ਸੰਗੀਤਕ ਖੇਤਰ ਵਿਚ ਡਿਊਟ ਤੇ ਸਿੰਗਲ ਟਰੈਕ ਦੁਆਰਾ ਆਪਣੀ ਵਿਲੱਖਣ ਭੱਲ ਸਥਾਪਿਤ ਕਰ ਚੁੱਕੀ , ਪੰਜਾਬੀ ਲੋਕ ਗਾਇਕੀ ਦਾ ਮਾਣ ਤੇ ਸੁਰੀਲੀ ਆਵਾਜ ਦੀ ਮਲਿਕਾ "ਕਮਲਪ੍ਰੀਤ ਮੱਟੂ ਜੀ" ਜਿੰਨਾਂ ਨੇ ਸੰਗੀਤ ਜਗਤ ਨੂੰ ਖੂਬਸੂਰਤ ਪੰਜਾਬੀ ਡਿਊਟ ਤੇ ਸਿੰਗਲ ਟਰੈਕ ਦੇ ਸੰਗੀਤਕ ਪ੍ਰੇਮੀਆਂ ਦੇ ਦਿਲਾਂ ਤੇ ਰਾਜ ਕਰ ਰਹੀ ਹੈ ਅਤੇ ਇਹ ਸਿਲਸਿਲੇਵਾਰ ਜਾਰੀ ਹੈ। ਓਨਾਂ ਬਹੁਤ ਸਾਰੀਆਂ ਸਟੇਜਾਂ ਤੇ ਲਾਈਵ ਗਾ ਸਰੋਤਿਆਂ ਨੂੰ ਆਪਣੀ ਖ਼ੂਬਸੂਰਤ ਗਾਇਕੀ ਦੇ ਕਲਾਵੇ ਵਿਚ ਲਿਆਂ। ਓਨਾਂ ਬਾਕਮਾਲ ਸਿੰਗਲ ਟਰੈਕ ਯਾਰ ਤੇ "ਆਹੀ ਗੱਲਾਂ" ਲੋਕ ਤੱਥ ਤੇ ਪੰਜਾਬੀ ਗਾਇਕੀ ਦੇ ਜਾਣੇ ਪਹਿਚਾਣੇ ਲੋਕ ਗਾਇਕ ਜੋ ਸੰਗੀਤ ਜਗਤ ਵਿਚ ਅਹਿਮ ਸਥਾਨ ਰੱਖਦੇ ਹਨ "ਮਨਿੰਦਰ ਸੰਧੂ" ਨਾਲ ਡਿਊਟ ਗੀਤ ਛੱਤਰੀ, ਜਾਨ ਲੇਵਾ ਬੰਦੇ ਤੇ ਜੁਗਾੜੀ ਜੱਟ ਅਤੇ ਸੁਰੀਲੇ ਫ਼ਨਕਾਰ ਮਹਰੂਮ "ਮੇਜਰ ਮਹਿਰਮ ਜੀ" ਨਾਲ "ਯਾਰੀ" ਗਾ ਆਪਣਾ ਵੱਖਰਾ ਮੁਕਾਮ ਬਣਾਇਆ।
    ਪ੍ਰਸਿੱਧ ਲੋਕ ਗਾਇਕਾ "ਕਮਲਪ੍ਰੀਤ ਮੱਟੂ ਜੀ" ਦਾ ਨਵਾਂ ਸਿੰਗਲ ਟਰੈਕ "ਥਾਣੇਦਾਰੀ" ਲੈ ਬਹੁਤ ਜਲਦ ਸਰੋਤਿਆਂ ਦੀ ਕਚਹਿਰੀ ਵਿੱਚ ਹਾਜ਼ਰ ਹੋਣ ਜਾ ਰਹੀ। ਇਹ ਜਾਣਕਾਰੀ ਚਰਚਿਤ ਅਦਾਕਾਰ "ਕੁਲਦੀਪ ਨਿਆਮੀ ਵਾਲਾ ਜੀ" ਨੇ ਸਾਂਝੀ ਕਰਦਿਆਂ ਦੱਸਿਆਂ ਕਿ ਗੀਤ ਦੀ ਸੂਟਿੰਗ "ਪਿੰਡ ਪੰਜਗਰਾਈ" ਦੀਆਂ ਮਨਮੋਹਕ ਲੋਕੇਸ਼ਨ ਤੇ ਚੱਲ ਰਹੀ ਹੈ। ਇਸ ਵਿਚ ਚਰਚਿਤ ਅਦਾਕਾਰ "ਕੁਲਦੀਪ ਨਿਆਮੀ ਵਾਲਾ" ਤੇ ਲੋਕ ਗਾਇਕਾ ਕਮਲਪ੍ਰੀਤ ਮੱਟੂ ਖੁਦ ਬੱਬੀ ਸਿੱਧੂ ਪੰਜਗਰਾਈਂ, ਦਿਲਜੀਤ ਪੱਖੀ,ਜਸ਼ਨ ਖੋਖਰ, ਜੀਤ ਬਠਿੰਡਾ ਆਦਿ ਨੇ ਬੇਹਤਰੀਣ ਅਦਾਕਾਰੀ ਕਰ ਗੀਤ ਨੂੰ ਖੂਬਸੂਰਤੀ ਨੂੰ ਚਾਰ ਚੰਨ ਲਗਾਏ ਹਨ। ਇਹ ਗੀਤ ਦੇ ਬੋਲ "ਪਿੰਦਰ ਪਿੰਡੀ ਵਾਲੇ" ਕਲਮ ਦੀ ਦਾਤ ਹਨ। ਇਸ ਗੀਤ ਨੂੰ ਸੰਗੀਤਕ ਛੋਹਾਂ ਦਿੱਤੀਆਂ ਨਾਮਵਰ ਸੰਗੀਤਕਾਰ ਬੀ.ਐੱਸ ਬਰਾੜ ਜੀ ਇਸ ਗੀਤ ਨੂੰ ਡਾਇਰੈਕਟਰ ਗੁਰਪਿਆਰ ਢਿੱਲਵਾਂ ਵਾਲਾ ਜੀ ਨੇ। ਇਸ ਗੀਤ ਨੂੰ ਪ੍ਰਸਿੱਧ ਡਾਇਰੈਕਟਰ "ਗੁਰਪਿਆਰ ਢਿੱਲਵਾਂ ਜੀ" ਵੱਲੋੰ ਡਾਇਰੈਕਟ ਕੀਤਾ ਜਾ ਰਿਹਾ।ਇਸ ਗੀਤ ਦੇ ਸੁੰਦਰ ਪਲਾਂ ਨੂੰ ਕੈਮਰੇ ਵਿਚ ਬੰਦ ਕੀਤਾ ਹੈ, ਪ੍ਰਸਿੱਧ ਕੈਮਰਾਮੈਨ "ਮਨੀ ਨਿਆਮੀ" ਨੇ।
   ਇਸ ਗੀਤ ਲਈ ਵਿਸੇਸ਼ ਧੰਨਵਾਦ ਕੀਤਾ ਚਰਚਿਤ ਅਦਾਕਾਰ ਕੁਲਦੀਪ ਨਿਆਮੀ ਤੇ ਬੱਬੀ ਸਿੱਧੂ ਪੰਜਗਰਾਈਂ ਜੀ ਨੇ  ਸੁੱਭਕਾਮਨਾਵਾਂ ਦਿੱਤੀਆਂ। ਆਮੀਨ
    ਸ਼ਿਵਨਾਥ ਦਰਦੀ ਫ਼ਰੀਦਕੋਟ
    ਫਿਲਮ ਜਰਨਲਿਸਟ
    ਸੰਪਰਕ:- 9855155392

ਪੰਜਾਬ ਪੰਜਾਬੀਅਤ ਨੂੰ ਜਿੰਦਾਦਿਲ ਲੋਕਾਂ ਕਰਕੇ ਪੂਰੀ ਦੁਨੀਆਂ ਵਿੱਚ ਜਾਣਿਆਂ ਜਾਂਦਾ ਹੈ। ਕੁਝ ਲੋਕ ਪੰਜਾਬੀ ਮਾਂ ਬੋਲੀ ਦੇ ਰਸੂਲ ਬਣ , ਉਸ ਨੂੰ ਦੂਰ ਦੁਰਾਡੇ ਦਿਨ ਰਾਤ ਇਕ ਕਰ ਲੋਕਾਂ ਤੱਕ ਪਹੁੰਚਾਉਣ ਵਿੱਚ ਤਤਪਰ ਰਹਿੰਦੇ ਹਨ।
  ਮੈ ਅਜਿਹੀ ਹੀ ਉਸ ਅਜ਼ੀਮ ਸਖਸ਼ੀਅਤ ਦੀ ਗੱਲ ਕਰ ਰਿਹਾ ਹਾਂ, ਜਿੰਨਾ ਸਕੂਲੀ ਨਾਟਕਾਂ ਤੋ ਫੀਚਰ ਫਿਲਮਾਂ ਤਕ ਦੇ ਲੰਮੇ ਪੈਡੇੰ ਦਾ ਸੰਘਰਸ਼ਮਈ ਸਫ਼ਰ ਬੜਾ ਹੀ ਰੋਚਕ ਹੈ। ਓਨਾਂ 200 ਦੇ ਕਰੀਬ ਤਕਰੀਬਨ ਲਘੂ ਫ਼ਿਲਮਜ ਨੂੰ ਫਿਲਮਾਂਕਣ ਕਰ ਅੰਜ਼ਾਮ ਦੇਣ ਲਈ ਮਜਬੂਤ ਜਜ਼ਬੇ ਅਨੋਖੀ ਮਿਸਾਲ ਹੈ। ਏਥੇ ਹੀ ਬਸ ਨਹੀ 250 ਦੇ ਕਰੀਬ ਪੰਜਾਬੀ ਲੋਕ ਗੀਤਾਂ 'ਚ ਅਦਾਕਾਰ ਵਜੋ ਕੰਮ ਕੀਤਾ।
