ਸਾਈਕਲ - ਚਮਨਦੀਪ ਸ਼ਰਮਾ

ਸਾਈਕਲ ਮੇਰੀ ਨਵੀਂ ਨਕੋਰ,
ਚੰਗਾ ਨਾ ਲੱਗੇ ਕੁੱਝ ਵੀ ਹੋਰ।
ਮੈਨੂੰ ਬਹੁਤ ਲੱਗਦੀ ਪਿਆਰੀ,
ਬੜੀ ਸ਼ਾਨਦਾਰ ਹੈ ਸਵਾਰੀ।
ਸਦਾ ਆਪਣੇ ਹੱਥ ਚਲਾਵਾਂ,
ਲੋੜ ਪੈਣ ਤੇ ਘੰਟੀ ਵਜਾਵਾਂ।
ਗਤੀ ਮੈਂ ਰੱਖਾਂ ਇਸਦੀ ਘੱਟ,
ਔਕੜ 'ਚ ਬਰੇਕ ਦੇਵਾਂ ਦੱਬ।
ਟਾਇਰਾਂ ਦੀ ਹਵਾ ਰੱਖਾਂ ਪੂਰੀ,
ਕੋਈ ਚੀਜ਼ ਨਾ ਛੱਡਾ ਅਧੂਰੀ।
ਸਵੇਰ ਸ਼ਾਮ ਨਿੱਤ ਮੈਂ ਚਲਾਵਾਂ,
ਮਿੱਤਰਾਂ ਨੂੰ ਵੀ ਨਾਲ ਲੈ ਜਾਵਾਂ।
ਪ੍ਰਦੂਸ਼ਣ ਤੇ ਲਗਾਏ ਲਗਾਮ,
ਨਾ ਕਿਤੇ ਲੱਗਣ ਵੱਡੇ ਜਾਮ।
ਚੰਗੀ ਸਿਹਤ ਲਈ ਵਰਦਾਨ,
ਸਰੀਰ ਵਿੱਚ ਪਾ ਦੇਵੇ ਜਾਨ।
ਈਸਟਾ, ਏਕਵੀਰਾ ਦਾ ਕਹਿਣਾ,
ਅਸੀਂ ਵੀ ਨਵਾਂ ਸਾਈਕਲ ਲੈਣਾ।
'ਚਮਨ' ਮੋਬਾਈਲ ਦੇਖਣਾ ਕਰੋ ਬੰਦ,
ਬੱਚਿਓ ਸਾਈਕਲ ਦਾ ਲਓ ਆਨੰਦ।

ਪਤਾ-298, ਚਮਨਦੀਪ ਸ਼ਰਮਾ, ਮਹਾਰਾਜਾ ਯਾਦਵਿੰਦਰਾ ਇਨਕਲੇਵ,
ਨਾਭਾ ਰੋਡ, ਪਟਿਆਲਾ।
ਸੰਪਰਕ ਨੰਬਰ- 95010  33005