ਦੋ ਆਰ ਦੀਆਂ ਦੋ ਪਾਰ ਦੀਆਂ - ਰਣਜੀਤ ਸਿੰਘ ਦੂਲੇ - ਤਾਇਆ ਬੱਕਰੀਆਂ ਵਾਲਾ

2018-02-11

ਇੰਗਲੈਡ ਦੇ ਮੰਤਰੀ ਨੇ ਪੰਜ ਮਿੰਟ ਲੇਟ ਹੌਣ ਤੇ ਦਿੱਤਾ ਅਸਤੀਫਾ : ਖਬਰ
ਇਹ ਬੀਅ ਸਾਡੇ ਨੀ ਆਇਆ ਜੀ ਅਜ਼ੇ  ! ਸਾਡੇ ਤਾਂ ਪੰਜ ਪੰਜ ਸਾਲ ਲੇਟ ਹੋ ਜਾਂਦੇ ਨੇ

ਗੈਂਗਸਟਰ ਕਰ ਰਹੇ ਹਨ ਧੜਾਧੜ ਸਲੰਡਰ : ਖਬਰ
ਆਪੇ ਰੋਗ ਲਾਉਣੇ ਆਪੇ ਦੈਣੀਆਂ ਦੁਆਵਾਂ !

ਮੋਦੀ ਨੇ ਯੋਜਨਾ ਲਿੱਸ ਕੀਤਾ ਬਜਟ ਲਾਗੂ : ਖਬਰ
ਬੱਸ ਜੀ ਪਕੌੜਾ ਮੰਤਰੀ ਦਾ ਪਕੌੜਾ ਬਜਟ ਹੀ ਸੰਮਝੋ !

ਦਿਲੀ ਵਿੱਚ ਹੋਇਆ ਮੈਰਜ਼ ਐਕਟ ਲਾਗੂ : ਖਬਰ
ਹੁਣ ਕੋਈ ਪਟਨੇ ਵਾਲੇ ਨੂੰ ਨਾ ਦੱਸ ਦਿਓ , ਕੰਜਰ ਦੇ ਨੇ ਚੱਥੀ ਲੈ ਕੇ ਪਹੁੰਚ ਜਾਣੈ !

ਟਰੂਡੋ ਦੇ ਸਵਾਗਤ ਦੇ ਫੈਂਸਲਾ ਪੰਜਾਬ ਸਰਕਾਰ ਨੇ ਕਰਨਾ ਹੈ : ਪ੍ਰਨੀਤ ਕੌਰ
ਫੇਰ ਤੂੰ ਤਾਂ ਅਰੂਸਾ ਨੂੰ ਪੁਛ ਦੈਕਣਾਂ ਸੀ !

ਵਾਇਦੇ ਨਾਂ ਪੂਰੇ ਕਰਨ ਵਾਲੀ ਸਰਕਾਰ ਹੋਵੇ ਖਾਰਜ਼ : ਜਗੀਰੋ
ਤੇਰਾ ਖਸਮ ਦੇ ਯਾਰ ੧੦ ਸਾਲ ਕਿਹੜੇ ਵਾਇਦੇ ਪੂਰੇ ਕਰ ਕੇ ਗਏ ਸੀ ?

੮੪ ਦੇ ਦੰਗਿਆਂ ਦੀ ਜਾਂਚ ਹੋਵੇ : ਜੀ ਕੇ
ਦੇਖੀਂ ਕਿਤੇ ਸੂਹੀਆ ਕੁੱਤੇ ਤੇਰੇ ਫੁੱਫੜ ਦੀ ਹਵੇਲੀ ਨਾਂ ਜਾ ਵੜਨ !

ਡੇਮੋਕਰੇਸੀ ਵਿੱਚ ਭਾਰਤ ਖਿਸਕਿਆਂ ੪੦ ਵੇਂ ਨੰਬਰ ਤੇ : ਖਬਰ
ਹੋਰ ਚਾਹ ਵਾਲੇ ਤੋਂ ਤੁਸੀਂ ਕੀ ਆਸ ਰੱਖੀ ਬੈਠੇ ਹੋ ?

ਸੰਤ ਸਮਾਜ ਨਾਲ ਰਲ਼ ਕੇ ਕਰਾਂਗੇ ਸ਼੍ਰੋ: ਕਮੇਟੀ ਤੇ ਕਬਜ਼ਾ : ਯੂਨ ਅਕਾਲੀ ਦਲ
ਇਹਨੂੰ ਕਹਿੰਦੇ ਆ ਅਸਮਾਨੋਂ ਡਿੱਗੀ ਤੇ ਖੰਜ਼ੂਰ 'ਚ ਅਟਕੀ !

ਮਨਪ੍ਰੀਤ ਤੋਂ ਚਾਚੇ ਵਲੋਂ ਚੂਪਿਆ ਖਜ਼ਾਨਾ ਨੀ ਆ ਰਿਹਾ ਲੋਟ : ਖਬਰ
ਇਹਦੀ ਨਿਗ੍ਹਾ ਚੜ੍ਹੈ ਤਾਂ ਦਰੱਖਤ ਨੀ ਹਰੇ ਹੋਏ ਭਾਈ !

ਗੈਂਗਸਟਰ ਮੁਖਧਾਰਾ 'ਚ ਆ ਜਾਣ ਤਾਂ ਦੇਵਾਂਗੇ ਰੋਜ਼ਗਾਰ : ਖਬਰ
ਬਾਹਰ ਰਹਿੰਦੇ ਭਲੇਮਾਣਸ ਤਾਂ  ਕੰਧਾਂ ਕੋਲ਼ਿਆਂ 'ਚ ਵੱਜਦੇ ਫਿਰਦੈ ਆ ਪਤੰਦਰਾ !

ਕਾਂਗਰਸ ਦੇਵੇਗੀ ਹੁਣ ਜਨਤਾ ਨੂੰ ਚਾਹ ਤੇ ਖੰਡ : ਕੈਪਟਨ
....ਤੇ ਦੁੱਧ ? ਅਰੂਸਾ ਤੌਕੜ ਹੋ ਗਈ ?

ਅਕਾਲੀਆਂ ਨੇ ਕੀਤੀ ਬਜਟ ਦੀ ਤਰੀਫ : ਖਬਰ
ਕਰਨੀ ਪੈਣੀਆਂ ਵਈ ! ਆਖਰ ਬੀਬੀ ਨੰਨੀ ਲਵਾਈ ਆ ਉੱਥੇ !