ਦਾਦਾ-ਪੋਤੀ - ਬਲਜਿੰਦਰ ਕੌਰ ਸ਼ੇਰਗਿੱਲ

ਦਾਦਾ ਪੋਤੀ ਨੂੰ , ਲਾਡ ਲਾਡਵੇ,
ਪੋਤੀ ਵੀ ਦਾਦੂ ਕੋਲ, ਭੱਜ ਭੱਜ ਜਾਵੇ,
ਸਦਕੇ ਨੀਂ ਜਾਵਾਂ, ਧੀ ਰਾਣੀਏ |


ਭੋਲੀ ਤੇਰੀ, ਸੂਰਤ ਸੋਹਣੀ,
ਸਭਨਾਂ ਦੇ, ਮਨ ਨੂੰ  ਮੋਹਣੀ,
ਆ ਖੇਡਾਂ ਖੇਡੀਏ, ਧੀ ਰਾਣੀਏ |

ਤੇਰੀ ਮਾਸੂਮੀਅਤ 'ਤੇ,
ਦਿਲ ਖਿੜ-ਖਿੜ ਜਾਂਦਾ,
ਮੋਹ ਜਿਹਾ ਆਪੇ ਆਉਂਦਾ, ਧੀ ਰਾਣੀਏ |  
 

ਬਚਪਨ ਹੈ, ਕਿੰਨਾ ਪਿਆਰਾ,
ਰੱਬ ਵਰਗਾ, ਚਿਹਰਾ ਨਿਆਰਾ,
ਤੇਰੇ ਤੋਂ ਵਾਰੋਂ ਵਾਰੀ ਜਾਵਾਂ, ਧੀ ਰਾਣੀਏ |  

ਜਿਸ ਘਰ ਵਿਚ, ਧੀਆਂ ਹੋਵਣ,
ਰੌਣਕਾਂ ਉਥੇ ''ਬਲਜਿੰਦਰ'', ਖੁਦ ਆ ਜਾਵਣ,
ਫੁੱਲਾਂ ਵਾਂਗ ਸਦਾ ਖਿੜੀ ਰਹਿਣਾ, ਧੀ ਰਾਣੀਏ |

ਬਲਜਿੰਦਰ ਕੌਰ ਸ਼ੇਰਗਿੱਲ
ਮੁਹਾਲੀ
98785-19278