ਤੈਨੂੰ ਮਿਲਣ ਲਈ - ਬਲਜਿੰਦਰ ਕੌਰ ਸ਼ੇਰਗਿੱਲ
ਸਾਲਾਂ ਬੀਤ ਗਏ ਬਿਨ ਤੇਰੇ,
ਕੋਲ ਕੋਈ ਰਸੀਦ ਨਾ ਮੇਰੇ।
ਤੈਨੂੰ ਮਿਲਣ ਲਈ,
ਕੋਲ ਆਉਣ ਲਈ,
ਹੁਣ ਨਹੀਂਓ ਲੋੜ।
ਤੂੰ ਹਰ ਪਲ ਲਈ,
ਅੰਦਰ ਆ ਗਿਆ ਖਲੋ।
ਤੈਨੂੰ ਦੇਖਣ ਲਈ,
ਤੈਨੂੰ ਸੁਣਨ ਲਈ,
ਧੁਰੋਂ ਕੁੰਡੇ ਖੁੱਲ ਗਏ ਆ।
ਗਮ ਨੂੰ ਛੁਪਾਉਣ ਲਈ,
ਹਾਸੇ ਦਿਖਾਉਣ ਲਈ,
ਦਿਲਾਸੇ ਦਿੰਦੇ ਹਾਂ ਰੋਜ।
ਤੂੰ ਇੱਕਲਾ ਨਹੀਂ,
ਸੰਗ ਹਾਂ ਮੈਂ ਤੇਰੇ,
ਇਕੱਠੇ ਆਪਾਂ ਹੁੰਦੇ ਹਾਂ ਰੋਜ।
ਤੈਨੂੰ ਮਿਲ ਦੱਸ ਕੀ, ਗੱਲਾਂ ਕਰਾਂ,
ਗੱਲਾਂ ਤਾਂ ਹੁੰਦੀਆਂ ਨੇ ਰੋਜ।
ਸੌਵਾਂ ਤਾਂ ਤੂੰ ,ਖਾਬਾਂ ’ਚ ਹੁੰਦਾ,
ਦਿਨੇਂ ਅੱਖੀਆਂ ਦੇ ਪਾਣੀ ’ਚ ਤੂੰ ।
ਤੈਨੂੰ ਮਿਲਣ ਲਈ,
ਕੋਲ ਆਉਣ ਲਈ,
ਹੁਣ ਨਹੀਂਓ ਲੋੜ।
ਬਲਜਿੰਦਰ ਕੌਰ ਸ਼ੇਰਗਿੱਲ
ਮੋਹਾਲੀ
9878519278
