ਕੌੜਾ ਸੱਚ - ਜਸਵੀਰ ਸ਼ਰਮਾ ਦੱਦਾਹੂਰ

ਇਹ ਦੁਨੀਆਂ ਮੰਡੀ ਪੈਸੇ ਦੀ, ਇਥੇ ਹਰ ਥਾਂ ਘਾਲਾ-ਮਾਲਾ ਏ।
ਪੈਸੇ ਖਾਤਰ ਬਣ ਬੈਠਾ ਬੰਦਾ ਰਾਣੀ ਖਾਂ ਦਾ ਸਾਲਾ ਏ॥
ਉਹੋ ਹੀ ਮਾੜਾ ਅਖ਼ਵਾਉਂਦਾ ਏ, ਜੋ ਮੂੰਹ ਦਾ ਦੇਵੇ ਨਿਵਾਲਾ ਏ।
ਟੂਣੇ ਦੇ ਲਈ ਵਿੱਚ ਚੁਰਾਹੇ ਰੱਖਦੇ ਧਾਗਾ ਕਾਲਾ ਏ॥
ਘਰਦਿਆਂ ਨਾਲੋਂ ਬਾਹਰਲੇ ਦਾ, ਯਕੀਨ ਲੋਕਾਂ ਨੂੰ ਬਾਹਲਾ ਏ।
ਭੈੜੇ ਭੈੜੇ ਨਸ਼ਿਆਂ ਦਾ ਇਥੇ ਹਰ ਗੱਭਰੂ ਮਤਵਾਲਾ ਏ॥
ਸਿਆਣੀ ਜੇਕਰ ਮੱਤ ਕੋਈ ਦੇਵੇ, ਓਸੇ ਦਾ ਮੂੰਹ ਕਾਲਾ ਏ।
ਲੈਣ ਦੇਣ ਤੇ ਵੰਡ ਵਿਹਾਰ 'ਚ ਹਰਇਕ ਦਾ ਮਾੜਾ ਚਾਲਾ ਏ॥
ਸੱਚ ਪੁੱਛੋਂ ਇਸ ਦੁਨੀਆਂ ਦਾ ਹਰ ਆਲਮ ਹੀ ਨਿਰਾਲਾ ਏ।
ਦੱਦਾਹੂਰੀਆ ਦੁਨੀਆਂ ਦਾ ਇਕੋ ਮਾਲਕ ਹੀ ਰਖਵਾਲਾ ਏ॥

ਜਸਵੀਰ ਸ਼ਰਮਾ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
ਮੋਬਾਈਲ : 94176-22046

12 Jan. 2018