ਯਾਦ ਸਾਡੀ ਆਊਂ - ਬਲਜਿੰਦਰ ਕੌਰ ਸ਼ੇਰਗਿੱਲ
ਜਦ ਯਾਦ ਸਾਡੀ ਆਊਂ,
ਨੀਰ ਅੱਖਾਂ ਚ ਵਹਾਊ,
ਕੋਈ ਚੁੱਪ ਨਾ ਕਰਾਊ,
ਜਦ ਯਾਦ ਸਾਡੀ ਆਊ
ਨੀਰ ਅੱਖਾਂ ਚ ਵਹਾਊ।
ਤਪਦੀ ਭੱਠੀ ਦੇਖ ,
ਸੀਨੇ ਅੱਗ ਲਾਊ,
ਦਿੱਸਣਾ ਨੀਂ ਅਸਾਂ ,
ਤੈਨੂੰ ਕੌਣ ਚੁੱਪ ਕਰਾਊ,
ਜਦ ਯਾਦ ਸਾਡੀ ਆਊ
ਨੀਰ ਅੱਖਾਂ ਚ ਵਹਾਊ।
ਬੋਲਿਆਂ ਬੁਲਾਇਆ,
ਨਾ ਬੋਲੇ ਸਾਡੇ ਨਾਲ,
ਤਾਰਿਆਂ ਚ ਲੱਭੇਂਗਾ,
ਤੂੰ ਫ਼ਿਰ ਕਿੰਝ ਆ,
ਜਦ ਯਾਦ ਸਾਡੀ ਆਈ
ਨੀਰ ਅੱਖਾਂ ਚ ਵਹਾਊ।
ਚੁੱਪ ਰਹਿ ਕੇ ਕੀ ਇਹ,
ਸਮਾਂ ਲੰਘ ਜਾਊ ,
ਬੋਲੋਗੇ ਤਾਂ ਦਿਲ ,
ਹੌਲਾ ਹੋ ਜਾਊ,
ਜਦ ਯਾਦ ਸਾਡੀ ਆੳਂੂ
ਨੀਰ ਅੱਖਾਂ ‘ਚ ਵਹਾਊ।
ਐਨਾ ਵੱਡਾ ਨਾ,ਜਿਗਰਾ ਬਣਾਉ,
ਸਾਨੂੰ ਆਪਣੇ, ਸਾਹਾਂ ‘ਚ ਰਲਾਉ,
ਨਾ ਤੜਪਾਉ, ਕੁਝ ਬੋਲ ਕੇ ਸੁਣਾਉ ,
ਜਦ ਯਾਦ ਸਾਡੀ ਆਊਂ
ਨੀਰ ਅੱਖਾਂ ਚ ਵਹਾਊ।
ਨਾ ਏ ਜ਼ਿੰਦ ਲੰਮੇਰੀ,
ਨਾਂ ਏ ਮੇਰੀ, ਨਾ ਤੇਰੀ,
ਇੱਕ ਦਿਨ ਹੋ ਜਾਣੀ,
ਏ ਖ਼ਾਕ ਦੀ ਢੇਰੀ,
ਜਦ ਯਾਦ ਸਾਡੀ ਆਊ
ਨੀਰ ਅੱਖਾਂ ਚ ਵਹਾਊ।
ਬਲਜਿੰਦਰ ਕੌਰ ਸ਼ੇਰਗਿੱਲ
ਮੋਹਾਲੀ
