਸਰਕਾਰੀ ਬੇਰੁਖੀ ਦਾ ਸ਼ਿਕਾਰ - ਇਕ ਖਬਰ
' ਸਰਕਾਰਾਂ ਦਾ ਵਸ ਚੱਲੇ ਤਾਂ ਇਹ ਲੋਕਾਂ ਦੇ ਦਿਲਾਂ 'ਚੋਂ ਹੀ ਸ਼ਹੀਦਾਂ ਨੂੰ ਖਾਰਜ ਕਰ ਦੇਣ।

'  ਫੈਜ਼ਾਬਾਦ ਨਾਮ ਹੁਣ ਅਯੁੱਧਿਆ ਹੋਇਆ - ਇਕ ਖਬਰ
' ਇਬਤਦਾਏ ਇਸ਼ਕ ਹੈ ਰੋਤਾ ਹੈ ਕਿਆ, ਆਗੇ ਆਗੇ ਦੇਖੀਏ ਹੋਤਾ ਹੈ ਕਿਆ।

'  ਕਰਨਾਟਕ ਜਿਮਨੀ ਚੋਣਾਂ 'ਚ ਭਾਜਪਾ ਨੂੰ ਵੱਡਾ ਝਟਕਾ - ਇਕ ਖਬਰ
' ਰੋਂਦੀ ਮਾਂ ਸੁੰਦਰ ਦੀ ਖੜ੍ਹ ਕੇ, ਕਿਹੜਾ ਦੇਵੇ ਧੀਰਾਂ।

'  ਇਟਲੀ ਵਿਚ ਆਪ ਦਾ ਝਾੜੂ ਖਿਲਰਨ ਲੱਗਾ - ਇਕ ਖਬਰ
' ਮੋਤੀ ਖਿੱਲਰ ਗਏ, ਚੁਗ ਲੈ ਕਬੂਤਰ ਬਣ ਕੇ।

'  ਨੋਟਬੰਦੀ ਦੇ ਦੋ ਸਾਲ ਹੋਣ 'ਤੇ ਕਾਂਗਰਸ ਨੇ ਮੋਦੀ ਦੇ ਪੁਤਲੇ ਫੂਕੇ - ਇਕ ਖਬਰ
' ਰੂੜੀ ਉੱਤੇ ਖੜ੍ਹਾ ਕੁੜੇ, ਔਂਤਰਿਆਂ ਦਾ ਛੜਾ ਕੁੜੇ।

'  ਕੈਪਟਨ ਸਰਕਾਰ 'ਤੇ ਵਾਅਦਿਆਂ ਤੋਂ ਭੱਜਣ ਦੇ ਦੋਸ਼ ਲਗਾਏ - ਇਕ ਖਬਰ
' ਵੋਹ ਵਾਅਦਾ ਹੀ ਕਿਆ ਜੋ ਵਫ਼ਾ ਹੋ ਗਯਾ।

'  ਆਰ. ਬੀ. ਆਈ. 'ਤੇ ਭਾਜਪਾ ਨੇ ਸੁਰ ਬਦਲੀ - ਇਕ ਖਬਰ
' ਬੜ੍ਹਕਾਂ ਮਾਰਦੈਂ! ਸਾਨ੍ਹ ਹੁੰਨੇ ਆਂ। ਹੁਣ ਮੋਕ ਮਾਰਦੈਂ! ਗਊ ਦਾ ਜਾਇਆ ਹੁੰਨਾ।

'  ਕੋਈ ਵੀ ਵਿਅਕਤੀ ਪਾਰਟੀ ਤੋਂ ਵੱਡਾ ਨਹੀਂ - ਭਗਵੰਤ ਮਾਨ
' ਲੋਟਣ ਪੱਚੀਆਂ ਦੇ ਚਹੁੰ 'ਚ ਵੇਚ ਗਿਆ ਵੈਲੀ।

'  ਨੋਟਬੰਦੀ ਯੋਜਨਾ ਬਸ 'ਡਕੈਤੀ' ਸੀ - ਨਵਜੋਤ ਸਿੱਧੂ
' ਹਾਏ ਓ ਦਿੱਲੀ ਲੁੱਟੀ, ਦੁਪਹਿਰੇ ਦੀਵਾ ਬਾਲ ਕੇ।

'  ਵਿਰੋਧ ਦੀ ਭਿਣਕ ਪੈਂਦਿਆਂ ਹੀ ਹਰਸਿਮਰਤ ਨੇ ਰੂਟ ਬਦਲਿਆ - ਇਕ ਖਬਰ
' ਕੀਤੀਆਂ ਦੁੱਲੇ ਦੀਆਂ ਪੇਸ਼ ਲੱਧੀ ਦੇ ਆਈਆਂ।

'  ਚੋਣਵੇਂ ਸਨਅਤਕਾਰਾਂ ਲਈ ਮੋਦੀ ਅਤੇ ਰਮਨ ਕੰਮ ਕਰਦੇ ਹਨ - ਰਾਹੁਲ ਗਾਂਧੀ
' ਮੇਰੇ ਵੀਰ ਨੇ ਲਾਮ ਨੂੰ ਜਾਣਾ ਮਿੱਠੀਆਂ ਪਕਾਵਾਂ ਰੋਟੀਆਂ।

'  ਸਰਕਾਰ ਨੇ ਰੋਜ਼ਗਾਰ ਦਫਤਰ ਅੱਠ ਤੋਂ ਅੱਠ ਖੋਲ੍ਹਣ ਦਾ ਫੈਸਲਾ ਵਾਪਸ ਲਿਆ - ਇਕ ਖਬਰ
' ਜਦ ਨੌਕਰੀਆਂ ਹੀ ਨਹੀ ਤਾਂ ਐਵੇਂ ਬਿਜਲੀ ਫੂਕਣੀ ਐ।

'  ਸ਼ਰੋਮਣੀ ਕਮੇਟੀ ਦੇ ਪ੍ਰਧਾਨ ਦੀ ਚੋਣ:ਅਕਾਲੀ ਦਲ ਵੱਲੋਂ ਲਿਫਾਫਾ ਕਲਚਰ ਬਦਲਣ ਦੀ ਤਿਆਰੀ - ਇਕ ਖਬਰ
' ਚੱਲੇਗਾ ਲਿਫਾਫਾ ਹੀ ਪਰ ਜ਼ਰਾ ਘੁੰਮ ਕੇ ਆਊ।

ਚੁੰਝਾਂ-ਪੌਂਚ੍ਹੇ - ਨਿਰਮਲ ਸਿੰਘ ਕੰਧਾਲਵੀ

04 Nov. 2018

'  ਸੁਖਪਾਲ ਖਹਿਰਾ ਅਤੇ ਕੰਵਰ ਸੰਧੂ  'ਆਪ' 'ਚੋਂ ਮੁਅੱਤਲ - ਇਕ ਖ਼ਬਰ
# ਛੱਡ ਦਿਉ ਲੜ ਪਰਦੇਸੀ ਦਾ, ਘਰ ਆਪਣੇ ਮੁੜ ਆਉ।

'  ਮੋਦੀ ਦੀਆਂ ਵਿਦੇਸ਼ ਯਾਤਰਾਵਾਂ ਨਾਲ਼ ਕਾਲਾ ਧਨ ਵਾਪਸ ਨਹੀਂ ਆਇਆ - ਕਾਂਗਰਸੀ ਆਗੂ ਆਜ਼ਾਦ
# ਗੰਗਾ ਗਈਆਂ ਨਾ ਹੱਡੀਆਂ ਮੁੜਦੀਆਂ ਨੇ, ਗਏ ਵਕਤ ਨੂੰ ਕਿਸੇ ਨਾ ਮੋੜਿਆ ਏ।

'  ਸੇਖਵਾਂ ਦਾ ਅਕਾਲੀ ਦਲ ਦੇ ਅਹੁੱਦਿਆਂ ਤੋਂ ਅਸਤੀਫਾ ਤੇ ਅਕਾਲੀ ਦਲ ਨੇ ਕੀਤੀ ਉਸ ਦੀ ਛੁੱਟੀ - ਇਕ ਖ਼ਬਰ
' ਤੇਰੀ ਰੰਨ ਦਾ ਨਾ ਭਰਨਾ ਪਾਣੀ, ਤੇਰੀ ਨਾ  ਮੁਥਾਜ ਝੱਲਣੀ।

'  ਸ਼੍ਰੋਮਣੀ ਅਕਾਲੀ ਦਲ ਦੀ ਪੁੱਠੀ ਗਿਣਤੀ ਸ਼ੁਰੂ - ਭਗਵੰਤ ਮਾਨ
# ਛੱਜ ਤਾਂ ਬੋਲੇ, ਛੇਕਾਂ ਵਾਲੀ ਛਾਨਣੀ ਵੀ ਬੋਲੀ ਜਾਂਦੀ ਐ।

'  ਇਤਿਹਾਸ ਨਾਲ ਛੇੜ-ਛਾੜ ਖਿਲਾਫ ਅਕਾਲੀ ਦਲ ਦਾ ਧਰਨਾ - ਇਕ ਖ਼ਬਰ
ਸ਼੍ਰੋਮਣੀ ਕਮੇਟੀ ਵਲੋਂ ਛਾਪੀ ਹਿੰਦੀ ਦੀ ਕਿਤਾਬ 'ਚ ਇਤਿਹਾਸ ਨਾਲ ਕੀਤੀ ਛੇੜ-ਛਾੜ ਵੇਲੇ ਇਹ 'ਸੂਰਮੇ' ਕਿੱਥੇ ਸਨ?

'  ਬ੍ਰਹਮਪੁਰਾ ਦੀ ਆਪਣੇ ਹਮਾਇਤੀਆਂ ਨਾਲ ਮੀਟਿੰਗ 4 ਨਵੰਬਰ ਨੂੰ ਹੋਵੇਗੀ - ਇਕ ਖ਼ਬਰ
# ਟੁੱਟ ਪੈਣੇ ਜੇਠ ਦਾ ਮੁੰਡਾ, ਚੀਰਾ ਬੰਨ੍ਹ ਕੇ ਸਾਹਮਣੇ ਬਹਿੰਦਾ।

'  ਅਕਾਲੀਆਂ ਵੱਲੋਂ ਸੋਨੀਆ ਗਾਂਧੀ ਦੀ ਸਰਕਾਰੀ ਰਿਹਾਇਸ਼ ਵਲ ਮਾਰਚ - ਇਕ ਖ਼ਬਰ
# ਇਹ ਮਾਰਚ ਮੋਦੀ ਦੀ ਰਿਹਾਇਸ਼ ਵਲ ਨੂੰ ਕਿਉਂ ਨਹੀਂ ਬਈ?

'  ਵਿਰੋਧੀ ਪਾਰਟੀਆਂ ਨੂੰ ਨਿਸ਼ਾਨਾ ਬਣਾਉਣ ਲੱਗੇ ਮੋਦੀ - ਇਕ ਖ਼ਬਰ
# ਮੁੰਡਾ ਭੰਨਦਾ ਕਿਰਕ ਨਹੀਂ ਕਰਦਾ, ਮੇਰੀਆਂ ਬਰੀਕ ਚੂੜੀਆਂ।

'  ਰਾਮ ਮੰਦਰ ਭਾਜਪਾ ਲਈ ਚੋਣ ਮੁੱਦਾ ਨਹੀਂ - ਜਾਵੜੇਕਰ
# ਜਾਵੜੇਕਰ ਸਾਹਿਬ ਸੁਧਾ ਲੂਣ ਨਾ ਗੁੰਨ੍ਹਿਆਂ ਕਰੋ।

'  ਬਾਗੀ ਅਕਾਲੀ ਨੇਤਾਵਾਂ ਦੇ ਹੱਕ 'ਚ ਨਿੱਤਰੀ ਸਿੱਖ ਸਟੂਡੈਂਟ ਫੇਡਰੇਸ਼ਨ - ਇਕ ਖ਼ਬਰ
# ਚੱਲ ਚੱਲੀਏ ਵਿਸਾਖੀ ਵਾਲੇ ਮੇਲੇ,  ਮੁੰਡਾ ਤੇਰਾ ਮੈਂ ਚੁੱਕ ਲਊਂ।

'  ਆਰਥਿਕ ਸੰਕਟ 'ਚ ਫਸੇ ਪਾਕਿਸਤਾਨ ਨੂੰ ਚੀਨ ਨੇ ਦਿੱਤਾ ਮਦਦ ਦਾ ਭਰੋਸਾ - ਇਕ ਖ਼ਬਰ
# ਜਿੱਥੋਂ ਮਰਜ਼ੀ ਵੰਙਾਂ ਚੜਵ੍ਾ ਲਈਂ,  ਮਿੱਤਰਾਂ ਦਾ ਨਾਂ ਚੱਲਦੈ।

'  ਕੁਝ ਵਿਰੋਧੀ ਝੂਠ ਦੀਆਂ ਮਸ਼ੀਨਾਂ, ਏ. ਕੇ. 47 ਵਾਂਗੂੰ ਫਾਇਰ ਕਰਦੇ ਹਨ - ਮੋਦੀ
' ਵਾਹਵਾ ਤੇਰੀ ਚਤੁਰਾਈ, ਤਬੇਲੇ ਦੀ ਬਲ਼ਾਅ ਵਛੇਰੇ ਗਲ਼ ਪਾਈ।

'  ਸੱਚ ਬੋਲਣ ਤੋਂ ਪਿਛਾਂਹ ਨਹੀਂ ਹਟਾਂਗਾ - ਬ੍ਰਹਮਪੁਰਾ
# ਵੰਝਲੀ ਰਾਂਝੇ ਦੀ ਹੀਰ ਹੀਰ ਪਈ ਕੂਕੇ।

'  ਕੋਰ ਕਮੇਟੀ ਨੇ ਸੁਖਬੀਰ ਦੀ ਪ੍ਰਧਾਨਗੀ 'ਤੇ ਮੋਹਰ ਲਗਾਈ - ਇਕ ਖ਼ਬਰ
# ਕੋਰ ਕਮੇਟੀ ਸਿਆਣੀ ਐ, ਕੋਈ ਕੀਰਤਨ ਸੋਹਿਲਾ ਪੜ੍ਹਨੇ ਵਾਲਾ ਵੀ ਚਾਹੀਦੈ।

'  ਅਕਾਲੀ ਦਲ ਸਿੱਖ ਕਤਲੇਆਮ ਖਿਲਾਫ ਦਿੱਲੀ 'ਚ ਧਰਨਾ ਦੇਵੇਗਾ - ਇਕ ਖ਼ਬਰ
# ਯਾਨੀ ਕਿ ਬੇਹੀ ਕੜ੍ਹੀ 'ਚ ਉਬਾਲ ਆਵੇਗਾ।

'  ਅਕਾਲ ਤਖਤ ਦੇ ਕਾਰਜਕਾਰੀ ਜਥੇਦਾਰ ਦਾ ਪਹਿਲੇ ਦਿਨ ਹੀ ਵਿਰੋਧ - ਇਕ ਖਬਰ
' ਬੱਗੀ ਤਿੱਤਰੀ ਕਮਾਦੋਂ ਨਿਕਲੀ, ਉਡਦੀ ਨੂੰ ਬਾਜ਼ ਪੈ ਗਿਆ।

