ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
23 MAY 2022
ਸਾਡੀ ਲੜਾਈ ਸ਼ੋਸ਼ਣ ਕਰਨ ਵਾਲੇ ਪੂੰਜੀਪਤੀ ਵਰਗ ਨਾਲ਼ ਹੈ- ਉਗਰਾਹਾਂ
ਮਿੱਠੀਆਂ ਪਕਾਵਾਂ ਰੋਟੀਆਂ, ਮੇਰੇ ਵੀਰ ਨੇ ਲਾਮ ਨੂੰ ਜਾਣਾ।
ਨਵਜੋਤ ਸਿੱਧੂ ਦੇ ਅੱਗੇ ਪਿੱਛੇ ਫਿਰਨ ਵਾਲ਼ੇ ਉਸ ਦੇ ਜੇਲ੍ਹ ਜਾਣ ਵੇਲੇ ਕਿਤੇ ਰੜਕੇ ਨਹੀਂ- ਇਕ ਖ਼ਬਰ
ਜਿਹੜੇ ਕਹਿੰਦੇ ਸੀ ਮਰਾਂਗੇ ਨਾਲ ਤੇਰੇ, ਛੱਡ ਕੇ ਮੈਦਾਨ ਭੱਜ ਗਏ।
50 ਸਾਲ ਕਾਂਗਰਸ ‘ਚ ਰਹੇ ਸੁਨੀਲ ਜਾਖੜ ਭਾਜਪਾ ‘ਚ ਹੋਏ ਸ਼ਾਮਲ- ਇਕ ਖ਼ਬਰ
ਆਵੇਂ ਕਿਸੇ ਹੋਰ ਨਾਲ ਜਾਵੇਂ ਕਿਸੇ ਹੋਰ ਨਾਲ, ਬੱਲੇ ਓਏ ਚਾਲਾਕ ਸੱਜਣਾ।
ਸਿੱਖ ਕੌਮ ਬਾਦਲਾਂ ਨੂੰ ਮਾਫ਼ ਨਹੀਂ ਕਰੇਗੀ, ਇਹਨਾਂ ਦੇ ਪਾਪਾਂ ਦੀ ਲਿਸਟ ਲੰਮੀ ਹੈ- ਖਾਲੜਾ ਮਿਸ਼ਨ
ਜੱਗ ਭਾਵੇਂ ਕੁਝ ਵੀ ਕਹੇ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।
ਕੁੰਵਰ ਵਿਜੈ ਪ੍ਰਤਾਪ ਨੇ ਅਪਣੀ ਹੀ ਸਰਕਾਰ ਵਲੋਂ ਕੀਤੀ ਜਾ ਰਹੀ ਜਾਂਚ ‘ਤੇ ਚੁੱਕੇ ਸਵਾਲ- ਇਕ ਖ਼ਬਰ
ਝੰਡੇ ਨਿਕਲੇ ਕੂਚ ਦਾ ਹੁਕਮ ਹੋਇਆ, ਚੜ੍ਹੇ ਸੂਰਮੇ ਸਿੰਘ ਦਲੇਰ ਮੀਆਂ।
ਕਾਂਗਰਸ ਨਾ ਰਾਸ਼ਟਰੀ ਪਾਰਟੀ, ਨਾ ਭਾਰਤੀ ਤੇ ਨਾ ਹੀ ਲੋਕਤੰਤਰੀ- ਨੱਢਾ
ਉਹੋ ਤੇਰੀ ਤੁਣਤੁਣੀ, ਉਹੀਓ ਤੇਰਾ ਰਾਗ।
ਦਾਦੂਵਾਲ ਤੋਂ ਬਾਅਦ ਬਹਿਬਲ ਮੋਰਚੇ ਵਲੋਂ ਵੀ ਬਾਦਲਾਂ ਦੀ ਸ਼ਮੂਲੀਅਤ ਦਾ ਵਿਰੋਧ- ਇਕ ਖ਼ਬਰ
ਪੁੰਨ ਪਾਪ ਤੇਰੇ ਬੰਦਿਆ, ਤੱਕੜੀ ‘ਤੇ ਤੁਲ ਜਾਣਗੇ।
ਕਾਂਗਰਸ ਵਲੋਂ ‘ ਭਾਰਤ ਜੋੜੋ ਯਾਤਰਾ’ ਦਾ ਐਲਾਨ- ਇਕ ਖ਼ਬਰ
ਪਹਿਲਾਂ ਆਪ ਤਾਂ ਜੁੜ ਜਾਉ, ਆਪ ਤਾਂ ਖੱਖੜੀਆਂ ਕਰੇਲੇ ਹੋਏ ਫਿਰਦੇ ਹੋ!
ਪੁਲਿਸ ਨੂੰ ਵੇਖ ਕੇ ਡੇਢ ਕਿੱਲੋ ਅਫੀਮ ਸੁੱਟ ਕੇ ਵਿਅਕਤੀ ਫ਼ਰਾਰ- ਇਕ ਖ਼ਬਰ
ਰੱਬ ਨੇ ਦਿਤੀਆਂ ਗਾਜਰਾਂ, ਵਿਚੇ ਰੰਬਾ ਰੱਖ।
ਕੁੰਵਰ ਵਿਜੈ ਪ੍ਰਤਾਪ ਸਿੰਘ ਨੂੰ ਗ੍ਰਹਿ ਮੰਤਰੀ ਲਗਾਇਆ ਜਾਵੇ- ਨਵਜੋਤ ਕੌਰ ਸਿੱਧੂ
ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ, ਉਹ ਮੇਰਾ ਵੀਰ ਕੁੜੀਓ।
ਝੂਠੇ ਪੁਲਿਸ ਮੁਕਾਬਲੇ ਬਣਾਉਣ ਵਾਲ਼ੇ ਅਫ਼ਸਰਾਂ ਤੇ ਸਿੱਖਾਂ ਲਈ ਦੋਹਰੇ ਮਾਪਦੰਡ ਕਿਉਂ?- ਮਾਝੀ
ਮਿੱਤਰਾਂ ਦੇ ਫੁਲਕੇ ਨੂੰ, ਨੀ ਮੈਂ ਖੰਡ ਦਾ ਪਲੇਥਣ ਲਾਵਾਂ।
11 ਮੈਂਬਰੀ ਕਮੇਟੀ ‘ਚ ਹੋਣ ਲੱਗੀਆਂ ਇਕ ਦੂਜੇ ਪ੍ਰਤੀ ਦੂਸ਼ਣਬਾਜ਼ੀਆਂ- ਇਕ ਖ਼ਬਰ
ਮੋਤੀ ਖਿੱਲਰ ਗਏ, ਚੁਗ ਲੈ ਕਬੂਤਰ ਬਣ ਕੇ।
ਪ੍ਰਿਯੰਕਾ ਗਾਂਧੀ ਨੇ ਫ਼ੋਨ ਕਰ ਕੇ ਨਵਜੋਤ ਸਿੱਧੂ ਨੂੰ ਦਿਤਾ ਹੌਸਲਾ- ਇਕ ਖ਼ਬਰ
ਸਰਵਣ ਵੀਰ ਦੇ ਬਿਨਾਂ, ਮੇਰੀ ਰੁਲ਼ਦੀ ਵਣਾਂ ਵਿਚ ਗੱਠੜੀ।
‘ਜਥੇਦਾਰ’ ਜਾਂ ਪ੍ਰਧਾਨ ਨੇ ਗਿਆਨੀ ਜਗਤਾਰ ਸਿੰਘ ਵਿਰੁੱਧ ਕਿਉਂ ਨਹੀਂ ਕੀਤੀ ਕੋਈ ਕਾਰਵਾਈ- ਮਾਝੀ
ਕੀ ਲਗਦੇ ਸੰਤੀਏ ਤੇਰੇ, ਜਿਹਨਾਂ ਨੂੰ ਰਾਤੀਂ ਖੰਡ ਪਾਈ ਸੀ।
ਬੰਦੀ ਸਿੱਖਾਂ ਬਾਰੇ ਬਣੀ ਕਮੇਟੀ ਤੋਂ ਪੰਥ ਨੂੰ ਬਹੁਤੀ ਆਸ ਨਹੀਂ ਰੱਖਣੀ ਚਾਹੀਦੀ- ਗੁਰਦੀਪ ਸਿੰਘ ਬਠਿੰਡਾ
ਦੁੱਧ ਪੀਣੇ ਮਜਨੂੰਆਂ ‘ਚੋਂ, ਕੋਈ ਵਿਰਲਾ ਹੀ ਜਾਮ ਸ਼ਹਾਦਤ ਪੀਵੇ।
ਕਾਂਗਰਸ ਤੇ ‘ਆਪ’ ਨਸ਼ੇ ਖ਼ਤਮ ਕਰਨ ‘ਚ ਅਸਫ਼ਲ- ਹਰਸਿਮਰਤ
ਬੀਬੀ ਜੀ! ਤੁਹਾਡੇ ਕਿਸੇ ਨੇ ਹੱਥ ਫੜੇ ਹੋਏ ਨਸ਼ੇ ਖ਼ਤਮ ਕਰਨ ਤੋਂ?
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
6.05.2022
ਰੂਸੀ ਟਾਕਰੇ ਲਈ ਬਰਤਾਨੀਆ ਨੇ ਯੂਕਰੇਨ ਨੂੰ ਹੋਰ ਫੌਜੀ ਸਹਾਇਤਾ ਦੇਣ ਦਾ ਕੀਤਾ ਵਾਅਦਾ-ਇਕ ਖ਼ਬਰ
ਚੜ੍ਹ ਜਾ ਬੱਚਾ ਸੂਲ਼ੀ, ਰਾਮ ਭਲੀ ਕਰੇਗਾ।
ਕਮੇਟੀ ਦੀ ਰਿਪੋਰਟ ਮਿਲਣ ਮਗਰੋਂ ਵੈੱਬ ਚੈਨਲ ਸ਼ੁਰੂ ਕਰ ਦਿਤਾ ਜਾਵੇਗਾ- ਧਾਮੀ
ਨਾ ਨੌਂ ਮਣ ਤੇਲ ਹੋਵੇਗਾ, ਨਾ ਰਾਧਾ ਨੱਚੇਗੀ।
ਨਹਿਰੀ ਗੇਟਾਂ ਦੀ ਮੁਰੰਮਤ ‘ਤੇ ਸੌ ਕਰੋੜ ਖ਼ਰਚਣ ਦੇ ਬਾਵਜੂਦ ਕਿਸਾਨ ਪਾਣੀ ਨੂੰ ਤਰਸੇ- ਇਕ ਖ਼ਬਰ
ਸੌ ਕਰੋੜ ਪਿਆਰਿਉ ਗੇਟਾਂ ‘ਤੇ ਨਹੀਂ ਜੇਬਾਂ ‘ਤੇ ਖਰਚੇ ਐ।
ਆਨਲਾਈਨ ਖ਼ਰੀਦੀ ਪੁਰਾਣੀ ਅਲਮਾਰੀ ਵਿਚੋਂ ਨਿਕਲੇ ਇਕ ਕਰੋੜ ਰੁਪਏ- ਇਕ ਖ਼ਬਰ
ਉੱਪਰ ਵਾਲ਼ਾ ਜਦ ਵੀ ਦਿੰਦਾ, ਦਿੰਦਾ ਛੱਪਰ ਪਾੜ ਕੇ।
ਲਾਪਤਾ ਸਰੂਪਾਂ ਦੇ ਮਾਮਲੇ ‘ਚ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਮੁੱਖ ਦੋਸ਼ੀਆਂ ਨੂੰ ਬਚਾਉਣ ਲੱਗੇ- ਬਾਜ਼ ਸਿੰਘ,ਗੁਰਬਚਨ ਸਿੰਘ
ਵਿਚਾਰੇ ਪ੍ਰਧਾਨ ਨੂੰ ਅੱਕ ਚੱਬ ਕੇ ਇਹ ਕੰਮ ਕਰਨਾ ਹੀ ਪੈਣਾ ਹੈ, ਮਾਲਕਾਂ ਦਾ ਹੁਕਮ ਭਾਈ।
ਦੋ ਸੌ ਰੁਪਏ ਰਿਸ਼ਵਤ ਲੈਣ ਦੇ ਦੋਸ਼ ‘ਚ ਪੁਲੀਸ ਮੁਲਾਜ਼ਮ ਗ੍ਰਿਫ਼ਤਾਰ- ਇਕ ਖ਼ਬਰ
ਦੁਰ ਫਿਟੇਮੂੰਹ! ਰਿਸ਼ਵਤ ਦਾ ਸਟੈਂਡਰਡ ਹੀ ਮਿੱਟੀ ਕਰ ‘ਤਾ ਸਹੁਰੀ ਦਿਆ!
ਭਗਵੰਤ ਮਾਨ ਨੇ ਪੰਜਾਬ ਦੇ ਹਿਤ ਦਿੱਲੀ ਨੂੰ ਵੇਚੇ- ਸੁਖਬੀਰ ਬਾਦਲ
ਤੁਸੀਂ ਵੀ ਤਾਂ ਭਾਜਪਾ ਨੂੰ ਬਿਨਾਂ ਸ਼ਰਤ ਹਮਾਇਤ ਦੇ ਕੇ ਪੰਜਾਬ ਦੇ ਹਿਤ ਵੇਚਦੇ ਰਹੇ ਹੋ।
ਸਰਕਾਰੀ ਥਰਮਲ ਪਲਾਂਟ ਬੰਦ ਕਰ ਕੇ ਅਡਾਨੀ ਤੋਂ ਬਿਜਲੀ ਖ਼ਰੀਦ ਰਹੀ ਹੈ ਹਰਿਆਣਾ ਸਰਕਾਰ-ਇਕ ਖ਼ਬਰ
ਮਿੱਤਰਾਂ ਦੇ ਤਿੱਤਰਾਂ ਨੂੰ, ਨੀਂ ਮੈਂ ਤਲੀਆਂ ‘ਤੇ ਚੋਗ ਚੁਗਾਵਾਂ।
ਭਾਜਪਾ ਬੇਲੋੜੇ ਮੁੱਦੇ ਪੈਦਾ ਕਰ ਰਹੀ ਹੈ- ਕਾਂਗਰਸੀ ਆਗੂ ਸਿੰਘਵੀ
ਚੋਰ ਚੌਧਰੀ ਯਾਰ ਨਾਪਾਕ ਦਾਮਨ, ਭੂਤ ਮੰਡਲੀ ਇਕ ਦੂੰ ਚਾਰ ਹੋਈ।
ਰਾਸ਼ਟਰਪਤੀ ਨਹੀਂ, ਪ੍ਰਧਾਨ ਮੰਤਰੀ ਬਣਨਾ ਚਾਹੁੰਦੀ ਹਾਂ- ਮਾਇਆਵਤੀ
ਨੀਂ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।
ਜੀ-23 ਕਾਂਗਰਸੀ ਆਗੂਆਂ ਨਾਲ ਸੋਨੀਆ ਗਾਂਧੀ ਦੀ ਸੁਲ੍ਹਾ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।
ਪਾਕਿਸਤਾਨ ਕਿਸੇ ਵੀ ਕੀਮਤ ‘ਤੇ ਅਮਰੀਕਾ ਨਾਲ਼ ਦੁਸ਼ਮਣੀ ਨਹੀਂ ਰੱਖ ਸਕਦਾ- ਨਵਾਜ਼ ਸ਼ਰੀਫ਼
ਮਿੱਠੇ ਯਾਰ ਦੇ ਬਰੋਬਰ ਬਹਿ ਕੇ, ਮਿੱਠੇ ਮਿੱਠੇ ਬੇਰ ਚੁਗੀਏ।
ਬਾਦਲਾਂ ਨੂੰ ਸਿਆਸੀ ਫਾਇਦਾ ਦੇਣ ਲਈ ਸ਼੍ਰੋਮਣੀ ਕਮੇਟੀ ਦਾ ਮੂੰਹ ਦਿੱਲੀ ਵਲ- ਹਰਪ੍ਰੀਤ ਸਿੰਘ ਜੌਲੀ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।
ਭਾਜਪਾ ਦਾ ਕੈਪਟਨ ਤੇ ਢੀਂਡਸਾ ਦੀ ਪਾਰਟੀ ਤੋਂ ਮੋਹ ਭੰਗ ਹੋਇਆ- ਇਕ ਖ਼ਬਰ
ਮੇਰੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।
ਪੰਜਾਬ ਤੇ ਦਿੱਲੀ ਦੀਆਂ ਸਰਕਾਰਾਂ ਇਕ ਦੂਜੇ ਨੂੰ ਵੰਡਣਗੀਆਂ ‘ਗਿਆਨ’- ਇਕ ਖ਼ਬਰ
ਮੈਂ ਤੇਰੀ ਤੂੰ ਮੇਰਾ, ਛੱਡ ਨਾ ਜਾਵੀਂ ਵੇ।
ਪ੍ਰਸ਼ਾਂਤ ਕਿਸ਼ੋਰ ਨੇ ਕਾਂਗਰਸ ‘ਚ ਸ਼ਾਮਲ ਹੋਣ ਤੋਂ ਕੀਤਾ ਇਨਕਾਰ- ਇਕ ਖ਼ਬਰ
ਖੇਤ ਉਜਾੜ ਪਿਆ, ਮੈਂ ਕਿਵੇਂ ਗਿੱਧੇ ਵਿਚ ਜਾਵਾਂ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
09.05.2022
ਈਦ ਪ੍ਰੋਗਰਾਮ ਤੋਂ ਵਾਪਸ ਆਉਂਦਿਆਂ ਮੁੱਖ ਮੰਤਰੀ ਮਾਨ ਨੇ ਅਚਾਨਕ ਗੱਡੀ ਰੁਕਵਾਈ- ਇਕ ਖ਼ਬਰ
ਐਵੇਂ ਭੁਲੇਖਾ ਲੱਗਿਆ ਮੁੱਖ ਮੰਤਰੀ ਨੂੰ ਕਿ ਸ਼ਾਇਦ ਪਾਲਾ ਖ਼ਾਨ ਬੱਕਰੀ ਲਈ ਖੜ੍ਹਾ ਹੈ।
ਅਕਾਲੀ ਦਲ ਬਾਦਲ ਦੀ ਕੋਰ ਕਮੇਟੀ ਚੋਣਾਂ ਹਾਰਨ ਦੇ ਕਾਰਨਾਂ ਦੀ ਰਿਪੋਰਟ ‘ਤੇ ਵਿਚਾਰ ਨਾ ਕਰ ਸਕੀ- ਇਕ ਰਿਪੋਰਟ
ਝੱਗਾ ਚੁੱਕੀਏ ਜੇ ਆਪਣੇ ਢਿੱਡ ਉੱਤੋਂ, ਨੰਗ ਆਪਣਾ ਹੀ ਨਜ਼ਰ ਆਵਣਾ ਜੀ।
ਮੋਦੀ ਦੇ ਸ਼ਾਸਨ ‘ਚ ਬਿਜਲੀ, ਨੌਕਰੀ ਅਤੇ ਮਹਿੰਗਾਈ ਦਾ ਸੰਕਟ- ਰਾਹੁਲ ਗਾਂਧੀ
ਚੁੱਲ੍ਹੇ ਅੱਗ ਨਾ ਘੜੇ ਦੇ ਵਿਚ ਪਾਣੀ, ਵੇ ਛੜਿਆ ਦੋਜ਼ਖੀਆ।
ਇਮਰਾਨ ਖ਼ਾਨ 15 ਕਰੋੜ ਦੀ ਸਰਕਾਰੀ ਕਾਰ ਵੀ ਨਾਲ਼ ਹੀ ਲੈ ਗਿਆ- ਮਰੀਅਮ
ਬੀਬੀ ਤੂੰ 15 ਕਰੋੜੀ ਕਾਰ ਨੂੰ ਰੋਨੀ ਏਂ ਸਾਡੇ ਵਾਲ਼ਿਆਂ ਨੇ ਤਾਂ ਮੇਜ ਕੁਰਸੀਆਂ ਵੀ ਨਹੀਂ ਛੱਡੀਆਂ।
ਬੰਦੀ ਸਿੰਘਾਂ ਦੀ ਸ਼ਹੀਦੀ ਬਾਰੇ ਸ਼੍ਰੋਮਣੀ ਕਮੇਟੀ ਨੇ 11 ਮਈ ਨੂੰ ਇਕੱਤਰਤਾ ਸੱਦੀ- ਇਕ ਖ਼ਬਰ
ਰੋਂਦੀ ਯਾਰਾਂ ਨੂੰ, ਨਾਂ ਲੈ ਲੈ ਕੇ ਭਰਾਵਾਂ ਦਾ।
ਹਰੀਸ਼ ਚੌਧਰੀ ਨੇ ਸਿੱਧੂ ਖ਼ਿਲਾਫ਼ ਕਾਰਵਾਈ ਕਰਨ ਲਈ ਹਾਈ ਕਮਾਨ ਨੂੰ ਕੀਤੀ ਸਿਫ਼ਾਰਸ਼-ਇਕ ਖ਼ਬਰ
ਲੂਣਾ ਸਲਵਾਨ ਨੂੰ ਆਖਦੀ, ਛੇਤੀ ਪੂਰਨ ਕਰੋ ਹਲਾਲ।
ਦਿੱਲੀ ਪੁਲਸ ਭਾਜਪਾ ਆਗੂ ਤੇਜਿੰਦਰ ਪਾਲ ਬੱਗਾ ਨੂੰ ਸੁਰੱਖਿਆ ਮੁਹਈਆ ਕਰਵਾਏਗੀ –ਇਕ ਖ਼ਬਰ
ਸਕਿਉਰਟੀ ਲੈਣ ਦਾ ਤਾਂ ਚੱਕਰ ਸੀ ਸਾਰਾ। ਹੁਣ ਦੇਖਿਉ ਟੌਹਰ ਮੁੰਡੇ ਦੀ।
ਕਾਂਗਰਸ ਦੀ ਹਾਰ ਲਈ ਆਗੂਆਂ ਦੀ ਪਾਟੋਧਾੜ ਜ਼ਿੰਮੇਵਾਰ- ਰਾਜਾ ਵੜਿੰਗ
ਇਸ ਘਰ ਕੋ ਆਗ ਲਗ ਗਈ ਘਰ ਕੇ ਚਿਰਾਗ਼ ਸੇ।
ਸੁਖਬੀਰ ਬਾਦਲ ਭਾਜਪਾ ਆਗੂ ਦੇ ਸਮਾਗਮ ਵਿਚ ਦਿੱਲੀ ਪਹੁੰਚੇ- ਇਕ ਖ਼ਬਰ
ਤੇਰੀ ਮੇਰੀ ਫੇਰ ਲੱਗ ਜੇ, ਜਿਵੇਂ ਗੁੱਤ ਦੀ ਪਰਾਂਦੇ ਨਾਲ਼ ਯਾਰੀ।
‘ਆਪ’ ਦਾ ਸਰਕਾਰ ਚਲਾਉਣ ਦਾ ਤਰੀਕਾ ਅਤੇ ਮਾਡਲ ਅਜੇ ਵੀ ਬੁਝਾਰਤ- ਇਕ ਖ਼ਬਰ
ਉੱਡਦੀ ਧੂੜ ਦਿਸੇ, ਬੋਤਾ ਯਾਰ ਦਾ ਨਜ਼ਰ ਨਾ ਆਵੇ।
ਭਾਜਪਾ ਨੂੰ ਰਾਜਸਥਾਨ ਵਿਚ ਸ਼ਾਂਤੀ ਹਜ਼ਮ ਨਹੀਂ ਹੋ ਰਹੀ- ਗਹਿਲੋਤ
