ਤਾਰੇ - ਬਲਜਿੰਦਰ ਕੌਰ ਸ਼ੇਰਗਿੱਲ
ਤਾਰਿਆਂ 'ਚ ਜਦ ਮੈਂ ਟਿਮਾਟਿਮਾਉਣਾ,
ਜੁਗਨੂੰਆਂ ਵਾਂਗ ਮੈਂ ਰੁਸ਼ਨਾਉਣਾ |
ਮੇਰੀ ਚਮਕ ਨੇ ਆ ਤੈਨੂੰ ਜਗਾਉਣਾ,
ਤਾਰਿਆਂ 'ਚ ਮੈਂ ਨੀਂ ਥਿਆਉਣਾ |
ਕਾਲੀਆਂ ਰਾਤਾਂ ਨੇ ਤੈਨੂੰ ਸਤਾਉਣਾ,
ਤੰੂ ਤਾਰੇ ਗਿਣ ਗਿਣ ਵਕਤ ਲੰਘਾਉਣਾ |
ਰੋਣਿਆਂ 'ਚ ਮੈਂ ਹੰਝੂ ਬਣ ਆਉਣਾ,
ਹੰਝੂਆਂ ਨੂੰ ਦੇਖ ਮੈਂ ਭੱਜੀ ਆਉ ਣਾ |
ਤੇਰੇ ਨਾਂ ਦਾ ਜ਼ਿਕਰ ਜਦ ਆਉਣਾ,
ਦਿਲ ਨੇ ਆਖਿਰ ਮੈਨੂੰ ਤੜਫਾਉਣਾ |
ਬੱਦਲਾਂ ਨੇ ਕੇ ਮੈਨੂੰ ਛੁਪਾਉਣਾ,
ਟੁੱਟਦੇ ਤਾਰਿਆਂ ਨੇ ਤੇਰਾ ਸਾਥ ਫੜਾਉਣਾ |
ਦੋਵਾਂ ਦੀ ਚਮਕ ਨੇ ਆਖਿਰ ਇੱਕ ਹੋ ਜਾਣਾ,
ਤਾਰਿਆਂ ਨੇ 'ਬਲਜਿੰਦਰ'' ਨੂੰ ਪਰੀਆਂ ਵਾਂਗ ਸਜਾਉਣਾ |
ਤਾਰਿਆਂ 'ਚ ਜਦ ਮੈਂ ਟਿਮਾਟਿਮਾਉਣਾ,
ਜੁਗਨੂੰਆਂ ਵਾਂਗ ਮੈਂ ਰੁਸ਼ਨਾਉਣਾ |
ਬਲਜਿੰਦਰ ਕੌਰ ਸ਼ੇਰਗਿੱਲ
ਮੁਹਾਲੀ
9878519278