   ਓਨਾਂ ਦੀ ਮਿਹਨਤ ਉਸ ਸਮੇ ਰੰਗ ਲਿਆਈ , ਜਦੋ ਸੰਨ 2018 ਵਿੱਚ ਨਿਰਦੇਸ਼ਕ "ਹੈਰੀ ਭੱਟੀ" ਦੀ ਫੀਚਰ ਫ਼ਿਲਮ "ਦੋ ਦੂਨੀ ਪੰਜ" ਪ੍ਰਸਿੱਧ ਲੋਕ ਗਾਇਕ ਅੰਮ੍ਰਿਤ ਮਾਨ ਨਾਲ ਅਦਾਕਾਰੀ ਕਰ ਦਰਸ਼ਕਾਂ ਦੇ ਦਿਲ ਤੇ ਵਿਲੱਖਣ ਛਾਪ ਛੱਡੀ ਤੇ ਪੰਜਾਬੀ ਫ਼ਿਲਮ ਇੰਡਸਟ੍ਰੀਜ਼ ਵਿਚ ਝੰਡੇ ਗੱਡੇ । ਉਸ ਤੋ ਬਾਅਦ ਪੜਾਅ ਦਰ ਪੜਾਅ 30 ਤੋ 35 ਫੀਚਰ ਫਿਲਮਜ਼ ਵਿੱਚ ਬੇਮਿਸਾਲ ਅਦਾਕਾਰੀ ਨਾਲ ਸੁਮਾਰ ਕਰਵਾਇਆ।
  ਸਾਇਦ ਤੁਸੀ ਸਮਝ ਗਏ ਹੋਵੋਗੇ ਮੈਂ ਗੱਲ ਕਰ ਰਿਹਾ ਹਾਂ ਉਸ ਮਾਣਮੱਤੇ ਸੂਖਮ ਸੋਚ ਰੱਖਣ ਵਾਲੇ ਅਦਾਕਾਰ "ਕੁਲਬੀਰ ਮੁਸ਼ਕਾਬਾਦ ਜੀ" ਦੀ ਜਿੰਨਾ ਨੇ ਕਿਸਾਨੀ ਸੰਘਰਸ਼ ਦੌਰਾਨ ਬਾਲੀਵੁੱਡ ਦੇ ਦਿਗਜ ਅਦਾਕਾਰਾਂ ਦੀਆਂ ਰਿਹਾਇਸ਼ਾਂ ਸਾਹਮਣੇ ਧਰਨਾ ਪ੍ਰਦਰਸ਼ਨ ਕਰ ਕਿਸਾਨੀ ਸੰਘਰਸ਼ ਲਈ ਪ੍ਰੇਰਿਤ ਕੀਤਾ।ਏਥੋ ਤੱਕ ਕਿ ਸਾਊਥ ਮੂਵੀਜ਼ ਦੇ ਮਹਾਂਨਾਇਕ "ਨਾਗਾਅਰਜੁਨ" ਦੀ ਕੋਠੀ ਮੂਹਰੇ ਰੋਸ ਪ੍ਰਦਰਸ਼ਨ ਕੀਤਾ। ਓਹ ਕਿਸਾਨੀ ਨੂੰ ਸਮਰਪਿਤ ਹਨ।
  ਚਰਚਿਤ ਅਦਾਕਾਰ "ਕੁਲਬੀਰ ਮੁਸ਼ਕਾਬਾਦ ਜੀ" ਨੇ ਗੱਲਬਾਤ ਦੌਰਾਨ ਦੱਸਿਆਂ ਸਾਲ 2025 ਵਿਚ ਓਨਾਂ ਦੀਆਂ ਬੇਹਤਰੀਣ ਫੀਚਰ ਫ਼ਿਲਮ ਤੇ ਵੈੱਬਸੀਰੀਜ਼ ਸੀਰੀਜ਼ ਰੀਲੀਜ਼ ਹੋਣ ਜਾ ਰਹੀਆਂ ਹਨ। ਏਸੇ ਮਹੀਨੇ 31 ਮਾਰਚ ਨੂੰ ਪ੍ਰਸਿੱਧ ਲੇਖਕ "ਸੁੱਖੀ ਢਿੱਲੋ" ਜੀ ਦੀ ਕਹਾਣੀ ਤੇ ਅਧਾਰਿਤ ਚੜ੍ਹਦੇ ਤੇ ਲਹਿੰਦੇ ਪੰਜਾਬ ਦੀ ਇਕ ਪ੍ਰੇਮ ਗਾਥਾ ਨੂੰ "ਕੌਰ ਬੁੱਟਰਸ" ਦੇ ਬੈਨਰ ਹੇਠ ਅਤੇ ਨਾਮਵਰ ਨਿਰਦੇਸ਼ਕ "ਐਮ ਹੁੰਦਲ" ਵੱਲੋ ਤਿਆਰ ਪਾਲੀਵੁੱਡ ਦੀ ਬੇਹਤਰੀਨ ਮੂਵੀ "ਤਾਰੋ ਪਾਰ" ਦੇਸ਼ ਵਿਦੇਸ਼ ਵਸਦੇ ਪੰਜਾਬੀਆਂ ਸਿਨੇਮਾ ਪ੍ਰੇਮੀਆਂ ਤੇ ਆਪਣੀ ਨਿਵੇਕਲੀ ਛਾਪ ਛੱਡਣ ਜਾ ਰਹੀ।
  ਇਹ ਜਾਣਕਾਰੀ ਅਦਾਕਾਰ "ਕੁਲਬੀਰ ਮੁਸ਼ਕਾਬਾਦ ਜੀ" ਨੇ ਸਾਂਝੀ ਕਰਦਿਆਂ ਦੱਸਿਆ ਕਿ ਇਸ ਪਾਲੀਵੁੱਡ ਫੀਚਰ ਫ਼ਿਲਮ ਵਿਚ ਲੀਡਿੰਗ ਰੋਲ ਵਿਚ ਸੋਨਪ੍ਰੀਤ ਜਵੰਦਾ ਤੇ ਅਦਾਕਾਰਾ ਹਿਨਾ ਭਾਟੀਆਂ ਤੋ ਇਲਾਵਾ ਹਰਮੇਸ਼ ਗੁਰੂ , ਬਲਵਿੰਦਰ ਧਾਲੀਵਾਲ,ਸਹਿਜ ਕੌਰ, ਦਿਲਾਵਰ ਸਿੱਧੂ, ਨਿਸੂ,ਜੱਸ ਢਿੱਲੋ, ਰਿੰਪਲ ਢੀਂਡਸਾ,ਜੀਤੂ ਸਰਾਂ, ਮੀਨੂੰ ਸ਼ਰਮਾਂ ਅਤੇ ਆਪਣੀ ਵਿਲੱਖਣ ਅੰਦਾਜ ਦੀ ਅਦਾਕਾਰੀ ਦਾ ਪ੍ਰਦਰਸ਼ਨ ਕਰਨਗੇ ਚਰਚਿਤ ਅਦਾਕਾਰ "ਕੁਲਬੀਰ ਮੁਸ਼ਕਾਬਾਦ ਜੀ"।
  ਇਸ ਬੇਹਤਰੀਨ ਮੂਵੀ ਦੇ ਪ੍ਰਦਰਸ਼ਨ ਲਈ ਸੰਬੰਧਤ ਸਮੂਹ ਟੀਮ ਨੂੰ ਲੱਖ ਲੱਖ ਮੁਬਾਰਕਬਾਦ ਅਤੇ "ਕੁਲਬੀਰ ਮੁਸ਼ਕਾਬਾਦ ਜੀ" ਨੂੰ ਸੁੱਭਕਾਮਨਾਵਾਂ। ਆਮੀਨ
   ਸ਼ਿਵਨਾਥ ਦਰਦੀ ਫ਼ਰੀਦਕੋਟ
  ਫ਼ਿਲਮ ਜਰਨਲਿਸਟ
   ਸੰਪਰਕ:- 9855155392

 ਪੰਜਾਬੀ ਫਿਲਮ ਜਗਤ ਦੀ ਇਕ ਅਜਿਹੀ ਅਜ਼ੀਮ ਸਖਸ਼ੀਅਤ ਨਾਲ ਤੁਹਾਨੂੰ ਰੁਬਰੂ ਕਰਵਾਉਣ ਜਾ ਰਿਹਾ, ਜੋ ਸਮਾਜਿਕ ਤਾਲੀਮ ਹਾਸਿਲ ਕਰ ਤਕਰੀਬਨ 200 ਦੇ ਕਰੀਬ ਲਘੂ ਫ਼ਿਲਮ ਦਾ ਨਿਰਮਾਣ ਕਰ, ਇਕ ਚੰਗਾ ਲੇਖਕ, ਡਾਇਰੈਕਟਰ ਤੇ ਪ੍ਰੋਡਿਊਸਰ ਅਤੇ ਅਦਾਕਾਰੀ ਦੇ ਖੇਤਰ 'ਚ ਮੂਹਰਲੀ ਕਤਾਰ ਆਣ ਖੜ ਗਿਆਂ ।ਆਪਣਾ ਫਿਲਮੀ ਸਫ਼ਰ 2013 ਤੋ ਸੁਰੂ ਕੀਤਾ ਅੱਜ ਓਨਾਂ ਦੀਆਂ ਲਘੂ ਫਿਲਮਾਂ ਤੇ ਵੈੱਬਸੀਰੀਜ਼ ਮਿਲੀਅਨ ਵਿਊਜ਼ ਲੈ ਚਰਚਾ ਦਾ ਵਿਸ਼ਾ ਬਣੀਆਂ ਹੋਈਆਂ ਨੇ।ਪਰ ਓਨਾਂ ਦੇ ਸੁਪਨੇ ਚੱਲਦੇ- ਚੱਲਦੇ ਹੋਰ ਵੀ ਵੱਡੇ ਹੋ ਰਹੇ ਨੇ ਅਤੇ ਆਉਣ ਵਾਲੇ ਸਮੇ ਵਿਚ ਫ਼ਿਲਮ ਇੰਡਸਟ੍ਰੀਜ ਵਿਚ ਕੁਝ ਨਵਾਂ ਕਰਨ ਦੀ ਕਾਹਲ 'ਚ ਹਨ । ਓਨਾਂ ਦੀਆਂ ਫਿਲਮਾਂ ਦੇ ਵਿਸ਼ੇ ਸਮਾਜਿਕ ਵਰਤਾਰੇ ਨੂੰ ਪੇਸ਼ ਕਰਨ ਤੇ ਸਮਾਜ ਲਈ ਚਾਨਣ ਮੁਨਾਰੇ ਦਾ ਕੰਮ ਕਰਦੇ ਹਨ।
   ਓਹਨਾਂ ਦੀਆਂ ਕੁਝ ਫਿਲਮਾਂ ਦਾ ਜਿਕਰ ਕਰਦੇ ਹਾਂ :- ਜਿਵੇ 'ਪੇਕੇ ਹੋਣ ਭਰਾਵਾਂ ਨਾਲ', ਮਾਂ ਤੇ ਮਾਂ ਵਿਚ ਫਰਕ, ਅਹਿਸਾਸ ਆਪਣਿਆ ਦਾ, ਦੂਜਾ ਵਿਆਹ, ਭੂਆ ਦੀ ਦੀਵਾਲੀ, ਧੀ ਦੀ ਬਰਬਾਦੀ, ਬੇਗਾਨੀ ਧੀ ਬੇਗਾਨੀ ਸੱਸ , ਰੱਖੜੀ ਦਾ ਮੁੱਲ, ਪੇਕੇ ਹੁੰਦੇ ਮਾਵਾਂ ਨਾਲ ਤੇ ਮਾਹੀ ਮੇਰਾ ਚੰਨ ਵਰਗਾ ਆਦਿ ਫਿਲਮਾਂ ਆਪਣਾ ਸ਼ੁਮਾਰ ਕਰਵਾਉਦੀਆਂ ਹਨ।
