Gurbaz Singh TarnTaran

ਤੇਰੇ ਸ਼ਹਿਰ.. - ਗੁਰਬਾਜ ਸਿੰਘ ਤਰਨ ਤਾਰਨ

ਜਿੱਥੇ ਚਾਨਣਾਂ ਦਾ ਵੱਸਦਾ ਏ ਕਹਿਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।

ਰਾਹਾਂ ਨੇ ਹੈ ਦਗਾ ਕੀਤਾ, ਪੀੜਾਂ ਨੂੰ ਦੁਆਵਾਂ ਸੰਗ ਸੀਤਾ,

ਕੱਖਾਂ ਨੇ ਵੀ ਭੁੰਨੇ ਸਾਡੇ ਪੈਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਏਥੇ ਖ਼ਾਰਾਂ ਜਿਹੇ ਹੱਥ, ਸਭ ਖ਼ਾਰਾਂ ਜਿਹੇ ਚੇਹਰੇ ਨੇ,

ਸੁਪਨਿਆਂ ਦਾ ਭਾਰ ਮੋਢੇ ਜੋ ਤੇਰੇ ਅਤੇ ਮੇਰੇ ਨੇ,

ਰੋਮ-ਰੋਮ ਸਾੜੇ ਚਾਵਾਂ ਵਾਲੀ ਲਹਿਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਕਦਰ ਨਹੀਂਓ ਲੋਕਾਂ ਨੂੰ ਤੇਰੇ ਸ਼ਹਿਰ ਆਏ ਮਹਿਮਾਨ ਦੀ,

ਹਰ ਗਲੀ-ਮੋੜ ਲੁੱਟ ਹੋਵੇ ਸੋਚਾਂ ਦੇ ਸਮਾਨ ਦੀ,

ਗਵਾਹੀ ਦੇਵੇ ਹਰ ਅੱਖ ਹੁੰਦਾ ਕਹਿਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਸ਼ਹਿਰ ਵਿੱਚ ਰਲ ਤੂੰ ਵੀ ਸ਼ਹਿਰੀ ਜਿਹਾ ਹੋ ਗਿਆਂ ਏਂ,

ਪਿਆਰ ਕੋਈ ਅਣਭੋਲ ਆ ਕੇ ਭੀੜ ਵਿੱਚ ਖੋ ਗਿਆ ਏ,

ਵਫਾਵਾਂ ਚ’ ਰਲਾਇਆ ਕਿਸੇ ਜ਼ਹਿਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਤੇਰੇ ਸ਼ਹਿਰ ਦੀਆਂ ਘਟਾਵਾਂ ਦਗਾ ਕਰਨੇ ਨੂੰ ਚੜੀਆਂ ਨੇ,

ਹਵਾਵਾਂ ਵੀ ਪਰਾਈਆਂ ਹੋ ਦੂਰ ਜਾ ਖੜੀਆਂ ਨੇ,

ਲੈ ਖ਼ੰਜਰ ਉਡੀਕੇ ਹਰ ਪਹਿਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਤੇਰਾ ਪਤਾ ਪੁੱਛਣੇ ਨੂੰ ਗਇਆ ਜਿਹੜੇ-ਜਿਹੜੇ ਘਰ ਨੂੰ,

ਹਰ ਬਸ਼ਿੰਦੇ ਤੇਰੇ ਸ਼ਹਿਰ ਦੇ ਨੇ ਜ਼ਿੰਦਾ ਲਾਇਆ ਦਰ ਨੂੰ,

ਤਾਂ ਵੀ ਭੋਰਾ ਮੈਨੂੰ ਲੱਗਾ ਨਾ ਕੋਈ ਗ਼ੈਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਮੈਨੂੰ ਉਮਰ ਹੰਢਾ ਬਣ ਤੁਰ ਗਈ ਬੇਗਾਨੀ,

ਮੇਰੇ ਹਰਫ ਪਾਉਣ ਵੈਣ ਮੇਰੀ ਰੁਲ਼ ਗਈ ਜਵਾਨੀ,

ਇੱਕ ਜਿਸਮ ਫਿਰੇ ਸਾਹਾਂ ਤੋਂ ਬਗੈਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਹਨੇਰਿਆਂ ਚ’ ਸਾਥ ਦਿੱਤਾ ਤੇਰੇ ਸ਼ਹਿਰ ਦੇ ਰਾਹਾਂ ਨੇ,

