ਮਸਾਂਦ - ਰਮਿੰਦਰ ਫਰੀਦਕੋਟੀ

ਕਿਰਨ ਦੇ ਵਿਆਹ ਦਾ ਦਿਨ ਬੰਨ੍ਹਣ ਵਾਸਤੇ ਨਜ਼ਦੀਕੀ ਰਿਸ਼ਤੇਦਾਰਾਂ ਨੂੰ ਬੁਲਾਵਾ ਭੇਜਿਆ। ਸੇਵਾ ਸਿੰਘ ਜੋ ਕਿ ਸਾਰਿਆਂ ਤੋਂ ਵੱਧ ਪੜ੍ਹਿਆ-ਲਿਖਿਆ ਸੀ, ਦਿਨ ਤਹਿ ਕਰ ਰਿਹਾ ਸੀ। ਚਲੋ ਸਲਾਹ ਮਸ਼ਵਰਾ ਕੀਤਾ ਕਿ ਐਤਵਾਰ ਦਾ ਦਿਨ ਰੱਖ ਦਿੰਦੇ ਹਾਂ। ਸਾਰਿਆਂ ਨੂੰ ਸੌਖਾ ਹੋ ਜਾਵੇਗਾ ਕਿਉਂਕਿ ਬੱਚਿਆਂ ਨੂੰ ਵੀ ਛੁੱਟੀ ਹੁੰਦੀ ਹੈ। ਸਾਰੇ ਰਲਕੇ ਚਾਈਂ-ਚਾਈਂ ਵਿਆਹ ਦੇਖ ਲੈਣਗੇ। ਸਾਹਾ ਚਿੱਠੀ ਭੇਜਣ ਦੀ ਤਿਆਰੀ ਹੀ ਸੀ, ਸੇਵਾ ਸਿੰਘ ਇਕਦਮ ਬੋਲਿਆ, 'ਮੈਨੂੰ ਤਾਂ ਹੁਣ ਪਤਾ ਲੱਗਾ ਹੈ ਕਿ ਇਸ ਤਾਂ ਮਸਾਂਦ ਐ ਭਾਈ।' ਮਹੀਨੇ ਦਾ ਆਖ਼ਰੀ ਦਿਨ। ਇਹ ਦਿਨ ਤਾਂ ਅਸ਼ੁੱਭ ਮੰਨਿਆ ਜਾਂਦਾ ਹੈ। ਮੇਜਰ ਦਾ ਬੈਠੇ ਬੈਠੇ ਦਾ ਹਾਸਾ ਨਿਕਲ ਗਿਆ। ਸ਼ਾਇਦ ਸੋਚ ਰਿਹਾ ਸੀ ਤੂੰ ਤਾਂ ਪੜ੍ਹ ਲਿਖ ਕੇ ਖੂਹ 'ਚ ਪਾਤੀਆਂ ਸੇਵਾ ਸਿਆਂ।

- ਰਮਿੰਦਰ ਫਰੀਦਕੋਟੀ
3 ਫਰੈਂਡਜ਼ ਐਵੀਨਿਊ,
ਨਿਊ ਹਰਿੰਦਰਾ ਨਗਰ, ਫ਼ਰੀਦਕੋਟ।
ਮੋਬਾਈਲ : 98159-53929


29 Jan. 2018