ਭੰਬੀਰੀ  (ਫਿਰਕੀ) - ਬਲਜਿੰਦਰ ਕੌਰ ਸ਼ੇਰਗਿੱਲ

ਟੱਲੀਆਂ ਵਜਾਵੇ, ਸਾਈਕਲਾਂ ਤੇ ਆਵੇ,
ਭੰਬੀਰੀਆਂ ਦੀ ਆ ਕੇ, ਦੁਕਾਨ ਸਜਾਵੇ
ਦੇਖੋਂ ਦੇਖੋਂ ਆਇਆ ਭੰਬੀਰੀ ਵਾਲਾ ਭਾਈ,

ਪਿੰਡ ’ਚ ਵੜਦੇ, ਹੋਕੇ ਲਾਵੇ,
ਖਰੀਦ ਲੋ ਭੰਬੀਰੀਆ, ਮੁੱਲ ਥੋੜ੍ਹਿਆ ਆ ਵੇਚੇ,
ਦੇਖੋਂ ਦੇਖੋਂ ਆਇਆ ਭੰਬੀਰੀ  ਵਾਲਾ ਭਾਈ,

ਭਾਵੇਂ ਇਹ ਖਿਡੌਣਾ ਕੁਝ ਕੁ ਮਿੰਟਾਂ ਦਾ ਪ੍ਰਾਹੁਣਾ,
ਵਾਜੂਦ ਜਿਸਦਾ, ਕਾਗਜ਼ਾਂ ਤੇ ਕਾਨਿਆਂ ਦਾ ਹੋਣਾ,
ਦੇਖੋਂ ਦੇਖੋਂ ਆਇਆ ਭੰਬੀਰੀ  ਵਾਲਾ ਭਾਈ,

ਬੱਚਾ ਬੱਚਾ ਖਰੀਦ, ਭੰਬੀਰੀ ਲੈ ਦੌੜੇ ,  
ਜਾਪੇ ਇੰਝ ਜਿਵੇਂ, ਚਾਬੀ ਭਰੀ ਹੋਵੇਂ,
ਦੇਖੋਂ ਦੇਖੋਂ ਆਇਆ ਭੰਬੀਰੀ  ਵਾਲਾ ਭਾਈ,

ਬੱਚਿਆਂ ਦੇ ਚਿਹਰਿਆਂ ਦੀ ਬਣੀ ਮੁਸਕਾਨ,
ਖਿਡਾਉਣਾ ਉਨ੍ਹਾਂ ਲਈ,ਹੈ ਅਲੀਸ਼ਾਨ
ਦੇਖੋਂ ਦੇਖੋਂ ਆਇਆ ਭੰਬੀਰੀ  ਵਾਲਾ ਭਾਈ,

ਫਿਰੇ ਉੱਡਦੀ ਹਵਾ ਦੇ 'ਚ ਗੇੜੀਆਂ ਲਗਾਵੇ,
ਨੱਠਦੇ ਬੱਚਿਆਂ 'ਚ ਜੋਸ਼ ਭਰੀ ਜਾਵੇ,
ਦੇਖੋਂ ਦੇਖੋਂ ਆਇਆ ਭੰਬੀਰੀ ਵਾਲਾ ਭਾਈ,
ਦੇਖੋਂ ਦੇਖੋਂ ਆਇਆ ਭੰਬੀਰੀ ਵਾਲਾ ਭਾਈ ।

ਬਲਜਿੰਦਰ ਕੌਰ ਸ਼ੇਰਗਿੱਲ
ਮੁਹਾਲੀ  
98785-19278