ਭੁੱਲ ਗਏ ਸੀ ਗ਼ਮ ਹਰ ਪਲ ਦੇ ਗਵਾਹਾਂ ਨੇ ,

ਜਾਪੇ ਜਾਨ ਲੈ ਲਊ ਏਹ ਹਿਜਰ ਦੁਪਹਿਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



ਤੇਰੇ ਸ਼ਹਿਰ ਦੀਆਂ ਗਲ਼ੀਆਂ ਤੇ ਮੋਹ ਬੜਾ ਆਉਦਾ ਏ,

ਤੇਰੀਆਂ ਮੁਹੱਬਤਾਂ ਦਾ ਹਰ ਹੰਝੂ ਗੀਤ ਗਾਉਂਦਾ ਏ,

ਤੇਰਾ ਨਹੀਂ ਕੋਈ ਦੋਸ਼ ਏਹ ਲੇਖਾਂ ਦੇ ਵੈਰ ਮੇਰੇ ਦੋਸਤਾ,

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।

ਕਾਹਤੋਂ ਅਸੀਂ ਆਏ ਤੇਰੇ ਸ਼ਹਿਰ ਮੇਰੇ ਦੋਸਤਾ ।



-ਗੁਰਬਾਜ ਸਿੰਘ ਤਰਨ ਤਾਰਨ
88376-44027

ਨਵੇਂ ਸਾਲ ਨੂੰ  - ਗੁਰਬਾਜ ਸਿੰਘ

ਆ ਗਿਆ ਤੂੰ ਫੇਰ ਨਵਾਂ ਰੂਪ ਧਾਰ,

ਖ਼ੁਸ਼-ਆਮਦੀਦ ਕਹੀਏ ਤੈਨੂੰ ਬਾਹਾਂ ਨੂੰਖਿਲਾਰ।

ਵੇਖੀ ਹਰ ਇੱਕ ਚਾਅ ਤੂੰ ਪੂਰ ਦੇਵੀਂ ।

ਨਾ ਕੋਈ ਰਹੇ ਖੁਸ਼ੀਆਂ ਤੋਂ ਵਿਰਵਾ,

ਰੋਟੀ ਦੋ ਵਕਤ ਦੀ ਗਰੀਬ ਨੂੰ ਵੀ ਜ਼ਰੂਰ ਦੇਵੀਂ।

ਮੈਂ ਪੁੱਛਾਂਗਾ ਨਾ ਤੈਨੂੰ ਤੇਰੇ ਪਿਛਲੇ ਦਿਨਾਂ ਬਾਰੇ,

ਤੂੰ ਅੱਗੇ ਮਿਹਨਤਾਂ ਨੂੰ ਬਣਦਾ ਵੀ ਸਰੂਰ ਦੇਵੀਂ।

ਹੋਵੇ ਬੇਅਦਬੀ ਨਾ ਗ੍ਰੰਥਾਂ-ਪੰਥਾਂ ਤੇ ਔਰਤਾਂ ਦੀ,

ਐਸਾ ਸਮਾਂ, ਦਿ੍ਰਸ਼ ਨਾ ਕੋਈ ਵੀ ਕਰੂਰ ਦੇਵੀਂ।

ਤੇਰੇ ਸਾਥ ਨਾਲ ਸਭਨਾਂ ਨੇ ਸੁਪਨੇ ਸੰਜੋਣੇ ਕਈ,