   ਮੈ ਉਸ ਮਾਣਮੱਤੇ ਸੂਖਮ ਸੋਚ ਦੇ ਮਾਲਕ ਦੀ ਗੱਲ ਕਰਨ ਜਾ ਰਿਹਾ, ਜੋ ਪੰਜਾਬ ਦੇ ਜ਼ਿਲਾ ਬਠਿੰਡਾ ਦੇ ਪਿੰਡ 'ਕੋਟੜਾ ਕੌੜਾ' ਵਿਚ ਮਾਤਾ ਸ੍ਰੀਮਤੀ ਬਲਜੀਤ ਕੌਰ ਤੇ ਪਿਤਾ ਸ੍ਰ ਸੁਖਦੇਵ ਸਿੰਘ ਦੇ ਘਰ ਜਨਮੇ ਉਸ ਨੌਜਵਾਨ "ਪਰਦੀਪ ਸਿੰਘ" ਦੀ ਪਛਾਣ ਅੱਜ ਫ਼ਿਲਮ ਜਗਤ ਵਿੱਚ "ਦੀਪ ਕੋਟੜੇ ਵਾਲਾ" ਨਾਲ ਬਣੀ ਹੋਈ ਹੈ। ਬਚਪਨ ਤੋ ਐਕਟਿੰਗ ਦਾ ਸ਼ੌਕ ਰੱਖਣ ਵਾਲਾ ਨੌਜਵਾਨ,ਅੱਜ ਖੁਦ ਫ਼ਿਲਮ ਲੇਖਕ,ਡਾਇਰੈਕਟਰ,ਪ੍ਰੋਡਿਊਸਰ ਤੇ ਅਦਾਕਾਰੀ ਕਰ ਆਪਣੇ ਸੁਪਨੇ ਸਾਕਾਰ ਕਰਨ ਵਿਚ ਰੁਝਿਆ ਹੋਇਆਂ ਹੈ।
   ਗੱਲਬਾਤ ਦੌਰਾਨ ਓਨਾਂ ਦੱਸਿਆਂ ਆਉਣ ਵਾਲੇ ਸਮੇ ਦੌਰਾਨ ਓਹ ਸੰਗੀਤ ਜਗਤ ਵਿਚ ਆਪਣਾ ਗੀਤ ਰੀਲੀਜ਼ ਕਰ, ਸੰਗੀਤ ਪ੍ਰੇਮੀਆਂ ਤੋ ਦਾਦ ਲੈਣ ਜਾ ਰਿਹਾ ।
    ਯੂਟਿਊਬ " ਦੀਪ ਕੋਟੜੇ ਵਾਲਾ" ਤੇ ਚੱਲ ਰਹੀ ਉਸਦੀ ਲਘੂ ਫ਼ਿਲਮ "ਸੁਣ ਵੇ ਰੱਬਾ" ਦਰਸ਼ਕਾਂ ਵੱਲੋ ਖੂਬ ਪਸੰਦ ਕੀਤੀ ਜਾ ਰਹੀ ਹੈ। ਇਸ ਲਘੂ ਫ਼ਿਲਮ ਦੀ ਕਹਾਣੀ ਪ੍ਰਸਿੱਧ ਕਹਾਣੀਕਾਰ 'ਗੁਰਮੀਤ ਬਾਠ' ਵੱਲੋਂ ਲਿਖੀ ਗਈ ਹੈ। ਜੋ ਸਮਾਜਿਕ ਤਾਣੇ ਬਾਣੇ ਬਾਰੇ ਭਲੀਭਾਂਤ ਜਾਣੂ ਹਨ।ਇਸ ਲਘੂ ਫ਼ਿਲਮ ਨੂੰ ਡਾਇਰੈਕਟਰ, ਪ੍ਰੋਡਿਊਸਰ ਤੇ ਅਦਾਕਾਰ ਵਜੋ "ਦੀਪ ਕੋਟੜੇ ਵਾਲਾ" ਤੇ ਏਨਾਂ ਦੀ ਟੀਮ ਨੇ ਦਿਨ ਰਾਤ ਦੀ ਮਿਹਨਤ ਲਗਨ ਨਾਲ ਤਿਆਰ ਕੀਤਾ ਹੈ।
   ਇਸ ਫ਼ਿਲਮ ਵਿਚ ਸਟਾਰ ਕਾਸਟ ਖੁਦ "ਦੀਪ ਕੋਟੜੇ ਵਾਲਾ",ਅਵਤਾਰ ਹਰੀਏ ਵਾਲਾ, ਕੁਲਦੀਪ ਦੋਸਾਂਝ,ਅਰਸ ਗਿੱਲ,ਜੈਜ ਕੌਰ,ਹਰਜੱਸ ,ਅਮਨ ਸੁਖਲਾਡਾ,ਸੁਖਪਾਲ ਸਿੰਘ,ਪੋਮੀ ਗਿੱਲ ਤੇ ਕਿਰਨਾ ਕੌਰ ਆਦਿ ਅਦਾਕਾਰੀ ਦੇ ਜੌਹਰ ਦਿਖਾਏ ਹਨ। ਕੈਮਰਾਮੈਨ "ਹੈਪੀ" ਵੱਲੋ ਖੂਬਸੂਰਤ ਦ੍ਰਿਸ਼ ਕੈਮਰੇ ਵਿਚ ਕੈਦ ਕਰ ਦਰਸ਼ਕਾਂ ਦੀ ਕਚਹਿਰੀ ਹਾਜ਼ਰ ਕੀਤੇ ਗਏ ਨੇ ਅਤੇ ਫਿਲਮ ਦਾ ਪੋਸਟਰ ਕੁਦਰਤ ਦੇ ਰੰਗਾਂ ਨੂੰ ਲੈ ਤਿਆਰ ਕੀਤਾ ਹੈ, ਡੀ.ਸੀ ਆਰਟਸ ਵੱਲੋ ਪ੍ਰਮਾਤਮਾ ਏਨਾਂ ਦੀ ਮਿਹਨਤ ਲਗਨ ਤੇ ਨਜ਼ਰ ਸਵੱਲੀ ਕਰੇ। ਇਹ ਬੁਲੰਦੀਆਂ ਛੂਹਣ ਦੁਆਵਾਂ। ਆਮੀਨ
   ਸ਼ਿਵਨਾਥ ਦਰਦੀ ਫ਼ਰੀਦਕੋਟ
    ਫ਼ਿਲਮ ਜਰਨਲਿਸਟ
   ਸੰਪਰਕ:- 9855155392

ਸੰਗੀਤਕ ਖੇਤਰ ਦੇ ਚਰਚਿਤ ਦਮਦਾਰ ਆਵਾਜ ਦੀ ਮਲਿਕਾ ਮਿਸ ਪੂਜਾ, ਜਿਨਾਂ ਦੇ ਗੀਤਾਂ ਦਾ ਸਰੋਤਿਆਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਰਹਿੰਦਾ ਹੈ। ਓਨਾਂ ਅਨੇਕਾਂ ਗੀਤ ਆਮ ਵਿਆਹ ਤੇ ਪਾਰਟੀਆਂ ਵਿਚ ਵਜਦੇ ਸੁਣਾਈ ਦਿੰਦੇ ਅਤੇ ਯੂਟਿਊਬ ਤੇ ਸੰਗੀਤਕ ਪ੍ਰੇਮੀਆਂ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ।
  ਓਨਾਂ ਦਾ ਨਵਾਂ ਗੀਤ "ਗੋਰੀ ਦੇ ਗਜਰੇ" ਬਹੁਤ ਜਲਦ ਸੰਗੀਤਕ ਖੇਤਰ ਵਿੱਚ ਧੁੰਮਾਂ ਮਚਾਉਣ ਆ ਰਿਹਾ ਹੈ।ਓਨਾਂ ਨਾਲ ਸਹਾਇਕ ਗਾਇਕ ਵਜੋ ਪੰਜਾਬੀ ਮਾਂ ਬੋਲੀ ਦੇ ਮਾਣਮੱਤੇ ਲੋਕ ਗਾਇਕ "ਵੀਰ ਦਵਿੰਦਰ", ਜਿਨਾਂ ਨੂੰ ਦੁਨੀਆ-ਭਰ ਦੇ ਸੰਗੀਤ ਪ੍ਰੇਮੀਆਂ ਵੱਲੋ ਭਰਵਾ ਹੁੰਗਾਰਾ ਮਿਲਿਆਂ। ਜਿਨਾਂ ਨੇ ਆਪਣੀ ਦਮਦਾਰ ਬੁਲੰਦ ਆਵਾਜ ਨਾਲ ਪੰਜਾਬੀ ਸਰੋਤਿਆਂ ਦੇ ਦਿਲ ਤੇ ਛਾਪ ਛੱਡੀ। ਓਹ ਸੰਗੀਤ ਜਗਤ ਵਿਚ ਸੰਗੀਤ ਪ੍ਰੇਮੀਆਂ ਦੀ ਪਹਿਲੀ ਪਸੰਦ ਬਣ ਗਏ।