ਚੁੰਝਾਂ-ਪੌਂਚ੍ਹੇ - ਨਿਰਮਲ ਸਿੰਘ ਕੰਧਾਲਵੀ

29 Oct. 2018

'  ਨਿੱਕੀ ਹੇਲੀ ਨੇ ਟਰੰਪ ਦਾ ਮਜ਼ਾਕ ਉਡਾਇਆ - ਇਕ ਖ਼ਬਰ
- ਲੱਤ ਮਾਰੂੰਗੀ ਪੰਜੇਬਾਂ ਵਾਲੀ, ਪਿਛਾਂਹ ਹੋ ਜਾ ਚੱਟੂ ਵੱਟਿਆ।

' ਪੰਥਕ ਅਸੰਬਲੀ ਵੱਲੋਂ ਬਰਗਾੜੀ ਮੋਰਚੇ ਦੀ ਹਮਾਇਤ - ਇਕ ਖ਼ਬਰ
- ਮੈਂ ਕਿਉਂਕਰ ਜਾਵਾਂ ਕਾਅਬੇ ਨੂੰ, ਦਿਲ ਲੋਚੇ ਤਖਤ ਹਜ਼ਾਰੇ ਨੂੰ।

' ਅਕਾਲੀ ਦਲ ਨੇ ਨਵਜੋਤ ਸਿੰਘ ਸਿੱਧੂ ਦੀ ਬਰਖਾਸਤਗੀ ਮੰਗੀ - ਇਕ ਖ਼ਬਰ
- ਜਿਉਣਾ ਮੌੜ ਵੱਢਿਆ ਨਾ ਜਾਵੇ,  ਛਵੀਆਂ ਦੇ ਘੁੰਡ ਮੁੜ ਗਏ।

' ਸ੍ਰੀ ਅਕਾਲ ਤਖਤ ਦੀ ਭਰੋਸੇਯੋਗਤਾ ਨੂੰ ਉੱਚਾ ਚੁੱਕਣ ਦੀ ਕੋਸ਼ਿਸ਼ ਕਰਾਂਗੇ- ਗਿਆਨੀ ਹਰਪ੍ਰੀਤ ਸਿੰਘ
- ਸਭੇ ਕੰਨ ਪੜਵਾ ਕੇ ਬੈਠ ਜਾਂਦੇ, ਮੁਸ਼ਕਿਲ ਜੋਗ ਦਾ ਤੋੜ ਚੜਾਣ ਬੇਟਾ।

' ਬ੍ਰਹਮਪੁਰਾ ਨੇ ਸਭ ਅਹੁਦਿਆਂ ਤੋਂ ਅਸਤੀਫ਼ਾ ਦਿੱਤਾ - ਇਕ ਖ਼ਬਰ
- ਬਾਰਾਂ ਬਰਸ ਚਰਵਾ ਕੇ ਮੱਝੀਆਂ ਨੂੰ, ਆਖਰ ਵਕਤ ਹੈ ਕੋਰਾ ਜਵਾਬ ਹੋਇਆ।

' ਬਾਦਲ ਪਰਿਵਾਰ ਨੇ ਜਨਤਕ ਸਮਾਰੋਹਾਂ ਤੋਂ ਪਾਸਾ ਵੱਟਿਆ- ਇਕ ਖ਼ਬਰ
- ਜੇਠ ਦੇ ਬੁਰੇ ਦਿਨ ਆਏ,  ਕਿੱਕਰਾਂ ਨੂੰ ਪਾਵੇ ਜੱਫੀਆਂ।

' ਬਾਗ਼ੀ ਧੜੇ ਦੀਆਂ ਸਖਤ ਸ਼ਰਤਾਂ ਕਾਰਨ  'ਆਪ' ਦੀ ਮੀਟਿੰਗ ਰਹੀ ਬੇਸਿੱਟਾ- ਇਕ ਖ਼ਬਰ
- ਵੀਰਾ ਕੁਝ ਪੁੰਨ ਕਰ ਦੇ, ਘਟਾ ਆਣ ਕੇ ਬਨੇਰੇ ਕੋਲੋਂ ਮੁੜਗੀ।

' ਬ੍ਹਹਮਪੁਰਾ ਦਾ ਅਸਤੀਫ਼ਾ ਪਾਰਟੀ ਲਈ ਨੁਕਸਾਨਦੇਹ - ਸੇਖਵਾਂ
- ਤੇ ਤੁਸੀਂ ਅਜੇ ਵੀ ਕੰਧ 'ਤੇ ਬੈਠੇ ਬਾਦਲਾਂ  ਦਾ ਸੱਦਾ-ਪੱਤਰ ਉਡੀਕਦੇ ਹੋ?

' ਨਵੇਂ ਚਿਹਰਿਆਂ ਨੂੰ ਮੌਕਾ ਦੇਣ ਲਈ ਟਕਸਾਲੀ ਆਗੂਆਂ ਨੇ ਅਹੁਦੇ ਛੱਡੇ - ਸੁਖਬੀਰ ਬਾਦਲ
- ਦਾਖੇ ਹੱਥ ਨਾ ਅੱਪੜੇ, ਆਖੇ ਥੂਹ ਕੌੜੀ।

' ਬਾਦਲਾਂ ਨੇ ਹਮੇਸ਼ਾਂ ਹਾਦਸਿਆਂ 'ਤੇ ਸਿਆਸਤ ਕੀਤੀ - ਰਵੀਇੰਦਰ ਸਿੰਘ
- ਨਾਹੁੰਦੀ ਫਿਰੇ ਤੀਰਥਾਂ 'ਤੇ, ਤੇਰੇ ਅੰਦਰੋਂ ਮੈਲ਼ ਨਾ ਜਾਵੇ।

' ਪੰਜਾਬ ' ਚ ਨਵੀਂ ਸਿਆਸੀ ਧਿਰ ਉਭਰਨ ਦੇ ਆਸਾਰ - ਇਕ ਖ਼ਬਰ
- ਸੁੱਚਿਆਂ ਰੁਮਾਲਾਂ ਨੂੰ ਲਾ ਦੇ ਧੰਨ ਕੁਰੇ ਗੋਟਾ।

' ਲਾਭ ਦੇ ਅਹੁਦੇ ਦੇ ਦੋਸ਼ 'ਚੋਂ 'ਆਪ' ਦੇ 27 ਵਿਧਾਇਕ ਬਰੀ- ਇਕ ਖ਼ਬਰ
- ਲੱਡੂ ਵੰਡਦੀ ਗਲ਼ੀ ਦੇ ਵਿਚ ਆਵਾਂ, ਪਹਿਲੀ ਪੇਸ਼ੀ ਯਾਰ ਛੁੱਟਿਆ।

' ਪਾਰਟੀ ਦੇ ਕਹਿਣ 'ਤੇ ਪ੍ਰਧਾਨਗੀ ਦਾ ਅਹੁਦਾ ਛੱਡਣ ਲਈ ਤਿਆਰ ਹਾਂ - ਸੁਖਬੀਰ ਬਾਦਲ
- ਕਿਹੜੀ ਪਾਰਟੀ ਬਈ ?

