ਮਹਿਫ਼ਲਾਂ - ਬਲਜਿੰਦਰ ਕੌਰ ਸ਼ੇਰਗਿੱਲ

ਸ਼ਾਇਰ ਮਹਿਫ਼ਲਾਂ ਲੱਗੇ ਸਜਾਉਣ,
ਲਿਖਣ ਤੇ ਗਾਉਣ ਵਜਾਉਣ |

ਸ਼ਾਇਦ ਮਨ ਨੂੰ  ਲੱਗੇ ਟਿਕਾਉਣ,
ਦਿਲ ਤੇ ਦਿਮਾਗ ਲੱਗੇ ਸਮਝਾਉਣ |

ਚਾਅ ਸਾਡੇ ਲੱਗੇ ਫੜਫੜਾਉਣ,
ਹੁਕਮ 'ਚ ਬੱਝੇ ਲੱਗੇ ਕੰਮ ਵਧਾਉਣ |

ਲੱਜ ਲਾਜ ਰੱਖਕੇ ਲੱਗੇ ਤਾਜ ਸਜਾਉਣ,
ਬਖ਼ਸ਼ੀ ਦਾਤ ਨੂੰ  ਲੱਗੇ ਸਿਰ ਮੱਥੇ ਅਪਣਾਉਣ |

ਲੋਕਾਂ 'ਚ ਜ਼ਰੂਰੀ ਵੀ ਹੁੰਦਾ ਆਉਣ,
ਲੇਖਕ ਗਾ ਕੇ ਆਪਣੇ ਨਗਮੇ ਸੁਣਾਉਣ |

ਕੁਦਰਤ ਦੀ ਸਿਆਸਤ ਲੱਗੇ ਸਮਝ ਆਉਣ ,
ਬੁੱਕਲ਼ 'ਚ ਬਿਠਾ ਕੇ ਆਪਣੀ ਲੱਗੇ ਜਗਮਗਾਉਣ|

ਸੋਹਣੇ ਸੋਹਣੇ ਸ਼ਬਦ ਲੱਗੇ ਰੌਣਕਾਂ ਲਗਾਉਣ,
''ਬਲਜਿੰਦਰ'' ਦੇ ਦਰਦਾਂ ਨੂੰ  ਲੱਗੇ ਛਪਾਉਣ |
 
ਸ਼ਾਇਰ ਮਹਿਫ਼ਲਾਂ ਲੱਗੇ ਸਜਾਉਣ,
ਲਿਖਣ ਤੇ ਗਾਉਣ ਵਜਾਉਣ |

ਬਲਜਿੰਦਰ ਕੌਰ ਸ਼ੇਰਗਿੱਲ
ਮੁਹਾਲੀ
9878519278