ਔਖੇ ਚਲਦੇ ਘਰਾਂ ਦੇ ਢਾਂਚੇ, ਛੱਡ ਦੇ ਤੂੰ ਵੈਲਦਾਰੀਆਂ।
ਪ੍ਰਨੀਤ ਕੌਰ ਕਾਂਗਰਸ ਪਾਰਟੀ ਦਾ ਹਿੱਸਾ ਨਹੀਂ- ਰਾਜਾ ਵੜਿੰਗ
ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾਂ।
ਕੈਪਟਨ ਵਲੋਂ ਭਾਜਪਾ ਨਾਲ਼ ਰਲ ਕੇ ਨਗਰ ਨਿਗਮ ਚੋਣਾਂ ਲੜਨ ਦਾ ਐਲਾਨ- ਇਕ ਖ਼ਬਰ
ਉੱਜੜੀਆਂ ਭਰਜਾਈਆਂ, ਵਲੀ ਜਿਹਨਾਂ ਦੇ ਜੇਠ।
ਵੜਿੰਗ ਵਲੋਂ ਪਾਰਟੀ ‘ਚ ਅਨੁਸ਼ਾਸਨ ਲਾਗੂ ਕਰਨ ‘ਤੇ ਜ਼ੋਰ- ਇਕ ਖ਼ਬਰ
ਵਿਹੜੇ ਖੇੜਿਆਂ ਦੇ ਤਿਲਕਣਬਾਜ਼ੀਆਂ ਨੇ, ਜ਼ਰਾ ਸੋਚ ਕੇ ਕਦਮ ਟਿਕਾਈਂ ਬੱਚਾ।
ਕੈਪਟਨ ਦੀ ਗ਼ਰੀਬਾਂ ਨੂੰ ਪੰਜ ਮਰਲੇ ਵਾਲੀ ਸਕੀਮ ਦੇ 1663 ਬਿਨੈਕਾਰਾਂ ‘ਚੋਂ 1637 ਕੇਸ ਫਰਜ਼ੀ- ਇਕ ਖ਼ਬਰ
ਮੇਰਾ ਭਾਰਤ ਮਹਾਨ, 1663 ਚੋਂ 1637 ਬੇਈਮਾਨ।
ਤੇਰਾਂ ਸਾਲਾ ਗੈਂਗ ਰੇਪ ਦੀ ਸ਼ਿਕਾਰ ਕੁੜੀ ਨਾਲ ਥਾਣੇਦਾਰ ਵਲੋਂ ਥਾਣੇ ਵਿਚ ਹੀ ਬਲਾਤਕਾਰ- ਇਕ
ਖ਼ਬਰ
ਕੀ ਬਣੂੰਗਾ ਇਸ ਦੇਸ਼ ਦਾ ਫਕਰਦੀਨਾ, ਜਿੱਥੇ ਵਾੜ ਹੀ ਖੇਤ ਨੂੰ ਖਾਂਵਦੀ ਏ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
03.05.2022
ਰੂਸੀ ਟਾਕਰੇ ਲਈ ਬਰਤਾਨੀਆ ਨੇ ਯੂਕਰੇਨ ਨੂੰ ਹੋਰ ਫੌਜੀ ਸਹਾਇਤਾ ਦੇਣ ਦਾ ਕੀਤਾ ਵਾਅਦਾ-ਇਕ ਖ਼ਬਰ
ਚੜ੍ਹ ਜਾ ਬੱਚਾ ਸੂਲ਼ੀ, ਰਾਮ ਭਲੀ ਕਰੇਗਾ।
ਕਮੇਟੀ ਦੀ ਰਿਪੋਰਟ ਮਿਲਣ ਮਗਰੋਂ ਵੈੱਬ ਚੈਨਲ ਸ਼ੁਰੂ ਕਰ ਦਿਤਾ ਜਾਵੇਗਾ- ਧਾਮੀ
ਨਾ ਨੌਂ ਮਣ ਤੇਲ ਹੋਵੇਗਾ, ਨਾ ਰਾਧਾ ਨੱਚੇਗੀ।
ਨਹਿਰੀ ਗੇਟਾਂ ਦੀ ਮੁਰੰਮਤ ‘ਤੇ ਸੌ ਕਰੋੜ ਖ਼ਰਚਣ ਦੇ ਬਾਵਜੂਦ ਕਿਸਾਨ ਪਾਣੀ ਨੂੰ ਤਰਸੇ- ਇਕ ਖ਼ਬਰ
ਸੌ ਕਰੋੜ ਪਿਆਰਿਉ ਗੇਟਾਂ ‘ਤੇ ਨਹੀਂ ਜੇਬਾਂ ‘ਤੇ ਖਰਚੇ ਐ।
ਆਨਲਾਈਨ ਖ਼ਰੀਦੀ ਪੁਰਾਣੀ ਅਲਮਾਰੀ ਵਿਚੋਂ ਨਿਕਲੇ ਇਕ ਕਰੋੜ ਰੁਪਏ- ਇਕ ਖ਼ਬਰ
ਉੱਪਰ ਵਾਲ਼ਾ ਜਦ ਵੀ ਦਿੰਦਾ, ਦਿੰਦਾ ਛੱਪਰ ਪਾੜ ਕੇ।
ਲਾਪਤਾ ਸਰੂਪਾਂ ਦੇ ਮਾਮਲੇ ‘ਚ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਮੁੱਖ ਦੋਸ਼ੀਆਂ ਨੂੰ ਬਚਾਉਣ ਲੱਗੇ- ਬਾਜ਼ ਸਿੰਘ,ਗੁਰਬਚਨ ਸਿੰਘ
ਵਿਚਾਰੇ ਪ੍ਰਧਾਨ ਨੂੰ ਅੱਕ ਚੱਬ ਕੇ ਇਹ ਕੰਮ ਕਰਨਾ ਹੀ ਪੈਣਾ ਹੈ, ਮਾਲਕਾਂ ਦਾ ਹੁਕਮ ਭਾਈ।
ਦੋ ਸੌ ਰੁਪਏ ਰਿਸ਼ਵਤ ਲੈਣ ਦੇ ਦੋਸ਼ ‘ਚ ਪੁਲੀਸ ਮੁਲਾਜ਼ਮ ਗ੍ਰਿਫ਼ਤਾਰ- ਇਕ ਖ਼ਬਰ
ਦੁਰ ਫਿਟੇਮੂੰਹ! ਰਿਸ਼ਵਤ ਦਾ ਸਟੈਂਡਰਡ ਹੀ ਮਿੱਟੀ ਕਰ ‘ਤਾ ਸਹੁਰੀ ਦਿਆ!
ਭਗਵੰਤ ਮਾਨ ਨੇ ਪੰਜਾਬ ਦੇ ਹਿਤ ਦਿੱਲੀ ਨੂੰ ਵੇਚੇ- ਸੁਖਬੀਰ ਬਾਦਲ
ਤੁਸੀਂ ਵੀ ਤਾਂ ਭਾਜਪਾ ਨੂੰ ਬਿਨਾਂ ਸ਼ਰਤ ਹਮਾਇਤ ਦੇ ਕੇ ਪੰਜਾਬ ਦੇ ਹਿਤ ਵੇਚਦੇ ਰਹੇ ਹੋ।
ਸਰਕਾਰੀ ਥਰਮਲ ਪਲਾਂਟ ਬੰਦ ਕਰ ਕੇ ਅਡਾਨੀ ਤੋਂ ਬਿਜਲੀ ਖ਼ਰੀਦ ਰਹੀ ਹੈ ਹਰਿਆਣਾ ਸਰਕਾਰ-ਇਕ ਖ਼ਬਰ
ਮਿੱਤਰਾਂ ਦੇ ਤਿੱਤਰਾਂ ਨੂੰ, ਨੀਂ ਮੈਂ ਤਲੀਆਂ ‘ਤੇ ਚੋਗ ਚੁਗਾਵਾਂ।
ਭਾਜਪਾ ਬੇਲੋੜੇ ਮੁੱਦੇ ਪੈਦਾ ਕਰ ਰਹੀ ਹੈ- ਕਾਂਗਰਸੀ ਆਗੂ ਸਿੰਘਵੀ
ਚੋਰ ਚੌਧਰੀ ਯਾਰ ਨਾਪਾਕ ਦਾਮਨ, ਭੂਤ ਮੰਡਲੀ ਇਕ ਦੂੰ ਚਾਰ ਹੋਈ।
ਰਾਸ਼ਟਰਪਤੀ ਨਹੀਂ, ਪ੍ਰਧਾਨ ਮੰਤਰੀ ਬਣਨਾ ਚਾਹੁੰਦੀ ਹਾਂ- ਮਾਇਆਵਤੀ
ਨੀਂ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।
ਜੀ-23 ਕਾਂਗਰਸੀ ਆਗੂਆਂ ਨਾਲ ਸੋਨੀਆ ਗਾਂਧੀ ਦੀ ਸੁਲ੍ਹਾ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।
ਪਾਕਿਸਤਾਨ ਕਿਸੇ ਵੀ ਕੀਮਤ ‘ਤੇ ਅਮਰੀਕਾ ਨਾਲ਼ ਦੁਸ਼ਮਣੀ ਨਹੀਂ ਰੱਖ ਸਕਦਾ- ਨਵਾਜ਼ ਸ਼ਰੀਫ਼
ਮਿੱਠੇ ਯਾਰ ਦੇ ਬਰੋਬਰ ਬਹਿ ਕੇ, ਮਿੱਠੇ ਮਿੱਠੇ ਬੇਰ ਚੁਗੀਏ।
ਬਾਦਲਾਂ ਨੂੰ ਸਿਆਸੀ ਫਾਇਦਾ ਦੇਣ ਲਈ ਸ਼੍ਰੋਮਣੀ ਕਮੇਟੀ ਦਾ ਮੂੰਹ ਦਿੱਲੀ ਵਲ- ਹਰਪ੍ਰੀਤ ਸਿੰਘ ਜੌਲੀ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।
ਭਾਜਪਾ ਦਾ ਕੈਪਟਨ ਤੇ ਢੀਂਡਸਾ ਦੀ ਪਾਰਟੀ ਤੋਂ ਮੋਹ ਭੰਗ ਹੋਇਆ- ਇਕ ਖ਼ਬਰ
ਮੇਰੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।
ਪੰਜਾਬ ਤੇ ਦਿੱਲੀ ਦੀਆਂ ਸਰਕਾਰਾਂ ਇਕ ਦੂਜੇ ਨੂੰ ਵੰਡਣਗੀਆਂ ‘ਗਿਆਨ’- ਇਕ ਖ਼ਬਰ