   "ਗੋਰੀ ਦੇ ਗਜਰੇ" ਗੀਤ ਪੰਜਾਬੀ ਦੇ ਸਿਰਮੌਰ ਗੀਤਕਾਰ 'ਗੁਰਤੇਜ ਉਗੋਕੇ' ਦੀ ਅੱਖਰੀ ਰਸਦ ਹੈ। ਗੀਤਕਾਰ ਗੁਰਤੇਜ ਉਗੋਕੇ ਜੀ ਨੇ ਦੱਸਿਆਂ ਕਿ ਇਹ ਗੀਤ "ਪੰਜਾਬ ਕਿੰਗ ਮਿਊਜ਼ਿਕ" ਤੇ " ਮਿਊਜ਼ਿਕ ਐਮਪਾਇਰ" ਵੱਲੋ ਦੁਨੀਆ-ਭਰ ਬਹੁਤ ਜਲਦ ਵੱਡੇ ਪੱਧਰ ਤੇ ਰਿਲੀਜ਼ ਕੀਤਾ ਜਾਵੇਗਾ। ਇਸ ਗੀਤ ਵਿੱਚ ਦੋਵੇ ਪ੍ਰਸਿੱਧ ਲੋਕ ਗਾਇਕਾਂ ਦੀ ਖੂਬਸੂਰਤ ਆਵਾਜ਼ ਨਾਲ ਸੰਗੀਤਕ ਸੁਮੇਲ ਬਹੁਤ ਬਹੁ-ਵਿਧਾਈ ਨਾਮਵਰ ਸੰਗੀਤਕਾਰ ਤੇ ਮਿਊਜ਼ਿਕ ਐਮਪਾਇਰ ਦੇ ਸੰਚਾਲਕ "ਪਾਲ ਸਿੱਧੂ" ਦੀ ਰੂਹ ਦਾਤ ਹੈ ਅਤੇ ਇਸ ਗੀਤ ਦਾ ਖੂਬਸੂਰਤ ਫਿਲਮਾਂਕਣ ਵਿਦੇਸ਼ਾਂ ਦੀਆਂ ਮਨਮੋਹਕ ਲੋਕੇਸ਼ਨਾਂ ਤੇ ਨਾਮਵਰ ਡੀ.ਪੀ.ਓ "ਸਾਹਿਬ ਸੇਖੋਂ" ਦੀ ਟੀਮ ਵੱਲੋ ਅਣਥੱਕ ਮਿਹਨਤ ਲਗਨ ਨਾਲ ਤਿਆਰ ਕੀਤਾ ਹੈ।
   ਗੀਤਕਾਰ 'ਗੁਰਤੇਜ ਉਗੋਕੇ' ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਇਹ ਗੀਤ ਸੰਗੀਤ ਪ੍ਰੇਮੀਆਂ ਦੀ ਉਮੀਦ ਤੇ ਖਰਾਂ ਉਤਰੇਗਾ ਅਤੇ ਨਵੀਆਂ ਪੈੜਾਂ ਸਿਰਜੇਗਾ । ਆਮੀਨ
  ਸ਼ਿਵਨਾਥ ਦਰਦੀ ਫ਼ਰੀਦਕੋਟ
   ਫਿਲਮ ਜਰਨਲਿਸਟ
  ਸੰਪਰਕ:- 9855155392

ਚੌਪਾਲ ਤੇ ਆਪਣਾ ਜਲਵਾ ਦਿਖਾਏਗੀ 'ਕੈਰਮ ਬੋਰਡ' ਲਘੂ ਫ਼ਿਲਮ:- ਡਾਇਰੈਕਟਰ ਭਗਵੰਤ ਕੰਗ
   ਪੰਜਾਬੀ ਫਿਲਮ ਇੰਡਸਟ੍ਰੀਜ ਦੇ ਚਰਚਿਤ ਡਾਇਰੈਕਟਰ ਭਗਵੰਤ ਕੰਗ ਦੀ ਫਿਲਮ ਕਹਾਣੀ ਦੀ ਚੋਣ ਬਾਕਮਾਲ ਹੁੰਦੀ ਹੈ ਅਤੇ ਜਦੋ ਉਸਦਾ ਫਿਲਮਾਂਕਣ ਕੀਤਾ ਜਾਦਾਂ ਹੈ ਤਾਂ ਸੋਨੇ ਤੇ ਸੁਹਾਗੇ ਵਾਲੀ ਗੱਲ ਹੋ ਜਾਂਦੀ ਹੈ।
     ਪੰਜਾਬੀ ਮਾਂ ਬੋਲੀ ਦੇ ਲਾਡਲੇ ਪ੍ਰਸਿੱਧ ਕਹਾਣੀਕਾਰ 'ਦਰਸ਼ਨ ਜੋਗਾ' ਜੀ ਜੋ ਕਿਸੇ ਜਾਣ ਪਹਿਚਾਣ ਦੇ ਮੁਥਾਜ ਨਹੀ,ਓਨਾਂ ਦੁਆਰਾ ਰਚਿਤ ਕਹਾਣੀ "ਕੈਰਮ ਬੋਰਡ" ਜਿਸਨੂੰ 'ਕੰਗ ਸਾਹਿਬ' ਲਘੂ ਫ਼ਿਲਮ ਦੇ ਰੂਪ ਵਿਚ ਫਿਲਮਾਂਕਣ ਕਰ ਪੰਜਾਬੀ ਸਿਨੇਮਾ ਪ੍ਰੇਮੀਆਂ ਮੂਹਰੇ ਪਰੋਸਿਆ ਹੈ। ਮੈਨੂੰ ਆਸ ਹੈ ਜਿਸ ਤਰਾਂ ਸਿਨੇਮਾ ਨੇ ਪਹਿਲਾ ਆਈਆਂ ਫਿਲਮਾਂ ਨੂੰ ਬੇਹੱਦ ਪਿਆਰ ਸਨੇਹ ਬਖਸ਼ਿਆਂ ਓਨਾਂ ਤੋ ਵੀ ਵੱਧ ਦਰਸਕ ਪਿਆਰ ਦੇਣਗੇ।
    ਜੇਕਰ ਕਹਾਣੀ ਦੀ ਗੱਲ ਕਰੀਏ,ਇਸ ਵਿਚ ਮਾਂ ਵਿਹੂਣੇ ਬੱਚੇ ਦੀ ਦਾਸਤਾਨ ਪੇਸ਼ ਕੀਤੀ ਗਈ ਹੈ। ਜਿਸਨੂੰ ਘਰ ਵਿਚ ਸਹੀ ਸੇਧ ਨਹੀ ਮਿਲਦੀ ਤੇ ਓਹ ਜਿੰਦਗੀ ਦੀਆਂ ਰਾਹਾਂ ਤੇ ਕਿਵੇਂ ਭਟਕਦਾ ਹੈ ਅਤੇ ਰੁਕਾਵਟਾਂ ਦਾ ਸਾਹਮਣਾ ਕਰਦਾ ਹੈ।
   ਇਸ ਦੀ ਪੇਸ਼ਕਸ਼ 'ਜੇ.ਐੱਸ ਮੋਸ਼ਨ ਪਿਕਚਰਜ' ਦੁਆਰਾ ਅਤੇ 'ਫ਼ਿਲਮੀ ਅੱਡਾ' ਦੀ ਸਹਿਯੋਗ ਨਾਲ ਕੀਤੀ ਹੈ।
   ਇਸ ਫ਼ਿਲਮ ਦੇ ਨਿਰਮਾਤਾ ਜਸਬੀਰ ਰਿਸ਼ੀ ਤੇ ਸੱਤਿਆ ਸਿੰਘ ਹਨ ਅਤੇ ਲਾਈਨ ਪ੍ਰੋਡਿਊਸਰ ਪਰਮਜੀਤ ਨਾਗਰਾ, ਪ੍ਰੋਜੈਕਟ ਮਨੇਜਰ ਹਰਦੀਪ ਸਿੰਘ ਹਨ।
    ਇਸ ਫ਼ਿਲਮ ਵਿਚ ਲੀਡ ਭੂਮਿਕਾ ਵਿਚ  ਜਗਤਾਰ ਬੈਨੀਪਾਲ,ਪ੍ਰਭਜੋਤ ਰੰਧਾਵਾ,ਜਸਵੰਤਜੀਤ, ਦਰਸ਼ਨ ਘਾਰੂ, ਜੱਸ ਬੋਪਾਰਾਏ,ਜੈਸਮੀਨ ਬਰਨਾਲਾ ਤੋ ਇਲਾਵਾ ਅਦਾਕਾਰੀ ਨਾਲ ਦਰਸ਼ਕਾਂ ਦੇ ਸਨਮੁੱਖ ਹੋਣਗੇ ਬਾਲ ਅਦਾਕਾਰ 'ਸਾਹਿਲਵੀਰ', ਜੋ ਕਿ ਫ਼ਿਲਮ ਇੰਡਸਟ੍ਰੀਜ ਦੇ ਮੰਝੇ ਅਦਾਕਾਰ ਦਰਸ਼ਨ ਘਾਰੂ ਦੇ ਬੇਟੇ ਹਨ।
    ਸਿਨੇਮਾ ਪ੍ਰੇਮੀਆਂ ਦੀ ਉਡੀਕ ਖਤਮ ਕਰਦੀ 3 ਮਾਰਚ ਨੂੰ "ਚੌਪਾਲ ਐਪ" ਤੇ ਸਟਰੀਮ ਹੋ ਜਾ ਰਹੀ ਹੈ। ਮੁਬਾਰਕਬਾਦ ਸਮੁੱਚੀ ਟੀਮ ਨੂੰ। ਦੁਆਵਾਂ
    ਸ਼ਿਵਨਾਥ ਦਰਦੀ ਫ਼ਰੀਦਕੋਟ
      ਫ਼ਿਲਮ ਜਰਨਲਿਸਟ
  ਸੰਪਰਕ:- 9855155392

ਪੁਸਤਕ :- "ਦਰਦਾਂ ਦੀ ਆਤਮਕਥਾ"
ਲੇਖਕ :- ਪਵਨ ਹਰਚੰਦਪੁਰੀ
ਸੰਪਰਕ:- 9417034029
ਪਬਲੀਕੇਸ਼ਨਜ :- ਸਪਰੈੱਡ ਪਬਲੀਕੇਸ਼ਨ ( ਪਟਿਆਲਾ)
ਮੁੱਲ :- 220/- ਰੁਪਏ
ਸਫੇ :- 112