ਤੂੰ ਸਭੇ ਅਧੂਰੀਆਂ ਆਸਾਂ ਨੂੰ ਵੀ ਬੂਰ ਦੇਵੀਂ ।

ਮੁਹੱਬਤਾਂ ਨੂੰ ਆਰੰਭ ਦੇਵੀਂ, ਸੱਧਰਾਂ ਨੂੰ ਖੰਭਦੇਵੀਂ,

ਵੇਹੜੇ ਰੰਗਲੀਆਂ ਬਹਾਰਾਂ ਵੀ ਭਰਪੂਰ ਦੇਵੀਂ।

ਏਕਾ ਲਿਆਵੀ, ਭਾਈਚਾਰੇ ਨੂੰ ਖਿੰਡਾਈ,

ਤੂੰ ਨਾ ਕਰ ਕਿਸੇ ਨੂੰ ਵੀ ਮਗ਼ਰੂਰ ਦੇਵੀਂ ।

ਕਈ ਪਿਆਰਾਂ ਤੇ ਪਰਿਵਾਰਾਂ ਤੋਂ ਨੇ ਸੱਖਣੇ,

ਜ਼ਿੰਦਗੀ ਸਭ ਦੀ ਵਿੱਚ ਖ਼ੁਸ਼ੀ ਵੀ ਜ਼ਰੂਰ ਦੇਵੀਂ।

ਜਿੱਤ, ਖ਼ੁਸ਼ਹਾਲੀ ਤੇ ਬਰਕਤ ਵੰਡੀ ਸਭ ਪਾਸੇ,

ਮੇਰੇ ਭਾਰਤ ਨੂੰ ਵੀ ਕਰ ਜੱਗ ਤੇ ਮਸ਼ਹੂਰ ਦੇਵੀਂ।

ਓਹ,,? - ਗੁਰਬਾਜ ਸਿੰਘ

ਬੱਸ ਇੱਕ ਰੱਬ ਦਾ ਨਾਮ ਧਿਆਉਂਦਾ ਰਿਹਾ,

ਓਹ ਸਭੇ ਦੋਸਤਾਂ ਨੂੰ ਹੱਸ ਗੱਲ ਲਾਉਂਦਾ ਰਿਹਾ।

ਕੁਝ ਜ਼ਖ਼ਮ ਵੀ ਮਿਲੇ ਮਾਰ ਮੁਕਾਵਣ ਵਾਲੇ,

ਫੇਰ ਵੀ ਮੁਸਕਾਨ ਦੀ ਮਲਮ ਓਹ ਲਾਉਂਦਾਰਿਹਾ ।

ਤੈਨੂੰ ਮਾੜਾ ਕਦੇ ਵੀ ਨਾ ਤਕਾਇਆ ਓਨੇ,

ਤੇਰੀ ਵਫਾ ਦੇ ਸੋਹਲੇ ਓਹ ਗਾਉਂਦਾ ਰਿਹਾ ।

ਉਹਦੀ ਰੂਹ ਤਕ ਵੀ ਇਸ ਕਦਰ ਸੀ ਰੋਈ,

ਲੋਕ ਕਹਿਣ ਓਹ ਇੰਨਾ ਮੁਸਕਰਾਉਂਦਾ ਰਿਹਾ ।

ਨੇਰੇ-ਜੁਦਾਈਆਂ ਨੇ ਰੋਕਿਆ ੳਦ੍ਹਾ ਪੰਧ ਵੀਬਥੇਰਾ,

ਅਮੁੱਕ ਹਰਫ਼ਾਂ ਦੇ ਦੀਪ ਓਹ ਜਲ਼ਾਉਂਦਾ ਰਿਹਾ।

ਰੱਖੇ ਗਲ ਨਾਲ ਲਾ ਕੁਝ ਦਰਦੀ ਨਜ਼ਮਾਂ ਨੂੰਓਹ,