ਚੁੰਝਾਂ-ਪੌਂਚ੍ਹੇ - ਨਿਰਮਲ ਸਿੰਘ ਕੰਧਾਲਵੀ

20 Oct. 2018

'   ਢੀਂਡਸਾ ਨੂੰ ਅਕਾਲੀ ਦਲ 'ਚ ਵਾਪਿਸ ਲਿਆਉਣ ਦੇ ਯਤਨ ਅਸਫ਼ਲ - ਇਕ ਖ਼ਬਰ
'  ਹਾਜੀ ਲੋਕ ਮੱਕੇ ਵਲ ਜਾਂਦੇ, ਅਸਾਂ ਜਾਣਾ ਤਖ਼ਤ ਹਜ਼ਾਰੇ।

'   ਕੈਪਟਨ ਸਰਕਾਰ ਵੀ ਨਿੱਜੀ ਬਿਜਲੀ ਕੰਪਨੀਆਂ ਨਾਲ਼ ਰਲ਼ੀ - ਹਰਪਾਲ ਚੀਮਾ
'  ਬੂਰੀ ਮੱਝ ਨੂੰ ਥਾਪੀਆਂ ਦੇਵੇ, ਪਤਲੋ ਦੇ ਹੱਥ ਗੜਵਾ।

'  ਬ੍ਰੈਗਜ਼ਿੱਟ ਮਾਮਲੇ 'ਤੇ ਪ੍ਰੀਤੀ ਪਟੇਲ ਵੀ ਟਰੀਜ਼ਾ ਮੇਅ ਦੇ ਵਿਰੋਧੀਆਂ ਨਾਲ ਜੁੜੀ - ਇਕ ਖ਼ਬਰ
'  ਲਾ ਕੇ ਦੋਸਤੀਆਂ, ਪਾ ਗਈ ਚੁੱਲ੍ਹੇ ਵਿਚ ਪਾਣੀ।

'   ਬਾਦਲਾਂ ਨੇ 'ਆਪਣਿਆਂ' ਨਾਲ਼ ਗੁਪਤ ਮੀਟਿੰਗ ਕੀਤੀ - ਇਕ ਖ਼ਬਰ
'  ਜਿਗਰੀ ਯਾਰ ਬਿਨਾਂ, ਕੌਣ ਦਿਲਾਂ ਦਾ ਜਾਨੀ।

'   ਮੋਦੀ ਨੇ ਤੇਲ ਉਤਪਾਦਕਾਂ ਤੋਂ ਰਾਹਤ ਮੰਗੀ - ਇਕ ਖ਼ਬਰ
'  ਮਈਆ ਜੀ ਤੇਰੇ ਦਰ 'ਤੇ ਮੈਂ, ਬਣ ਕੇ ਸਵਾਲੀ ਆਇਆ।

'   ਰਾਫ਼ਾਲ ਸੌਦੇ 'ਤੇ ਸ਼ੱਤਰੂਘਨ ਸਿਨਹਾ ਨੇ ਆਪਣੀ ਸਰਕਾਰ ਘੇਰੀ- ਇਕ ਖ਼ਬਰ
'  ਤੇਰੀ ਤੋੜ ਕੇ ਛੱਡਾਂਗੇ ਗਾਨੀ, ਨੀਂ ਸੋਨੇ ਦੇ ਤਵੀਤ ਵਾਲੀਏ।

'   ਗੁਜਰਾਤ ਵਿਚ ਔਰਤ ਨੇ ਗ਼ਰੀਬੀ ਦੁਖੋਂ ਪੰਜ ਬੱਚਿਆਂ ਸਮੇਤ ਖੂਹ ਵਿਚ ਛਾਲ਼ ਮਾਰੀ।
'  ਅੱਛੇ ਦਿਨਾਂ ਦੀ ਸ਼ੁਰੂਆਤ 'ਆਪਣੇ' ਘਰੋਂ ਹੀ।

'   ਭਗਤ ਸਿੰਘ ਦਾ ਜਨਮ ਦਿਹਾੜਾ ਮਨਾਉਣ ਕਾਰਨ ਐਮ.ਏ. ਦੀ ਵਿਦਿਆਰਥਣ ਮੁਅੱਤਲ - ਇਕ ਖ਼ਬਰ
'  ਇਸ਼ਕ ਦੇ ਸਾਦਿਕਾਂ ਤਾਲਬਾਂ ਨੂੰ, ਜਾਹਿਲ ਆਖਦੇ ਮਰਜ਼ ਜਨੂੰਨ ਦੀ ਏ।

'   ਭਾਰਤ ਦੀ ਮੰਡੀ 'ਤੇ ਕਬਜ਼ਾ ਕਰ ਰਿਹੈ ਅਮਰੀਕਾ - ਮੰਗਤ ਰਾਮ ਪਾਸਲਾ
'  ਸਾਉਣ ਮਹੀਨੇ ਲੁੱਟਦੇ ਬਾਣੀਏਂ, ਨਵੀਆਂ ਹੱਟੀਆਂ ਪਾ ਕੇ।

'   ਬਰਗਾੜੀ ਮੋਰਚੇ ਵਲ ਵਧਣ ਲੱਗੇ ਬਾਗ਼ੀ ਅਕਾਲੀ ਆਗੂ - ਇਕ ਖ਼ਬਰ
'  ਅਸਾਂ ਯਾਰ ਨੂੰ ਮਿਲਣ ਚੰਨਾ ਜਾਣਾ, ਓਹਲੇ ਹੋ ਜਾ ਬੱਦਲਾਂ ਦੇ।

'   ਕੈਪਟਨ ਸਰਕਾਰ ਖ਼ਿਲਾਫ਼ ਗਵਰਨਰ ਨੂੰ ਮਿਲਿਆ ਅਕਾਲੀ-ਭਾਜਪਾ ਵਫਦ - ਇਕ ਖ਼ਬਰ
'  ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਵੇਦਨ ਭਾਰੀ ਜੀ।

'  ਮਾਝੇ ਦੇ ਨਿਰਾਸ਼ ਅਕਾਲੀ ਆਗੂਆਂ ਦੇ ਕਾਫ਼ਲੇ ' ਚ ਵਾਧਾ - ਇਕ ਖ਼ਬਰ
'  ਛੱਡ ਮਿੱਤਰਾ ਫੁਲਕਾਰੀ, ਹਾਕਾਂ ਘਰ ਵੱਜੀਆਂ।

'   ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਵੱਲੋਂ ਅਸਤੀਫ਼ਾ - ਇਕ ਖ਼ਬਰ
'  ਚਿੱਠੀ ਆ ਗਈ ਜ਼ੋਰਾਵਰ ਦੀ, ਛੁੱਟਿਆ ਤ੍ਰਿੰਞਣਾ ਦਾ ਕੱਤਣਾ।

'   ਹੁਣ ਪੰਜਾਬੀਆਂ ਨੂੰ ਚੰਡੀਗੜ੍ਹ 'ਚੋਂ ਰੁਜ਼ਗਾਰ ਦੇ ਮੌਕਿਆਂ ਤੋਂ ਲਾਂਭੇ ਕਰਨ ਦੀ ਤਿਆਰੀ-ਇਕ ਖ਼ਬਰ
'  ਮੁਗ਼ਲਾਂ ਨੇ ਤੇਰਾ ਸਭ ਕੁਝ ਲੁੱਟਿਆ, ਓਏ ਵੱਡਿਆ ਬਹਾਦਰਾ।

'   ਬਰਗਾੜੀ ਮੋਰਚਾ ਸਰਕਾਰ ਦੀਆਂ ਜੜ੍ਹਾਂ ਹਿਲਾ ਦੇਵੇਗਾ - ਬੀਰਦਵਿੰਦਰ ਸਿੰਘ
'  ਵਾਰਸ ਸ਼ਾਹ ਮੀਆਂ ਇਹਨਾਂ ਆਸ਼ਕਾਂ ਨੂੰ, ਫਿਕਰ ਜ਼ਰਾ ਨਾ ਜਿੰਦ ਗਵਾਵਣੇ ਦਾ।

