ਪੰਜਾਬੀ ਦਾ 'ਪਹਿਲਾ ਪ੍ਰੋਫੈਸਰ' ਹੋਣ ਦਾ ਵੱਡਾ ਮਾਣ ਮਿਲਿਆ,
'72 ਕਿਤਾਬਾਂ' ਦਾ ਲੇਖਕ ਪ੍ਰੋਫੈਸਰ 'ਦਿੱਤ ਸਿੰਘ' ਲੋਕੋ।
ਪਿਤਾ ਸੰਤ 'ਦਿਵਾਨ ਸਿੰਘ' ਘਰ, ਮਾਤਾ 'ਰਾਮ ਕੌਰ' ਦੀ ਕੁੱਖੋਂ
ਜਨਮ ਹੋਇਆ 'ਇੱਕੀ ਅਪ੍ਰੈਲ ਅਠਾਰਾਂ ਸੋ ਪੰਜਾਹ' ਵਿੱਚ ਲੋਕੋ।
ਜੀਵਨ ਸਾਥੀ ਬਿਸ਼ਨ ਕੌਰ,ਪਿੰਡ ਨੰਦਗੜ੍ਹ ਕਲੌੜ, ਫ਼ਤਹਿਗੜ੍ਹ ਸਾਹਿਬ,
ਬਲਦੇਵ ਸਿੰਘ, ਵਿਦਿਆਵੰਤੀ ਕੌਰ ਸੀ ਧੀ ਤੇ ਪੁੱਤ ਲੋਕੋ।
ਉਸ ਵਕਤ ਐਨੀਆਂ ਕਿਤਾਬਾਂ ਲਿਖਕੇ ਰਿਕਾਰਡ ਕਾਇਮ ਕਰਨਾ,
ਇਹ   ਵੀ   ਕੋਈ   ਛੋਟੀ   ਨਹੀਂ   ਸੀ   ਜਿੱਤ   ਲੋਕੋ।
ਪ੍ਰਸਿੱਧ ਕਵੀ,ਪੱਤਰਕਾਰੀ ਦੇ ਪਿਤਾਮਾ, ਖਾਲਸਾ ਅਖ਼ਬਾਰ ਦੇ ਬਾਨੀ,
ਜਿਸ  ਦੇ  ਅੰਦਰੋਂ ਜੁੜੇ  ਸੀ  'ਸਿੱਖੀ'  ਨਾਲ ਹਿੱਤ ਲੋਕੋ।
'ਆਰੀਆ ਸਮਾਜੀ' ਸਵਾਮੀ 'ਦਯਾਨੰਦ' ਨਾਲ ਦੋ ਵਾਰ ਬਹਿਸ ਹੋਈ,
ਦੋਨੋਂ ਵਾਰ ਹਰਾਕੇ ਕਰਿਆ ਸਵਾਮੀ 'ਦਯਾ ਨੰਦ' ਚਿੱਤ ਲੋਕੋ।
'ਸਤਾਈ ਸੋ ਏਕੜ' ਦਾ ਮਾਲਕ ਬਾਬਾ ਖੇਮ ਸਿੰਘ 'ਬੇਦੀ' ,
ਅੰਮ੍ਰਿਤਸਰ ਦਰਬਾਰ ਸਾਹਿਬ ਹਰ ਮੰਦਾ ਕੰਮ ਕਰਦਾ ਨਿੱਤ ਲੋਕੋ।
ਗੁਰੂ 'ਨਾਨਕ' ਦੀ ਤੇਰਵੀਂ ਵੰਸ਼ ਵਿਚੋਂ ਦੱਸਕੇ ਬਣ ਬੈਠਾ ਗੁਰੂ,
ਅੰਗਰੇਜ਼ਾਂ ਦੇ ਥਾਪੜੇ ਕਰਕੇ ਸਮਝਦਾ ਸਭ ਨੂੰ ਟਿੱਚ ਲੋਕੋ।
ਪ੍ਰੋ. ਦਿੱਤ  ਸਿੰਘ  ਨੇ  ਨਾ  ਕਿਸੇ  ਭੋਰਾ  ਪ੍ਰਵਾਹ  ਕੀਤੀ,
'ਬੇਦੀ' ਦੇ ਥੱਲਿਓਂ ਬਾਹਰ ਮਾਰੀ ਸੀ 'ਗੱਦੀ' ਖਿੱਚ ਲੋਕੋ।
ਸਿੱਖੀ ਦੇ ਠੇਕੇਦਾਰਾਂ ਨੇ ਭੋਰਾ ਨਾ ਪਾਈ ਕਦਰ ਇਹਦੀ,
ਸ਼ਾਇਦ ਇਹਦੀ 'ਜ਼ਾਤ' ਨਿਗਾਹ ਵਿੱਚ ਬੈਠੀ ਨਾ ਫਿੱਟ ਲੋਕੋ।
ਨਹੀਂ ਤਾਂ ਇਹਦੇ ਨਾਮ ਤੇ ਅਨੇਕਾਂ ਸਕੂਲ ਕਾਲਜ ਬਣਵਾਏ ਹੁੰਦੇ।
'ਮੇਜਰ' ਜੇ ਪ੍ਰੋਫੈਸਰ ਦਿੱਤ ਸਿੰਘ 'ਰਵਿਦਾਸੀਆ' ਵਿੱਚੋਂ ਨਾ ਆਏ ਹੁੰਦੇ।
ਲੇਖਕ - ਮੇਜਰ ਸਿੰਘ ਬੁਢਲਾਡਾ
94176 42327