ਲੋਕਾਂ ਦੀ ਨਜ਼ਰੇ ਓਹ ਸ਼ਾਇਰ ਕਹਾਉੰਦਾ ਰਿਹਾ।

ਤੇਰੀ ਪੈੜ ਦੇ ਪੈਂਡੇਂ ਨਾ ਕਦੇ ਸਰ ਹੋਣੇ ਓਸ ਤੋਂ,

ਐਵੇਂ ਬੇ-ਆਸੇ ਹੀ ਰਾਹਾਂ ਨੂੰ ਓਹ ਗਾਹੁੰਦਾਰਿਹਾ ।

ਸ਼ਾਂਤੀ ਮਿਲੀ ਨਾ ਓਨੂੰ ਕਿਤੇ ਕਬਰਾਂ ਜਹੀ ,

ਭਾਵੇਂ ਪਲ-ਪਲ ਵੀ ਮੌਤ ਨੂੰ ਓਹ ਪਾਉਂਦਾ ਰਿਹਾ।

ਭਾਵੇਂ ਪਲ-ਪਲ ਵੀ ਮੌਤ ਨੂੰ ਓਹ ਪਾਉਂਦਾ ਰਿਹਾ।

-ਗੁਰਬਾਜ ਸਿੰਘ
88376-44027

ਗੁੰਬਦ-ਗੁਮਾਨ - ਗੁਰਬਾਜ ਸਿੰਘ

ਇਨਾਂ ਗੁੰਬਦ ਗੁਮਾਨਾਂ ਨੂੰ ਗਿਰਾ ਕੇ ਤਾਂ ਵੇਖ ।

ਕੋਈ ਖੜਾ ਐ ਦੁਆ ਲਈ ਝੋਲੀ ਫੈਲਾ,

ਥੋੜਾ ਨਜ਼ਰ ਆਪਣੀ ਨੂੰ ਫਿਰਾ ਕੇ ਤਾਂ ਵੇਖ ।

ਇਨਾਂ ਗੁੰਬਦ-ਗੁਮਾਨਾਂ ਨੂੰ ਗਿਰਾ ਕੇ ਤਾਂ ਵੇਖ ।




ਤੇਰੇ ਅੰਦਰ ਵੱਸੇ ਬਰਿਹਮੰਡ ਚਲਾਉਣ ਤੇਬਨਾਣ ਵਾਲਾ,

ਸਭਨਾਂ ਦੇ ਮੂੰਹੋਂ ਆਪੇ ਕਹਾਉਣ ਤੇ ਸੁਣਾਉਣਵਾਲਾ,

ਉਹਨੂੰ ਹਾਕ ਮਾਰ ਅੰਦਰੋਂ ਬੁਲਾ ਕੇ ਤਾਂ ਵੇਖ ।

ਇਨਾਂ ਗੁੰਬਦ-ਗੁਮਾਨਾਂ ਨੂੰ ਗਿਰਾ ਕੇ ਤਾਂ ਵੇਖ ।




ਮੈਂ ਆ ਕੀਤਾ ਵਾ, ਮੈਂ ਔ ਕਰ ਦੂੰ,

ਆ ਚੀਜ਼ ਮੇਰੀ, ਔ ਚੀਜ਼ ਮੇਰੀ, ਪਿੱਛੇ ਹੱਟ ਤੂੰ,

ਇਸ ਭੈੜੀ ਮੈਂ ਨੂੰ ਜ਼ਰਾ ਮੁਕਾਅ ਕੇ ਤਾਂ ਵੇਖ ।

ਇਨਾਂ ਗੁੰਬਦ-ਗੁਮਾਨਾਂ ਨੂੰ ਗਿਰਾ ਕੇ ਤਾਂ ਵੇਖ ।




ਸਦਾ ਸੱਚ ਬੋਲ, ਕਿਰਤ ਕਰ ਤੇ ਵੰਡ ਛੱਕ,

