ਪਰਿੰਦਿਆਂ - ਬਲਜਿੰਦਰ ਕੌਰ ਸ਼ੇਰਗਿੱਲ
ਡਾਕੀਆਂ ਅੱਜ ਤੂੰ ਬਣ ਜਾ ਵੇ ਪਰਿੰਦਿਆਂ,
ਉਡ ਜਾ ਸੁਨੇਹੇ ਲੈ ਜਾ ਵੇ ਪਰਿੰਦਿਆਂ |
ਰਾਝਣਾਂ ਦੇ ਚਿਹਰੇ ਦੀਆਂ ਰੌਣਕਾਂ ਨੇ ਉੱਡੀਆਂ,
ਰੱਬ ਨੂੰ ਅਰਜ਼ਾਂ ਗੁਜ਼ਾਰ ਆ ਵੇ ਪਰਿੰਦਿਆਂ |
ਕਿਉਂ ਸਾਂਝਾਂ ਗੂੜ੍ਹੀਆਂ 'ਚ ਜੁਦਾਈਆਂ ਪਾ ਛੱਡੀਆਂ,
ਬੀਤੀਆਂ ਕਹਾਣੀਆਂ ਸੁਣਾ ਆ ਵੇ ਪਰਿੰਦਿਆਂ |
ਚਿਰਾਂ ਤੋਂ ਛਾਈਆਂ ਘਟਾਵਾਂ ਕਿਉਂ ਨੀਂ ਲੰਘੀਆਂ,
ਰੁੱਤਾਂ ਤਾਂ ਕਈ ਆਈਆਂ ਜਾ ਵੇ ਪਰਿੰਦਿਆਂ |
ਸਮੇਂ ਦੀਆਂ ਘੜੀਆਂ ਚਿਰਾਂ ਤੋਂ ਥੰਮੀਆਂ,
ਮਹਿਕਾਂ ਕਦ ਖਿੜਨੀਆਂ ਪੁੱਛ ਆ ਵੇ ਪਰਿੰਦਿਆਂ |
ਖੁਆਬਾਂ ਦੀ ਦੁਨੀਆਂ ਹੋ ਗਈਆਂ ਲੰਮੀਆਂ,
ਫਰਿਸ਼ਤੇ ਵੀ ਨਾਲ ਲੈ ਆ ਵੇ ਪਰਿੰਦਿਆਂ |
ਖਿਆਲਾਂ ਦੀਆਂ ਗਲੀਆਂ ਵਿਛੋੜਿਆਂ 'ਚ ਵੰਨੀਆਂ,
''ਬਲਜਿੰਦਰ'' ਦੀ ਉਡੀਕ ਤਪੱਸਿਆ ਬਣੀ ਵੇ ਪਰਿੰਦਿਆਂ |
ਉਡ ਜਾ ਸੁਨੇਹੇ ਲੈ ਜਾ ਵੇ ਪਰਿੰਦਿਆਂ,
ਜਾ ਵੇ ਪਰਿੰਦਿਆਂ ਜਾ ਵੇ ਪਰਿੰਦਿਆਂ।
ਬਲਜਿੰਦਰ ਕੌਰ ਸ਼ੇਰਗਿੱਲ
9878519278
ਮੁਹਾਲੀ
