ਧੀਆਂ - ਬਲਤੇਜ ਸੰਧੂ ਬੁਰਜ

ਕਿਊ ਲੋਕੋ ਜੱਗ ਵਿੱਚ ਰੀਤ ਪੁੱਠੀ ਜਿਹੀ ਪੈ ਗਈ
ਧੀ ਜਨਮ ਲੈਣ ਤੋ ਪਹਿਲਾ ਹੀ ਵੱਸ ਮਸ਼ੀਨਾ ਦੇ ਪੈ ਗਈ
ਇਨਸਾਨ ਕਿਉ ਇੱਕੋ ਗੱਲ ਨੂੰ ਪੱਲੇ ਬੰਨ੍ਹ ਕੇ ਬਹਿ ਗਿਆ
ਕਿ ਸਭ ਕੁੱਝ ਦੁਨੀਆ ਤੇ ਪੁੱਤਰਾ ਨਾਲ ਹੀ ਰਹਿ ਗਿਆ
ਕਾਹਤੋ ਜਨਮ ਲੈਣ ਨੀ ਦਿੰਦੇ ਧੀਆ ਨੂੰ।
ਕਿਉ ਲੋਕੋ ਤੁਸੀ ਕੁੱਖਾ ਵਿੱਚ ਮਾਰਨ ਲੱਗ ਪਏ
ਰੱਬ ਦਿਆ ਜੀਆ ਨੂੰ,,,,,

ਇੱਕ ਧੀ ਹੀ ਤਾ ਭੈਣ ਭੂਆ ਮਾਸੀ
ਬਣ ਕੇ ਵੱਖ ਵੱਖ ਫਰਜ ਨਿਭਾਉਂਦੀ ਏ
ਆਪਣੇ ਹੱਥੀ ਤੁਸੀ ਕਰਾਉਦੇ ਫਿਰਦੇ
ਪਰ ਉਹ ਉਸ ਦਾਤੇ ਤੋ ਸੁੱਖ ਥੋਡੀ ਚਾਹੁੰਦੀ ਏ
ਦੁੱਖ ਵੰਡਾਉਦੀਆ ਮਾਪਿਆ ਦੇ ਫਿਰ ਵੀ ਬੋਝ ਸਮਝਦੇ ਧੀਆ ਨੂੰ।
ਕਿਉ ਲੋਕੋ ਤੁਸੀ ਕੁੱਖਾ ਵਿੱਚ ਮਾਰਨ ਲੱਗ ਪਏ
ਰੱਬ ਦਿਆ ਜੀਆ ਨੂੰ,,,,

ਭੁੱਖ ਪੈਸਿਆ ਦੀ ਹੈ ਵੱਧ ਗਈ
ਬਣ ਗਿਆ ਹੈਵਾਨ ਡਾਕਟਰੀ ਪੇਸ਼ਾ
ਔਰਤ ਅੱਜ ਕੱਲ੍ਹ ਮਰਦ ਬਰਾਬਰ ਚੱਲਦੀ
ਬੁਰਜ ਲੱਧੇ ਦੇ ਸੰਧੂਆ ਜਾ ਕੇ ਵੇਖ ਲੈ ਵਿੱਚ ਵਿਦੇਸ਼ਾ
ਪੰਜਾਬ ਚ ਵੇਖਣ ਲਈ ਤਰਸਣ ਅੱਖੀਆ
ਪਿੱਪਲਾ ਥੱਲੇ ਲੱਗਦੀਆ ਤੀਆ ਨੂੰ।
ਕਿਉ ਲੋਕੋ ਤੁਸੀ ਕੁੱਖਾ ਵਿੱਚ ਮਾਰਨ ਲੱਗ ਪਏ
ਰੱਬ ਦਿਆ ਜੀਆ ਨੂੰ  ,,,,,

ਬਲਤੇਜ ਸੰਧੂ ਬੁਰਜ
ਬੁਰਜ ਲੱਧਾ ਬਠਿੰਡਾ
9465818158