ਮੈਂ ਤੇਰੀ ਤੂੰ ਮੇਰਾ, ਛੱਡ ਨਾ ਜਾਵੀਂ ਵੇ।
ਪ੍ਰਸ਼ਾਂਤ ਕਿਸ਼ੋਰ ਨੇ ਕਾਂਗਰਸ ‘ਚ ਸ਼ਾਮਲ ਹੋਣ ਤੋਂ ਕੀਤਾ ਇਨਕਾਰ- ਇਕ ਖ਼ਬਰ
ਖੇਤ ਉਜਾੜ ਪਿਆ, ਮੈਂ ਕਿਵੇਂ ਗਿੱਧੇ ਵਿਚ ਜਾਵਾਂ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
25.04.2022
ਸਾਡਾ ਮੁੱਖ ਮੰਤਵ ਸ਼੍ਰੋਮਣੀ ਕਮੇਟੀ ਨੂੰ ਬਾਦਲ ਪਰਵਾਰ ਤੋਂ ਮੁਕਤ ਕਰਵਾਉਣਾ- ਢੀਂਡਸਾ
ਨੂਰਦੀਨ ਮੀਆਂ ਸਿਕ ਨਾ ਹੋਰ ਕਾਈ, ਜਿੰਨ ਭੂਤ ਨੂੰ ਘਰੋਂ ਭਜਾਵਣਾ ਏਂ।
ਜਾਖੜ ਵਲੋਂ ਹਾਈਕਮਾਨ ਮੂਹਰੇ ਨਾ ਝੁਕਣ ਦੇ ਸੰਕੇਤ- ਇਕ ਖ਼ਬਰ
ਰੁੱਖਾਂ, ਪੌਣ, ਪਰਿੰਦਿਆਂ ਡਿੱਠੀ, ਜੋ ਨਾਲ਼ ਯੂਸਫ਼ ਦੇ ਬੀਤੀ।
ਪੰਜਾਬ ਸਰਕਾਰ ਨੂੰ ਕੇਜਰੀਵਾਲ ਰਿਮੋਟ ਕੰਟਰੋਲ ਨਾਲ ਚਲਾ ਰਿਹਾ ਹੈ- ਪ੍ਰਤਾਪ ਸਿੰਘ ਬਾਜਵਾ
ਬਾਂਹ ਨਾ ਮੂਰਖਾ ਫੜੀਏ, ਨਾਰ ਬਿਗਾਨੀ ਦੀ।
ਪ੍ਰਸ਼ਾਂਤ ਕਿਸ਼ੋਰ ਵਲੋਂ ਸੋਨੀਆ ਨਾਲ ਮੀਟਿੰਗਾਂ ਦਾ ਦੌਰ ਜ਼ਾਰੀ- ਇਕ ਖ਼ਬਰ
ਮੈਂ ਬੇਰੀਆਂ ‘ਚੋਂ ਬੇਰ ਲਿਆਇਆ, ਨੀਂ ਭਾਬੀ ਤੇਰੀ ਗੱਲ੍ਹ ਵਰਗਾ।
ਹਾਰਦਿਕ ਪਟੇਲ ਵਲੋਂ ਕਾਂਗਰਸ ਦੀ ਆਲੋਚਨਾ ਤੇ ਭਾਜਪਾ ਦੀ ਸ਼ਲਾਘਾ- ਇਕ ਖ਼ਬਰ
ਲਗਦੈ ਪੱਠਾ ਪਰ ਤੋਲ ਰਿਹੈ, ਭਾਜਪਾ ‘ਚ ਉਡਾਰੀ ਮਾਰਨ ਲਈ।
ਦੇਸ਼ ਨੂੰ ਇਕ ਹੋਰ ਵੱਡੇ ਸੰਘਰਸ਼ ਦੀ ਲੋੜ- ਟਿਕੈਤ
ਝੂਟਾ ਦੇ ਜਾ ਵੇ ਗੁਲਾਬੀ ਚੀਰੇ ਵਾਲਿਆ, ਪੀਂਘ ਪਾਈ ਤੇਰੇ ਆਸਰੇ।
ਸੌਦਾ ਸਾਧ ਨੇ ਕਿਹਾ ਮੈਂ ਪੰਜਾਬ ਨਹੀਂ ਜਾਣਾ- ਇਕ ਖ਼ਬਰ
ਵਾਰਸ ਸ਼ਾਹ ਹੈ ਚੁਗਲ ਦੀ ਸ਼ਕਲ ਕੈਦੋ, ਇਹ ਮੂਲ਼ ਹੈ ਸਭ ਬਖੇੜਿਆਂ ਦਾ।
ਭਾਜਪਾ ਨੇ ਪੰਜਾਬ ਦੇ ਹਾਲਾਤ ਬਾਰੇ ਅਮਿਤ ਸ਼ਾਹ ਨੂੰ ਪੱਤਰ ਲਿਖਿਆ- ਇਕ ਖ਼ਬਰ
ਚਿੱਠੀਆਂ ਸਾਹਿਬਾਂ ਜੱਟੀ ਨੇ, ਲਿਖ ਮਿਰਜ਼ੇ ਵਲ ਪਾਈਆਂ।
ਕਾਂਗਰਸ ਦਾ ਵਫ਼ਦ ਜਹਾਂਗੀਰਪੁਰੀ ਪਹੁੰਚਿਆ, ਪੁਲਸ ਨੇ ਰੋਕਿਆ- ਇਕ ਖ਼ਬਰ
ਆਗੇ ਮੱਤ ਜਾਏਂ, ਸਰਕਾਰੀ ਕਾਮ ਚਲ ਰਹਾ ਹੈ।
ਦੇਸ਼ ਵਾਸੀਆਂ ਨੂੰ ਰੋਟੀ.ਕੱਪੜਾ, ਮਕਾਨ ਤੇ ਰੋਜ਼ਗ਼ਾਰ ਚਾਹੀਦੈ, ਫਿਰਕਾਪ੍ਰਸਤੀ ਨਹੀਂ-ਕੁਲਦੀਪ ਗੁਦਰਾਣਾ
ਮਸਲਿਆਂ ਵਿਚੋਂ ਨਿਕਲਣ ਵੋਟਾਂ, ਅਸੀਂ ਵੋਟਾਂ ਦੇ ਵਣਜਾਰੇ, ਕਰਦੇ ਕਾਰੇ।
ਇਮਰਾਨ ਖਾਨ ਨੇ ਆਪਣੀ ਬਰਖ਼ਾਸਤਗੀ ਲਈ ਜਨਰਲ ਬਾਜਵਾ ਨੂੰ ਜ਼ਿੰਮੇਵਾਰ ਠਹਿਰਾਇਆ-ਇਕ ਖ਼ਬਰ
ਮੇਰੇ ਨਰਮ ਕਾਲਜੇ ਲੜ ਗਏ, ਲੱਡੂ ਖਾ ਲਏ ਬਾਜਵੇ ਦੇ।
ਸਰਕਾਰ ਚਲਾਉਣਾ ਆਮ ਆਦਮੀ ਪਾਰਟੀ ਦੇ ਵੱਸ ਦਾ ਰੋਗ ਨਹੀਂ- ਸਿੱਧੂ
ਪਿੱਛੇ ਮੁੜ ਜਾ ਸੋਹਣਿਆਂ ਵੇ, ਸੌਖਾ ਨਹੀਂ ਇਸ਼ਕ ਕਮਾਉਣਾ।
ਸਰਕਾਰੀ ਸਕੂਲਾਂ ਦੇ ਵਿਦਿਆਰਥੀ ਕਿਤਾਬਾਂ ਤੋਂ ਸੱਖਣੇ- ਇਕ ਖ਼ਬਰ
ਸਰਕਾਰ ਜੀ ਜੇ ਕਿਤਾਬਾਂ ਨਹੀਂ ਦੇਣੀਆਂ ਤਾਂ ਟੈਂਕੀਆਂ ‘ਤੇ ਚੜ੍ਹਨ ਦੀ ਟ੍ਰੇਨਿੰਗ ਤਾਂ ਦੇ ਦਿਉ।
ਲਾੜੇ ਨੇ ਜਿਵੇਂ ਹੀ ਪਾਈ ਜੈਮਾਲਾ, ਲਾੜੀ ਨੇ ਕਰ ਦਿਤੀ ਥੱਪੜਾਂ ਦੀ ਬੁਛਾੜ- ਇਕ ਖ਼ਬਰ
ਜਦੋਂ ਛਿੱਤਰਾਂ ਦੀ ਹੋਈ ਬਰਸਾਤ, ਜੈਮਾਲਾ ਬਿਖਰ ਗਈ।
ਚੰਨੀ ਵਾਲੀ ਬੱਕਰੀ ਨੂੰ ਪਾਲਾ ਖ਼ਾਨ ਤੋਂ ਨਵੇਂ ਮਾਲਕ ਖ਼ਰੀਦ ਕੇ ਲੈ ਗਏ- ਇਕ ਖ਼ਬਰ
ਪੈਰੀਂ ਝਾਂਜਰਾਂ ਗਲ਼ੇ ਦੇ ਵਿਚ ਗਾਨੀ, ਤੋਰ ਦਿਤੀ ਪਾਲਾ ਖ਼ਾਨ ਨੇ।
ਲਾਲ ਕਿਲ੍ਹੇ ‘ਤੇ ਹੋਣ ਵਾਲੇ ਸਮਾਗਮ ਲਈ ਕਰੋੜਾਂ ਦੀ ਰਕਮ ਬਾਰੇ ਭਖੀ ਸਿਆਸਤ-ਇਕ ਖ਼ਬਰ
ਇਕ ਘੜੀ ਦੇ ਵਿਚ ਅਕਾਲੀਆਂ ਨੇ, ਲਿਆ ਦਾਲ਼ ਫੁਲਕਾ ਉੱਥੇ ਵੰਡ ਮੀਆਂ।
=============
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
19.04.2022
ਇਕ ਕਬਰਿਸਤਾਨ ਅਤੇ ਦੋ ਸ਼ਮਸ਼ਾਨਘਾਟਾਂ ਦੇ ਲੋਹੇ ਦੇ ਮੇਨ ਗੇਟ ਚੋਰੀ-ਇਕ ਖ਼ਬਰ
ਭੁੱਖ ਨੰਗ ਦੀ ਏਥੇ ਪ੍ਰਵਾਹ ਨਾਹੀਂ, ਹੁਕਮ ਹੋਵੇ ਤਾਂ ਦੇਗਾਂ ਨੂੰ ਚੱਟੀਏ ਜੀ।
ਪੀ.ਟੀ.ਸੀ.ਦੀ ਨੈੱਟਵਰਕ ਟੀਮ ਨੇ ਅਕਾਲ ਤਖ਼ਤ ਦੇ ਜਥੇਦਾਰ ਨੂੰ ਪੱਤਰ ਭੇਜਿਆ- ਇਕ ਖ਼ਬਰ
ਛੇਤੀ ਬਹੁੜੀਂ ਵੇ ਤਬੀਬਾ ਨਹੀਂ ਤਾਂ ਮੈਂਡੀ ਜਿੰਦ ਗਈਆ।
ਭੱਠਲ ਕਾਲਜ ਦੇ ਖ਼ੁਦਕੁਸ਼ੀ ਕਰਨ ਵਾਲੇ ਦਵਿੰਦਰ ਸਿੰਘ ਨੂੰ ਭਰਪੂਰ ਸ਼ਰਧਾਂਜਲੀਆਂ- ਇਕ ਖ਼ਬਰ
ਜਿਹਨਾਂ ਨੇ ਉਸ ਨੂੰ ਤਿੰਨ ਸਾਲ ਤਨਖ਼ਾਹ ਨਹੀਂ ਦਿਤੀ, ਉਹਨਾਂ ਨੂੰ ਕਦੋਂ ਫਾਹੇ ਟੰਗੋਂਗੇ?