  ਗ਼ਜ਼ਲ ਇੱਕ ਐਹੋ ਜਿਹੀ ਸਿਨਫ਼ ਹੈ ਜਿਸ ਵਿਚ ਅਕਸਰ ਸਰੋਕਾਰਾਂ,ਵਿਚਾਰਾਂ ਅਤੇ ਭਾਵਾਂ ਦਾ ਵੰਨਸੁਵੰਨਾ ਦ੍ਰਿਸ਼ ਹੁੰਦਾ ਹੈ। ਅੱਜ ਪੰਜਾਬੀ ਸਾਹਿਤਕ ਗਲਿਆਰਿਆਂ ਅੰਦਰ ਨਵੇ ਸਾਇਰਾਂ ਧੜਾਧੜ ਗ਼ਜ਼ਲ ਲਿਖੀ ਜਾ ਰਹੀ ਤੇ ਗ਼ਜ਼ਲ ਦੇ ਮਾਹਿਰਾਂ ਵੱਲੋ ਇਸ ਨੂੰ ਹੋਰ ਵੀ ਖੂਬਸੂਰਤ ਦੇਣ ਲਈ ਖੋਜ ਪੱਤਰ ਅਤੇ ਕਿਤਾਬਾਂ ਸੰਪਾਦਕ ਕੀਤੀਆਂ ਜਾ ਰਹੀਆਂ ਹਨ।
   ਮੈ ਅੱਜ ਗੱਲ ਕਰਨ ਜਾ ਰਿਹਾ ਪੰਜਾਬੀ ਮਾਂ ਬੋਲੀ ਨਾਮਵਰ ਸਾਹਿਤਕਾਰ 'ਪਵਨ ਹਰਚੰਦਪੁਰੀ' ਜੀ ਦੇ ਗ਼ਜ਼ਲ ਸੰਗ੍ਰਿਹ "ਦਰਦਾਂ ਦੀ ਆਤਮਕਥਾ" ਦੀ। ਪਵਨ ਹਰਚੰਦਪੁਰੀ ਜੀ ਬਹੁਤ ਮਿਹਨਤ ਲਗਨ ਵਾਲੇ ਸਾਹਿਤ-ਕਰਮੀ ਹਨ ਅਤੇ 'ਕੇਦਰੀ ਲੇਖਕ ਸਭਾ ਸੇਖੋ (ਰਜਿ) ਦੇ ਮੌਜੂਦਾ ਪ੍ਰਧਾਨ ਹਨ । ਉਹ ਪੰਜਾਬੀ ਦੇ ਬਹੁ-ਵਿਧਾਈ ਲੇਖਕ ਹਨ। ਇਸ ਤੋ ਪਹਿਲਾ ਵੀ ਏਨਾ ਦੀਆਂ ਕਈ ਕਿਤਾਬਾਂ ਸਹਿਤਕ ਖੇਤਰ ਵਿਚ, ਸਹਿਤਕ ਪੁਰਸਕਾਰ ਹਾਸਿਲ ਕਰ ਚੁੱਕੀਆਂ ਹਨ। ਏਨਾ ਕਈ ਬਾਲ ਕਾਵਿ-ਸੰਗ੍ਰਿਹ, ਮਹਾਂ ਕਾਵਿ,ਗੀਤ ਸੰਗ੍ਰਿਹ, ਕਹਾਣੀ ਸੰਗ੍ਰਿਹ ਅਨੁਵਾਦ ਤੇ ਸੰਪਾਦਕ ਅਤੇ ਰਚੇ ਹੋਏ ਹਨ।
    ਪਵਨ ਹਰਚੰਦਪੁਰੀ ਜੀ ਦੀ ਨਿਡਰ ਤੇ ਬੇਖੌਫ ਕਲਮ ਕਾਗਜ ਦੇ ਸੀਨੇ ਤੇ ਜਾਲਮ,ਲੁਟੇਰਿਆਂ, ਘਮੰਡੀ,ਮਾਨਵ ਵਿਰੋਧੀ ਰਾਜਸੀ ਹਾਕਮਾਂ ਵਿਰੁੱਧ ਅੰਦੋਲਨ ਦਾ ਐਲਾਨ ਕਰਦੀ ਹੈ ਅਤੇ ਜ਼ਮੀਰ ਵਾਲਿਆਂ ਨੂੰ ਠੋਕਰ ਮਾਰ ਜਗਾਉਂਦੀ ਹੈ ਤੇ ਹਾਅ ਦਾ ਨਾਅਰਾ ਮਾਰਦੀ ਕਹਿੰਦੀ :-
   ਜਮੀਰਾਂ ਮਹਿੰਗੀਆਂ ਵਿਕੀਆਂ ਭਾਵੇ ਸਸਤੀਆਂ ਵਿਕੀਆਂ
   ਸ਼ਰੇ ਬਾਜ਼ਾਰ ਵਿੱਚ ਆਕੇ ਕਈ ਅੱਜ ਹਸਤੀਆਂ ਵਿਕੀਆਂ
   ਰੋ ਪਈ 'ਹਰਚੰਦਪੁਰੀ' ਫਿਰ ਮੁਲਕ ਆਪਣੇ ਦੀ ਜ਼ਮੀਰ
   ਜਦ ਵਿੱਕ ਗਏ ਮਲਾਹ ਤੇ ਨਾਲ ਕਿਸ਼ਤੀਆਂ ਵਿਕੀਆਂ
 ਅੱਜ ਮਨੁੱਖ ਤਰੱਕੀ ਕਰ ਕੁਦਰਤ ਨੂੰ ਭੁਲਦਾ ਜਾਦਾਂ, ਹਰਚੰਦਪੁਰੀ ਜੀ ਦੀ ਗ਼ਜ਼ਲ ਮਨੁੱਖ ਨੂੰ ਕੁਦਰਤ ਤੇ ਜੀਵ ਜੰਤੂਆਂ ਨਾਲ ਪਿਆਰ ਕਰਨ ਦਾ ਸੁਨੇਹਾ ਦਿੰਦੀ ।
    ਆਪਣੇ ਘਰਾਂ 'ਚ ਹੁਣ ਅਸੀ ਪੱਥਰ ਲਵਾ ਲਏ ਨੇ
    ਜੀਵਾਂ ਤੇ ਜੰਤੂਆਂ ਤੋ ਮੁਖੜੇ ਭਵਾ ਲਏ ਨੇ
    ਕੁਦਰਤ ਦੀ ਗੋਦ ਵਿੱਚ ਹੀ ਪਲਿਆਂ ਹੈ ਆਦਮੀ
   'ਹਰਚੰਦਪੁਰੀ' ਹੁਣ ਫ਼ਰਕ ਕਿਉ ਕੁਦਰਤ ਤੋ ਪਾ ਲਏ ਨੇ
  ਕਦੇ ਕਦੇ ਸ਼ਾਇਰ ਦੀ ਸੋਚ ਅੰਬਰ ਦੇ ਹਾਣ ਦਾ ਹੋਣ ਵੱਲ ਚਲੀ ਜਾਦੀ ਹੈ ਤੇ ਲਿਖਦੀ ਹੈ :-
    ਹੋ ਜਾਂਦਾ ਜੇ ਮੈ ਵੀ ਕਦੇ ਅੰਬਰ ਦੇ ਹਾਣ ਦਾ
    ਚੰਨ ਤਾਰਿਆਂ ਦਾ ਜੀਵਨ ਮੈ ਵੀ ਫਿਰ ਮਾਣ ਦਾ
    ਕਰਮ ਕਰਦਾ ਰਹਿ 'ਪਵਨ' ਨਾ ਫਲ ਦੀ ਰੱਖ ਤੂੰ ਆਸ
    ਐਵੇ ਕਿਉ ਸੋਚ-ਸੋਚ ਕੇ ਰਹੇ ਰੇਤਾ ਤੂੰ ਛਾਣਦਾ
  'ਪਵਨ ਹਰਚੰਦਪੁਰੀ' ਜੀ ਕਲਮ ਮੁਹੱਬਤ ਦੀ ਗੱਠੜੀ ਬੰਨ ਤੁਰ ਗਏ ਮੁਹੱਬਤੀ ਦਿਲਬਰ ਦੀ ਯਾਦ ਵਿੱਚ ਪੀੜਾਂ ਨੂੰ ਕਾਗਜ਼ ਤੇ ਉਤਾਰ ਕੀ ਬਿਆਨ ਕਰਦੀ । ਸੇਅਰ ਵੱਲ ਧਿਆਨ ਦੇਣਾ :-
    ਪਿਆਰ ਦਾ ਬੂਟਾ ਦਿਲ ਦੇ ਵਿਹੜੇ ਲਾ ਕੇ ਚਲਾ ਗਿਆ
    ਬਿਨਾ ਕਹੇ ਹੀ ਮੈਨੂੰ ਕੁਝ ਸਮਝਾ ਕੇ ਚਲਾ ਗਿਆ
    'ਹਰਚੰਦਪੁਰੀ' ਦਿਲ ਕਮਲਾ ਹੈ ਦੀਵਾਨਾ ਹੈ ਮੇਰਾ
    ਇਸ਼ਕ ਦੇ ਅਰਮਾਨਾਂ ਨੂੰ ਭੜਕਾ ਕੇ ਚਲਾ ਗਿਆ
 ਅਜੋਕੇ ਯੁੱਗ ਅੰਦਰ ਬੰਦਾ ਬੇਵੱਸ ਹੋਇਆਂ ਚਿੰਤਤ ਮਨ ਲੈ ਇਧਰ-ਉਧਰ ਭਟਕ ਰਿਹਾ।ਉਸ ਨੂੰ ਕਿਤੇ ਚਾਨਣ ਨਹੀ ਦਿਖ ਰਿਹਾ।ਓਹ ਆਪਣਾ ਆਪ ਲੱਭ ਰਿਹਾ। ਓਹ ਕਿਥੇ ਖੋ ਗਿਆਂ ' ਹਰਚੰਦਪੁਰੀ' ਜੀ ਦੇ ਗ਼ਜ਼ਲ ਸੇਅਰ ਦੱਸਦੇ ਨੇ :-
     ਚਿੰਤਾ ਵਿਚ ਡੁਬੋਇਆ ਬੰਦਾ
     ਫਿਰਦਾ ਹੈ ਅਧਮੋਇਆ ਬੰਦਾ
    ਕਿਸ ਥਾਂ ਜਾ ਕੇ ਉਮਰ ਲੰਘਾਵੇ
    ਘਰ ਤੋ ਬੇਘਰ ਹੋਇਆ ਬੰਦਾ
    'ਹਰਚੰਦਪੁਰੀ' ਫੜ ਬਾਂਹ ਬੰਦੇ ਦੀ
    ਨ੍ਹੇਰੇ ਦੇ ਵਿਚ ਖੋਇਆ ਬੰਦਾ