ਮੇਰੇ ਸ਼ਹਿਨਸ਼ਾਹ ਗੁਰੂ ਗੋਬਿੰਦ ਸਿੰਘ ਤੋਂ,
ਮੈਂ ਜਾਵਾਂ ਬਲਿਹਾਰ ਲੋਕੋ।

ਜਿਸਨੇ ਦੱਬੇ ਕੁਚਲਿਆਂ ਲੋਕਾਂ ਨੂੰ,
ਲਾਕੇ ਗਲ਼ ਨਾਲ ਦਿੱਤਾ ਸਤਿਕਾਰ ਲੋਕੋ।

ਜਿਹਨਾਂ ਤੇ ਲੱਗੀਆਂ ਸੀ ਪਾਬੰਦੀਆਂ,
ਜਿਹਨਾਂ ਦੇ ਖੋਹੇ ਸੀ ਸਭੇ ਅਧਿਕਾਰ ਲੋਕੋ।

ਨਫ਼ਰਤ ਕਰਦੇ ਸੀ ਅਖੌਤੀ ਉੱਚ ਜਾਤੀ,
ਨੀਚ ਸਮਝਕੇ ਦਿੰਦੇ ਦੁਰਕਾਰ ਲੋਕੋ।

ਅਖੌਤੀ ਉੱਚੇ ਨੀਵਿਆਂ ਨੂੰ ਇੱਕ ਬਾਟੇ,
'ਅੰਮ੍ਰਿਤ' ਛਕਾਇਆ ਸੀ ਨਾਲ ਪਿਆਰ ਲੋਕੋ।

ਸਸਤਰਹੀਣ ਲੋਕਾਂ ਨੂੰ ਫੜਾ ਸਸਤਰ,
ਚੜਾਇਆ ਘੋੜਿਆਂ ਤੇ ਕਰਕੇ ਤਿਆਰ ਲੋਕੋ।

ਸੱਚੀ ਸੁੱਚੀ ਵਿਚਾਰਧਾਰਾ ਮੇਰੇ 'ਪਾਤਿਸ਼ਾਹ' ਦੀ,
ਜੋ ਦਿੱਤੀ ਬਹੁਤਿਆਂ ਨੇ ਵਿਸਾਰ ਲੋਕੋ।

'ਮੇਜਰ' ਤਾਹੀਂ ਅੱਜ ਸਿੱਖ ਕੌਮ ਅੰਦਰ,
ਆਇਆ ਹੈ ਵੱਡਾ ਨਿਘਾਰ ਲੋਕੋ।

ਸੰਪਰਕ : 94176 42327

ਦੇਸ਼ ਵਿੱਚ ਬਹੁਗਿਣਤੀ ਮੂਰਖਾਂ ਦੀ
ਬੜੀ ਘਾਟ ਇਥੇ ਗਿਆਨੀਆਂ ਦੀ।
ਅੰਧ ਵਿਸ਼ਵਾਸ਼ੀਆਂ ਦੀ ਵੱਡੀ ਭੀੜ,
ਨਾ ਕਦਰ ਕਰੇ ਵਿਗਿਆਨੀਆਂ ਦੀ।
ਗ਼ਰੀਬਾਂ ਦੀ ਗਿਣਤੀ ਵਧਣ ਲਈ,
ਹਾਕਮ ਸੋਚ ਭਰੀ ਸ਼ੈਤਾਨੀਆਂ ਦੀ।
ਘਾਟ ਨਾ ਭੁੱਖ ਨਾਲ ਮਰਦਿਆਂ ਦੀ,
ਵੱਡੀ ਘਾਟ ਹੈ ਰੱਜੇ ਦਾਨੀਆਂ ਦੀ।
ਘਾਟ ਨਾ ਨੀਤ ਦੇ ਭੁੱਖਿਆਂ ਦੀ,
ਹੈ ਘਾਟ ਨੀਤੋ ਰੱਜੇ ਪ੍ਰਾਣੀਆਂ ਦੀ।
ਖੁਸ਼ੀਆਂ ਮਾਣਦੇ ਪ‌ਏ ਨੇ ਬੜੇ ਲੋਕੀ,
ਵਧੇਰੇ ਪੰਡ ਚੁੱਕੀ ਫਿਰਨ ਪ੍ਰੇਸ਼ਾਨੀਆਂ ਦੀ।
ਜ਼ਾਤ ਪਾਤ ਹੈ ਛੂਆ ਛਾਤ ਬੜੀ,
ਬਹੁਗਿਣਤੀ ਹੈ ਜ਼ਾਤ ਦੇ ਹਾਮੀਆਂ ਦੀ।
ਇਮਾਨਦਾਰਾਂ ਦੀ ਵੱਡੀ ਘਾਟ ਇਥੇ,
ਮੇਜਰ ਬਹੁਗਿਣਤੀ ਨੇ ਬੇਈਮਾਨ ਯਾਰੋ।
ਪਤਾ ਨਹੀਂ ਦੇਸ਼ ਮੇਰੇ ਦਾ ਕੀ ਬਣੂ ?
ਕੁਰੱਪਟ ਲੱਗੇ ਦੇਸ‌ ਨੂੰ ਖਾਣ ਯਾਰੋ।
ਮੇਜਰ ਸਿੰਘ ਬੁਢਲਾਡਾ
94176 42327

