ਨਵੇਂ ਸਾਲ ਦਾ ਆਗਾਜ਼ - ਬਲਜਿੰਦਰ ਕੌਰ ਸ਼ੇਰਗਿੱਲ
ਨਵੇਂ ਸਾਲ ਦਾ ਹੋਇਆ ਆਗਾਜ਼,
ਸੂਰਜ ਦੀ ਰੋਸ਼ਨੀ ਦਾ ਜਿਵੇਂ ਹੁੰਦਾ ਇੰਤਜਾਰ |
ਗੁਰੂਆਂ, ਪੀਰਾਂ, ਫਕੀਰਾਂ ਨੂੰ ਕਰ ਨਮਸਕਾਰ,
ਨਵੇਂ ਸਫ਼ਰ ਦੀ ਕਰਾਂ ਸ਼ੁਰੂਆਤ |
ਗੁਜਰਿਆ ਸਮਾਂ ਭੁੱਲਣ 'ਚ ਹੋਵਾਂ ਸਕਾਰ,
ਆਪਣੇ ਤੋਂ ਵੱਡਿਆਂ ਦਾ ਪਾਵਾਂ ਸਤਿਕਾਰ |
ਜੀਵਨ ਦਾ ਕੈਦਾ ਬਣ ਜਾਵੇ ਕਿਰਦਾਰ,
ਲਿਖਾਂ ਕੁਝ ਐਸਾ ਬਣ ਜਾਵੇ ਮਿਸਾਲ |
ਸ਼ਾਇਰੀ ਦਾ ਮੇਰੇ 'ਤੇ ਰਹੇ ਭੂਤ ਸਵਾਰ,
ਲਿਖੇ ਮੇਰੇ ਸ਼ਬਦ ਅਖਵਾਉਣ ਰਤਨਕਾਰ |
ਮੇਰੇ ਗੀਤ, ਟੱਪੇ, ਨਜ਼ਮਾਂ ਮਚਾਉਣ ਧਮਾਲ,
ਸਭ ਦੇ ਚਿਹਰੇ 'ਤੇ ਲਿਆਉਣ ਮੁਸਕਾਨ |
ਸਭ ਕੁਝ ਕਰਨਾ ''ਬਲਜਿੰਦਰ'' ਮੇਰੇ ਕਰਤਾਰ,
ਚੱਲਦੀ ਦੁਨੀਆਂ ਜਿਸ ਦੇ ਅਨੁਸਾਰ |
ਨਵੇਂ ਸਾਲ ਦਾ ਹੋਇਆ ਆਗਾਜ਼,
ਸੂਰਜ ਦੀ ਰੋਸ਼ਨੀ ਦਾ ਜਿਵੇਂ ਹੁੰਦਾ ਇੰਤਜਾਰ |
ਬਲਜਿੰਦਰ ਕੌਰ ਸ਼ੇਰਗਿੱਲ
ਮੁਹਾਲੀ
9878519278