'ਪਵਨ ਹਰਚੰਦਪੁਰੀ' ਇਕ ਸਾਫ ਸੁਥਰੇ ਅਕਸ ਦਾ ਮਾਲਕ ਹੈ। ਓਨਾਂ ਅੰਦਰ ਪਿਆਰ ਦੀ ਗੰਗਾ ਵਗਦੀ ਹੈ ਤੇ ਇਲਾਹੀ ਜੋਤ ਹਮੇਸ਼ਾਂ ਜਗਦੀ ਰਹਿੰਦੀ ਹੈ । ਇਸ ਕਰਕੇ ਖੁਦਾ ਨੂਰ ਕਲਮ ਦੇ ਰਾਹੀ ਬਰਸਦਾ ਰਹਿੰਦਾ ਹੈ ਅਤੇ ਸਾਡੇ ਨਾਲ ਮੁਹੱਬਤੀ ਸਾਂਝ ਪਾਉਂਦਾ ਹੈ। ਓਨਾਂ ਖੂਬਸੂਰਤ ਗ਼ਜ਼ਲ ਦੇ ਸੇਅਰਾਂ ਦੀ ਜੁਬਾਨ :-
      ਪਿਆਰ ਦੀ ਗੰਗਾ ਭਾਵੇ ਮਨ ਵਿਚ ਵਗਦੀ ਹੈ
      ਚਿੰਤਨ ਦੀ ਚੰਗਿਆੜੀ ਅੰਦਰੋ ਮਘਦੀ ਹੈ
      ਤੀਜਾ ਨੇਤਰ ਖੁੱਲ੍ਹ ਜਾਵੇ ਜਦ ਬੰਦੇ ਦਾ
     ਜੋਤ ਇਲਾਹੀ ਮਨ ਮੰਦਰ ਵਿੱਚ ਜਗਦੀ ਹੈ
     ਸੋਚ ਸਿਦਕ 'ਹਰਚੰਦਪੁਰੀ' ਜਿਸ ਪੱਲੇ ਹੈ
     ਮੁੱਖ 'ਤੇ ਆਭਾ ਸੂਰਜ ਵਾਗੂੰ ਦਗਦੀ ਹੈ
'ਪਵਨ ਹਰਚੰਦਪੁਰੀ' ਜੀ ਦਾ ਗ਼ਜ਼ਲ ਸੰਗ੍ਰਿਹ "ਦਰਦਾਂ ਦੀ ਆਤਮਕਥਾ" ਪੜਦਿਆਂ ਮਨ ਦਾ ਪੰਛੀ ਆਪ ਮੁਹਾਰੇ ਪਰਵਾਜ਼ ਭਰਨ ਲੱਗਦਾ ਤੇ ਅੰਬਰਾਂ ਨੂੰ ਛੂਹਦਾ ਹੈ । ਅਸੀ ਜਿਵੇਂ ਜਿਵੇਂ ਅਸੀ ਗ਼ਜ਼ਲਾਂ ਨਾਲ ਸਾਂਝ ਪਾਉਂਦੇ ਹਾਂ ਤੇ ਓਨਾਂ ਰੰਗ ਵਿਚ ਰੰਗੇ ਜਾਂਦੇ ਹਾਂ।
  'ਪਵਨ ਹਰਚੰਦਪੁਰੀ' ਜੀ ਨੂੰ ਖੂਬਸੂਰਤ ਗ਼ਜ਼ਲ ਸੰਗ੍ਰਿਹ "ਦਰਦਾਂ ਦੀ ਆਤਮਕਥਾ" ਦੀ ਮੁਬਾਰਕਬਾਦ। ਓਹ ਪੰਜਾਬੀ ਮਾਂ ਬੋਲੀ ਦੀ ਸੇਵਾ ਲਈ ਹਮੇਸ਼ਾ ਤਤਪਰ ਰਹਿਣ। ਆਮੀਨ
     ਸ਼ਿਵਨਾਥ ਦਰਦੀ ਫ਼ਰੀਦਕੋਟ
       ਫਿਲਮ ਜਰਨਲਿਸਟ
    ਸੰਪਰਕ:- 9855155392

'ਖੜਪੰਚ' ਵੈੱਬਸੀਰੀਜ਼ ਨਸ਼ਿਆਂ ਖਿਲਾਫ ਅੰਦੋਲਨ ਹੈ :- ਲੇਖਕ ਨਿਰਮਾਤਾ-ਨਿਰਦੇਸ਼ਕ 'ਰੈਬੀ ਟਿਵਾਨਾ'
ਮੀਲ ਪੱਥਰ ਸਾਬਤ ਹੋਵੇਗੀ 'ਖੜਪੰਚ' ਵੈਬਸੀਰੀਜ਼ :- ਲੇਖਕ ਨਿਰਦੇਸ਼ਕ 'ਰੈਬੀ ਟਿਵਾਨਾ'
ਦਰਸ਼ਕਾਂ ਵੱਲੋ ਖੂਬ ਸਲਾਹਿਆ ਜਾ ਰਿਹਾ 'ਖੜਪੰਚ' ਵੈਬਸੀਰੀਜ਼ ਨੂੰ :- ਲੇਖਕ ਨਿਰਮਾਤਾ-ਨਿਰਦੇਸ਼ਕ 'ਰੈਬੀ ਟਿਵਾਨਾ'
  ਫਿਲਮੀ ਗਲਿਆਰਿਆਂ ਚ' ਨਵੀਂਆਂ ਪੈੜਾ ਸਿਰਜ ਰਹੇ ਹਨ , ਲੇਖਕ ਨਿਰਮਾਤਾ-ਨਿਰਦੇਸ਼ਕ 'ਰੈਬੀ ਟਿਵਾਨਾ'। ਜਿੰਨਾ ਦੀਆਂ ਪਹਿਲਾ ਵੀ ਦੋ ਵੈੱਬਸੀਰੀਜ਼ ਨੂੰ ਕਰੋੜਾਂ ਸਰੋਤਿਆਂ ਵੱਲੋ ਬੇਹੱਦ ਪਿਆਰ ਮੁਹੱਬਤ ਬਖਸ਼ਿਆਂ ਗਿਆਂ ।
  ਏਨਾਂ ਦੀ ਵੈੱਬਸੀਰੀਜ਼ 'ਯਾਰ ਜਿਗਰੀ ਕਸੂਤੀ ਡਿਗਰੀ' ਤੇ 'ਯਾਰ ਚੱਲੇ ਬਾਹਰ' ਅਜੋਕੀ ਨੌਜਵਾਨ ਪੀੜੀ ਦੀ ਪਹਿਲੀ ਪਸੰਦ ਬਣੀਆਂ। ਲੇਖਕ ਨਿਰਮਾਤਾ-ਨਿਰਦੇਸ਼ਕ ਰੈਬੀ ਟਿਵਾਨਾ ਜੀ ਤੇ ਓਨਾਂ ਟੀਮ ਵੱਲੋ ਬਹੁਤ ਹੀ ਸ਼ਾਨਦਾਰ ਤੇ ਸੁਚੱਜੇ ਅਤੇ ਸਾਰਥਕ ਵਿਸ਼ਾਂ ਲੈ ਤਿਆਰ ਕੀਤੀ ਵੈੱਬਸੀਰੀਜ਼ ਦਾ ਸਰੋਤਿਆਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਰਹਿੰਦਾ ਹੈ । ਲੇਖਕ ਨਿਰਮਾਤਾ-ਨਿਰਦੇਸ਼ਕ 'ਰੈਬੀ ਟਿਵਾਨਾ' ਜੀ ਨੇ ਆਪਣੀ ਵੈੱਬਸੀਰੀਜ਼ ਦੀ ਅਡੀਟਿੰਗ ਵੀ ਖੁਦ ਹੀ ਕਰਦੇ ਹਨ। ਇਹ ਖੂਬਸੂਰਤ ਕਲਾ ਦੀ ਦਾਤ ਪ੍ਰਮਾਤਮਾ ਨੇ ਏਨਾਂ ਨੂੰ ਬਖਸੀ ।
   ਅੱਜ ਫ਼ਿਲਮ ਇੰਡਸਟ੍ਰੀਜ਼ ਚ' ਨਸ਼ੇ ਤੇ ਬਹੁਤ ਸਾਰੀਆਂ ਫਿਲਮਾਂ ਦਾ ਨਿਰਦੇਸ਼ਨ ਹੋ ਰਿਹਾ । ਪਰ ਹਰ ਇੱਕ ਡਾਇਰੈਕਟ ਕਰਨ ਦਾ ਆਪਣਾ ਆਪਣਾ ਤੌਰ ਤਰੀਕਾ ਅਪਣਾਇਆਂ। ਵੱਡੇ ਪਰਦੇ, ਓ.ਟੀ.ਟੀ ਅਤੇ ਸਾਰਟ ਮੂਵੀ ਯੂਟਿਊਬ ਚੈਨਲਾਂ ਤੇ ਖੂਬ ਚੱਲ ਰਹੀਆਂ ਹਨ। ਪਰ 'ਰੈਬੀ ਟਿਵਾਨਾ' ਜੀ ਵੱਲੋ ਆਪਣੇ ਖੂਬਸੂਰਤ ਲੇਖਣੀ ਨਿਰਦੇਸ਼ਨਾਂ ਸਦਕਾ ਬਹੁਤ ਹੀ ਖੂਬਸੂਰਤ ਤੇ ਸੁਚੱਜੇ ਤੌਰ ਤਰੀਕੇ ਇੱਕ ਸਾਰਥਕ ਵਿਸਾਂ ਅਤੇ ਦਰਸ਼ਕਾਂ ਦੇ ਮਨੋਰੰਜਨ ਦਿਲਚਸਪੀ ਨੂੰ ਮੁੱਖ ਰੱਖਕੇ ਨਵੀ ਵੈੱਬਸੀਰੀਜ਼ 'ਖੜਪੰਚ' 'ਟ੍ਰੋਲ ਪੰਜਾਬੀ' ਯੂਟਿਊਬ ਚੈਨਲ ਤੇ ਰੀਲੀਜ਼ ਕੀਤੀ ਜਾ ਚੁੱਕੀ ਹੈ।ਇਸ ਦੇ ਸੱਤ ਭਾਗ ਇੱਕ ਇੱਕ ਘੰਟੇ ਦੇ ਹਨ। ਜਿਸ ਨੂੰ ਪਹਿਲਾ ਆਈਆਂ ਵੈੱਬਸੀਰੀਜ਼ ਵਾਂਗ ਦਰਸ਼ਕਾਂ ਵੱਲੋ ਖੂਬ ਸਲਾਹਿਆਂ ਜਾ ਰਿਹਾ।     