ਚੁੰਝਾਂ- ਪੌਂਚ੍ਹੇ - ਨਿਰਮਲ ਸਿੰਘ ਕੰਧਾਲਵੀ

15 Oct. 2018

' ਮੇਰਾ ਪਰਿਵਾਰ ਲੋਕ ਸਭਾ ਚੋਣਾਂ ਨਹੀਂ ਲੜੇਗਾ- ਢੀਂਡਸਾ
' ਟੁੱਟ ਪੈਣੇ ਦਰਜੀ ਨੇ ਮੇਰੀ ਰੱਖ ਲਈ ਸੁੱਥਣ 'ਚੋਂ ਟਾਕੀ।

' ਬੇਅਦਬੀ ਤੇ ਗੋਲੀ ਕਾਂਡ ਦੇ ਦੋਸ਼ੀਆਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਛੇਤੀ- ਤ੍ਰਿਪਤ ਰਾਜਿੰਦਰ ਸਿੰਘ
' ਝੂਠੇ ਵਾਅਦਿਆਂ 'ਤੇ ਕਾਹਦਾ ਯਕੀਨ ਕਰੀਏ, ਬੁੱਲ੍ਹ ਊਠ ਦਾ ਕਦੇ ਵੀ ਡਿਗਣਾ ਨਹੀਂ।

' ਭਾਜਪਾ ਸਾਹਮਣੇ ਸਥਾਪਤੀ ਵਿਰੋਧੀ ਲਹਿਰ ਦੀ ਵੱਡੀ ਚੁਣੌਤੀ- ਭਰਤ ਮਿੱਤਰ ਪ੍ਰਾਚੀ
' ਜੱਟ ਆਉਂਦੈ ਪਰੈਣੀ ਕੱਸੀ, ਨੀਂ ਹੁਣ ਮੈਂ ਕੀ ਕਰਾਂ।

' ਅਮਰੀਕਾ ਉਨ੍ਹਾਂ ਦੇਸ਼ਾਂ ਨਾਲ ਸਿੱਝ ਲਵੇਗਾ ਜਿਹੜੇ ਈਰਾਨ ਤੋਂ ਤੇਲ ਲੈਣਾ ਜਾਰੀ ਰੱਖਣਗੇ - ਟਰੰਪ
' ਛੜੇ ਜੇਠ ਦਾ ਬੋਕ ਟੁੱਟ ਪੈਣਾ, ਬੱਕਰੀ ਨੂੰ ਰਹੇ ਘੂਰਦਾ।

' ਨਿੱਕੀ ਹੇਲੀ ਦੇ ਅਸਤੀਫ਼ੇ ਬਾਅਦ ਟਰੰਪ ਨੇ ਉਹਦੀਆਂ ਸਿਫ਼ਤਾਂ ਦੇ ਪੁਲ਼ ਬੰਨ੍ਹੇ- ਇਕ ਖ਼ਬਰ
' ਵਧ ਗਈ ਵੇਲ ਦੀ ਤਰ੍ਹਾਂ, ਤੇਰੇ ਘੱਗਰਾ ਮੇਚ ਨਾ ਆਵੇ।

' ਐਫ.ਏ.ਟੀ. ਐਫ ਨੇ ਅਜੇ ਵੀ ਪਾਕਿਸਤਾਨ ਦਾ ਨਾਮ 'ਗਰੇਅ' ਲਿਸਟ ਵਿਚ ਰੱਖਿਆ ਹੋਇਐ - ਇਕ ਖ਼ਬਰ
' ਬੰਕਾਂ ਨਾ ਜੁੜੀਆਂ, ਰੰਨ ਅੱਡੀਆਂ ਕੂਚਦੀ ਮਰ ਗਈ।

' ਘੁਟਾਲੇ ਦੇ ਮਾਮਲੇ 'ਚ ਦਿੱਲੀ ਕਮੇਟੀ ਅਤੇ ਵਿਰੋਧੀ ਧਿਰ ਆਹਮੋ ਸਾਹਮਣੇ- ਇਕ ਖ਼ਬਰ
' ਕੂੰਡੇ ਭੱਜ ਗਏ ਘੋਟਣੇ ਟੁੱਟ ਗਏ, ਤਕੀਏ ਮਲੰਗ ਲੜ ਪਏ।

' ਭਾਜਪਾ ਲਈ ਪ੍ਰਚਾਰ ਕਰਨ ਦੇ ਮਾਮਲੇ 'ਤੇ ਦੁਚਿੱਤੀ ਵਿਚ ਹਨ ਰਾਮ ਦੇਵ - ਇਕ ਖ਼ਬਰ
' ਤੇਰੀਆਂ ਦੇਖ ਅਦਾਵਾਂ ਨੀਂ, ਧੋਖਾ ਖਾ ਬੈਠੇ, ਖਾ ਬੈਠੇ।

' ਲੀਡਰਸ਼ਿੱਪ ਦੀ ਭਰੋਸੇਯੋਗਤਾ ਦੇ ਸੰਕਟ 'ਚੋਂ ਗੁਜ਼ਰ ਰਿਹਾ ਹੈ ਪੰਜਾਬ - ਇਕ ਖ਼ਬਰ
' ਸ਼ਾਹ ਮੁਹੰਮਦਾ ਇਕ ਸਰਕਾਰ ਬਾਝੋਂ ਫੌਜਾਂ ਜਿੱਤ ਕੇ ਅੰਤ ਨੂੰ ਹਾਰੀਆਂ ਨੇ।

' ਕਾਂਗਰਸ ਦੀਆਂ ਗ਼ਲਤ ਨੀਤੀਆਂ ਕਾਰਨ ਸੂਬੇ ਦਾ ਹਰੇਕ ਵਰਗ ਦੁਖੀ - ਭੁੱਲੇਵਾਲ ਰਾਠਾਂ
' ਖੁਰਲੀ 'ਤੇ ਬੈਠਾ ਧਰਮੀ ਬਾਬਲ, ਰੋਵੇ ਚੌਂਕੇ ਵਿਚ ਰਾਣੀ ਮਾਂ।

' ਗਿਆਨੀ ਗੁਰਬਚਨ ਸਿੰਘ ਦੇ ਅਸਤੀਫ਼ੇ ਦੀ ਅਫ਼ਵਾਹ ਦਾ ਬਾਜ਼ਾਰ ਗਰਮ - ਇਕ ਖ਼ਬਰ
' ਵੇ ਸੰਭਾਲ ਪੁੰਨਣਾ, ਸੱਸੀ ਦੇ ਦਮ ਚੱਲੇ।

ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ

01 Oct. 2018

ਗਿਆਨੀ ਗੁਰਮੁਖ ਸਿੰਘ ਨੇ 10 ਸੇਵਾਦਾਰਾਂ ਦੀ ਫੌਜ ਰੱਖ ਕੇ ਗੋਲਕ 'ਤੇ ਹੋਰ ਬੋਝ ਪਾਇਆ- ਇਕ ਖ਼ਬਰ
ਭਰ ਲੈ ਝੋਲ਼ੀਆਂ ਮਿੱਤਰਾ ਕਿ ਲੱਡੂਆਂ ਦਾ ਮੀਂਹ ਵਰ੍ਹਦਾ।

ਅਕਾਲੀ ਲੀਡਰਸ਼ਿੱਪ ਲਗਾਤਾਰ ਹੋ ਰਹੀਆਂ ਹਾਰਾਂ ਦੀ ਪੜਤਾਲ ਕਰੇ- ਪੰਜੋਲੀ
ਮਨ ਕੀ ਆਂਖੇਂ ਖੋਲ੍ਹ ਰੇ ਬਾਬਾ, ਮਨ ਕੀ ਆਂਖੇਂ ਖੋਲ੍ਹ।

