' ਚੰਦ ਤੇ ਝੰਡਾ ਗੱਡ ਦਿੱਤਾ ' - ਮੇਜਰ ਸਿੰਘ ਬੁਢਲਾਡਾ
ਸਾਡੇ ਕਰੋੜਾਂ ਲੋਕ ਭੁੱਖਮਰੀ ਨਾਲ ਜੂਝਣ,
ਬੇਰੁਜ਼ਗਾਰਾਂ ਦੀ ਵਧੀ ਜਾਂਦੀ ਕਤਾਰ ਇਥੇ।
ਨਸ਼ੇ, ਕਰਾਇਮ ਕਾਂਡ ਨਿੱਤ ਵਧੀ ਜਾਂਦੇ,
ਮੱਚੀ ਪਈ ਲੋਕਾਂ ਵਿੱਚ ਹਾਹਾਕਾਰ ਇਥੇ।
ਇਥੇ ਰੱਜਿਆ ਨੂੰ ਹੋਰ ਰਜਾਈ ਜਾਂਦੀ,
ਆਮ ਲੋਕਾਂ ਦੀ ਨਾ ਸੁਣੇ ਸਰਕਾਰ ਇਥੇ।.
ਅੱਗੇ ਪਾ ਲੈਂਦੇ ਕੰਮ 'ਚੰਦ' ਤੇ ਜਾਣ ਵਾਲਾ,
ਕਰ ਲੈਂਦੇ ਲੋਕਾਂ ਦਾ ਇਹ ਸੁਧਾਰ ਇਥੇ।
ਫਿਰ ਵੀ ਸਾਇੰਸਦਾਨਾਂ ਨੂੰ ਮੁਬਾਰਕਾਂ ਜੀ,
ਜੋ ਆਪਣੇ ਮਿਸ਼ਨ ਵਿੱਚ ਹੋਏ ਪਾਸ ਲੋਕੋ।
ਜਾਕੇ ਚੰਦ ਤੇ ਝੰਡਾ ਗੱਡ ਦਿੱਤਾ,
ਕੀਤੀ ਮਿਹਨਤ ਆ ਗਈ ਰਾਸ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327