'ਸਿੱਖੀ' ਦੀ ਸਮਝ ਜੇ ਹੁੰਦੀ 'ਮੰਡੀਰ' ਤਾਈਂ,
ਵਾਰਾਂ ਯੋਧਿਆਂ ਦੀਆਂ ਸੁਣਦੇ ਸੁਣਾਂਵਦੇ ਜੀ।

ਕਿਲਕਾਰੀਆਂ ਮਾਰਦੇ ਨਾ ਕਰਦੇ ਹੁੱਲੜਬਾਜ਼ੀ,
ਵਕਤਾਂ ਵਿਚ ਪੈਂਦੇ ਨਾ ਕਿਸੇ ਨੂੰ ਪਾਂਵਦੇ ਜੀ।

'ਹੋਲੇ ਮੁਹੱਲੇ' ਦਾ ਲੈਂਦੇ ਇਹ ਆਨੰਦ ਪੂਰਾ,
ਨਾ ਇਹ ਆਪਣੀ ਕਰਤੂਤ ਖਿੰਡਾਂਵਦੇ ਜੀ।

ਚਾਂਭਲੀ ਮੁੰਡੀਰ ਨੂੰ ਕਿਸੇ ਨਾ ਵਰਜਨਾਂ ਸੀ ,
ਨਾ ਕਿਸੇ ਖਾਲਸੇ ਨੂੰ ਮਾਰ ਮੁਕਾਂਵਦੇ ਜੀ।

ਜੇ ਸਿੱਖਾਂ ਨੇ ਗਿਆਨ ਦੇ ਲੰਗਰ ਲਾਏ ਹੁੰਦੇ,
ਮੇਜਰ ਐਸੇ ਦਿਨ ਨਾ ਕਦੇ ਆਂਵਦੇ ਜੀ।

ਲੇਖਕ- ਮੇਜਰ ਸਿੰਘ ਬੁਢਲਾਡਾ
94176 42327

'ਲੰਗਰ' ਬਹੁਤ ਲਾ ਲ‌ਏ ਖਾਣ ਪੀਣ ਦੇ,
ਹੁਣ ਗਿਆਨ ਦੇ ਲੰਗਰ ਲਗਾਓ ਸਿੱਖੋ!

ਵਿਗੜੀ ਫਿਰਦੀ ਇਥੇ 'ਮੁੰਡੀਰ' ਜਿਹੜੀ,
ਗੁਰੂ ਦੀ ਸੋਚ ਇਹਨਾਂ ਨੂੰ ਸਮਝਾਓ ਸਿੱਖੋ!

ਚੰਗੇ ਵਿਦਵਾਨਾਂ ਦੀਆਂ ਲਿਖਤਾਂ ਪੜ੍ਹਨ ਲਈ,
ਹਰ ਇਕ ਨੂੰ ਆਦਤ ਪਵਾਓ ਸਿੱਖੋ!

ਦਿਮਾਗ਼ਾਂ ਵਿਚੋਂ ਕੱਢਣ ਲਈ ਕੂੜ ਤੁਸੀਂ,
ਇਹਨਾਂ ਦੇ ਦਿਮਾਗ਼ ਵਰਤਣ ਲਾਓ ਸਿੱਖੋ!

ਹਰ ਪਾਸੇ ਸਿੱਖੀ ਦੀਆਂ ਹੋਣ ਗੱਲਾਂ,
ਮੇਜਰ ਕੋਈ ਐਸੀ ਵਿਉਂਤ ਬਣਾਓ ਸਿੱਖੋ!

