ਰੁੱਖ - ਪ੍ਰੀਤ ਰਾਮਗੜ੍ਹੀਆ

ਰੁੱਖਾਂ ਤੇ ਵਸਦੀਆਂ ਕਈ ਜਾਨਾਂ
ਰੁੱਖ ਬਣਦੇ ਹਵਾ ਦਾ ਸ੍ਰੋਤ
ਭੁੱਲ ਨਾ ਜਾਇੳ ਕਿਤੇ
ਮੁੱਕ ਗਏ ਇਹ ਰੁੱਖ ਜੇ
ਸਾਹਾਂ ਵਿਚ ਜਹਿਰ ਘੁਲ ਜਾਊ
ਨਾ ਹੋਣੇ ਕੋਈ ਬਾਗ ਬਗੀਚੇ
ਧਰਤੀ ਦਾ ਪਾਣੀ ਸੁੱਕ ਜਾਊ
ਆਪਣੀ ਜਿੰਦਗੀ ਖੁਦ ਮਿਟਾ ਕੇ
ਇਨਸਾਨ ਫਿਰ ਕੌਣ ਕਹਿਲਾਊ ....


ਨਾ ਕੱਟੀਏ , ਆਉ ਰੁੱਖ ਬਚਾਉ
ਇੱਕ - ਇੱਕ ਰੁੱਖ ਹੋਰ ਲਗਾਉ
ਵਾਤਾਵਰਣ ਜੀਵਨ ਅਨੁਕੂਲ ਬਣਾਉ....


ਕੁਦਰਤ ਨਾਲ ਸਾਡੀ ਇਹ ਅਣਦੇਖੀ
ਕਿਤੇ ਆਪਣੇ ਲਈ
ਬਣ ਨਾ ਜਾਵੇ ਖਤਰੇ ਦੀ ਘੰਟੀ
ਬੰਜਰ ਜ਼ਮੀਨ ਤੇ ਸੋਕੇ ਨਾ ਪਾ ਦੇਵੇ
ਬੂੰਦ ਪਾਣੀ ਲਈ ਨਾ ਤਰਸਾ ਦੇਵੇ...


ਸਮਾਂ ਨਾ ਹੱਥੋਂ ਖੁੰਝਾਈਏ
ਆਉ ਰੁੱਖ ਨਾ ਕੱਟੀਏ
ਹੋਰ ਲਗਾਈਏ
ਫ਼ਰਜ ਕੁਦਰਤ ਪ੍ਰਤੀ ਆਪਣਾ ਨਿਭਾਈਏ


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ,  ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com