ਟੈਕਸ ਕੁਲੈਕਸ਼ਨ ਵਧਣ ਨਾਲ ਭਾਰਤ ਪੰਜ ਖ਼ਰਬ ਡਾਲਰ ਦਾ ਅਰਥਚਾਰਾ ਬਣਨ ਦੇ ਰਾਹ-ਇਕ ਖ਼ਬਰ
ਇਕ ਪਾਸੇ ਡਾਲਰਾਂ ਦੇ ਅੰਬਾਰ, ਗ਼ਰੀਬ ਰੋਟੀ ਤੋਂ ਵੀ ਲਾਚਾਰ।
ਕੈਨੇਡਾ ‘ਚ ‘ਨੰਗ ਤਰੀਨ’ ਨਾਮ ਦੇ ਬੰਦੇ ਦੀ ਨਿਕਲੀ 113 ਕਰੋੜ ਦੀ ਲਾਟਰੀ- ਇਕ ਖ਼ਬਰ
ਓ ਭਾਈ ਹੁਣ ਤੂੰ ਆਪਣਾ ਨਾਮ ਬਦਲ ਜਲਦੀ, ਹੁਣ ਤੂੰ ਨੰਗ ਨਹੀਂ ਰਿਹਾ।
ਨਵਾਜ਼ ਸ਼ਰੀਫ਼ ਤੇ ਇਸਹਾਕ ਡਾਰ ਦੇ ਪਾਸਪੋਰਟ ਨਵਿਆਉਣ ਦੇ ਨਿਰਦੇਸ਼- ਇਕ ਖ਼ਬਰ
ਭਈਆ ਭਏ ਕੋਤਵਾਲ, ਅਬ ਡਰ ਕਾਹੇ ਕਾ।
ਬਿਜਲੀ ਲਈ ਲੋਕਾਂ ਨੂੰ ਪਹਿਲੀ ਜੁਲਾਈ ਤੱਕ ਉਡੀਕ ਕਿਉਂ ਕਰਵਾਈ ਜਾ ਰਹੀ ਹੈ? ਕਾਂਗਰਸ
ਕਾਂਗਰਸ ਵਾਲਿਉ ਤਵੇ ਤੋਂ ਪੈਰ ਚੁੱਕ ਲਉ, ਸੜ ਜਾਣਗੇ।
ਨੀਤੀ ਆਯੋਗ ਦੇ ਮੈਂਬਰ ਵਲੋਂ ਖੇਤੀ ਕਾਨੂੰਨਾਂ ਸਬੰਧੀ ਬਿਆਨ ਦੇਣ ਬਾਅਦ ਚਰਚਾ ਛਿੜੀ- ਇਕ ਖ਼ਬਰ
ਊਠ ਨਹੀਂ ਕੁੱਦਦੇ ਬਈ ਬੋਰੇ ਕੁੱਦਦੇ ਐ।
ਵਿਧਾਇਕ ਨੇ ਚੌਕੀ ਇੰਚਾਰਜ ਨੂੰ ਸਾਥੀ ਨਾਲ ਸ਼ਰਾਬ ਪੀਂਦਿਆਂ ਰੰਗੇ-ਹੱਥੀਂ ਫੜਿਆ- ਇਕ ਖ਼ਬਰ
ਵਾਦੜੀਆਂ ਸਜਾਦੜੀਆਂ, ਨਿਭਣ ਸਿਰਾਂ ਦੇ ਨਾਲ਼।
ਕੇਜਰੀਵਾਲ ਦੇ ਘਰ ਦੇ ਬਾਹਰ ਭੰਨ-ਤੋੜ ਕਰਨ ਵਾਲਿਆਂ ਦੀ ਹੋਈ ਜ਼ਮਾਨਤ- ਇਕ ਖ਼ਬਰ
ਵਾਅ ਤੱਤੜੀ ਨਾ ਲੱਗੇ, ਸਾਡਿਆਂ ਮਿੱਤਰਾਂ ਨੂੰ।
ਨਾਜਾਇਜ਼ ਕਬਜ਼ਿਆਂ ਦੇ ਮਾਮਲਿਆਂ ‘ਚ ‘ਆਪ’ ਆਗੂ ਵੀ ਕਰਨ ਲੱਗੇ ਸਿਫ਼ਾਰਸ਼ਾਂ-ਇਕ ਖ਼ਬਰ
ਤੇਲੀ ਕਰ ਕੇ ਰੁੱਖਾ ਕਿਉਂ ਖਾਈਏ ਬਈ?
ਸ਼੍ਰੋਮਣੀ ਕਮੇਟੀ ਵਿਦਿਆ ਦੇ ਪਸਾਰ ਲਈ ਆਪਣੇ ਪੈਰ ਪਿੱਛੇ ਖਿੱਚਣ ਲੱਗੀ- ਇਕ ਖ਼ਬਰ
ਵੜੀ ਵਿਦਿਆ ਨੂੰ ਦੇਖਾਂਗੇ ਫੇਰ ਭਾਈ, ‘ਵੱਡੇ ਮਾਲਕਾਂ’ ਨੂੰ ਪਹਿਲਾਂ ਬਚਾ ਲਈਏ।
ਸਾਬਕਾ ਜਥੇ: ਇਕਬਾਲ ਸਿੰਘ ਨੇ ਮਨਮਰਜ਼ੀ ਦਾ ਡੇਰਾ ਮੁਖੀ ਥਾਪ ਕੇ ਆਪਣੀ ਲਾਹ-ਪਾਹ ਕਰਵਾਈ-ਇਕ ਖ਼ਬਰ
ਨਿੱਤ ਨਵੇਂ ਪੁਆੜੇ ਪਾਉਂਦਾ ਨੀਂ, ਮਰ ਜਾਣਾ ਅਮਲੀ।
ਰਾਜ ਸਭਾ ਤੋਂ ਮਿਲਣ ਵਾਲੀ ਤਨਖਾਹ ਕਿਸਾਨਾਂ ਦੀਆਂ ਧੀਆਂ ਦੀ ਵਿਦਿਆ ‘ਤੇ ਖ਼ਰਚ ਕਰੇਗਾ ਹਰਭਜਨ-ਇਕ ਖ਼ਬਰ
ਪੰਜਾਬ ਦੇ ਮਸਲਿਆਂ ‘ਤੇ ਗੂੰਗਾ ਬਣੇ ਰਹਿਣ ਲਈ ਕੀਮਤ ਤਾਂ ਦੇਣੀ ਹੀ ਪੈਣੀ ਹੈ।
ਸਿੱਧੂ ਵਲੋਂ ਇਕ ਦਰਜਨ ਸਾਬਕਾ ਵਿਧਾਇਕਾਂ ਨਾਲ਼ ਬੰਦ ਕਮਰਾ ਮੀਟਿੰਗ-ਇਕ ਖ਼ਬਰ
ਕੁੱਲੀ ਨੀਂ ਫਕੀਰ ਦੀ ਵਿਚੋਂ, ਅੱਲ੍ਹਾ ਹੂ ਦਾ ਆਵਾਜ਼ਾ ਆਵੇ।
ਪਾਕਿਸਤਾਨ ਦੀ ਨਵੀਂ ਸਰਕਾਰ ਨਾਲ ਕੰਮ ਕਰਨ ਲਈ ਉਤਸ਼ਾਹਿਤ- ਅਮਰੀਕਾ
ਡੋਰ ਵੱਟ ਕੇ ਗਲ਼ੇ ਦੇ ਵਿਚ ਪਾਵਾਂ, ਮਿੱਤਰਾ ਤਵੀਤ ਬਣ ਜਾ।
========
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
12.04.2020
ਡੇਰਾ ਸਰਸਾ ਮੁਖੀ ‘ਖ਼ਤਰਨਾਕ ਕੈਦੀਆਂ’ ਦੀ ਸ਼੍ਰੇਣੀ ‘ਚ ਨਹੀਂ ਆਉਂਦਾ- ਹਾਈ ਕੋਰਟ
ਛੱਡ ਦਿਉ ਫੇਰ, ਗੁਫ਼ਾ ਉਡੀਕਦੀ ਪਈ ਹੈ ਬੇਸਬਰੀ ਨਾਲ਼ ਉਸ ਨੂੰ।
ਰਾਜਾ ਵੜਿੰਗ ਬਣਿਆ ਪੰਜਾਬ ਕਾਂਗਰਸ ਦਾ ਪ੍ਰਧਾਨ- ਇਕ ਖ਼ਬਰ
ਬਾਜ਼ੀ ਮਾਰ ਗਿਆ ਵੜਿੰਗ ਵਾਲਾ ਗੱਭਰੂ, ਬਾਕੀ ਰਹਿ ਗਏ ਪਰ ਤੋਲਦੇ।
ਪੜਤਾਲ ਕਮੇਟੀ ਵਲੋਂ ਅਕਾਲੀ ਦਲ ਦੀ ਹਾਰ ਦੇ ਕਾਰਨ ਲੱਭਣ ਲਈ ਮੀਟਿੰਗ- ਇਕ ਖ਼ਬਰ
ਕੁੱਛੜ ਕੁੜੀ, ਸ਼ਹਿਰ ਢੰਡੋਰਾ।
ਹੱਕਾਂ ਦੀ ਰਖਵਾਲੀ ਲਈ ਹਰੇਕ ਵਰਗ ਨੂੰ ਲਾਮਬੰਦ ਹੋਣ ਦਾ ਸੱਦਾ- ਕ੍ਰਾਂਤੀਕਾਰੀ ਕਿਸਾਨ ਯੂਨੀਅਨ
ਹੱਥਾਂ ਬਾਝ ਕਰਾਰਿਆਂ, ਵੈਰੀ ਮਿੱਤ ਨਾ ਹੋਇ।
ਗੁਰੂ-ਘਰਾਂ ਦੇ ਪ੍ਰਬੰਧਾਂ ‘ਚ ਦਖ਼ਲਅੰਦਾਜ਼ੀ ਤੋਂ ਗੁਰੇਜ਼ ਕਰਨ ਮੁੱਖ ਮੰਤਰੀ- ਧਾਮੀ
ਸਹੀ ਸਾਹਿਬ, ਇਸ ਕੰਮ ਲਈ ਜਦੋਂ ਪਹਿਲਾਂ ਹੀ ਸਾਡੇ ਪਾਸ ਬੰਦੇ ਹੈਨ ਤਾਂ ਹੋਰਾਂ ਦੀ ਕੀ ਲੌੜ ਹੈ।
ਲੋਕ ਪੁਲਿਸ ਨੂੰ ਆਪਣਾ ਮਿੱਤਰ ਸਮਝਣ- ਐਸ.ਐਸ.ਪੀ. ਗਰੇਵਾਲ
ਪੁਲਿਸ ਵਾਲੋਂ ਸੇ ਸਾਹਿਬ ਸਲਾਮਤ ਦੂਰ ਕੀ ਅੱਛੀ,
ਨਾ ਇਨ ਕੀ ਦੋਸਤੀ ਅੱਛੀ ਨਾ ਇਨ ਕੀ ਦੁਸ਼ਮਨੀ ਅੱਛੀ।
ਪੰਜਾਬ ਦੇ ਖੇਡ ਵਿਭਾਗ ਨੇ ਪੰਜਾਬੀਆਂ ਨੂੰ ਛੱਡ ਕੇ ਹਿਮਾਚਲੀਆਂ ਨੂੰ ਦਿਤੀਆਂ ਨੌਕਰੀਆਂ- ਇਕ ਖ਼ਬਰ
ਲੁਕ ਲੁਕ ਲਾਈਆਂ ਪ੍ਰਗਟ ਹੋਈਆਂ, ਵੱਜ ਗਏ ਢੋਲ ਨਗਾਰੇ।
