ਸੌਦਾ ਸਾਧ ਦਾ ਤਰਲਾ - ਕੰਧਾਲਵੀ

ਮੇਰਾ ਕਰੋ ਇੰਤਜ਼ਾਮ, ਮੈਂ ਹੋਇਆ ਬੜਾ ਪ੍ਰੇਸ਼ਾਨ
ਪੇਸ਼ ਚਲਦੀ ਨਹੀਂ ਕੋਈ, ਤੰਗ ਕਰਦਾ ਏ ਕਾਮ
ਮੇਰਾ ਕਰੋ ਇੰਤਜ਼ਾਮ..........................

ਥੋਡੀ ਮਿੰਨਤ ਸੀ ਪਾਈ, ਦੋਵਾਂ ਅਰਜ਼ੀ ਵੀ ਲਾਈ
ਨਾ ਵਿਛੋੜਿਓ ਓਏ ਸਾਨੂੰ, ਦੋ ਕਲਬੂਤ ਇਕ ਜਾਨ
ਮੇਰਾ ਕਰੋ.................................

ਕਿੱਥੇ ਹਨੀਪ੍ਰੀਤ ਹੈ ਲੁਕੋਈ, ਮੈਨੂੰ ਦੱਸ ਦਿਉ ਕੋਈ
ਮੇਰੀ ਪਰੀਆਂ ਦੀ ਰਾਣੀ, ਮੇਰੇ ਡੇਰੇ ਦੀ ਸੀ ਸ਼ਾਨ
ਮੇਰਾ ਕਰੋ.........................................

ਕਹਿਰ ਹੋਰ ਨਾ ਕਮਾਉ, ਹਨੀਪ੍ਰੀਤ ਨੂੰ ਲਿਆਉ
ਮੈਂ ਜਿਊਂਦਿਆਂ 'ਚ ਹੋਜੂੰ, ਥੋਡਾ ਕੀ ਏ ਨੁਕਸਾਨ
ਮੇਰਾ ਕਰੋ........................................

ਜਿਹੜੇ ਮੰਗਦੇ ਸੀ ਵੋਟਾਂ, ਸਦਾ ਤੱਕਦੇ ਸੀ ਓਟਾਂ
ਮੁਲਾਕਾਤ ਨੂੰ ਨਾ ਆਏ, ਮੇਰੀ ਭੁੱਲ ਗਏ ਪਛਾਣ
ਮੇਰਾ ਕਰੋ...........................................

ਕੰਧਾਲਵੀ
15 Sep. 2017