ਸ਼੍ਰੋਮਣੀ ਅਕਾਲੀ ਦਲ ਵਲੋਂ ਸਰਕਾਰ ਖ਼ਿਲਾਫ਼ ਸਿਆਸੀ ਜੰਗ ਦਾ ਐਲਾਨ- ਇਕ ਖ਼ਬਰ
ਕਿਤੇ ਭਰਮ ਭੁਲੇਖੇ ਨਾ ਪੈ ਜਾਇਓ, ਮੈਚ ਫਰੈਂਡਲੀ ਅਸਾਂ ਖੇਡਣਾ ਏ।

ਸੁਪਰੀਮ ਕੋਰਟ ਭਾਰਤੀ ਰਾਜਨੀਤੀ ਵਿਚ ਅਪਰਾਧੀਆਂ ਦੀ ਮੌਜੂਦਗੀ ਤੋਂ ਦੁਖੀ-ਇਕ ਖ਼ਬਰ
ਢਾਬ ਤੇਰੀ ਦਾ ਗੰਧਲਾ ਪਾਣੀ, ਉੱਤੋਂ ਬੂਰ ਹਟਾਵਾਂ।

ਅਕਾਲੀ ਦਲ ਅੰਦਰ ਬੈਠੇ ਆਗੂ ਵੀ ਬਾਦਲ ਪਰਵਾਰ ਤੋਂ ਪ੍ਰੇਸ਼ਾਨ- ਟਿਵਾਣਾ, ਗਰੇਵਾਲ
ਉੱਜੜੀਆਂ ਭਰਜਾਈਆਂ ਵਲੀ ਜਿਹਨਾਂ ਦੇ ਜੇਠ।

ਆਜ਼ਾਦੀ ਦੇ 70 ਸਾਲਾਂ ਬਾਅਦ ਵੀ ਸ਼ਹੀਦਾਂ ਦੇ ਸੁਪਨੇ ਪੂਰੇ ਨਹੀਂ ਹੋਏ- ਸੁਖਪਾਲ ਖਹਿਰਾ
ਮਿੱਤਰਾਂ ਨੂੰ ਮਾਰ ਗਿਆ, ਤੇਰਾ ਮੁੜ ਕੇ ਆਉਣ ਦਾ ਲਾਰਾ।

ਮੌਸਮ ਦੀ ਕਰੋਪੀ ਨਾਲ਼ ਪੰਜਾਬ 'ਚ ਕਈ ਜਿਲ੍ਹਿਆਂ 'ਚ ਸੜਕਾਂ ਦੀ ਹੋਈ ਬੁਰੀ ਹਾਲਤ-ਇਕ ਖ਼ਬਰ
ਸੜਕਾਂ ਵਿਚਾਰੀਆਂ ਤਾਂ ਪਹਿਲਾ ਹੀ ਭਾਰ ਚੁੱਕਣ ਜੋਗੀਆਂ ਨਹੀਂ ਤੇ ਉੱਪਰੋਂ ਬਾਰਸ਼ਾਂ ਦਾ ਕਹਿਰ।

 
ਕੈਪਟਨ ਦੀ ਰੈਲੀ ਤੋਂ ਪਹਿਲਾਂ ਕਾਂਗਰਸੀਆਂ ਵਲੋਂ ਸੋਸ਼ਲ ਮੀਡੀਆ ਰਾਹੀਂ ਨਾਰਾਜ਼ਗੀ ਦਾ ਪ੍ਰਗਟਾਵਾ-ਇਕ ਖ਼ਬਰ
ਘੁੰਡ ਵਿਚ ਕੇਰੇ ਅੱਥਰੂ, ਨਾਂ ਯਾਰ ਦਾ ਲੈਣ ਤੋਂ ਡਰਦੀ।

ਪਹਿਲਾਂ ਪੰਥ ਨੇ ਫਿਰ ਅਕਾਲੀ ਦਲ ਨੇ ਤੇ ਹੁਣ ਸ਼੍ਰੋਮਣੀ ਕਮੇਟੀ ਨੇ ਵੀ ਵਿਸਾਰਿਆ ਜਥੇਦਾਰ- ਇਕ ਖ਼ਬਰ
ਨੀਂ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

ਅਕਾਲੀ ਦਲ ਦੀ ਰੈਲੀ ਸ਼ਾਹੀ ਮਹਿਲ ਦੀਆਂ ਨੀਹਾਂ ਹਿਲਾ ਦੇਵੇਗੀ- ਇਕ ਖ਼ਬਰ
ਦਾਰੂ ਪੀ ਕੇ ਮਿੱਤਰਾਂ ਨੇ, ਤੇਰੇ ਬੂਹੇ ਅੱਗੇ ਡਾਂਗ ਖੜਕਾਉਣੀ।

ਟਕਸਾਲੀ ਕਾਂਗਰਸੀ ਕਪਤਾਨੀ ਬੇਰੁਖ਼ੀ ਤੋਂ ਔਖੇ- ਇਕ ਖ਼ਬਰ
ਵਿਹੜੇ ਵੜਦਾ ਖੜਕ ਨਹੀਂਉਂ ਕਰਦਾ, ਬਾਬੇ ਗਲ਼ ਟੱਲ ਪਾ ਦਿਉ।

ਕਸ਼ਮੀਰ ਮੁੱਦੇ ਤੋਂ ਬਿਨਾਂ ਭਾਰਤ-ਪਾਕਿ ਗੱਲਬਾਤ ਸੰਭਵ ਨਹੀਂ- ਫ਼ਵਾਦ
ਨਾ ਨੌਂ ਮਣ ਤੇਲ ਹੋਵੇ ਨਾ ਰਾਧਾ ਨੱਚੇ।

ਸ਼੍ਰੋਮਣੀ ਕਮੇਟੀ ਨੇ ਭਾਈ ਲਾਲੋ ਜੀ ਨੂੰ ਉਹਨਾਂ ਦੇ ਜਨਮ ਦਿਹਾੜੇ 'ਤੇ ਵਿਸਾਰਿਆ- ਇਕ ਖ਼ਬਰ
ਮਲਕ ਭਾਗੋ ਕਿਉਂ ਮਨਾਉਣਗੇ ਬਈ ਭਾਈ ਲਾਲੋ ਜੀ ਦਾ ਜਨਮ ਦਿਨ!

ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ

24 Sep. 2018

ਲੋਕ ਕਚਹਿਰੀ ਤੋਂ ਬਾਅਦ ਬਾਦਲਾਂ ਨੂੰ ਹੁਣ ਕਾਨੂੰਨ ਦੀ ਕਚਹਿਰੀ ਵਿਚ ਵੀ ਹਿਸਾਬ ਦੇਣਾ ਪਵੇਗਾ- ਮਨਪ੍ਰੀਤ ਬਾਦਲ
ਰੱਬ ਚਾੜ੍ਹ ਪਹਾੜ ਤੋਂ ਡੇਗ ਦਿੰਦਾ, ਕਰੀਏ ਗਰਬ ਨਾ ਵੱਡੇ ਇਕਬਾਲ ਦਾ ਜੀ।

ਪੰਜਾਬ ਦੇ ਅਸਲ ਮੁੱਦੇ ਮੌਜੂਦਾ ਸਿਆਸੀ ਮਾਹੌਲ 'ਚੋਂ ਗ਼ਾਇਬ-ਇਕ ਖ਼ਬਰ
ਰਾਮਧਨ ਮੁੜ ਮੁੜ ਰਾਤ ਦੇਖੇ, ਦਿਨ ਚੜ੍ਹਨ ਉੱਪਰ ਨਾ ਆਂਵਦਾ ਈ।

ਮੋਦੀ ਸਰਕਾਰ ਨੂੰ ਮਹਿੰਗੀ ਪਵੇਗੀ ਮਹਿੰਗਾਈ, ਮੋਦੀ ਲਈ ਪ੍ਰਚਾਰ ਨਹੀਂ ਕਰਾਂਗਾ- ਰਾਮਦੇਵ
ਹਾਏ ਓਏ ਦਿੱਲੀ ਲੁੱਟੀ, ਦੁਪਹਿਰੇ ਦੀਵਾ ਬਾਲ਼ ਕੇ।

