ਤਾਇਆ ਬੱਕਰੀਆਂ ਵਾਲਾ - ਰਣਜੀਤ ਸਿੰਘ ਦੁਲੇ
26 Aug. 2019
ਸਰਕਾਰਾਂ ਰਵਿਦਾਸ ਮੰਦਰ ਤੇ ਕਰ ਰਹੀ ਹੈ ਸਿਆਸਤ: ਖਬਰ
ਹੋਰ ਇਨਾਂ ਕਮਾਦੀ ਬੰਨਣੀ ਆਂ ? ਰੱਬ ਨੇ ਦਿਤਿਆਂ ਗਾਜ਼ਰਾਂ ਵਿੱਚੇ ਰੰਬਾ ਰੱਖ !
ਪੰਜਾਬ ਵਿੱਚ ਮਹਿਸੂਸ ਹੋਈ ਕਿਸ਼ਤੀਆਂ ਦੀ ਘਾਟ : ਖਬਰ
ਫੇਰ ਸੁੱਖੇ ਵਾਲੀ ਬਸ ਨੂੰ ਸਿਲਫ ਮਾਰਨੀ ਸੀ !
੩੫੦ਵੇਂ ਗੁਰਪੁਰਬ ਤੇ ਪਾਕਿ ਤੋਂ ਆ ਰਿਹਾ ਹੈ ਗੁਰੂ ਗ੍ਰੰਥ ਸਾਹਿਬ : ਖਬਰ
ਪਤੰਦਰ ਲੋਕਾਂ ਨੂੰ ਥੁੱਕ ਲਾਉਣ ਦਾ ਢੰਗ ਲੱਭ ਹੀ ਲੈਂਦੇ ਆ ਕਿਸੇ ਨਾ ਕਿਸੇ ਤਰਾਂ !
ਮੋਦੀ ਦੀ ੩ ਕਰੌੜ ਦੀ ਮੂਰਤੀ ਨੂੰ ਆਈਆਂ ਤਰੈੜਾਂ : ਖਬਰ
ਸ਼ੁਕਰ ਆ ਇਸ ਜੱਭਲ ਨੂੰ ਕੋਈ ਡੈਮ ਬਨਾਉਣ ਨੀ ਲਾਤਾ !
ਸੈਂਟਰ ਪੰਜਾਬ ਨੂੰ ਫੋਰਨ ਦੇਵੇ ੧੦੦੦ ਕਰੌੜ ਮੁਆਵਜ਼ਾ : ਕੈਪਟਨ
ਕੱਟੇ ਨੂੰ ਕੀ ਭਾਅ ਮਣ ਦੁੱਧ ਦਾ , ਖਾ ਪੀ ਤਾਂ ਤੁਸੀ ਚੋਰਾਂ ਨੇ ਹੀ ਜਾਣੇ ਆਂ !
ਹੜਾਂ ਤੋਂ ਬਾਅਦ ਸਰਕਾਰ ਕਰੂਗੀ ਛਾਣਬੀਨ : ਕੈਪਟਨ
..ਤੇ ੧੨/ ੧੩ ਰੁਪਏ ਆਂ ਦੇ ਵੰਡੂਗੀ ਚੈਕ !
ਅੰਮਿਤ ਸ਼ਾਹ ਨੇ ਅੰਦਰ ਠੋਕਿਆ ਚਿਦਰਬਿੰਮ : ਖਬਰ
ਸਾਂਸ ਵੀ ਕਭੀ ਬਹੂ ਥੀ !
ਹੜ ਪੀੜਤਾਂ ਨੇ ਕੀਤਾ ਕੈਪਟਨ ਦਾ ਵਿਰੋਧ : ਖਬਰ
ਅਗਲੀ ਵਾਰੀ ਸੁੱਖਾ ਹਾਂ ਹੀ ਸੰਮਝੇ ਫੇਰ ?
ਹੜ ਪੀੜਤਾਂ ਨੂੰ ਦੇਵਾਂਗੇ ਦੋ ਦੋ ਹਜ਼ਾਰ : ਕਾਗੜ
ਅਧੀਏ ਪਊਏ ਵੰਡ ਕੇ ਜਿਤਣ ਵਾਲਿਆਂ ਤੋਂ ਹੋਰ ਆਸ ਵੀ ਕੀ ਹੋ ਸਕਦੀ ਆ !
ਰਵਿਦਾਸ ਭਾਈ ਚਾਰਾ ਸਰਕਾਰਾਂ ਤੋਂ ਹੋਇਆ ਅਵਾਜ਼ਾਰ : ਖਬਰ
ਹੋਰ ਚੂਪੋ ਗੰਨ੍ਹੇ ? ਹੁਣ ਤੱਕ ਸਿਰ ਤੇ ਵੀ ਇਹਨਾਂ ਹੀ ਬਠਾਈਆਂ ਸਰਕਾਰਾਂ !
ਪੰਜਾਬ ਦੇ ਹਲਾਤਾਂ ਤੌਂ ਅੱਖਾਂ ਮੀਟੀ ਬੈਠੇ ਨੇ ਲੀਡਰ : ਖਬਰ
ਖੋਲ ਲੈਣਗੇ, ਮੂਡ ਤਾਂ ਬਣਾ ਲੈਣ ਪਹਿਲਾਂ !
ਮੰਦਵਾੜੇ ਵੱਲ ਵਧ ਰਿਹਾ ਹੈ ਭਾਰਤ : ਖਬਰ
ਹਰ ਹਰ ਮੋਦੀ ਘਰ ਘਰ ਮੋਦੀ ਕਹੋ ਨਾ ਹੁਣ !
ਭਾਜਪਾ ਵਾਲੇ ਬਾਦਲਾਂ ਨੂ ਵਿਖਾਉਣ ਲੱਗੇ ਅੱਖਾਂ : ਖਬਰ
ਅਜ਼ੇ ਤਾਂ ਚਟਾਲਿਆਂ ਵਾਲੀ ਹੋਣੀ ਆਂ ਇਨਾਂ ਨਾਲ, ਬਸ ਤੇਲ ਦੀ ਧਾਰ ਦੇਖੋ !
ਕਾਰੋਬਾਰੀ ਹਿੰਦੂ ਭਾਈਚਾਰਾ ਮੋਦੀ ਦਾ ਕਰਨ ਲੱਗਾ ਸਿਆਪਾ : ਖਬਰ
ਵਾਹ ਕਿਸਮਤ ਦੇ ਵਲੀਆ, ਰਿੱਧੀ ਖੀਰ ਤੇ ਬਣ ਗਿਆ ਦਲੀਆ !