ਲਹਿੰਦੇ ਪੰਜਾਬ ਦੀ ਵਿਧਾਨ ਸਭਾ ਅੰਦਰ ਮਹਿਲਾ ਵਿਧਾਇਕਾਂ ਨੇ ਇਕ ਦੂਜੀ ਦੇ ਵਾਲ਼ ਪੁੱਟੇ- ਇਕ
ਖ਼ਬਰ
ਕੁੰਢੀਆਂ ਦੇ ਸਿੰਙ ਫਸ ਗਏ, ਕੋਈ ਨਿਤਰੂ ਵੜੇਵੇਂ ਖਾਣੀ।
ਸਿੱਖ ਕੈਦੀ ਤੁਰੰਤ ਰਿਹਾ ਕੀਤੇ ਜਾਣ-ਹਰਸਿਮਰਤ ਬਾਦਲ
ਹੋ ਗਏ ਜਦ ਭਾਂਡੇ ਮੂਧੇ, ਆਈ ਯਾਦ ਕੈਦੀਆਂ ਦੀ।
ਪੰਜਾਬ ਦੇ ਰਾਹ ‘ਚ ਰੋੜੇ ਨਾ ਅਟਕਾਵੇ ਹਰਿਆਣਾ- ਦਲਜੀਤ ਸਿੰਘ ਚੀਮਾ
ਅਕਾਲੀਉ! ਤੁਸੀਂ ਕਿਹੜਾ ਫੁੱਲ ਵਿਛਾਏ ਪੰਜਾਬ ਦੇ ਰਾਹ ‘ਚ।
‘ਆਪ” ਸਰਕਾਰ ਵਲੋਂ ਦਿਤੀਆਂ ਗਾਰੰਟੀਆਂ ਤੇ ਵਿਖਾਏ ਸੁਪਨੇ ਕੀ ਪੂਰੇ ਹੋਣਗੇ?- ਇਕ ਪੱਤਰਕਾਰ
ਗਾਰੰਟੀਆਂ ਸ਼ਰੰਟੀਆਂ ਦੇਖੀ ਜਾਣਗੀਆਂ ਬਾਅਦ ‘ਚ, ਅਗਲੇ 92 ਸੀਟਾਂ ਜਿੱਤ ਕੇ ਸਰਕਾਰ ਬਣਾ ਗਏ।
ਅਮਰੀਕਾ ਵਲੋਂ ਭਾਰਤ ਨੂੰ ਰੂਸ ਤੋਂ ਦੂਰ ਰਹਿਣ ਦੀ ਚਿਤਾਵਨੀ- ਇਕ ਖ਼ਬਰ
ਪਰੇ ਹਟ ਜਾ ਬਲਦ ਸਿੰਙ ਮਾਰੂ, ਨੀਂ ਸੋਨੇ ਦੇ ਤਵੀਤ ਵਾਲ਼ੀਏ।
ਮੈਨੂੰ ਕਿਸੇ ਅਹੁਦੇ ਦੀ ਲੋੜ ਨਹੀਂ –ਚੰਨੀ
ਡੇਕ ਦਾ ਗੁਮਾਨ ਕਰਦੀ, ਸਾਨੂੰ ਤੋਤਿਆਂ ਨੂੰ ਬਾਗ਼ ਬਥੇਰੇ।
ਚੰਡੀਗੜ੍ਹ ਤਾਂ ਇਕ ਬਹਾਨਾ ਹੈ, ਕੇਂਦਰ ਦੀ ਅੱਖ ਪੰਜਾਬ ਦੇ ਪਾਣੀਆਂ ‘ਤੇ- ਜਾਖੜ
ਰੋਂਦੀ ਯਾਰਾਂ ਨੂੰ. ਨਾਂ ਲੈ ਲੈ ਕੇ ਭਰਾਵਾਂ ਦਾ।
ਵਿਦੇਸ਼ੀ ਤਾਕਤਾਂ ਵਲੋਂ ਥੋਪੀ ਹੋਈ ਸਰਕਾਰ ਪ੍ਰਵਾਨ ਨਹੀਂ- ਇਮਰਾਨ ਖ਼ਾਨ
ਤੇਰੀ ਰੰਨ ਦਾ ਨਾ ਭਰਨਾ ਪਾਣੀ, ਤੇਰੀ ਨਾ ਕਨੌੜ ਝੱਲਣੀ।
ਭਾਜਪਾ ਆਗੂ ਡਾ. ਰਾਜੂ ਵਲੋਂ ਅਕਾਲ ਤਖ਼ਤ ਦੇ ਜਥੇਦਾਰ ਨਾਲ ਬੰਦ ਕਮਰਾ ਮੀਟਿੰਗ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
03 April 2022
ਭਾਰਤ ਨੂੰ ਕਿਸੇ ਵੀ ਸਾਮਾਨ ਦੀ ਸਪਲਾਈ ਲਈ ਰੂਸ ਹਰ ਵਕਤ ਤਿਆਰ- ਰੂਸੀ ਵਿਦੇਸ਼ ਮੰਤਰੀ
ਜੱਟ ਖੜ੍ਹ ਜੂ ਬੰਨੇ ‘ਤੇ ਆ ਕੇ, ਇਕ ‘ਵਾਜ ਮਾਰੀਂ ਸੋਹਣੀਏਂ।
ਮੇਰੀ ਸਰਕਾਰ ਪੰਜਾਬ ਦੇ ਹੱਕਾਂ ਤੋਂ ਕਦੇ ਵੀ ਪਿੱਛੇ ਨਹੀਂ ਹਟੇਗੀ- ਭਗਵੰਤ ਸਿੰਘ ਮਾਨ
ਵਾਰਸ ਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ , ਭਾਵੇ ਬਾਪ ਦੇ ਬਾਪ ਦਾ ਬਾਪ ਆਵੇ।
ਅਕਾਲੀ ਦਲ ਦੀ ਇਕਲੌਤੀ ਕੌਂਸਲਰ ‘ਆਪ’ ਪਾਰਟੀ ‘ਚ ਸ਼ਾਮਲ- ਇਕ ਖ਼ਬਰ
ਨਾ ਲਗਦਾ ਕੱਲੀ ਦਾ ਜੀਅ ਵੇ, ਮੈਂ ਆ ਗਈ ਮਿੱਤਰਾ।
ਪੰਜਾਬ ਦੇ ਹਿੱਸੇ ਦੀ ਬਿਜਲੀ ਕੀਤੀ ਹਰਿਆਣੇ ਨੂੰ ਅਲਾਟ- ਇਕ ਖ਼ਬਰ
ਅਸਾਂ ਜੇਠ ਨੂੰ ਲੱਸੀ ਨਹੀਉਂ ਦੇਣੀ, ਦਿਉਰ ਭਾਵੇਂ ਦੁੱਧ ਪੀ ਲਵੇ।
ਚੰਡੀਗੜ੍ਹ ਦੇ ਮਸਲੇ ‘ਤੇ ਕੇਂਦਰ ਸਰਕਾਰ ਵਿਰੁੱਧ ਸੰਜੇ ਸਿੰਘ ਗਰਜਿਆ ਰਾਜ ਸਭਾ ਵਿਚ- ਇਕ ਖ਼ਬਰ
ਤੇ ਪੰਜਾਬ ਦੇ ਪੰਜ ‘ਸ਼ੇਰ’ ਹੱਡ ਚਰੂੰਡਦੇ ਰਹੇ।
ਪੱਛਮੀ ਬੰਗਾਲ ‘ਚ ਘਸੁੰਨ ਮੁੱਕੀ ਹੋਏ ਤ੍ਰਿਣਮੂਲ ਕਾਂਗਰਸ ਤੇ ਭਾਜਪਾ ਵਿਧਾਇਕ- ਇਕ ਖ਼ਬਰ
ਕੁੰਢੀਆਂ ਦੇ ਸਿੰਙ ਫਸ ਗਏ, ਕੋਈ ਨਿਕਲੂ ਵੜੇਵੇਂ ਖਾਣੀ।
ਕਿਸਾਨਾਂ ਨੂੰ ਵੱਡਾ ਝਟਕਾ, ਖਾਦ ਦੀਆਂ ਕੀਮਤਾਂ ‘ਚ ਭਾਰੀ ਵਾਧਾ- ਇਕ ਖ਼ਬਰ
ਕਿਸਾਨਾਂ ਦੀ ਆਮਦਨ ਦੁੱਗਣੀ ਕਰਨ ਵਲ ਇਕ ਹੋਰ ਕਦਮ।
‘ਆਪ’ ਦੇ ਰਾਜ ਸਭਾ ਮੈਂਬਰ ਕੇਜਰੀਵਾਲ ਦੇ ਲਿਫ਼ਾਫ਼ੇ ‘ਚੋਂ ਨਿਕਲੇ- ਰਣੀਕੇ
ਰਣੀਕੇ ਸਾਹਿਬ ਸੁਣਿਐ ਕਿ ਕੇਜਰੀਵਾਲ ਨੇ ਤਾਂ ਲਿਫ਼ਾਫ਼ਾ ਅਗਾਂਹ ਹੀ ਤੋਰਿਐ।
ਕੇਂਦਰ ਚੰਡੀਗੜ੍ਹ ‘ਤੇ ਕਬਜ਼ਾ ਕਰਨਾ ਚਾਹੁੰਦਾ ਹੈ- ਪ੍ਰਕਾਸ਼ ਸਿੰਘ ਬਾਦਲ
ਕਬਜ਼ਾ ਕਰਵਾਉਣ ਲਈ ਰਾਹ ਕੀਹਨੇ ਖੋਲ੍ਹਿਆ? ਬਾਦਲ ਜੀ ਆਪਣੇ ਅੰਦਰ ਝਾਤੀ ਮਾਰੋ ਜ਼ਰਾ।
ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਗੋਡੇ ‘ਤੇ ਸੱਟ ਲੱਗੀ-ਇਕ ਖ਼ਬਰ
ਕਰਮਾਂ ਨੇ ਮੇਰੀ ਖੋਹ ਲਈ ਕੁਰਸੀ, ਹੁਣ ਲੱਗ ਪਏ ਭੰਨਣ ਗੋਡੇ।
ਮੋਦੀ ਨੂੰ ਮਜ਼ਦੂਰ, ਬੇਰੋਜ਼ਗਾਰ ਤੇ ਦੇਸ਼ ਦੀ ਗ਼ਰੀਬ ਜਨਤਾ ਦਾ ਦਰਦ ਦਿਖਾਈ ਨਹੀਂ ਦਿੰਦਾ- ਇੰਟਕ
ਜਿਸ ਕੇ ਪਾਉਂ ਨਾ ਫਟੀ ਬਿਆਈ, ਵੋਹ ਕਿਆ ਜਾਨੇ ਪੀਰ ਪਰਾਈ।
ਮਹਿੰਗੇ ਪੈਟਰੋਲ-ਡੀਜ਼ਲ ਬਾਰੇ ਵਿਧਾਨ ਸਭਾ ‘ਚ ਕਿਸੇ ਨੇ ਨਹੀਂ ਉਠਾਈ ਆਵਾਜ਼- ਇਕ ਖ਼ਬਰ
ਜਿਹਨਾਂ ਨੂੰ ਮੁਫ਼ਤ ਦਾ ਮਿਲਣੈ, ਉਹ ਕਿਉਂ ਬੋਲਣਗੇ ਬਈ?