ਲੇਖਕ- ਮੇਜਰ ਸਿੰਘ ਬੁਢਲਾਡਾ
94176 42327

ਬੰਧੂਆਂ ਬਣਾਕੇ ਬਿਨਾਂ ਤਨਖ਼ਾਹ ਤੋਂ ਕੰਮ ਲੈਂਦੇ,
ਪੰਜਾਬ 'ਚ ਕ‌ਈ ਵੇਖੇ 'ਸਿੱਖ ਪਰਿਵਾਰ' ਜੀ।

ਪਸ਼ੂਆਂ ਤੋਂ ਭੈੜੀ ਜ਼ਿੰਦਗੀ ਜਿਊਣ ਲਈ ਮਜ਼ਬੂਰ,
ਕਰਦੇ ਨੇ ਕ‌ਈਆਂ ਉਤੇ ਅਤਿਆਚਾਰ ਜੀ।

ਕੋਈ ਮੰਦਬੁੱਧੀ ਕੋਈ ਕੀਤਾ ਅਗਵਾਹ ਇਹਨਾਂ,
ਵੇਖਕੇ ਇਹਨਾਂ ਦਾ ਹਾਲ ਹੋਵੇ ਨਾ ਸਹਾਰ ਜੀ।

ਮੇਜਰ ਧੰਨਵਾਦ! 'ਪਾਲ ਖਰੌਡ' ਟੀਮ ਦਾ,
ਜੋ ਛੁਡਾ ਰਹੇ ਇਹਨਾਂ ਨੂੰ ਛਾਪੇ ਮਾਰ ਜੀ।

ਮੇਜਰ ਸਿੰਘ 'ਬੁਢਲਾਡਾ'
94176 42327

"ਤੁਮ ਮਖਤੂਲ ਸੁਪੇਦ ਸਪੀਅਲ,
ਹਮ ਬਪੁਰੇ ਜਸ ਕੀਰਾ ॥
ਸਤ ਸੰਗਤਿ ਮਿਲਿ ਰਹੀਐ ਮਾਧਉ,
ਜੈਸੇ ਮਧੁਪ ਮਖੀਰਾ॥"
ਮੌਕਾ ਮਿਲਦੇ ਲੀਡਰ ਸਾਡੇ,
ਰਹਿੰਦੇ ਗੁਰੂ ਦਾ ਉਪਦੇਸ਼ ਸੁਣਾਉਂਦੇ।
ਆਪ ਇਹ ਧੜਿਆਂ ਵਿੱਚ ਵੰਡੇ,
ਇਕੱਠੇ ਨਜ਼ਰ ਨਾ ਆਉਂਦੇ।
ਜੋ ਗੱਲ ਲੋਕਾਂ ਦੇ ਸਮਝਣ ਵਾਲੀ,
ਲੋਕ ਬਿਲਕੁਲ ਸਮਝਦੇ ਨਾਹੀਂ।
ਲੀਡਰ ਸਾਡੇ ਲੁੱਟਣ ਬੁੱਲੇ
ਇਹਨਾਂ ਦੇ ਸਿਰ ਤੇ ਤਾਹੀਂ।
ਲੋਕੋ!ਹੁਣ ਜੁੱਗ ਗਿਆਨ ਦਾ ,
ਹਰ ਗੱਲ ਸੋਚ ਵਿਚਾਰੋ।
ਸੱਚ ਝੂਠ ਦਾ ਕਰੋ ਨਖੇੜਾ,
ਤੁਸੀਂ ਦੁੱਧੋ ਪਾਣੀ ਨਿਤਾਰੋ।
ਜਿਸਨੂੰ ਝੂਠ ਸੁਣਾਉਣ ਦੀ ਆਦਤ,
ਇਥੇ ਝੂਠ ਸੁਣਾਉਂਦੇ ਰਹਿਣਾ।
'ਮੇਜਰ' ਸੱਚ ਝੂਠ ਸਮਝਣ ਲਈ,
ਪੜ੍ਹਿਆ ਸੁਣਿਆ ਸਮਝਣਾ ਪੈਣਾ।