ਫ਼ਰਾਂਸ ਦੇ ਸਾਬਕਾ ਰਾਸ਼ਟਰਪਤੀ ਨੇ ਕਿਹਾ ਕਿ ਰਿਲਾਇੰਸ ਕੰਪਨੀ ਦਾ ਨਾਂ ਮੋਦੀ ਸਰਕਾਰ ਨੇ ਹੀ ਸੁਝਾਇਆ ਸੀ-ਇਕ ਖ਼ਬਰ
ਜੰਞ ਘੁਮਿਆਰਾਂ ਦੀ, ਵਿਚ ਗਧਾ ਹਿਣਕਦਾ ਆਵੇ।

ਰੈਲੀਆਂ ਵਾਲ਼ੀ 'ਜੰਗ' ਭਖਾਉਣ 'ਚ ਜੁੱਟੇ ਕਾਂਗਰਸੀ ਤੇ ਅਕਾਲੀ- ਇਕ ਖ਼ਬਰ
ਰੈਲੀਆਂ, ਰੈਲੀਆਂ, ਰੈਲੀਆਂ, ਲੋਕਾਂ ਦੀਆਂ ਆਸਾਂ ਮਿੱਟੀ ਵਿਚ ਰੋਲੀਆਂ।

ਕਰਤਾਰ ਪੁਰ ਲਾਂਘੇ ਦੀ ਸਿੱਧੂ ਵਲੋਂ ਗੱਲਬਾਤ ਪਹਿਲ ਬਾਦਲਾਂ ਨੂੰ ਹਜ਼ਮ ਨਹੀਂ ਹੋ ਰਹੀ-ਇਕ ਖ਼ਬਰ
ਵਾਰਸ ਆਸ਼ਕਾਂ ਨੂੰ ਕੌਣ ਕੈਦ ਕਰਦਾ, ਜਿਹਨਾਂ ਬਖ਼ਸ਼ੀਆਂ ਰੱਬ ਆਜ਼ਾਦੀਆਂ ਵੇ।

ਸ਼੍ਰੋਮਣੀ ਕਮੇਟੀ ਦੇ ਸਮਾਗਮ ਵਿਚ ਹਾਸ਼ੀਏ 'ਤੇ ਰਹੇ ਗਿਆਨੀ ਗੁਰਬਚਨ ਸਿੰਘ- ਇਕ ਖ਼ਬਰ
ਅਸਾਂ ਹੁਣ ਤੁਰ ਜਾਣਾ, ਦਿਨ ਰਹਿ ਗਏ ਥੋੜ੍ਹੇ।

ਮਨੋਹਰ ਖੱਟਰ ਪਾਕਿਸਤਾਨ 'ਚ ਆਪਣੇ ਪਿੰਡ ਝੰਗ ਦਾ ਦੌਰਾ ਕਰਨਗੇ- ਇਕ ਖ਼ਬਰ
ਦੌਰਾ ਜੰਮ ਜੰਮ ਕਰੀਂ ਪਰ ਬਾਜਵੇ ਦੀ ਜੱਫੀ ਤੋਂ ਬਚ ਕੇ ਰਹੀਂ ਭਰਾਵਾ।

ਨਾ ਕੋਈ ਅਕਾਲੀ ਦਲ ਦਾ ਪ੍ਰਧਾਨ ਬਣਨ ਨੂੰ ਤਿਆਰ ਤੇ ਨਾ ਕੋਈ ਜਥੇਦਾਰ ਲੱਗਣ ਨੂੰ- ਇਕ ਖ਼ਬਰ
ਭੱਠ ਪਿਆ ਸੋਨਾ ਜਿਹੜਾ ਕੰਨਾਂ ਨੂੰ ਖਾਵੇ।

ਦੇਸ਼ ਵਿਰੋਧੀ ਤਾਕਤਾਂ ਪੰਜਾਬ 'ਚ ਹਿੰਸਕ ਸਾਜ਼ਿਸ਼ਾਂ ਰਚ ਰਹੀਆਂ ਹਨ- ਮਜੀਠੀਆ
ਬਿਲਕੁਲ ਠੀਕ ਮਜੀਠੀਆ ਸਾਹਿਬ! ਇਹ ਤਾਕਤਾਂ ਰੈਲੀਆਂ ਵੀ ਕਰ ਰਹੀਆਂ ਹਨ।

ਕਰਤਾਰ ਪੁਰ ਦੇ ਲਾਂਘੇ ਬਾਰੇ ਭਾਰਤ ਸਰਕਾਰ ਨਾਲ਼ ਗੱਲ ਕਰਾਂਗੇ-ਲੌਂਗੋਵਾਲ
ਨਹੀਂ ਭਾਈ, ਯਸੂ ਮਸੀਹ ਦੇ ਦਰਬਾਰ 'ਚ ਅਰਦਾਸ ਕਰਾਈਂ ਜਾ ਕੇ।

ਕੈਪਟਨ ਦੀ ਲੰਬੀ ਰੈਲੀ 'ਤੇ ਕੋਈ ਉਜ਼ਰ ਨਹੀਂ- ਬਾਦਲ
ਕਦੇ ਆ ਵੜ ਵੇਹੜੇ ਮੇਰੇ, ਵੇ ਮੈਂ ਤੈਨੂੰ ਯਾਦ ਕਰਦੀ।

ਡਾ. ਗਾਂਧੀ ਵਲੋਂ ਮੁੜ 'ਝਾੜੂ' ਫੜਨ ਦੇ ਆਸਾਰ- ਇਕ ਖ਼ਬਰ
ਧਾਹਾਂ ਮਾਰਦਾ ਬਸੰਤ ਵਿਚਾਰਾ, ਵੀਰਾਂ ਨਾਲ਼ੋਂ ਵੀਰ ਵਿਛੜੇ।

ਇਕ ਸਰਕਾਰੀ ਐਲੀਮੈਂਟਰੀ ਸਕੂਲ 'ਚ 80 ਬੱਚਿਆਂ ਨੂੰ ਇਕ ਅਧਿਆਪਕਾ ਪੜ੍ਹਾ ਰਹੀ ਹੈ-ਇਕ ਖ਼ਬਰ
ਵਿਦਿਆ ਦਾ ਪੱਧਰ 'ਉੱਚਾ' ਚੁੱਕਿਆ ਜਾ ਰਿਹਾ ਹੈ।

ਨਵਜੋਤ ਸਿੱਧੂ ਖ਼ਿਲਾਫ਼ ਕਾਰਵਾਈ ਕਰੇ ਰਾਹੁਲ ਗਾਂਧੀ- ਹਰਸਿਮਰਤ ਬਾਦਲ
ਰਾਣੀ ਆਖਦੀ ਰਾਜਾ ਜੀ, ਪੂਰਨ ਨੂੰ ਕਰੋ ਹਲਾਲ।

ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ

18 Sep. 2018

ਵੱਡੇ ਕਰਜ਼ਾ ਚੋਰਾਂ ਦੀ ਸੂਚੀ ਪ੍ਰਧਾਨ ਮੰਤਰੀ ਨੂੰ ਭੇਜੀ ਸੀ ਪਤਾ ਨਹੀਂ ਕੀ ਬਣਿਆਂ?- ਰਾਜਨ
ਇੱਲਾਂ ਦੇ ਆਹਲਣੇ 'ਚੋਂ ਮਾਸ ਭਾਲ਼ਦੇ ਹੋ।