ਹੱਥੀਂ ਲੋੜਵੰਦਾਂ ਦੇ ਕਦੇ ਪਰਦੇ ਵੀ ਢੱਕ,

ਕਦੇ ਨੇਕੀ ਤੇ ਭਲਾਈ ਨੂੰ ਕਮਾਅ ਕੇ ਤਾਂ ਵੇਖ,

ਇਨਾਂ ਗੁੰਬਦ-ਗੁਮਾਨਾਂ ਨੂੰ ਗਿਰਾ ਕੇ ਤਾਂ ਵੇਖ ।




ਜਦ ਸਾਹ ਮੁੱਕ ਗਏ ਤੈਨੂੰ ਅਰਥੀ ਲਿਟਾਉਣਾ,

ਜਿਨੂੰ ਆਪਨਾ ਤੂੰ ਕਹੇਂ ਉਨੇ ਹੱਥੀਂ ਸਿਵੇਪਾਉਣਾ,

ਫਿਰੇਂ ਰੱਬ ਨੂੰ ਤੂੰ ਭੁੱਲਿਆ ਖ਼ੁਦ ਨੂੰ ਭੁਲਾ ਕੇ ਤਾਂਵੇਖ,

ਇਨਾਂ ਗੁੰਬਦ-ਗੁਮਾਨਾਂ ਨੂੰ ਗਿਰਾ ਕੇ ਤਾਂ ਵੇਖ ।

ਕਦੇ ਗੁੰਬਦ-ਗੁਮਾਨਾਂ ਨੂੰ ਗਿਰਾ ਕੇ ਤਾਂ ਵੇਖ ।

-ਗੁਰਬਾਜ ਸਿੰਘ
88376-44027

ਤੇਰਾ ਦੁੱਖ  - ਗੁਰਬਾਜ ਸਿੰਘ

ਤੇਰਾ ਦੁੱਖ ਮੈਨੂੰ ਸਭ ਤੋਂ ਅਜ਼ੀਜ਼,

ਇਹ ਦੁੱਖ ਮੇਰਾ ਬਣ ਗਿਆ ਅਦੀਬ ।



ਇਹ ਦੁੱਖ ਮੇਰੀ ਭੁੱਖ-ਪਿਆਸ,

ਇਹ ਦੁੱਖ ਮੇਰੇ ਦਿਲ ਦੇ ਪਾਸ ।



ਇਸ ਦੁੱਖ ਨਾਲ ਮੈਂ ਖ਼ੁਸ਼ੀਆਂ ਮਾਣਾਂ ,

ਇਸ ਦੁੱਖ ਸੰਗ ਮੈਂ ਹਰ ਥਾਂ ਪਛਾਣਾਂ ।



ਇਸ ਦੁੱਖ ਨੇ ਮੈਨੂੰ ਲਾਂਬੂੰ ਲਾਣਾ ,

ਇਸ ਦੁੱਖ ਨੇ ਮੇਰੇ ਨਾਲ ਹੈ ਜਾਣਾ ।



ਇਸ ਦੁੱਖ ਨੇ ਬੜਾ ਪੁੰਨ ਕਮਾਣਾ ,

ਹਰ ਜਨਮ ਮੇਰੇ ਨਾਲ ਹੈ ਆਣਾਂ ।



ਇਹ ਦੁੱਖ ਮੇਰੀ ਰੂਹ ਤਾਈਂ ਰਚਿਆ,

ਇਸ ਦੁੱਖ ਨੂੰ ਮੈਂ ਰੱਬ ਜਿਆ ਜਾਣਾ ।

ਇਸ ਦੁੱਖ ਨੂੰ ਮੈਂ ਰੱਬ ਜਿਆ ਜਾਣਾ ।

(ਚਰਨ)