ਮੇਜਰ ਸਿੰਘ ਬੁਢਲਾਡਾ
94176 42327

ਲੋਕੋ!ਵੇਖੋ ਕੁਦਰਤ ਰੱਬ ਦੀ,
ਮੌਤ ਸਭ ਤੋਂ ਕਰੀ ਬਲਵਾਨ।
ਇਹਨੂੰ ਹੁਕਮ ਮਿਲਣ ਦੀ ਦੇਰ ਆ,
ਇਹ ਭੱਜਿਆ ਦਿੰਦੀ ਨਾ ਜਾਣ।
ਨਾ ਉੱਕੇ ਨਿਸ਼ਾਨਾ ਇਸ ਦਾ,
ਜਦੋਂ ਚੱਕਲੇ ਤੀਰ ਕਮਾਨ।
ਇਹ ਨਾ ਰੋਕਿਆ ਕਿਸੇ ਦੀ ਰੁੱਕਦੀ,
ਕਰੇ ਯਤਨ ਸਭੇ ਨਕਾਮ।
ਇਹ ਨਾ ਮਿੱਤ ਕਿਸੇ ਦੀ ਦੋਸਤੋ,
ਛੋਟੇ ਵੱਡੇ ਇਕ ਸਮਾਨ।
ਇਹ ਨਾ ਤਰਸ ਕਿਸੇ ਤੇ ਖਾਂਵਦੀ,
ਬੱਚਾ ਬੁੱਢਾ ਭਾਂਵੇ ਜਵਾਨ।
ਇਹਤੋਂ ਬਚਕੇ ਕੋਈ ਨਾ ਨਿੱਕਲੇ,
ਭਾਂਵੇ ਕਿੱਡਾ ਕੋਈ ਮਹਾਨ।
ਨਾ ਛੱਡਿਆ ਕੋਈ ਇਸ ਨੇ,
ਜੋ ਆਇਆ ਵਿੱਚ ਜਹਾਨ।
ਇਹਦੇ ਅੱਗੇ ਪੇਸ਼ ਨਾ ਜਾਂਵਦੀ,
ਮੇਜਰ ਇਹ ਦਿੰਦੀ ਤੋੜ ਗੁਮਾਨ...।

ਮੇਜਰ ਸਿੰਘ ਬੁਢਲਾਡਾ
94176 42327

'ਗੁਰੂ' ਦੀ 'ਸੋਚ' ਤੋਂ ਮੁੱਖ ਭੁਆਂਉਣ ਵਾਲੇ।
ਵਰਜੀ ਥਾਂ ਤੇ ਸੀਸ ਝੁਕਾਉਣ ਵਾਲੇ।
ਨਿੱਜੀ ਹਿੱਤਾਂ ਲਈ 'ਗੁਰੂ' ਨਾਮ ਵਰਤਕੇ,
ਭੋਲੇ ਭਾਲੇ ਲੋਕਾਂ ਨੂੰ ਵਰਗਲਾਉਣ ਵਾਲੇ।
ਮਾਰਨ ਤਰਾਂ ਤਰਾਂ ਦੀ ਠੱਗੀਆਂ ਜੋ,
ਫੰਡ ਇਕੱਠਾ ਕਰ ਛਕਣ ਛਕਾਉਣ ਵਾਲੇ।
'ਗੁਰੂ ਸਾਹਿਬ' ਮੂਹਰੇ ਵਰਜੇ ਕੰਮ ਕਰਨ,
ਜਿਸ ਤੋਂ ਸੀ ਉਹ ਹਟਾਉਣ ਵਾਲੇ।
'ਮੇਜਰ' ਉਹ ਕੁਝ ਵੀ ਬਣੀ ਜਾਣ ਆਪੇ,
ਪਰ ਕੌਮ ਲਈ 'ਢਾਰਸ' ਨਹੀਂ ਬਣ ਸਕਦੇ।
ਧੱਕੇ ਧੋਖੇ ਨਾਲ ਭਾਵੇਂ ਬਣ ਜਾਣ ਇਹ,
ਕੌਮ ਦੇ ਅਸਲੀ 'ਵਾਰਸ' ਨਹੀਂ ਬਣ ਸਕਦੇ।
ਮੇਜਰ ਸਿੰਘ ਬੁਢਲਾਡਾ
94176 42327