  ਇਹ ਵੈੱਬਸੀਰੀਜ਼ ਲੇਖਕ ਨਿਰਮਾਤਾ-ਨਿਰਦੇਸ਼ਕ ਰੈਬੀ ਟਿਵਾਨਾ ਜੀ ਨਸ਼ਿਆਂ ਦੇ ਖਾਤਮੇ ਨੂੰ ਮੁੱਖ ਰੱਖਕੇ ਬਣਾਈ ਗਈ। ਇਹ ਵੈਬਸੀਰੀਜ਼ ਨੂੰ ਰਾਜਨੀਤਕ ਲੋਕਾਂ ਤੇ ਸਮਾਜ ਲਈ ਇਕ ਸੀਸ਼ਾਂ ਦਾ ਕੰਮ ਕਰਦੀ ਹੈ। ਇਹ ਵੈੱਬਸੀਰੀਜ਼ ਨਸ਼ਿਆਂ ਖਿਲਾਫ ਇਕ ਅੰਦੋਲਨ ਵਿੱਡਦੀ ਹੈ । ਇਸ ਵੈੱਬਸੀਰੀਜ਼ ਚ' ਕੰਮ ਕਰਨ ਵਾਲੀ ਟੀਮ ਵਧਾਈ ਦੀ ਪਾਤਰ ਹੈ।ਅਜਿਹੀਆਂ ਵੈਬਸੀਰੀਜ਼ ਹਰ ਇੱਕ ਨੂੰ ਦੇਖਣ ਦੀ ਲੋੜ ਹੈ। ਇਸ ਵੈੱਬਸੀਰੀਜ਼ ਮੰਝੇ ਹੋਏ ਅਦਾਕਾਰ, ਜਿਨਾਂ ਸੁਪਰਹਿੱਟ ਮੂਵੀ ਨੂੰ ਆਪਣੇ ਅੰਜਾਮ ਤੱਕ ਪਹੁੰਚਾਇਆਂ। ਅਜਿਹੇ ਪ੍ਰਪੱਕ ਕਲਾਕਾਰ ਵੱਲੋ ਕਲਾ ਦਾ ਜੌਹਰ ਦਿਖਾਇਆ ਗਿਆਂ ।
   ਲੀਡ ਭੂਮਿਕਾ ਵਿਚ ਅੰਮ੍ਰਿਤ ਅੰਬੀ ,ਸੁਖ ਪਿੰਡੀ ਵਾਲਾ ( ਧੂਤਾ), ਬੂਟਾ ਬਾਦਬਰ, ਅੰਮ੍ਰਿਤ ਅੰਮੀ, ਰੰਗ ਹਰਜਿੰਦਰ, ਸੁਖਜੀਤ ਸ਼ਰਮਾਂ, ਮਨੋਜ,ਸੰਨੀ ਸੁਨਾਮ, ਅੰਜੂ ਸੈਨੀ,ਸੁਖਵਿੰਦਰ ਸੋਨੀ,ਵਿੱਕੀ ਭਾਰਦਵਾਜ,ਗਨੇਸ਼ ਕਲਿਆਣ,ਰੇਨੂੰ ਕੰਬੋਜ, ਜੈਸਮੀਨ ਮੀਨੂੰ,ਕ੍ਰਿਸ਼ਮਾ ਰਤਨ, ਪਿੰਕੀ ਸੰਗੂ,ਚਰਨਜੀਤ ਸਿੰਘ, ਦੀਪਾਸੀ ਪ੍ਰਵੇਸ਼, ਹਰਵਿੰਦਰ ਢੀਂਡਸਾਂ, ਜਸਵੀਰ ਕੌਰ ਜੱਸੀ,ਹਰਦੀਪ ਢੀਡਸਾਂ, ਸਮਿੰਦਰ ਕੌਰ ਚਹਿਲ, ਵਿਸ਼ਵਜੀਤ ਗਾਗ, ਜਗਤਾਰ ਬੈਨੀਪਾਲ,ਗਗਨਦੀਪ ਸਿੰਘ,ਰਿਦਮ ਪ੍ਰੀਤ ਕੌਰ,ਪ੍ਰੀਤ ਖਖਰਾਲ,ਕਰਮਜੀਤ ਕੌਰ,ਟੋਨੀ ਖਟੜਾ ਆਦਿ ਨੇ ਚਾਰ ਚੰਨ ਲਾਏ ਹਨ। ਲੇਖਕ ਨਿਰਮਾਤਾ-ਨਿਰਦੇਸ਼ਕ ਰੈਬੀ ਟਿਵਾਣਾ ਤੇ ਪੂਰੀ ਟੀਮ ਨੂੰ ਸ਼ੁੱਭਕਾਮਨਾਵਾਂ। ਆਮੀਨ
ਸ਼ਿਵਨਾਥ ਦਰਦੀ ਫ਼ਰੀਦਕੋਟ
      ਫਿਲਮ ਜਰਨਲਿਸਟ
ਸੰਪਰਕ:- 9855155392

ਕਦੋ ਦਾ ਮੈ ਆਪਣੇ ਖਿਆਲ ਅੰਦਰ,
ਭਾਲਦਾ ਹਾਂ ਖੁਦ ਨੂੰ,
ਮੈ ਆਪਣੀ ਯਾਰਾਂ ਭਾਲ ਅੰਦਰ।
ਸਮੁੰਦਰ ਦੀ ਛਾਣਬੀਣ ਕਰਦੇ ਨੂੰ,
ਉਮਰ ਸਾਰੀ ਲੰਘ ਗਈ,
ਆਇਆਂ ਨਾ ਮੋਤੀ ਮੇਰੇ ਜਾਲ ਅੰਦਰ।
ਮੌਸਮਾਂ ਨੇ ਕਦੋ ਕਰਵਟ ਬਦਲੀ ,
ਮੇਰੀ ਸਮਝ ਚੋ' ਬਾਹਰ ਹੈ ,
ਕਦ ਬਦਲਿਆ ਸਾਲ ਸਾਲ ਅੰਦਰ।
ਹੁੰਦੀ ਰਹਿਮੋ ਕਰਮ ਮਿਲਦਾ ਪਿਆਰ,
ਸੋਹਣੀ ਜਿੰਦਗੀ ਜੀ ਲੈਦਾ ,
'ਦਰਦੀ'  ਸੱਚ ਉਸਦੇ ਜਲਾਲ ਅੰਦਰ ।
ਸ਼ਿਵਨਾਥ ਦਰਦੀ ਫ਼ਰੀਦਕੋਟ
  ਫਿਲਮ ਜਰਨਲਿਸਟ
ਸੰਪਰਕ:- 9855155392

ਅੱਜ ਪੰਜਾਬੀ ਸਿਨੇਮਾ ਪੂਰੇ ਜੋਬਨ ਤੇ ਹੈ ਨਿੱਤ ਨਵੀਆਂ ਪੈੜਾਂ ਸਿਰਜ ਰਿਹਾ ਹੈ। ਨਿੱਤ ਦਿਨ ਪੰਜਾਬੀ ਮੂਵੀਜ਼ ਪਾਲੀਵੁੱਡ ਵਿੱਚ ਨਵਾਂ ਇਤਿਹਾਸ ਸਿਰਜ ਰਹੀ । ਛੋਟੇ ਪਰਦੇ ਤੇ ਕੰਮ ਕਰਦੇ ਕਲਾਕਾਰਾਂ ਨੂੰ ਆਪਣਾ ਭਵਿੱਖ ਉੱਜਵਲ ਦਿੱਖ ਰਿਹਾ ਹੈ। ਓਨਾਂ ਦੇ ਸੁਪਨੇ ਸਾਕਾਰ ਹੋ ਰਹੇ ਅਤੇ ਆਸ ਬੱਝ ਚੁੱਕੀ ਹੈ।
  ਪੰਜਾਬੀ ਸਿਨੇਮਾ ਦੇ ਮੰਨੇ ਪ੍ਰਮੰਨੇ ਲੇਖਕ ਤੇ ਨਿਰਦੇਸ਼ਕ 'ਜਗਦੀਪ ਔਲਖ' , ਜਿੰਨਾ ਦੀ ਪੰਜਾਬੀ ਸਿਨੇਮਾ ਨੂੰ ਵਡਮੁੱਲੀ ਦੇਣ ਹੈ। ਓਹ ਪੰਜਾਬੀ ਸਿਨੇਮਾ ਨੂੰ ਰੋਮਾਂਟਿਕ ਤੇ ਫੁੱਲ ਕਮੇਡੀ "ਹਮਰੇ ਸਰਦਾਰ ਜੀ" ਪੰਜਾਬੀ ਸਿਨੇਮਾ ਪ੍ਰੇਮੀਆਂ ਦੇ ਸਨਮੁੱਖ ਰੱਖ ਰਹੇ। ਇਹ ਪੰਜਾਬੀ ਮੂਵੀ 1 ਫਰਵਰੀ "ਮਿੱਟਸ ਮੂਵੀਜ਼ ਚੈਨਲ" ਤੇ ਰੀਲੀਜ਼ ਹੋਣ ਜਾ ਰਹੀ। ਇਸ ਦੇ ਲੇਖਕ ਤੇ ਨਿਰਦੇਸ਼ਕ ਜਗਦੀਪ ਔਲਖ ਅਤੇ ਨਿਰਮਾਤਾ ਗੁਰਚਰਨ ਢਪਾਲੀ, ਗੁਰਮੀਤ ਸਿੰਘ ਤੇ ਰਾਜਵੀਰ ਕੌਰ ਹਨ।
    ਇਸ ਪੰਜਾਬੀ ਮੂਵੀ 'ਚ ਲੀਡ ਭੂਮਿਕਾ ਦਰਸ਼ਨ ਘਾਰੂ,ਜਗਮੀਤ ਸਿੱਧੂ ,ਰਮਨਦੀਪ ਕੌਰ, ਐਰੀ ਝਿੰਜਰ,ਗੁਰਵਿੰਦਰ ਸਰਮਾਂ,ਰਾਜਵਿੰਦਰ ਕੌਰ, ਗਗਨ ਧਾਲੀਵਾਲ, ਸੁੱਖਾ ਗਿੱਲ ਹਨ।
ਇਸਨੂੰ ਸੰਗੀਤ ਟੀਊਨਸਮਿੱਥ ਨੇ ਦਿੱਤਾ।
