ਮੌਤ - ਮੇਜਰ ਸਿੰਘ ਬੁਢਲਾਡਾ

ਲੋਕੋ!ਵੇਖੋ ਕੁਦਰਤ ਰੱਬ ਦੀ,
ਮੌਤ ਸਭ ਤੋਂ ਕਰੀ ਬਲਵਾਨ।
ਇਹਨੂੰ ਹੁਕਮ ਮਿਲਣ ਦੀ ਦੇਰ ਆ,
ਇਹ ਭੱਜਿਆ ਦਿੰਦੀ ਨਾ ਜਾਣ।
ਨਾ ਉੱਕੇ ਨਿਸ਼ਾਨਾ ਇਸ ਦਾ,
ਜਦੋਂ ਚੱਕਲੇ ਤੀਰ ਕਮਾਨ।
ਇਹ ਨਾ ਰੋਕਿਆ ਕਿਸੇ ਦੀ ਰੁੱਕਦੀ,
ਕਰੇ ਯਤਨ ਸਭੇ ਨਕਾਮ।
ਇਹ ਨਾ ਮਿੱਤ ਕਿਸੇ ਦੀ ਦੋਸਤੋ,
ਛੋਟੇ ਵੱਡੇ ਇਕ ਸਮਾਨ।
ਇਹ ਨਾ ਤਰਸ ਕਿਸੇ ਤੇ ਖਾਂਵਦੀ,
ਬੱਚਾ ਬੁੱਢਾ ਭਾਂਵੇ ਜਵਾਨ।
ਇਹਤੋਂ ਬਚਕੇ ਕੋਈ ਨਾ ਨਿੱਕਲੇ,
ਭਾਂਵੇ ਕਿੱਡਾ ਕੋਈ ਮਹਾਨ।
ਨਾ ਛੱਡਿਆ ਕੋਈ ਇਸ ਨੇ,
ਜੋ ਆਇਆ ਵਿੱਚ ਜਹਾਨ।
ਇਹਦੇ ਅੱਗੇ ਪੇਸ਼ ਨਾ ਜਾਂਵਦੀ,
ਮੇਜਰ ਇਹ ਦਿੰਦੀ ਤੋੜ ਗੁਮਾਨ...।

ਮੇਜਰ ਸਿੰਘ ਬੁਢਲਾਡਾ
94176 42327