"ਲੈ ਸੁਣਾ, ਸੂਬੇਦਾਰਾ! ਕੋਈ ਖ਼ਬਰ ਖੁਬਰ, ਸੁਣਿਆਂ ਹੁਣ ਵੱਡੇ ਅਫਸਰ ਭਗਵੰਤ ਮਾਨ ਦੇ ਖਿਲਾਫ ਹੋ ਰਿਹੇ ਨੇ,ਕੀ ਗੱਲ ਹੋ ਗਈ ?"
ਬਲਦੇਵ ਸਿਉਂ ਨੇ ਖ਼ਬਰ ਦੀ ਪੂਰੀ ਜਾਣਕਾਰੀ ਲੈਣ ਲਈ ਸਵਾਲ ਕੀਤਾ ।
" ਹੁਣ ਇਹ ਵੱਡੇ ਅਫਸਰ, ਕੀ ਛੋਟੇ ਅਫ਼ਸਰ, ਉਹ ਸਾਰੇ ਅਧਿਕਾਰੀ ਦੁਖੀ ਨੇ ਸਾਰੇ ਨਵੀਂ ਸਰਕਾਰ ਤੋਂ, ਜਿਹਨਾਂ ਦੇ 'ਦੋ ਨੰਬਰ' ਦੀ ਕਮਾਈ ਨਾ ਹੋਣ ਕਰਕੇ ਬਟੂਏ ਢਿੱਲੇ ਜਾ ਖ਼ਾਲੀ ਰਹਿਣ ਲੱਗ ਪਏ।
ਹੁਣ ਇਹ ਕਹਿੰਦੇ ਨੇ ਬ‌ਈ, ਵਿਜੀਲੈਂਸ ਜਾ ਕੋਈ ਹੋਰ ਸਾਡੇ ਅਫਸਰਾਂ ਨੂੰ ਤੰਗ ਨਾ ਕਰੇ।
ਜਿਹੜਾ ਵੀ ਅਧਿਕਾਰੀ ਕਿਸੇ ਕੇਸ ਵਿੱਚ ਕੋਈ ਫੜਿਆ ਜਾਂਦਾ, ਇਹਨਾਂ ਦੀਆਂ ਜਥੇਬੰਦੀਆਂ ਹੜਤਾਲ ਕਰਕੇ ਧਰਨਾ ਲਾਕੇ ਬਹਿ ਜਾਂਦੀਆਂ ਨੇ, ਇਵੇਂ ਇਹ ਅਫ਼ਸਰ ਸਰਕਾਰ ਨੂੰ ਦਬਾਉਣਾ ਚਾਹੁੰਦੇ ਨੇ।
ਸੂਬੇਦਾਰ ਨੇ ਅਫ਼ਸਰਾਂ ਦੀ ਹੜਤਾਲ ਵਾਰੇ ਸਮਝਾਇਆ।
"ਸੂਬੇਦਾਰਾਂ! ਇਹਨਾਂ ਦਾ ਪੱਕਾ ਹੱਲ ਕਰਨਾ ਚਾਹੀਦਾ ਮੁੱਖ ਮੰਤਰੀ ਨੂੰ, ਐਂ ਤਾਂ ਇਹ ਤੰਗ ਬਹੁਤ ਕਰਨਗੇ,ਲੋਕ ਦਫ਼ਤਰਾਂ 'ਚ ਚੱਕਰ ਮਾਰ ਮਾਰ ਅੱਕੇ ਪ‌ਏ ਨੇ।"
ਇਹਨਾਂ ਤੋਂ ਅੱਕੇ ਹੋਏ ਨਾਜ਼ਰ ਨੇ ਆਮ ਲੋਕਾਂ ਲ‌ਈ ਹਾਅ ਦਾ ਨਾਹਰਾ ਮਾਰਦੇ ਕਿਹਾ।
"ਕਰਤਾ ਜੀ ਹੱਲ, ਭਗਵੰਤ ਮਾਨ ਨੇ ਇਹਨਾਂ ਨੂੰ ਅੱਜ ਦੋ ਵਜੇ ਦਾ ਟਾਈਮ ਦਿੱਤਾ ਸੀ, ਕਹਿੰਦਾ ਜਾ ਤਾਂ ਦੋ ਵਜੇ ਹੜਤਾਲ ਖ਼ਤਮ ਕਰਕੇ ਕੰਮ ਤੇ ਆਜੋ, ਨਹੀਂ ਫਿਰ ਸਸਪੈਂਡ  ਹੋਣ ਲਈ ਤਿਆਰ ਰਹੋ।"
"ਫਿਰ ਬ‌ਈ ਕੀ ਬਣਿਆ ?"
"ਫਿਰ ਕੀ ਕਰਤੀ ਹੜਤਾਲ ਖ਼ਤਮ, ਆਉਣ ਲੱਗਗੀਆਂ ਖਬਰਾਂ। ਮਖੌਲ ਹੀ ਸਮਝ ਰੱਖਿਆ ਨਵੀਂ ਸਰਕਾਰ ਨੂੰ।
ਇਹਨਾਂ ਭ੍ਰਿਸ਼ਟ ਅਫ਼ਸਰਸ਼ਾਹੀ ਨੇ।"