   ਲੇਖਕ ਤੇ ਨਿਰਦੇਸ਼ਕ ਜਗਦੀਪ ਔਲਖ ਨੇ ਆਪਣੀ ਇਸ ਕਹਾਣੀ ਪੰਜਾਬ ਛੱਡ ਨੌਜਵਾਨ ਮੁੰਡੇ ਕੁੜੀਆਂ ਬਾਹਰਲੇ ਦੇਸਾਂ ਚ' ਪ੍ਰਵਾਸ ਕਰ ਰਹੇ । ਇਹ ਪੰਜਾਬ ਦਾ ਦੁਖਾਂਤ ਦ੍ਰਿਸ਼ ਪੇਸ਼ ਕੀਤਾ ਹੈ। ਜਿਹੜੇ ਘੱਟ ਪੜੇ ਲਿਖੇ ਓਹ ਪ੍ਰਾਈਵੇਟ ਕੰਪਨੀਆਂ ਕੰਮ ਓਥੇ ਹੀ ਨਾਲ ਕੰਮ ਕਰਦੇ ਵਿਆਹ ਬੰਧਨ ਵਿਚ ਬੱਝ ਜਾਂਦੇ ।
   ਇਸ ਕਹਾਣੀ ਦੇ ਮੁੱਖ ਪਾਤਰ ਕਰਮਾਂ ਜੋ ਕਿ ਬਹੁਤ ਘੱਟ ਪੜਿਆਂ ਲਿਖਿਆਂ ਹੈ। ਖੇਤਾਂ ਵਿੱਚ ਕੰਮ ਕਰਦਾ । ਦੂਜੀ ਮੁੱਖ ਪਾਤਰ ਰਾਣੀ ਜੋ ਬਿਹਾਰ ਦੇ ਰਹਿਣ ਵਾਲੀ ,ਆਪਣੇ ਰਿਸ਼ਤੇਦਾਰ ਕੋਲ ਰਹਿਣ ਆਉਦੀ ਹੈ । ਇਸੇ ਉਸਦੇ ਪ੍ਰੇਮ ਸੰਬੰਧ ਮੁੱਖ ਪਾਤਰ ਕਰਮੇ ਨਾਲ ਬਣ ਜਾਂਦੇ ਅਤੇ ਮਾਪਿਆਂ ਨੂੰ ਮਜਬੂਰਨ ਦੋਨਾਂ ਦਾ ਵਿਆਹ ਕਰਨਾ ਪੈਦਾ ਹੈ । ਅੱਗੇ ਕੀ ਹੁੰਦਾ ਹੈ, ਇੱਕ ਫਰਵਰੀ ਨੂੰ "ਹਮਰੇ ਸਰਦਾਰ ਜੀ" ਪੰਜਾਬੀ ਮੂਵੀ ਦੇਖ ਪਤਾ ਲੱਗੇ। ਸਮੁੱਚੀ ਟੀਮ ਨੂੰ ਮੁਬਾਰਕਬਾਦ। ਆਮੀਨ
   ਸ਼ਿਵਨਾਥ ਦਰਦੀ ਫ਼ਰੀਦਕੋਟ
       ਫਿਲਮ ਜਰਨਲਿਸਟ
   ਸੰਪਰਕ:- 9855155392

ਪੰਜਾਬੀ ਫਿਲਮ ਇੰਡਸਟ੍ਰੀਜ਼ ਦੀ ਬਹੁ ਚਰਚਿਤ ਨਾਮ ਨਿਰਮਾਤਾ-ਨਿਰਦੇਸ਼ਕ ਭਗਵੰਤ ਸਿੰਘ ਕੰਗ ਜੀ , ਜਿੰਨਾ ਦੀ ਮੰਝੀ ਹੋਈ ਨਿਰਦੇਸ਼ਨਾ ਨੇ ,ਕਈ ਪੰਜਾਬੀ ਫਿਲਮਾਂ , ਗੀਤਾਂ ਦੇ ਫਿਲਮਾਂਕਣ ਤੇ ਪੰਜਾਬੀ ਵੈਬ ਸੀਰੀਜ਼ ਨੂੰ ਅੰਜਾਮ ਤੱਕ ਪਹੁੰਚਾਇਆ । ਅੱਜ ਓਨਾਂ ਦੇ ਕੰਮ ਨੂੰ ਬਹੁਪੱਖੀ ਹੁੰਗਾਰਾਂ ਮਿਲ ਰਿਹਾ। ਅੱਜ ਓਨਾਂ ਨੂੰ ਬੇਹਤਰੀਨ ਤੇ ਸਫਲ ਨਿਰਮਾਤਾ-ਨਿਰਦੇਸ਼ਕ ਕਿਹਾ ਜਾ ਸਕਦਾ । ਕਿਉਕਿ ਉਹ ਪੰਜਾਬੀ ਸਿਨੇਮਾ ਨੂੰ ਪਿਆਰ ਕਰਨ ਵਾਲਿਆਂ ਦੇ ਨਜ਼ਰੀਏ ਨੂੰ ਭਲੀਭਾਂਤ ਜਾਣਦੇ ਹਨ । ਨਿਰਮਾਤਾ-ਨਿਰਦੇਸ਼ਕ ਭਗਵੰਤ ਸਿੰਘ ਕੰਗ ਜੀ ਦੇ ਨਾਲ ਨਾਮਵਰ ਨਿਰਮਾਤਾ ਪਰਮਜੀਤ ਸਿੰਘ ਨਾਗਰਾ ਬਹੁਤ ਜਲਦ, ਪੰਜਾਬੀ ਵੈਬ ਸੀਰੀਜ " ਮੁਰਗਾਬੀਆਂ" ਲੈ ਕੇ ਆ ਰਹੇ। ਇਸ ਵਿਚ ਓਨਾਂ ਨਾਲ ਸਹਿ ਨਿਰਮਾਣਕਾਰ ਲਖਵਿੰਦਰ ਜਟਾਣਾ ,ਗੁਰਪ੍ਰੀਤ ਵੜੈਚ ,ਅਮਨ ਚਾਹਲ ਅਤੇ ਜੁਗਰਾਜ ਮਰਾਹੜ ਹਨ। ਡੀ.ਪੀ.ਓ ਜਸਜੋਤ ਗਿੱਲ। ਪੰਜਾਬੀ ਵੈਬ ਸੀਰੀਜ਼ ਕਹਾਣੀ ਦਾਤ ' ਜਸਵਿੰਦਰ ਪੰਜਾਬੀ' ਦੀ ਹੈ।
   ਪੰਜਾਬੀ ਵੈਬ ਸੀਰੀਜ਼ ਦੀ ਕਹਾਣੀ ਦੋ ਪੱਖ ਬਰੋਬਰ ਚਲਦੀ ਹੈ। ਇੱਕ ਅਲ੍ਹੱਭੜ ਮੁਟਿਆਰ, ਜੋ ਕਿ ਡੇਰੇ ਦੇ ਸ਼ਰਧਾਲੂ ਪਰਿਵਾਰ ਵਿਚੋ ਹੈ। ਉਸ ਅਲ੍ਹੱਭੜ ਮੁਟਿਆਰ ਉਸੇ ਡੇਰੇ ਦੇ ਸ਼ਰਧਾਲੂ ਮਾਸਟਰ ਸਰੀਰਕ ਸੰਬੰਧ ਬਣਾਉਂਦਾ ਹੈ। ਫਿਰ ਸੁਰੂ ਹੁੰਦੀ ਹੈ ,ਮੁਟਿਆਰ ਦੇ ਜੀਵਨ ਦੇ ਨਰਕ ਦਾਸਤਾਂ ! ਇਸੇ ਤਰਾਂ ਪੰਜਾਬੀ ਵੈਬ ਸੀਰੀਜ਼ ਵਿਚ ਦਿਖਾਇਆ ਗਿਆ, ਕਿਵੇਂ ਵੱਡੇ ਘਰਾਂ ਦੇ ਜਵਾਕ ਮਾਪਿਆਂ ਦੀ ਮਰਜੀ ਖਿਲਾਫ ਜਾ ਰਹੇ ਹਨ? ਕਿਵੇਂ ਕਹਾਣੀ ਦੀ ਪਾਤਰ ਗੁਰਕੀਰਤ ਤੇ ਜੀਵਨ ਦੀ ਮੁਹੱਬਤ ਵਿਚ ਅਮਰੀਕਾ ਦੇਸ਼ ਰਾਹ ਦਾ ਰੋੜਾ ਬਣ ਖਲੋਦਾ ਹੈ ਅਤੇ ਕਿਵੇਂ ਸਮਾਜ ਦਾ ਧੁਰਾ ਮੰਨਿਆ ਜਾਦਾ , ਲੇਖਕ ਲਾਣਾ ਵੀ ਜਾਤ-ਪਾਤ ਦੇ ਬੰਧਨਾਂ ਵਿਚ ਗਰੱਸਿਆਂ ਹੋਇਆਂ ਹੈ ! ਦੇਖਦੇ ਹਾਂ ਹੋਰ ਕਿੰਨੀਆਂ ਕੁ ਸਮਾਜਿਕ ਪਰਤਾਂ ਖੋਲਦੀ ,ਪੰਜਾਬੀ ਵੈਬ ਸੀਰੀਜ਼ "ਮੁਰਗਾਬੀਆਂ" ?
  ਇਸ ਪੰਜਾਬੀ ਵੈਬ ਸੀਰੀਜ਼ ਵਿਚ ਸਟਾਰ ਕਾਸਟ ਵਜੋਂ ਜੱਸ ਬੋਪਾਰਾਏ, ਐੰਜਲੀਨਾ ਰਾਜਪੂਤ,ਕੇਹਰ ਖਾਨ, ਧੀਰਾ ਮਾਨ, ਸੁਖਦੇਵ ਬਰਨਾਲਾ, ਜਤਿੰਦਰ ਹਾਂਸ, ਕੁਲਬੀਰ ਮੁਸ਼ਕਾਬਾਦ,ਕੁਲਦੀਪ ਪਟਿਆਲਾ, ਕਰਨੈਲ ਦਾਸ,ਸੋਨੂੰ ਕੇਲੋੰ,ਮਨਤਾਜ ਬੇਦੀ,ਸੁਨੀਤਾ ਸਿੰਘ, ਸੁਖਪ੍ਰੀਤ ਸਿੰਘ ਤੇ ਗੁਰਲਾਲ ਮਾਨ ਆਦਿ ।
    ਸ਼ਿਵਨਾਥ ਦਰਦੀ ਫ਼ਰੀਦਕੋਟ
           ਫਿਲਮ ਜਰਨਲਿਸਟ
    ਸੰਪਰਕ:- 9855155392