ਜਥੇਦਾਰ ਟੌਹੜਾ ਨੇ ਹਮੇਸ਼ਾ ਸਿੱਖ ਕੌਮ ਦੀ ਚੜ੍ਹਦੀ ਕਲਾ ਦੇ ਸਿਧਾਂਤਾਂ ‘ਤੇ ਪਹਿਰਾ ਦਿਤਾ-ਸ਼ੇਖਾਵਤ
ਮੰਨ ਗਏ ਬਈ ਭਾਜਪਾ ਦੀ ਸਿਆਸਤ ਨੂੰ, ਬੜੀ ਦੂਰ ਦੀ ਕੌਡੀ ਨੂੰ ਹੱਥ ਪਾਇਆ।
ਰੂਸ ਨਾਲ ਸਬੰਧ ਰੱਖਣ ਵਾਲੇ ਮੁਲਕਾਂ ਨੂੰ ਅਮਰੀਕਾ ਵਲੋਂ ਚਿਤਾਵਨੀ- ਇਕ ਖ਼ਬਰ
ਗ਼ੈਰਾਂ ਨਾਲ ਜੇ ਤੂੰ ਬੋਲੀ ਹੱਸ ਕੇ, ਮੈਂ ਗਿਣ ਗਿਣ ਲਊਂ ਬਦਲੇ।
ਪੰਜਾਬ ਕਾਂਗਰਸ ਦੀ ਪ੍ਰਧਾਨਗੀ ਲਈ ਜੋੜ-ਤੋੜ ਸ਼ੁਰੂ- ਇਕ ਖ਼ਬਰ
ਮੋਤੀ ਖਿਲਰ ਗਏ, ਚੁਗ ਲਉ ਕਬੂਤਰ ਬਣ ਕੇ।
ਪ੍ਰਧਾਨ ਤੇ ਮੁੱਖ ਮੰਤਰੀ ਦੀ ਕੁਰਸੀ ਲਈ ਕਾਂਗਰਸ ਦੀ ਬੇੜੀ ਡੋਬੀ ਗਈ-ਪ੍ਰਸ਼ੋਤਮ ਲਾਲ ਖ਼ਲੀਫ਼ਾ
ਪੀਲਾ ਰੰਗ ਕਿਉਂ ਪੈ ਗਿਆ ਤੇਰਾ, ਭਾਬੋ ਮੈਨੂੰ ਰੋਜ਼ ਪੁੱਛਦੀ।
ਬਾਦਲ ਵਿਰੋਧੀ ਸ਼੍ਰੋਮਣੀ ਕਮੇਟੀ ਮੈਂਬਰਾਂ ਨੇ ‘ਜਥੇਦਾਰ’ ਨੂੰ ਖਰੀਆਂ-ਖਰੀਆਂ ਸੁਣਾਈਆਂ- ਇਕ ਖ਼ਬਰ
ਜਿਹੜਾ ਮੇਰੇ ਪੱਲੇ ਪੈ ਗਿਆ, ਉਹਨੂੰ ਪੱਗ ਬੰਨ੍ਹਣੀਂ ਨਾ ਆਵੇ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
29.03.2022
ਰਾਜਧਾਨੀ ਚੰਡੀਗੜ੍ਹ ਉੱਪਰ ਪੰਜਾਬ ਦਾ ਹੱਕ ਖ਼ਤਮ ਕਰਨ ਦੀ ਕੋਸ਼ਿਸ਼- ਦਲਜੀਤ ਚੀਮਾ
ਅਕਾਲੀਉ ਤੁਸੀਂ ਤਾਂ ਬਹੁਤ ਦੇਰ ਦਾ ਚੰਡੀਗੜ੍ਹ ‘ਤੇ ਹੱਕ ਛੱਡ ਦਿਤਾ ਹੋਇਆ ਹੈ।
ਅਕਾਲੀ ਦਲ ਦੇ ਰਾਜ ‘ਚ 437 ਬੇਕਸੂਰ ਲੋਕਾਂ ‘ਤੇ ਹੋਏ ਕੇਸ ਦਰਜ- ਮੁਖ ਵਿਜੀਲੈਂਸ ਕਮਿਸ਼ਨਰ
ਦੇਖ ਲਉ ਕਰਤੂਤਾਂ ਮਹਾਰਾਜਾ ਰਣਜੀਤ ਸਿੰਘ ਵਰਗਾ ਰਾਜ ਦੇਣ ਵਾਲਿਆਂ ਦੀਆਂ।
ਵਿਧਾਨ ਸਭਾ ਦੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਨੇ ਗਊ ਮਾਤਾ ਤੋਂ ਅਸ਼ੀਰਵਾਦ ਲਿਆ- ਇਕ ਖ਼ਬਰ
ਸਪੀਕਰ ਸਾਹਿਬ ਕਿਤੇ ਵਿਧਾਨ ਸਭਾ ‘ਚ ਹੀ ਗਊ ਮਾਤਾ ਨਾ ਬੰਨ੍ਹ ਲੈਣ।
ਕੇਜਰੀਵਾਲ ਤੇ ਭਗਵੰਤ ਮਾਨ ਨੇ ਕੈਪਟਨ ਵਾਂਗ ਲੋਕਾਂ ਨੂੰ ਭਰਮਾ ਕੇ ਬਣਾਈ ਸਰਕਾਰ- ਪ੍ਰਕਾਸ਼ ਸਿੰਘ ਬਾਦਲ
ਤੁਸੀਂ ਵੀ ਆਟੇ ਦਾਲ਼ ਤੇ ਪੰਥ ਨੂੰ ਖ਼ਤਰੇ ਨਾਲ਼ ਹੀ ਸਰਕਾਰਾਂ ਬਣਾਉਂਦੇ ਰਹੇ ਹੋ ਜਨਾਬ।
ਬਾਦਲਾਂ ਕਾਰਨ ਅਕਾਲੀ ਦਲ ਦਾ ਹੋਇਆ ਨਿਘਾਰ- ਢੀਂਡਸਾ
ਬਥੇਰਾ ਚਿਰ ਮੌਜਾਂ ਮਾਣੀਆਂ ਤੁਸੀਂ ਵੀ ਏਸੇ ਅਕਾਲੀ ਦਲ ‘ਚ ਢੀਂਡਸਾ ਸਾਬ।
ਸੁਪਰੀਮ ਕੋਰਟ ਦੀ ਕਮੇਟੀ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨ ਦੇ ਵਿਰੁੱਧ ਸੀ- ਇਕ ਖ਼ਬਰ
ਕਮੇਟੀ ਦੇ ਫ਼ੈਸਲੇ ਬਾਰੇ ਤਾਂ ਇਸ ਨੂੰ ਬਣਾਉਣ ਤੋਂ ਪਹਿਲਾਂ ਹੀ ਪਤਾ ਸੀ ਸਭ ਨੂੰ ਸਾਹਿਬ।
ਪੰਜਾਬੀਆਂ ਦੀ ਅਣਖ ਤੇ ਗ਼ੈਰਤ ਨੂੰ ਭਗਵੰਤ ਮਾਨ ਨੇ ਕੇਜਰੀਵਾਲ ਕੋਲ ਗਹਿਣੇ ਰੱਖਿਆ-ਪ੍ਰਕਾਸ਼ ਚੰਦ ਗਰਗ
ਲੋਟਣ ਪੱਚੀਆਂ ਦੇ, ਚਹੁੰ ‘ਚ ਵੇਚ ਗਿਆ ਵੈਲੀ।
ਜੇਲ੍ਹ ਵਿਚ ਮਜੀਠੀਆਂ ਦੀ ਸੁਰੱਖਿਆ ਵਲ ਧਿਆਨ ਦੇਵੇ ਪੰਜਾਬ ਸਰਕਾਰ- ਰੱਖੜਾ
ਅੱਧੀ ਉਮਰ ਮੇਰੀ ਤੈਨੂੰ ਲੱਗ ਜਾਵੇ, ਅੱਧੀ ਮਿੱਤਰਾ ਬਥੇਰੀ ਮੈਨੂੰ।
ਰਾਜ ਸਭਾ ਉਮੀਦਵਾਰਾਂ ਦੀ ਸੂਚੀ ਸਿਆਸੀ ਭ੍ਰਿਸ਼ਟਾਚਾਰ ਦਾ ਸੰਕੇਤ-ਬੀਰ ਦਵਿੰਦਰ ਸਿੰਘ
ਕੀ ਲਗਦੇ ਸੰਤੀਏ ਤੇਰੇ, ਜਿਹਨਾਂ ਨੂੰ ਰਾਤੀਂ ਖੰਡ ਪਾਈ ਸੀ।
ਹੁਣ ਪੰਥ ਵਿਰੋਧੀ ਤਾਕਤਾਂ ਸਾਡੇ ਗੁਰਧਾਮਾ ‘ਤੇ ਕਬਜ਼ਾ ਕਰਨਾ ਚਾਹੁੰਦੀਆਂ ਹਨ- ਪ੍ਰਕਾਸ਼ ਸਿੰਘ ਬਾਦਲ
ਬਾਦਲ ਸਾਹਿਬ ਤੁਹਾਡੇ ਨਾਲੋਂ ਵੱਡਾ ਪੰਥ ਵਿਰੋਧੀ ਹੋਰ ਕਿਹੜਾ ਹੋ ਸਕਦੈ?