-ਗੁਰਬਾਜ ਸਿੰਘ
8837644027

29 Oct. 2018

ਉਡੀਕ  - ਗੁਰਬਾਜ ਸਿੰਘ

ਚਰਨ,,,

ਮੈਂ ਉਸ ਦਿਨ ਨੂੰ ਉਡੀਕਦਾ ਹਾਂ,

ਅਮੁੱਕ ਮੁਹੱਬਤ ਤੇਰੇ ਗੀਤਾਂ ਵਿੱਚ ਵੇਖਦਾ ਹਾਂ ।

ਮੈ ਉਸ ਦਿਨ ਨੂੰ ਉਡੀਕਦਾ ਹਾਂ ।




ਤੂੰ ਯਾਦ ਆਵੇਂ ਹਰ ਸਾਹ ਠੰਡੜੇ ਨਾਲ,

ਔਂਸੀਆਂ ਦਿਲ ਦੀਆਂ ਕੰਧਾਂ ਤੇ ਉਲੀਕਦਾ ਹਾਂ,

ਮੈ ਉਸ ਦਿਨ ਨੂੰ ਉਡੀਕਦਾ ਹਾਂ ।




ਨੀਂਦਰ ਤੁਰ ਜਾਵੇ ਭਾਲਣ ਤੇਰੀਆਂ ਪੈੜਾਂ ਨੂੰ,

ਅੱਖੀਆਂ ਜਦ ਵੀ ਖੋਲਾਂ ਜਾਂ ਮੀਚਦਾ ਹਾਂ,

ਮੈ ਉਸ ਦਿਨ ਨੂੰ ਉਡੀਕਦਾ ਹਾਂ ।




ਤੂੰ ਅਸੀਮ ਸਾਗਰ ਹੈਂ ਮੁਹੱਬਤ ਦਾ,

ਮੈਂ ਤਾਂ ਬੱਸ ਕਤਰਾ ਤੇਰੀ ਪ੍ਰੀਤ ਦਾ ਹਾਂ,

ਮੈਂ ਉਸ ਦਿਨ ਨੂੰ ਉਡੀਕਦਾ ਹਾਂ ।




ਆ ਇੱਕ ਹੋ ਜਾਈਏ ਤੋੜ ਕੇ ਸਭ ਬੰਧਨਾਂ ਨੂੰ,

ਬਿਨ ਤੇਰੇ ਪਲ-ਪਲ ਸਦੀਆਂ ਜਿਹਾ ਬੀਤਦਾਹਾਂ,

ਮੈ ਉਸ ਦਿਨ ਨੂੰ ਉਡੀਕਦਾ ਹਾਂ ।




ਕੱਦ ਵਸਲ ਤੇਰੇ ਦਾ ਨਿੱਘ ਮੈਂ ਮਾਣੂੰਗਾ,

ਕਦੇ ਰੱਬ ਵੱਲ ਤੇ ਕਦੇ ਹੱਥਾਂ ਵੱਲ ਨੀਝਦਾ ਹਾਂ,

ਮੈ ਉਸ ਦਿਨ ਨੂੰ ਉਡੀਕਦਾ ਹਾਂ ।



-ਗੁਰਬਾਜ ਸਿੰਘ
8837644027

ਤੇਰੇ ਜਾਣ ਪਿੱਛੋਂ,, - ਗੁਰਬਾਜ  ਸਿੰਘ

ਤੇਰੇ ਜਾਣ ਪਿੱਛੋਂ ਵੇਖ ਕਿੰਨੀ ਰੌਣਕ ਲੱਗੀ ਏ,

ਕਿੰਨੇ ਹੀ ਦੁੱਖ, ਪੀੜਾਂ ਤੇ ਦਰਦ,

ਰੋਜ਼ ਆਣ ਮੇਰਾ ਬੂਹਾ ਮੱਲਦੇ ਨੇ।

ਗੀਤ ਲਿਖਾਂ ਕੋਈ ਤੇਰੇ ਵਿਛੋੜੇ ਦਾ,

ਬੱਸ ਇਹੋ ਸੁਨੇਹਾ ਮੁੜ-ਮੁੜ ਘੱਲਦੇ ਨੇ।

ਆਪ ਮੁਹਾਰੇ ਹੀ ਤੁਰ ਪਏ ਕਲਮ ਮੇਰੀ,

ਤੇਰੇ ਖਿਆਲ ਜਦ ਗ਼ਮਾਂ ਦੇ ਸਫ਼ੇ ਥੱਲਦੇ ਨੇ।

ਤੂੰ ਚੰਨ ਬਣ ਨਾ ਚੜ ਜਾਵੇ ਕਿਸੇ ਹੋਰ ਦੇਵੇਹੜੇ,

ਇਹੋ ਡਰ ਮੇਰੇ ਦਿਲ ਨੂੰ ਰਹਿਣ ਸੱਲਦੇ ਨੇ।

ਮੁੱਦਤਾਂ ਹੋਈਆਂ ਨਾ ਦੇਖਿਆ ਚੇਹਰਾ ਤੇਰਾ,