"ਨਜ਼ਾਰਾ ਲਿਆਤਾ ਮੁੱਖ ਮੰਤਰੀ ਨੇ, ਨਰਮ ਪਾਸਾ ਵੇਖਿਆ ਸੀ ਇਹਨਾਂ ਨੇ, ਹੁਣ ਗਰਮ ਪਾਸਾ ਵੀ ਦੇਖਕੇ ਹਟੇ।"
ਨਾਜ਼ਰ ਨੇ ਖੁਸ਼ੀ ਜ਼ਾਹਰ ਕਰਦੇ ਨੇ ਕਿਹਾ।
" ਦੇਖੋ,ਇਕ ਉਹ ਵੀ ਲੋਕ ਨੇ, ਜਿਹੜੇ ਲੋਕਾਂ ਦੀ ਸੇਵਾ ਕਰਦੇ ਨੇ 'ਸਮਾਜ ਸੇਵੀ', ਦੇਖੋ ਕਿਵੇਂ ਕੰਮ ਕਰ ਰਹੇ ਨੇ, ਬੇਸਹਾਰੇ ਲੋਕਾਂ ਦੇ ਸਹਾਰੇ ਬਣਦੇ, ਦਿਮਾਗ਼ੀ ਤੌਰ ਤੇ ਬਿਮਾਰ ਲੋਕਾਂ ਦੀ ਦੇਖੋ ਕਿਵੇਂ ਸੇਵਾ ਕਰ ਰਹੇ ਨੇ।
ਦੂਜੇ ਪਾਸੇ ਇਹ ਭ੍ਰਿਸ਼ਟ ਲੋਕ ਨੇ, ਚੰਗੀਆਂ ਤਨਖਾਹਾਂ ਮਿਲਣ ਦੇ ਬਾਵਜੂਦ,ਆਮ ਲੋਕਾਂ ਦੀਆਂ ਜੇਬਾਂ ਤੇ ਹਰ ਵੇਲੇ ਨਿਗਾਹ ਰੱਖਦੇ ਨੇ।"
ਹਰਨੇਕ ਸਿਉਂ ਨੇ ਦੁੱਖ ਜ਼ਾਹਰ ਕਰਦੇ ਨੇ ਕ‌ਈ ਗਾਲਾਂ ਵੀ ਕੱਢ ਮਾਰੀਆਂ।
" ਅੱਛਾ, ਇੱਕ ਗੱਲ ਹੋਰ ਆ, ਜੇ ਕਿਤੇ ਆਮ ਲੋਕਾਂ ਦੀਆਂ ਜੇਬਾਂ ਤੇ ਅੱਖ ਰੱਖਣ ਵਾਲੇ, ਲੋਕਾਂ ਦੇ ਹਮਦਰਦ ਬਣਕੇ ਲੋਕਾਂ ਦੇ ਕੰਮ ਕਰਨ, ਲੋਕਾਂ ਨੂੰ ਸਹੀ ਗਾਈਡ ਕਰਨ, ਤਾਂ ਲੋਕਾਂ ਨੇ ਅਸੀਸਾਂ ਤਾਂ ਦੇਣੀਆਂ ਹੀ ਦੇਣੀਆਂ, ਲੋਕ ਜਾਨ ਕਿਹੜਾ ਨਾ ਇਹਨਾਂ ਤੋਂ ਵਾਰ ਦੇਣ ਯਾਰ! ਕ‌ਈ ਤਾਂ ਐਹੇ ਜੇ ਵੀ ਨੇ, ਜਿੰਨ੍ਹੇ ਕੁ ਨੋਟਾਂ ਦੀ ਇਹ ਆਸ ਰੱਖਦੇ ਨੇ , ਇਸ ਤੋਂ ਕਿਤੇ ਵੱਧ ਤਾਂ ਉਹ ਵੇਸੈ ਹੀ ਖ਼ਰਚ ਦੇਣ ਇਹਨਾਂ ਤੇ; ਦੁੱਖ ਸੁੱਖ ਵਿੱਚ ਵੱਖਰਾ ਸਹਿਯੋਗ ਮੋਢੇ ਨਾਲ ਮੋਢਾ ਜੋੜ ਕੇ ਖੜਨ ਇਹ ਲੋਕ।"
ਅਜਮੇਰ ਸਿੰਘ ਨੇ ਨਵੀਂ ਗੱਲ ਕਰਦੇ ਹੋਏ ਕਿਹਾ।
" ਬਿਲਕੁਲ ਬਾਈ, ਤੇਰੀ ਸੋਲਾਂ ਆਨੇ ਸੱਚੀ ਗੱਲ ਆ।
ਕ‌ਈ ਮੁਲਾਜ਼ਮ ਐਸੇ ਹੈਗੇ ਵੀ ਨੇ, ਜਿਹਨਾਂ ਦੀ ਕਦਰ ਕਰਦੇ ਹੋਏ ਲੋਕ ਆਪ ਫੋਨ ਕਰਕੇ ਪੁੱਛਦੇ ਨੇ,ਦੱਸਿਓ ਜੀ ਕੋਈ ਸੇਵਾ ਹੋਵੇ।"
