ਜਾਬਰਾਂ ’ਤੇ ਨਾਬਰਾਂ ਦੀ ਜਿੱਤ - ਤਰਲੋਚਨ ਸਿੰਘ ‘ਦੁਪਾਲ ਪੁਰ

ਪੜ੍ਹਦੇ ਆਏ ਕਿਤਾਬਾਂ ਦੇ ਵਿੱਚ ਆਪਾਂ
ਦੇਖ ਲਿਆ ਏ ਬਣਦਾ ਇਤਹਾਸ ਕਿੱਦਾਂ।
ਸਾਂਝੇ ਮਾਨਵੀ-ਹਿਤਾਂ ਲਈ ਤੁਰਨ ਜਿਹੜੇ
ਲੋਕੀ ਜੁੜਦੇ ਨੇ ਕਰਕੇ ਵਿਸ਼ਵਾਸ ਕਿੱਦਾਂ।
ਆਪਾ ਵਾਰਨਾਂ ਹੱਕਾਂ ਨੂੰ ਲੈਣ ਖਾਤਿਰ
ਜਾਗੇ ਪੁਰਖਿਆਂ ਵਾਲ਼ਾ ਅਹਿਸਾਸ ਕਿੱਦਾਂ।
ਭੁੱਖ ਚੌਧਰ ਦੀ ਮਾਰੇ ਕਈ ਨਫਰਤਾਂ ਦੇ
ਪਿਛਾਂਹ-ਖਿੱਚੂ ਵੀ ਕਰਦੇ ਨਿਰਾਸ ਕਿੱਦਾਂ।
ਰਹਿ ਕੇ ਜ਼ਬਤ ਵਿਚ ਕਿੰਨੇਂ ਕੁ ਜੂਝਦੇ ਨੇ
ਹੁੰਦੀ ਇਹ ਵੀ ਪਹਿਚਾਣ ਹੈ ਨਾਬਰਾਂ ਦੀ।
ਇਹ ‘ਇਕੱਠ ਹੀ ਲੋਹੇ ਦੀ ਲੱਠ’ ਬਣਕੇ
ਆਕੜ ਭੰਨਦਾ ਆਇਆ ਹੈ ਜਾਬਰਾਂ ਦੀ !
      -ਤਰਲੋਚਨ ਸਿੰਘ ‘ਦੁਪਾਲ ਪੁਰ’
           001-408-915-1268