ਇੰਜ ਲੱਗੇ ਜਿਵੇਂ ਵਿਛੋੜੇ ਪਏ ਅਜੇ ਕੱਲ ਦੇ ਨੇ।

ਤੇਰੇ ਜਾਣ ਪਿੱਛੋਂ ਵੇਖ ਕਿੰਨੀ ਰੌਣਕ ਲੱਗੀ ਏ ।

ਤੇਰੇ ਜਾਣ ਪਿੱਛੋਂ ,,।

ਤੇਰੇ ਜਾਣ ਪਿੱਛੋਂ ,,।

ਮਨ ਦੀ ਉਦਾਸੀ - ਗੁਰਬਾਜ ਸਿੰਘ

ਜਦ ਮਨ ਬਾਹਲਾ ਉਦਾਸ ਹੋ ਜਾਵੇ,

ਮੈਂ ਲਿਖਣ ਲਈ ਬੇਤਾਬ ਹੋ ਜਾਂਦਾ ਹਾਂ।

ਜਦੋਂ ਕੋਈ ਤੇਰੇ ਬਾਰੇ ਪੁੱਛਦਾ ਹੈ,

ਤਾਂ ਮੈਂ ਲਾਜੁਆਬ ਹੋ ਜਾਂਦਾ ਹਾਂ।

ਤੇਰੀ ਯਾਦ ਭੁੱਲੀ ਵਿੱਸਰੀ ਫੇਰਾ ਜਦ ਪਾਉਂਦੀਹੈ,

ਤਾਂ ਪੀੜਾਂ ਹੌਂਕਿਆਂ ਦਾ ਇਕ ਖਿਤਾਬ ਹੋ ਜਾਂਦਾਹਾਂ।

ਮੇਰੇ ਹੰਝੂ ਫੇਰ ਸਿਆਹੀ ਬਣ ਜਾਂਦੇ ਨੇ,

ਤੇ ਮੈਂ ਕੋਰੇ ਸਫ਼ਿਆਂ ਦੀ ਇੱਕ ਕਿਤਾਬ ਹੋ ਜਾਂਦਾਹਾਂ।


-ਗੁਰਬਾਜ ਸਿੰਘ
8837644027

ਤੇਰਾ ਪਰਤਣਾ  - ਗੁਰਬਾਜ ਸਿੰਘ

ਦਿਲ ਕਹਿੰਦਾ ਹੈ ਮੁਸ਼ਕਲ ਵਾ ਪਰਤਣਾ ਤੇਰਾ,

ਅੱਖਾਂ ਉਡੀਕ ਤੇਰੀ ਰਾਹ ਤੇ ਟਿਕਾਈ ਰੱਖਦੀਆਂਨੇ।

ਰੱਬ ਤੋਂ ਵੀ ਵੱਧ ਹੈ ਯਕੀਨ ਤੇਰੇ ਪਿਆਰ ਤੇ,

ਤਾਂ ਹੀ ਆਸ ਕੋਈ ਸਦੀਵੀ ਜਹੀ ਮਘਾਈਰੱਖਦੀਆਂ ਨੇ।

ਨਹੀਂ ਵੇਖਣਾ ਕਿਸੇ ਹੋਰ ਤਾਈਂ ਗਵਾਰਾ ਏਨਾਨੂੰ,

ਨਕਸ਼ ਤੇਰੇ ਹੀ ਖੁਦ ਚ ਸਮਾਈ ਰੱਖਦੀਆਂ ਨੇ।

ਲੱਗੇ ਨਜ਼ਰ ਵੀ ਨਾ ਤੇਰੇ ਵਜੂਦ ਨੂੰ ਕਿਤੇ,

ਤੇਰਾ ਰੂਪ ਹੇਠ ਪਲਕਾਂ ਛੁਪਾਈ ਰੱਖਦੀਆਂ ਨੇ।

ਇਕ ਵਾਰ ਤੂੰ ਆਗੋਸ਼ ਵਿੱਚ ਵੇਖੀ ਬੈਠ ਕੇ,

ਕਲਾਵੇ ਵਿੱਚ ਏ ਅੰਤਾਂ ਦੀ ਖ਼ੁਦਾਈ ਰੱਖਦੀਆਂਨੇ।

ਤੇਰੇ ਵਸਲ ਵਾਲੀ ਭੀਖ ਕਦ ਮਿਲੂ ਏਨਾਂ ਨੂੰ,

ਕਾਸੇ ਹੰਝੂਆਂ ਦੇ ਹੱਥਾਂ ਤੇ ਟਿਕਾਈ ਰੱਖਦੀਆਂਨੇ।

ਕਾਸੇ ਹੰਝੂਆਂ ਦੇ ਹੱਥਾਂ ਤੇ ਟਿਕਾਈ ਰੱਖਦੀਆਂਨੇ।

-ਗੁਰਬਾਜ ਸਿੰਘ
8837644027

ਤੇਰੀ ਮੌਜੂਦਗੀ  - ਗੁਰਬਾਜ ਸਿੰਘ

ਚਰਨ...

ਤੇਰੀ ਮੌਜੂਦਗੀ ਮੈਨੂੰ ਹਰ ਪਾਸੇ ਲੱਗਦੀ ਏ,

ਤੂੰ ਸ਼ੀਤਲ ਵਗਦੇ ਪਾਣੀਆਂ ਵਿਚਲੀ ਠੰਢਕਜਿਹੀ ਏ,

ਤੂੰ ਅਸਮਾਨੀ ਖਿੱਲਰੀ ਕੋਈ ਰੰਗਤ ਜਿਹੀ ਏਂ,

ਤੂੰ ਪੌਣਾਂ ਵਿਚਲੀ ਕੋਈ ਮਹਿਕ ਜਿਹੀ ਏ,

ਤੂੰ ਪਾਕ ਪਵਿੱਤਰ ਕੋਈ ਰਹਿਤ ਜਿਹੀ ਏਂ,

ਤੂੰ ਗਲ਼ਵੱਕੜੀ ਵਿਚਲੇ ਕੋਈ ਨਿੱਘ ਜਿਹੀ ਏ,

ਤੂੰ ਰੂਹਾਂ ਵਿਚਲੀ ਇੱਕ ਪਾਕੀਜਗੀ ਜਿਹੀ ਏ,

ਤੂੰ ਮਿੱਠੜੇ ਬੋਲਾਂ ਵਿਚਲੀ ਇੱਕ ਸਾਦਗੀ ਜਿਹੀਏ,

ਤੂੰ ਬਾਲਾਂ ਦੇ ਬੁੱਲਾਂ ਦੀ ਮੁਸਕਾਨ ਜਿਹੀ ਏ,

ਤੂੰ ਕੁਦਰਤ ਦੇ ਕਿਸੇ ਅਹਿਸਾਨ ਜਿਹੀ ਏ,

ਤੂੰ ਫੁੱਲਾਂ ਚ ਸਮਾਏ ਗੂੜੇ ਰੰਗਾਂ ਜਿਹੀ ਏ,

ਤੂੰ ਕਿਸੇ ਅੱਲੜ ਮੁਟਿਆਰ ਦੀਆਂ ਸੰਗਾਂ ਜਿਹੀਏ,

ਤੂੰ ਰੂਹੀ ਰਚੀ ਕੋਈ ਗ਼ਜ਼ਲ ਜਿਹੀ ਏ,

ਤੂੰ ਖੁਦਾ ਦੇ ਹੋਏ ਕਿਸੇ ਫ਼ਜ਼ਲ ਜਿਹੀ ਏ,

ਤੂੰ ਜ਼ਾਹਰੇ ਪੀਰ ਦੀ ਕੋਈ ਦੁਆ ਜਿਹੀ ਏ,

ਤੂੰ ਮਸੀਤ ਨੂੰ ਜਾਂਦੇ ਕੋਈ ਰਾਹ ਜਿਹੀ ਏ,

ਤੂੰ ਕਿਸੇ ਭਗਤ ਦੀ ਗੂੜ੍ਹੀ ਕੋਈ ਬੰਦਗੀ ਜਿਹੀਏ,

ਤੂੰ ਬਿਰਖਾਂ ਵਿੱਚ ਧੜਕਦੀ ਕੋਈ ਜ਼ਿੰਦਗੀ ਜਿਹੀਏ,

ਤੂੰ ਹਾਸਿਆਂ ਵਿੱਚ ਲੁਕੇ ਕੋਈ ਸੰਗੀਤ ਜਿਹੀ ਏਂ,

ਤੂੰ ਜਨਮਾਂ ਤੋਂ ਮਿਲੇ ਕੋਈ ਮੀਤ ਜਿਹੀ ਏਂ,

ਤੂੰ ਬਹਾਰਾਂ ਵਿੱਚ ਘੁੰਮਦੀ ਕੋਈ ਹਵਾ ਸ਼ੀਤਜਿਹੀ ਏ,

ਤੂੰ ਭਾਗਾਂ ਨਾਲ ਮੱਥੇ ਉੱਕਰੀ ਕੋਈ ਲੀਕ ਜਿਹੀਏ,

ਤੂੰ ਪਾਕ ਰੂਹਾਂ ਦੀ ਕੋਈ ਅਦੁੱਤੀ ਪ੍ਰੀਤ ਜਿਹੀ ਏ,

ਤੂੰ ਗੁਰਬਾਜ ਦੇ ਹੀ ਲਿਖੇ ਕੋਈ ਗੀਤ ਜਿਹੀ ਏ,

ਹੁਣ ਤਾਂ ਤੂੰ ਵੀ ਜਾਣ ਗਈ ਹੋਵੇਂਗੀ,

ਕਿ ਇਸ ਵਿੱਚ ਜਰਾ ਵੀ ਝੂਠ ਨਹੀਂ ਏ।

ਜ਼ਰਾ ਵੀ,,।



-ਗੁਰਬਾਜ ਸਿੰਘ
8837644027