ਵਧੀਆਂ ਤੇਲ ਕੀਮਤਾਂ ਤੋਂ ਮੈਨੂੰ ਕੋਈ ਪ੍ਰੇਸ਼ਾਨੀ ਨਹੀਂ ਕਿਉਂਕਿ ਮੈਂ ਮੰਤਰੀ ਹਾਂ-ਪੈਟਰੌਲ ਮੰਤਰੀ
ਅੰਨ੍ਹੀ ਕੁੱਤੀ ਜਲੇਬੀਆਂ ਦੀ ਰਾਖੀ।

ਬਾਬੇ ਨਾਨਕ ਦਾ 550ਵਾਂ ਪ੍ਰਕਾਸ਼ ਪੁਰਬ ਮਨਾਉਣ ਵਿਚ ਕੋਈ ਕਸਰ ਨਹੀਂ ਛੱਡਾਂਗੇ- ਕੈਪਟਨ
ਕੈਪਟਨ ਸਾਹਿਬ ਪੰਜਾਬ 'ਚ ਹਰ ਪਾਸੇ ਪੰਜਾਬੀ ਲਾਗੂ ਕਰਕੇ ਬਾਬੇ ਦੀਆਂ ਖ਼ੁਸ਼ੀਆਂ ਲਉ।

ਡੋਨਾਲਡ ਟਰੰਪ ਹੋਣਗੇ ਗਣਤੰਤਰ ਦਿਹਾੜੇ ਮੌਕੇ ਮੁੱਖ ਮਹਿਮਾਨ- ਇਕ ਖ਼ਬਰ
ਲੌਢੇ ਵੇਲੇ ਮਾਹੀਏ ਆਉੇਣਾ ਮੰਨ ਪਕਾਵਾਂ ਕਣਕ ਦਾ,
ਅੰਦਰ ਜਾਵਾਂ ਬਾਹਰ ਜਾਵਾਂ ਲਾਲ ਚੂੜਾ ਛਣਕਦਾ।

ਭਾਜਪਾ ਨੇ ਅਕਾਲੀ ਦਲ ਤੋਂ ਬਣਾਈ ਦੂਰੀ ਪਰ ਸਿਆਸੀ ਗੱਠਜੋੜ ਕਾਇਮ- ਇਕ ਖ਼ਬਰ
ਯਾਰੀ ਹੱਟੀ 'ਤੇ ਲਿਖਾ ਕੇ ਲਾਈਏ, ਦਗ਼ੇਬਾਜ਼ ਹੋ ਗਈ ਦੁਨੀਆਂ।

ਪੰਜਾਬ ਸਰਕਾਰ ਤੇ ਅਕਾਲੀ ਦਲ ਪੋਲ ਖੋਲ੍ਹ ਰੈਲੀ ਨੂੰ ਲੈ ਕੇ ਹੋਏ ਆਹਮੋ-ਸਾਹਮਣੇ-ਇਕ ਖ਼ਬਰ
ਕੁੰਢੀਆਂ ਦੇ ਸਿੰਗ ਫ਼ਸ ਗਏ, ਕੋਈ ਨਿੱਤਰੂ ਵੜੇਂਵੇ ਖਾਣੀ।

ਬਾਦਲਾਂ ਨੂੰ ਪੰਥ 'ਚੋਂ ਛੇਕਣ ਲਈ ਸਿੱਧੂ ਨੇ ਜਥੇਦਾਰ ਨੂੰ ਮੰਗ ਪੱਤਰ ਦਿੱਤਾ- ਇਕ ਖ਼ਬਰ
ਸਿੱਧੂ ਸਾਹਿਬ ਤੇਰੇ ਦਫ਼ਤਰ ਦਾ ਚਪੜਾਸੀ ਕੀ ਤੇਰੀ ਵਜ਼ੀਰੀ ਖੋਹ ਸਕਦਾ?

ਭੂੰਦੜ ਨੂੰ ਛੇਤੀ ਹੀ ਅਕਾਲੀ ਦਲ ਦਾ ਕਾਰਜਕਾਰੀ ਪ੍ਰਧਾਨ ਬਣਾਇਆ ਜਾ ਸਕਦਾ ਹੈ- ਇਕ ਖ਼ਬਰ
ਤੈਥੋਂ ਤਪ ਨਈਂ ਬਾਲਕਾ ਹੋਣਾ, ਜੰਗਲਾਂ 'ਚ ਸ਼ੇਰ ਬੁੱਕਦੇ।

ਆਪਣੇ 'ਤੇ ਲੱਗੇ ਦੋਸ਼ਾਂ ਬਾਰੇ ਗਿਆਨੀ ਗੁਰਬਚਨ ਸਿੰਘ ਸਪਸ਼ਟੀਕਰਣ ਨਹੀਂ ਦੇ ਰਹੇ-ਇਕ ਸਵਾਲ
ਕੀ ਗ਼ਮ ਖਾ ਗਿਆ ਮਿੱਤਰਾ, ਰੰਗ ਹੋ ਗਿਆ ਤੋਰੀ ਦੇ ਫੁੱਲ ਵਰਗਾ।

ਕਿਸਾਨ ਜਥੇਬੰਦੀਆਂ ਵਲੋਂ ਭਾਜਪਾ ' ਕਿਸਾਨਾਂ ਦੀ ਦੁਸ਼ਮਣ ਜਮਾਤ' ਕਰਾਰ- ਇਕ ਖ਼ਬਰ
ਉਜੜੀਆਂ ਭਰਜਾਈਆਂ, ਵਲੀ ਜਿਹਨਾਂ ਦੇ ਜੇਠ।

ਦੋ ਸਾਲਾਂ ਵਿਚ ਹੀ ਬਣਾਈਆਂ ਹੋਈਆਂ ਗਲ਼ੀਆਂ ਟੁੱਟਣ ਲੱਗ ਪਈਆਂ- ਇਕ ਖ਼ਬਰ
ਫੇਰ ਗਰਾਂਟਾਂ ਆਉਣਗੀਆਂ, ਬਾਂਦਰ ਰੋਟੀ ਵੰਡਣਗੇ।

ਭਾਰਤ ਛੱਡਣ ਤੋਂ ਪਹਿਲਾਂ ਅਰੁਣ ਜੇਤਲੀ ਨੂੰ ਮਿਲ਼ਿਆ ਸੀ- ਵਿਜੈ ਮਾਲਿਆ
ਸੁਣ ਲੈ ਨਿਹਾਲੀਏ ਚੋਰਾਂ ਦੀਆਂ ਗੱਲਾਂ।

ਕੈਪਟਨ-ਬਾਦਲ ਇਕੋ ਸਿੱਕੇ ਦੇ ਦੋ ਪਾਸੇ- ਭਗਵੰਤ ਮਾਨ
ਨੱਥਾ ਸਿੰਘ ਪ੍ਰੇਮ ਸਿੰਘ, ਵੰਨ ਐਂਡ ਦੀ ਸੇਮ ਥਿੰਗ।

'ਆਪ' ਨੂੰ ਹੁਣ ਛੋਟੇ ਪੁਰ ਤੋਂ ਵੱਡੀਆਂ ਆਸਾਂ- ਇਕ ਖ਼ਬਰ
ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਿਲ ਭਾਰੀ ਜੀ।

ਬਠਿੰਡਾ ਕਨਵੈਂਨਸ਼ਨ ਦੇ ਮਤਿਆਂ ਤੋਂ ਪਿੱਛੇ ਨਹੀਂ ਹਟਾਂਗੇ- ਖਹਿਰਾ
ਵਾਰਸ ਸ਼ਾਹ ਨਾ ਮੁੜਾ ਰੰਝੇਟੜੇ ਤੋਂ, ਭਾਵੇਂ ਬਾਪ ਦਾ ਬਾਪ ਦਾ ਬਾਪ ਆਵੇ।