'ਗੁਰੂ ਗੋਬਿੰਦ' ਨੂੰ ਵਾਜਾਂ' - ਮੇਜਰ ਸਿੰਘ ਬੁਢਲਾਡਾ
ਉਹਨਾਂ ਲੋਕਾਂ ਤੇ ਬਣਦਾ ਤਰਸ ਕਰਨਾ,
ਜੋ 'ਗੁਰੂ ਗੋਬਿੰਦ' ਨੂੰ ਵਾਜਾਂ ਮਾਰਦੇ ਨੇ।
"ਕਲਗੀਆਂ ਵਾਲਿਆ ਮੁੜਕੇ ਪਾ ਫੇਰਾ,
ਜਾਲਮ ਫੇਰ ਉਡਾਰੀਆਂ ਮਾਰਦੇ ਨੇ।"
ਇਹ ਚਾਹੁੰਦੇ ਨੇ ਅਸਾਂ ਨਾ ਕੁਝ ਕਰੀਏ,
'ਗੁਰੂ' ਆਕੇ ਦੇਵੇ ਸਾਡਾ ਸਾਰ ਲੋਕੋ।
ਸਾਡੇ ਪਰਵਾਰ ਨੂੰ ਕੋਈ ਨਾ ਆਂਚ ਆਵੇ,
'ਗੁਰੂ' ਮੜ ਆਕੇ ਵਾਰੇ 'ਪਰਵਾਰ' ਲੋਕੋ।
ਭਰਾਵੋ, ਮੁੜਕੇ ਬਲਾਉਣ ਵਾਲਿਓ ਰਹਿਬਰਾਂ ਨੂੰ,
ਉਹ ਜੋ ਰਾਹ ਦੱਸ ਗਏ ਜਾਣੇ ਸੰਸਾਰ ਸਾਰਾ।
ਜ਼ੁਲਮ ਰੋਕਣ ਲਈ ਕਰਨਾ ਸੰਘਰਸ਼ ਪੈਂਦਾ,
'ਮੇਜਰ' ਵਾਰਨਾ ਪੈ ਜਾਂਦਾ 'ਪਰਵਾਰ' ਸਾਰਾ।
ਮੇਜਰ ਸਿੰਘ ਬੁਢਲਾਡਾ
94176 42327