" ਲੈਅ ਤੂੰ ਬਾਬੇ ਧਰਮੇ ਦੇ ਮੁੰਡੇ ਵੱਲ ਵੇਖਲਾ,ਸਾਰੇ ਕਹਿੰਦੇ ਨੇ ਇਹਦੀ ਸੋਚ ਬਹੁਤ ਵਧੀਆ, ਕਿਸੇ ਤੋਂ ਪੈਸਾ ਧੇਲਾ ਲੈਣਾ ਤਾਂ ਦੂਰ ਦੀ ਗੱਲ, ਕਿਸੇ ਤੋਂ ਚਾਹ ਦਾ ਕੱਪ ਵੀ ਨੀਂ ਪੀਂਦਾ।ਜਦੋਂ ਸੇਵਦਾਰ ਸੀ ਉਦੋਂ ਵੀ, ਹੁਣ ਉਹ ਭਾਈ ਤਰੱਕੀ ਕਰਕੇ ਅੱਗੇ ਵੱਧ ਗਿਆ ਲੋਕਾਂ ਨਾਲ ਐਨਾ ਪਿਆਰ ਵਧਾ ਲਿਆ, ਮੈਂ ਤਾਂ ਇਕ ਦਿਨ ਉਹਦੀਆਂ ਸਿਫ਼ਤਾਂ ਸੁਣ ਸੁਣਕੇ ਹੈਰਾਨ ਹੀ ਰਹਿ ਗਿਆ।"
'ਬਿੰਦਰ' ਨੇ ਇਮਾਨਦਾਰ ਮੁਲਾਜ਼ਮ ਦੀ ਸਿਫ਼ਤ ਕਰਦਿਆਂ ਕਿਹਾ।
"ਇਹਦੇ ਵਾਂਗੂ ਤਾਇਆ, ਆ ਨੰਬਰਦਾਰਾਂ ਦੇ 'ਕਰਨੈਲ' ਦੀ ਇਹੋ ਸਿਫ਼ਤ ਆ, ਜਿਹੜਾ ਪੁਲਿਸ ਵਿਚ ਆ, ਮਜ਼ਾਲ ਆ ਕਿਸੇ ਨੂੰ ਉੱਚਾ ਨੀਵਾਂ ਬੋਲਜੇ ਜਾ ਕਿਸੇ ਤੋਂ ਕੁੱਝ ਲੈ ਲਵੇ।"
ਸੁਖਜਿੰਦਰ ਨੇ ਇਕ ਹੋਰ ਚੰਗੇ ਮੁਲਾਜ਼ਮ ਗੱਲ ਸਾਰਿਆਂ ਵਿੱਚ ਰੱਖੀ।
" ਦੇਖੋ ਆਪਾਂ ਸਾਰੇ ਜਾਣਦੇ ਹਾਂ, ਕਿਸੇ ਵੀ ਮਹਿਕਮੇ ਵਿੱਚ ਵਰਗ ਵਿੱਚ, ਸਾਰੇ ਲੋਕ ਮਾੜੇ ਨੀ ਹੁੰਦੇ, ਸਾਰੇ ਚੰਗੇ ਨੀ ਹੁੰਦੇ।
ਅੱਛਾ,ਹੋਰ ਵੇਖਲਾ ਇਹ ਹਰਾਮ ਦੀ ਕਮਾਈ ਪਚਦੀ ਕਿਸੇ ਕਿਸੇ ਦੇ ਆ, ਬਹੁਤਿਆਂ ਦੀ ਉਲਾਦ ਬਹੁਤ ਮਾੜੀ ਨਿੱਕਲਦੀ ਆ, ਫਲਾਣੇ ਨੂੰ ਵੇਖਲਾ, ਕਿਵੇਂ ਸਿੱਧੀਆਂ ਗਾਲਾਂ ਦਿੰਦਾ ਮੁੰਡਾ ਉਹਨੂੰ, ਕਿਸੇ ਨੂੰ ਉਠੇ ਬੈਠੇ ਨੁੰ ਵੀ ਨਹੀਂ ਦੇਖਦਾ।
ਅਖੀਰ ਪਛਤਾਉਂਦੇ ਫਿਰ ਇਹ ਵੀ ਬਹੁਤ ਨੇ,ਪਰ ਸਮਾਂ ਤਾਂ ਲੰਘ ਚੁੱਕਿਆ ਹੁੰਦਾ।"
ਚਾਨਣ ਸਿਉਂ ਨੇ ਚੁੱਪ ਤੋੜਦਿਆਂ ਪਿੰਡ ਦੇ ਭ੍ਰਿਸ਼ਟਾਚਾਰੀ ਰਹੇ ਇਕ ਅਫ਼ਸਰ ਦੀ ਗੱਲ ਦੱਸਦਿਆਂ ਕਿਹਾ।
"ਫ਼ਰੀਦਾ ਤੇਰੀ ਝੋਂਪੜੀ, ਗਲ ਕਟੀਅਨਿ ਕੇ ਪਾਸ।
ਜੋ ਕਰਨਗੇ ਸੋ ਭਰਨਗੇ, ਤੂੰ ਕਿਉਂ  ਭਿਆ ਉਦਾਸ।"
'ਅਜਮੇਰ ਸਿਉਂ' ਨੇ ਬਾਬਾ ਫ਼ਰੀਦ ਦਾ ਦੋਹਾਂ ਸੁਣਾਉਦਿਆਂ ਹੋ ਰਹੀ ਚਰਚਾ ਖ਼ਤਮ ਕਰਦਿਆਂ ਕਿਹਾ।

ਮੇਜਰ ਸਿੰਘ 'ਬੁਢਲਾਡਾ'
94176 42327