ਭਗਵੰਤ ਮਾਨ ਨੇ ਸੂਬੇ ਲਈ ਇਕ ਲੱਖ ਕਰੋੜ ਦਾ ਪੈਕੇਜ ਮੰਗਿਆ ਮੋਦੀ ਤੋਂ- ਇਕ ਖ਼ਬਰ
ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਗੱਪ ਅਸੀਂ ਵਡੇਰੀ ਮਾਰੀ ਜੀ।
ਚੋਣਾਂ ‘ਚ ਹਾਰ ‘ਤੇ ਘੋਖ ਕਰਨ ਲਈ ਸੁਖਬੀਰ ਬਾਦਲ ਨੇ ਬਾਰਾਂ ਮੈਂਬਰੀ ਕਮੇਟੀ ਬਣਾਈ- ਇਕ ਖਬਰ
ਛੜੇ ਬੈਠ ਕੇ ਸਲਾਹਾਂ ਕਰਦੇ, ਕੌਣ ਕੌਣ ਹੋਈਆਂ ਰੰਡੀਆਂ।
ਨਵਜੋਤ ਸਿੱਧੂ ਦੇ ਬੇਹੱਦ ਕਰੀਬੀ ਕੌਂਸਲਰ ‘ਆਪ’ ਵਿਚ ਸ਼ਾਮਲ- ਇਕ ਖ਼ਬਰ
ਟਿਕਟਾਂ ਕੱਟ ਮੁੰਡਿਆ, ਅਸੀਂ ਤਿੰਨ ਮੁਟਿਆਰਾਂ ਖੜ੍ਹੀਆਂ।
ਥਾਣਿਆਂ ‘ਚ ਆਉਣ ਵਾਲੇ ਹਰ ਵਿਅਕਤੀ ਦਾ ਮਾਣ-ਸਤਿਕਾਰ ਕਰਨ ਦੇ ਆਦੇਸ਼-ਇਕ ਖ਼ਬਰ
ਸ਼ੁਕਰ ਐ ਕਿਤੇ ‘ਸੇਵਾ’ ਕਰਨ ਦਾ ਆਦੇਸ਼ ਨਹੀਂ ਦੇ ਦਿਤਾ।
ਕਾਂਗਰਸ ਵਲੋਂ ਜੀ-23 ਦੇ ਆਗੂਆਂ ਨੂੰ ‘ਸ਼ਾਂਤ’ ਕਰਨ ਦੀ ਤਿਆਰੀ- ਇਕ ਖ਼ਬਰ
ਅੜੀ ਵੇ ਅੜੀ ਨਾ ਕਰ ਬਹੁਤੀ ਤੂੰ ਅੜੀ, ਲੱਗੀ ਸਉਣ ਦੀ ਝੜੀ।
ਪ੍ਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਮਾਨ ਦੇ ਬਿਆਨ ਨਾਲ ਭ੍ਰਿਸ਼ਟਾਚਾਰ ਰੁਕ ਜਾਊ-ਇਕ ਖ਼ਬਰ
ਬਾਦਲ ਸਾਬ ਤੁਸੀਂ ਇਸ ਦੀਆਂ ਜੜ੍ਹਾਂ ਹੀ ਬਹੁਤ ਡੂੰਘੀਆਂ ਲਗਾਈਆਂ ਹੋਈਆਂ ਹਨ।
ਚੁੰਝਾਂ-ਪ੍ਹੌਂਚੇ - - ਨਿਰਮਲ ਸਿੰਘ ਕੰਧਾਲਵੀ
21.03.2022
ਚੋਣ ਵਾਅਦੇ ਹਰ ਹਾਲ ਪੂਰੇ ਕਰਾਂਗੇ- ਕੇਜਰੀਵਾਲ
ਤੈਨੂੰ ਲੈ ਦਉਂ ਸਲੀਪਰ ਕਾਲ਼ੇ, ਭਾਵੇਂ ਮੇਰੀ ਮੱਝ ਵਿਕ ਜਾਏ।
ਸੋਨੀਆ ਗਾਂਧੀ ਦੇ ਹੱਥ ਹੀ ਰਹੇਗੀ ਕਾਂਗਰਸ ਦੀ ਕਮਾਂਡ- ਇਕ ਖ਼ਬਰ
ਜਿਤਨਾ ਚਿਰ ਭੋਗ ਨਹੀਂ ਪੈ ਜਾਂਦਾ।
ਬਾਦਲ ਪਰਵਾਰ ਅਕਾਲੀ ਦਲ ਤੋਂ ਕਬਜ਼ਾ ਛੱਡੇ- ਢੀਂਡਸਾ, ਰਾਮੂਵਾਲੀਆ
ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾਂ।
‘ਆਪ’ ਆਗੂਆਂ ਵਲੋਂ ‘ਲਾਮ ਲਸ਼ਕਰ’ ਨਾਲ ਗੁਰੂ-ਘਰ ਮੱਥਾ ਟੇਕਣਾ ਪ੍ਰੰਪਰਾ ਦੇ ਉਲਟ- ਚੰਦੂਮਾਜਰਾ
ਜਦੋਂ ਮਜੀਠੀਆ ਤੇ ਸੁਖਬੀਰ ‘ਲਾਮ ਲਸ਼ਕਰ’ ਨਾਲ ਜਾਂਦੇ ਐ, ਉਦੋਂ ਕਿਉਂ ਨਹੀਂ ਬੋਲਦੇ ਬਈ?
ਜਥੇਦਾਰ ਜੀ, ਅਕਾਲੀ ਫੂਲਾ ਸਿੰਘ ਬਣੋ ਤੇ ਬਾਦਲਾਂ ਨੂੰ ਸੱਦ ਕੇ ਅਸਤੀਫ਼ੇ ਮੰਗੋ-ਬੀਰ ਦਵਿੰਦਰ ਸਿੰਘ
ਨਾ ਖੰਜਰ ਉਠੇਗਾ ਨਾ ਤਲਵਾਰ ਹੀ ਉਠੇਗੀ, ਯੇਹ ਬਾਜ਼ੂ ਮਿਰੇ ਆਜ਼ਮਾਏ ਹੂਏ ਹੈਂ।
ਪੰਜਾਬ ਵਿਚ ਕਾਂਗਰਸ ਦੀ ਹਾਰ ਲਈ ਗਾਂਧੀ ਪਰਵਾਰ ਜ਼ਿੰਮੇਵਾਰ- ਕੈਪਟਨ
ਤੁਝੇ ਪਰਾਈ ਕਿਆ ਪੜੀ, ਤੂ ਅਪਨੀ ਨਿਬੇੜ।
ਈ.ਡੀ. ਅਧਿਕਾਰੀ ਭ੍ਰਿਸ਼ਟਾਚਾਰ ਦੇ ਕੇਸ ‘ਚ ਨਾਮਜ਼ਦ- ਇਕ ਖ਼ਬਰ
ਇਕ ਨੂੰ ਕੀ ਰੋਨੀਂ ਏਂ, ਊਤ ਗਿਆ ਈ ਆਵਾ।
ਵਿਧਾਇਕਾਂ ਵਲੋਂ ਸਹੁੰ ਚੁੱਕਣ ਤੋਂ ਪਹਿਲਾਂ ਹੀ ਅਧਿਕਾਰੀਆਂ ਨੂੰ ਦਬਕੇ ਮਾਰਨ ਦੀ ਚਰਚਾ- ਇਕ ਖ਼ਬਰ
ਭੁੱਖੇ ਜੱਟ ਕਟੋਰੀ ਲੱਭੀ, ਪਾਣੀ ਪੀ ਪੀ ਆਫਰਿਆ।
ਮਨਪ੍ਰੀਤ ਸਿੰਘ ਇਯਾਲੀ ਅਕਾਲੀ ਦਲ ਵਿਧਾਇਕ ਦਲ ਦੇ ਨੇਤਾ ਹੋਣਗੇ- ਇਕ ਖ਼ਬਰ
ਅਕਾਲੀ ਦਲ ਦਾ ਵਿਧਾਇਕ ਦਲ? ਕਿਹੜਾ ਦਲ ਬਈ?
‘ਆਪ’ ਦਾ ਨਾਮ ਵਰਤਣ ਵਾਲੇ ਮਰੀਜ਼ਾਂ ਤੋਂ ਸਰਕਾਰੀ ਡਾਕਟਰ ਪਰੇਸ਼ਾਨ- ਇਕ ਖ਼ਬਰ
ਪਿੰਡ ਪਏ ਨਹੀਂ, ਉਚੱਕੇ ਪਹਿਲਾਂ ਹੀ।
ਅਮਰੀਕਾ ਨੇ ਪੂਤਿਨ ਦੇ ਖ਼ਿਲਾਫ਼ ਭਾਰਤ ਤੋਂ ਸਹਿਯੋਗ ਮੰਗਿਆ- ਇਕ ਖ਼ਬਰ
ਸੱਪ ਦੇ ਮੂੰਹ ‘ਚ ਕੋਹੜ ਕਿਰਲੀ, ਖਾਵੇ ਤਾਂ ਕੋਹੜੀ ਛੱਡੇ ਤਾਂ ਕਲੰਕੀ।
ਭਾਜਪਾ ਅਕਾਲੀ ਦਲ ਨਾਲ਼ ਸਮਝੌਤਾ ਨਹੀਂ ਕਰੇਗੀ- ਕਾਲੜਾ
ਡਰਿਓ ਲੋਕੋ ਡਰਿਓ ਵੇ, ਲੰਬੜਾਂ ਦੀ ਸੇਪ ਨਾ ਕਰਿਓ ਵੇ।
ਸੋਨੀਆ ਗਾਂਧੀ ਦੀ ਅਗਵਾਈ ‘ਤੇ ਕੋਈ ਸਵਾਲ ਨਹੀਂ- ਗੁਲਾਮ ਨਬੀ ਆਜ਼ਾਦ
ਤੇਰੇ ਦੁਆਰ ਖੜ੍ਹਾ ਇਕ ਯੋਗੀ, ਨਾ ਮਾਂਗੇ ਯੇਹ ਸੋਨਾ ਚਾਂਦੀ, ਮਾਂਗੇ ਦਰਸ਼ਨ ਦੇਵੀ।
ਚੋਣਾਂ ‘ਚ ਹਾਰ ਜਿੱਤ ਤਾਂ ਚਲਦੀ ਰਹਿੰਦੀ ਹੈ- ਪ੍ਰਕਾਸ਼ ਸਿੰਘ ਬਾਦਲ
ਭਾਈਆ ਹਾਰ ਅਤੇ ਨਮੋਸ਼ੀ ਭਰੀ ਹਾਰ ਵਿਚ ਬਹੁਤ ਫ਼ਰਕ ਹੁੰਦਾ ਹੈ।
ਜਾਖੜ ਨੇ ਅੰਬਿਕਾ ਸੋਨੀ ਖ਼ਿਲਾਫ਼ ਮੋਰਚਾ ਖੋਲ੍ਹਿਆ- ਇਕ ਖ਼ਬਰ
ਘੜਾ ਤਾਂ ਤੇਰਾ ਭੰਨ ਦਿਆਂ ਮੁਟਿਆਰੇ ਨੀਂ, ਲੱਜ ਕਰਾਂ ਟੋਟੇ ਚਾਰ ਬਾਂਕੀਏ ਨਾਰੇ ਨੀਂ।
ਆਖਰੀ ਸਾਹ ਤੱਕ ‘ਘਰ ਦੀ ਕਾਂਗਰਸ’ ਦੇ ਵਿਰੁੱਧ ਲੜਦਾ ਰਹਾਂਗਾ- ਕਪਿਲ ਸਿੱਬਲ
ਉਸ ਬਲੀ ਸ਼ਹਿਜ਼ਾਦੇ ਦਾ ਤੇਜ ਭਾਰੀ, ਜਿਸ ਕਿਲ੍ਹੇ ਨੂੰ ਮੋਰਚਾ ਲਾਇਆ ਜੀ।
ਬਾਦਲਾਂ ਦੀ ਚਿੰਤਾ ਛੱਡ ਕੇ ਸਮੁੱਚੀ ਕੌਮ ਦੀ ਅਗਵਾਈ ਕਰਨ ਜਥੇਦਾਰ- ਸੁਖਜਿੰਦਰ ਸਿੰਘ ਰੰਧਾਵਾ
ਪਹਾੜਾ ਸਿੰਘ ਸੀ ਯਾਰ ਫਰੰਗੀਆਂ ਦਾ, ਸਿੰਘਾਂ ਨਾਲ ਸੀ ਉਸ ਦੀ ਗ਼ੈਰਸਾਲੀ।
