ਹਮ ਤੋ ਦਰਿਆ ਹੈ  ਹਮੇਂ ਆਪਣਾ ਹੁਨਰ ਮਾਲੂਮ ਹੈ,
ਜਿਸ ਤਰਫ  ਭੀ ਚਲ ਪੜੇਂਗੇ ਰਾਸਤਾ ਹੋ ਜਾਏਗਾ।।
ਮਨੁੱਖ ਸਮਾਜਿਕ ਪ੍ਰਾਣੀ ਹੈ ।ਸਮਾਜ ਵਿੱਚ ਰਹਿੰਦੇ ਹੋਏ ਅਨੇਕਾਂ ਕਾਰਜ ਕਰਦਾ ਹੈ। ਲੇਕਿਨ ਜੋ ਸ਼ਖ਼ਸੀਅਤਾਂ ਸਮਾਜ ਵਿੱਚ ਰਹਿ ਕੇ ਸਮਾਜ ਨੂੰ ਵੀ ਸੇਧ ਪ੍ਰਦਾਨ ਕਰਦੀਆਂ ਹਨ ਤੇ ਦੂਸਰਿਆਂ ਲਈ ਆਪਣਾ ਜੀਵਨ ਸਮਰਪਿਤ ਕਰਦੀਆਂ ਹਨ। ਉਹ ਵਿਲੱਖਣ ਹੁੰਦੀਆਂ ਹਨ, ਖਾਸਕਰ ਸਿੱਖਿਆ ਦੇ ਖੇਤਰ ਨਾਲ ਜੁੜੀਆਂ ਸ਼ਕਤੀਆਂ ਜੋ ਸਾਰੀ ਉਮਰ ਮਨੁੱਖੀ  ਜੀਵਨ ਦੇ ਵਿਕਾਸ ਲਈ ਸਮਰਪਿਤ ਹੁੰਦੀਆਂ ਹਨ ।ਅਜਿਹੀ ਹੀ ਸ਼ਖਸੀਅਤ ਹਨ ਲੈਕਚਰਾਰ ਬਲਰਾਜ ਸਿੰਘ ਜਿਨਾਂ ਨੇ ਤਕਰੀਬਨ 33 ਸਾਲ ਸਿੱਖਿਆ ਵਿਭਾਗ ਰਾਹੀਂ ਵਿਦਿਆਰਥੀਆਂ ਦੇ ਜੀਵਨ ਨੂੰ ਇੱਕ ਨਵੀਂ ਸੇਧ ਪ੍ਰਦਾਨ ਕੀਤੀ। ਆਪ ਜੀ ਦੇ ਮਿਲਾਪੜੇ ਅਤੇ ਨਿੱਘੇ ਸੁਭਾਅ ਨੇ ਵਿਦਿਆਰਥੀਆਂ ਮਾਪਿਆਂ ,  ਸਕੂਲ ਮੈਨੇਜਮੈਂਟ ਕਮੇਟੀਆਂ ,ਪਿੰਡਾਂ  ਦੀਆ ਪੰਚਾਇਤਾਂ , ਪਤਵੰਤੇ ਸੱਜਣਾਂ ਵਿੱਚ ਵਿਸ਼ੇਸ਼ ਪਹਿਚਾਣ ਬਣਾਈ। ਮਾਸਟਰ ਬਲਰਾਜ ਸਿੰਘ ਜੀ ਵੱਲੋਂ ਹਮੇਸ਼ਾ ਹੀ ਵਿਦਿਆਰਥੀਆਂ ਦੀ ਮਦਦ ਲਈ ਤਤਪਰ ਰਹਿਣ ਦੀ ਰੁੱਚੀ ਨੇ ਇਹਨਾਂ ਨੂੰ ਸਿੱਖਿਆ ਦੇ ਖੇਤਰ ਵਿੱਚ ਵਿਸ਼ੇਸ਼ ਬਣਾ ਦਿੱਤਾ। ਲੈਕਚਰਾਰ ਬਲਰਾਜ ਸਿੰਘ ਦਾ ਜਨਮ  4 ਅਗਸਤ 1968 ਨੂੰ ਸਰਦਾਰ ਮੇਜਰ ਸਿੰਘ ਦੇ ਘਰ ਮਾਤਾ ਰਣਜੀਤ ਕੌਰ ਦੀ ਕੁੱਖੋਂ ਹੋਇਆ। ਮੁਢਲੀ ਵਿਦਿਆ ਆਦਰਸ਼ ਮਾਡਲ ਹਾਈ ਸਕੂਲ ਸੰਗਰੂਰ ਤੋਂ ਪ੍ਰਾਪਤ ਕਰਦੇ ਹੋਏ ਐਲੀਮੈਂਟਰੀ ਟ੍ਰੇਨਿੰਗ ਕੋਰਸ ਨਾਭਾ ਤੋ ਕਰਨ ਉਪਰੰਤ ਐਮ.ਏ ,ਬੀ.ਐਡ ਪੰਜਾਬੀ  ਯੂਨੀਵਰਸਿਟੀ ਪਟਿਆਲਾ ਤੋਂ ਕੀਤੀ। ਸਿੱਖਿਆ ਵਿਭਾਗ ਵਿੱਚ ਸਾਲ 1993 ਵਿੱਚ ਸਰਕਾਰੀ ਪ੍ਰਾਇਮਰੀ ਸਕੂਲ   ਤੱਕੀਪੁਰ, ਜ਼ਿਲ੍ਹਾ ਸੰਗਰੂਰ ਤੋਂ  ਆਰੰਭ ਕਰਦੇ ਹੋਏ ਸਰਕਾਰੀ ਪ੍ਰਾਇਮਰੀ ਸਕੂਲ ਭੈਣੀ ਮਹਿਰਾਜ ਵਿੱਚ ਬਤੌਰ ਪ੍ਰਾਇਮਰੀ ਮਾਸਟਰ ਆਪਣੀਆਂ ਸੇਵਾਵਾਂ ਦਿੱਤੀਆਂ। ਪਦਉੱਨਤ ਤੋ ਹੋ ਕੇ ਬਤੌਰ ਹਿੰਦੀ ਮਾਸਟਰ ਸਰਕਾਰੀ ਹਾਈ ਸਕੂਲ ਸਾਹੋਕੇ- ਢੱਡਰੀਆਂ ਵਿਖੇ ਕਾਰਜ ਕਰਦੇ ਹੋਏ ਸਰਕਾਰੀ ਪ੍ਰਾਇਮਰੀ ਸਕੂਲ ਢੱਡਰੀਆਂ ਦੇ ਵਿਦਿਆਰਥੀ ਜੋ ਛੇਵੀਂ ਕਲਾਸ ਵਿੱਚ ਆਪ ਜੀ ਦੇ ਪਾਸ ਆ ਜਾਂਦੇ ਸਨ ਉਹਨਾਂ ਨੂੰ ਵੱਖ ਵੱਖ ਵਿਦਿਅਕ ਮੁਕਾਬਲਿਆਂ ਰਾਹੀਂ ਸਟੇਟ ਪੱਧਰ ਤੱਕ ਲੈ ਕੇ ਗਏ ਅਤੇ ਪੁਜੀਸ਼ਨਾਂ ਹਾਸਿਲ ਕੀਤੀਆਂ। ਜ਼ਿਕਰ ਯੋਗ ਆਪ ਜੀ ਦੇ ਕਾਰਜਕਾਲ ਦੇ ਸਮੇਂ ਵੱਖ ਵੱਖ ਪਿੰਡਾਂ ਦੇ ਵਿਦਿਆਰਥੀ ਵਿਸ਼ੇਸ਼ ਤੌਰ ਤੇ ਆਪ ਜੀ ਇਸ ਸਕੂਲ ਵਿੱਚ ਦਾਖਲਾ ਲੈਂਦੇ ਰਹੇ। ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਭੈਣੀ ਮਹਿਰਾਜ  ਵਿਖੇ ਆਪਣੀਆਂ ਸੇਵਾਵਾਂ ਦਿੱਤੀਆਂ। ਜ਼ਿਕਰ ਯੋਗ ਹੈ ਕਿ ਸਸਸਸ ਭੈਣੀ ਮਹਿਰਾਜ ਵਿਖੇ ਲੰਬਾ ਲੰਬੇ ਸਮੇਂ ਤੱਕ ਬਤੌਰ ਸਕੂਲ ਮੁੱਖੀ ਦੀਆਂ ਸੇਵਾਵਾਂ ਨਿਭਾਉਂਦੇ ਹੋਏ ਸਕੂਲ ਦੇ ਸਰਬਪੱਖੀ ਵਿਕਾਸ ਵਿੱਚ ਅਹਿਮ ਯੋਗਦਾਨ ਪਾਇਆ। ਆਪ ਜੀ ਦੀ ਯੋਗ ਅਗਵਾਈ ਹੇਠ ਵਿਦਿਆਰਥੀਆਂ ਨੇ ਸਿੱਖਿਆ, ਖੇਡਾਂ ਅਤੇ ਸੱਭਿਆਚਾਰਕ ਮੁਕਾਬਲਿਆਂ ਵਿੱਚ ਜ਼ਿਲ੍ਹਾ ਪੱਧਰ ਤੋਂ ਲੈ ਕੇ ਰਾਜ ਪੱਧਰ ਤੱਕ ਪੁਜ਼ੀਸ਼ਨਾਂ ਹਾਸਿਲ ਕੀਤੀਆਂ। ਸਕੂਲ ਦੇ ਇਮਾਰਤੀ ਢਾਂਚੇ ਅਤੇ ਪ੍ਰਸ਼ਾਸ਼ਨਿਕ ਪ੍ਰਬੰਧ ਵੀ ਆਪ ਜੀ ਦੀ  ਕਾਰਜ ਕੁਸ਼ਲਤਾ ਦੀ ਵੱਖਰੀ  ਪਹਿਚਾਣ ਦਿੰਦੇ ਹਨ। ਇਸੇ ਲੜ੍ਹੀ ਤਹਿਤ ਪਿੰਡ ਵਾਸੀਆਂ ਅਤੇ ਮਾਪਿਆਂ ਦੇ ਸਹਿਯੋਗ ਨਾਲ ਵ ਤਕਰੀਬਨ 10 ਲੱਖ ਰੁਪਏ ਇਕੱਤਰ ਕਰਕੇ ਸਕੂਲ ਦੀ ਚਾਰਦੀਵਾਰੀ ਕਰਵਾਈ ਅਤੇ ਸਕੂਲ ਵਿੱਚ ਅਨੁਸ਼ਾਸਨ ਪੈਦਾ ਕੀਤਾ । ਜਿੱਥੇ ਆਪ ਜੀ ਦੇ ਕਾਰਜ ਸਿੱਖਿਆ ,ਸਮਾਜ ਸੇਵਾ ਦੇ ਖੇਤਰ ਵਿੱਚ ਸ਼ਲਾਘਾਯੋਗ ਯੋਗ ਹਨ। ਨਾਲ ਹੀ ਜਥੇਬੰਦਕ ਤੌਰ ਤੇ ਅਧਿਆਪਕਾਂ ਦੀ ਆਵਾਜ਼ ਨੂੰ ਬੁਲੰਦ ਕਰਨ ਵਿੱਚ ਵੀ ਵੱਡਾ ਯੋਗਦਾਨ ਦਿੱਤਾ ।ਸਾਲ 2013 ਵਿੱਚ ਬਤੌਰ ਬਲਾਕ ਪ੍ਰਧਾਨ ਚੀਮਾ ਮਾਸਟਰ  ਕਾਡਰ ਯੂਨੀਅਨ ਪੰਜਾਬ  ਵਿੱਚ ਹਮੇਸ਼ਾ ਜਥੇਬੰਦਕ ਮੁੱਦਿਆਂ ਤੇ ਆਪਣੇ ਅਧਿਆਪਕ ਸਾਥੀਆਂ ਨੂੰ ਲਾਮਬੰਦ ਕਰਦੇ ਰਹੇ। ਨਾਲ ਹੀ ਆਪ ਜੀ ਦੇ ਲੇਖ ਚਲੰਤ ਮਾਮਲਿਆਂ ਉੱਪਰ ਪੰਜਾਬੀ ਟ੍ਰਿਬਿਊਨ ,ਅਜੀਤ ਆਦਿ  ਅਖਬਾਰਾਂ ਵਿੱਚ ਛਪਦੇ ਰਹੇ ਸਾਲ 2024 ਵਿੱਚ ਬਤੌਰ ਲੈਕਚਰਾਰ  ਹਿਸਟਰੀ ਪਦਉੱਨਤ  ਹੋ ਕੇ ਸਰਕਾਰੀ ਸੀਨੀਅਰ  ਸੈਕੰਡਰੀ ਸਕੂਲ ਚੰਗਾਲ  ਜ਼ਿਲ੍ਹਾ ਸੰਗਰੂਰ ਵਿਖੇ ਜੁਆਇਨ ਕੀਤਾ । ਇਸੇ ਸਥਾਨ ਤੇ ਸੇਵਾਵਾਂ ਦਿੰਦੇ ਹੋਏ ਅੱਜ 31 ਅਗਸਤ 2026 ਨੂੰ ਸੇਵਾ ਮੁਕਤ ਹੋ ਰਹੇ ਹਨ। ਸੇਵਾ ਮੁਕਤੀ ਜੀਵਨ ਦਾ ਅੰਤ ਨਹੀਂ ਇਹ ਜੀਵਨ ਦਾ ਇੱਕ ਨਵਾਂ ਦੌਰ ਸ਼ੁਰੂ ਹੋਣਾ ਹੈ। ਜੋ ਕਾਰਜ ਸਮਾਜ ਸੇਵਾ ਦੇ ਰਹਿ ਗਏ ਹਨ ਉਹਨਾਂ ਨੂੰ ਪੂਰਾ ਕਰਨਾ ਹੈ। ਬਸ਼ੀਰ ਬਦਰ ਦੇ ਸ਼ੇਅਰ ਅਨੁਸਾਰ "ਚਿਰਾਗੋਂ ਕੋ ਆਂਖੋਂ ਮੇ ਮਹਿਫੂਜ਼ ਰਖਨਾ ,ਬੜੀ ਦੂਰ ਤੱਕ ਕੀ ਰਾਤ ਹੋਗੀ"ਆਸ ਕਰਦੇ  ਕਿ ਤੁਸੀਂ ਹਮੇਸ਼ਾ ਹੀ ਸਿੱਖਿਆ, ਸਮਾਜ ਸੇਵਾ ਅਤੇ ਆਪਸੀ ਭਾਈਚਾਰੇ ਲਈ ਹਮੇਸ਼ਾ ਕਾਰਜ ਕਰਦੇ ਰਹੋਗੇ ਤੇ ਆਪਣੇ ਤਜਰਬੇ ਰਾਹੀਂ ਨੌਜਵਾਨ ਵਰਗ ਨੂੰ ਨਵੀਂ ਦਿਸ਼ਾ ਪ੍ਰਦਾਨ ਕਰੋਗੇ।

ਜੈ ਹਿੰਦ।।
ਅਵਨੀਸ਼ ਲੋਗੋਂਵਾਲ 
ਸਟੇਟ ਅਵਾਰਡੀ ਪੰਜਾਬ 
ਜ਼ਿਲ੍ਹਾ  ਸੰਗਰੂਰ/ਬਰਨਾਲਾ
7888346465

ਨਸ਼ਿਆਂ ਦੀ ਸਮੱਸਿਆ ਹਰ ਜਗਾ ਤੇ ਗੰਭੀਰ ਸਮੱਸਿਆ ਬਣੀ ਹੋਈ ਹੈ। ਨੌਜਵਾਨ, ਬੱਚੇ ਸਭ ਤੋਂ ਵੱਧ ਪ੍ਰਭਾਵਿਤ ਹਨ, ਨੌਜਵਾਨ ਵਰਗ ਵਿੱਚ ਨਸ਼ਿਆਂ ਦਾ ਪ੍ਰਭਾਵ ਤੇਜੀ ਨਾਲ ਵਧ ਰਿਹਾ ਹੈ, ਜਿਸ ਨਾਲ ਹਿੰਸਕ ਘਟਨਾਵਾਂ, ਅਪਰਾਧ ਵਿੱਚ ਵਾਧਾ ਹੋ ਰਿਹਾ ਹੈ। ਨਸ਼ਿਆਂ ਦੇ ਅਨੇਕਾਂ ਪ੍ਰਭਾਵ ਹਨ, ਜਿਵੇਂ ਬੇਰੋਜਗਾਰੀ, ਗਰੀਬੀ, ਧਨ ਦਾ ਲਾਲਚ, ਤੇਜੀ ਨਾਲ ਤਰੱਕੀ ਕਰਨ ਦੀ ਲਾਲਸਾ ਆਦਿ ਪਰ ਪੰਜਾਬ ਵਰਗੇ ਖੁਸ਼ਹਾਲ ਸੂਬੇ ਵਿੱਚ ਸੱਭਿਆਚਾਰ ਦੇ ਨਾਂ ਤੇ ਪਰੋਸੇ ਜਾ ਰਹੇ ਗੀਤ ਵਿੱਚ ਹਥਿਆਰ, ਨਸ਼ਾ ਆਦਿ ਦਾ ਵਰਨਣ ਹੁੰਦਾ ਹੈ। ਸਭ ਤੋਂ ਵੱਡਾ ਕਾਰਨ ਹੈ, ਅਜਿਹੇ ਗੀਤ ਨੌਜਵਾਨ ਪੀੜੀ ਦੇ ਦਿਮਾਗ ਤੇ ਛਾਏ ਹੋਏ ਹਨ ਅਤੇ ਅਜਿਹੇ ਗੀਤ ਗਾਉਣ ਵਾਲੇ ਨੌਜਵਾਨ ਪੀੜੀ ਦੇ ਆਦਰਸ਼ ਹਨ, ਨੌਜਵਾਨ ਪੀੜੀ ਵਿੱਚ ਨਸ਼ਾ ਇੱਕ ਫੈਸ਼ਨ ਬਣ ਗਿਆ ਹੈ, ਦੇਸੀ ਅਤੇ ਵਿਦੇਸੀ ਨਸ਼ੇ ਦੀ ਮਾਤਰਾ ਲਗਾਤਾਰ ਵਧ ਰਹੀ ਹੈ। ਪਰ ਸਖਤੀ ਦੀ ਘਾਟ, ਕਾਨੂੰਨੀ ਦਾਅ-ਪੇਚ ਦੀ ਗੁੰਝਲਦਾਰ ਹੋਣ ਕਾਰਨ ਨਸ਼ਿਆਂ ਦਾ ਕਾਰੋਬਾਰ ਵਧ ਰਿਹਾ ਹੈ।
ਨਸ਼ਿਆਂ ਵਿਰੋਧੀ ਕੇਂਦਰ ਸਰਕਾਰ ਅਤੇ ਸੂਬਾ ਸਰਕਾਰ ਸਦਾ ਯਤਨਸ਼ੀਲ ਕਾਰਜ ਕਰ ਰਹੀ ਹੈ ਅਤੇ ਸਖਤ ਕਾਨੂੰਨ ਵੀ ਬਣਾਏ ਜਾ ਰਹੇ ਹਨ, ਇਸੇ ਲੜੀ ਤਹਿਤ ਨਾਰਕੋਟੈਕਸ ਡਰੱਗਜ ਅਤੇ ਸੈਕੋਟਰਪੋਕ ਸਬਸਸਟੈਨਸ ਐਕਟ 1985 ਤਹਿਤ ਘਰੇਲੂ ਪੱਧਰ ਤੇ ਕਿਸੇ ਗਾਰਡਨ, ਬਗੀਚੀ ਵਿੱਚ ਨਸ਼ੀਲੀ ਚੀਜ ਬੀਜਣ ਤੇ, ਵੱਡੀ ਮਾਤਰਾ ਵਿੱਚ ਨਸ਼ਾ ਕਰਨ ਵਾਲੇ ਵੱਲੋਂ ਨਸ਼ਾ ਰੱਖਣ ਤੇ ਨਸ਼ੇ ਦੀ ਸਪਲਾਈ ਲਈ ਕੰਮ ਕਰਨ ਤੇ ਸਖਤ ਸਜਾ ਦਾ ਪ੍ਰਬੰਧ ਕੀਤਾ ਗਿਆ ਹੈ, ਲਗਾਤਾਰ ਨਸ਼ੇ ਵਿੱਚ ਕਾਰੋਬਾਰ ਵਿੱਚ ਪਕੜੇ ਜਾ ਤੇ ਮੌਤ ਦੀ ਸਜਾ ਦਾ ਵਰਨਣ ਵੀ ਕੀਤਾ ਗਿਆ ਹੈ। ਨਸ਼ਾ ਵਿਰੋਧੀ ਦਿਵਸ ਦੀ ਸਾਰਥਕਤਾ ਤਾਂ ਹੀ ਹੈ ਜੇਕਰ ਇਸ ਨੂੰ ਪੂਰੀ ਤਰ੍ਹਾਂ ਰੋਕਿਆ ਜਾ ਸਕੇ ਅਤੇ ਇਸ ਦੇ ਮਾੜੇ ਪ੍ਰਭਾਵ ਸੰਬੰਧੀ ਜਾਗਰੂਕ ਕੀਤਾ ਜਾ ਸਕੇ। ਪੰਜਾਬ ਦਾ ਸਿੱਖਿਆ ਵਿਭਾਗ ਬੜੀ ਗਰੁੱਪ ਜਾਗਰੂਕਤਾ ਅਭਿਆਨ ਰਾਹੀਂ ਨਸ਼ੇ ਦੇ ਮਾੜੇ ਪ੍ਰਭਾਵ ਸੰਬੰਧੀ ਵਿਦਿਆਰਥੀ ਵਰਗ ਨੂੰ ਲਗਾਤਾਰ ਜਾਗਰੂਕ ਕਰ ਰਿਹਾ ਹੈ, ਇਸ ਅਭਿਆਨ ਰਾਹੀਂ ਜਿੱਥੇ ਵਿਦਿਆਰਥੀ ਖੁਦ ਜਾਗਰੂਕ ਹੋ ਰਹੇ ਹਨ ਉੱਥੇ ਆਪਣੇ ਆਲੇ ਦੁਆਲੇ ਦੇ ਲੋਕਾਂ ਨੂੰ ਵੀ ਬੜੀ ਗਰੁੱਪਾਂ ਰਾਹੀਂ ਜਾਗਰੂਕ ਕਰ ਰਹੇ ਹਨ।
ਅੰਕੜਿਆਂ ਅਨੁਸਾਰ ਨਸ਼ੇੜੀ ਬਣ ਰਹੇ ਨੌਜਵਾਨਾਂ ਦੀ ਉਮਰ ਕਰੀਬ 12 ਤੇ 38 ਸਾਲ ਤੱਕ ਦੇ ਵਿਚਕਾਰ ਹੈ। ਇਸਤੋਂ ਬਾਅਦ ਹੋਰ ਪੱਕੇ ਨਸ਼ੇੜੀ ਬਣ ਜਾਂਦੇ ਹਨ, ਜੇਕਰ ਸਮੇਂ ਤੇ ਹੀ ਜਾਗਰੂਕ ਕੀਤਾ ਜਾਵੇ ਤਾਂ ਕੀਮਤੀ ਜੀਵਨ ਬਚਾਇਆ ਜਾ ਸਕਦਾ ਹੈ। ਵਧੇਰੇ ਤੌਰ ਤੇ ਸਮੈਕ, ਚਰਸ, ਅਫੀਮ, ਗਾਂਜਾ, ਸ਼ਰਾਬ, ਗੁਟਕਾ, ਤੰਬਾਕੂ, ਬੀੜੀ, ਸੀਗਰੇਟ ਦੇ ਨਾਲ ਮੈਡੀਕਲ ਨਸ਼ਿਆਂ ਦੀ ਵਰਤੋਂ ਕਰਦੇ ਹਨ ਅਤੇ ਨਸ਼ੇ ਦੇ ਟੀਕੇ ਲਗਾਉਣ ਦਾ ਪ੍ਰਚਲਣ ਵੀ ਤੇਜੀ ਨਾਲ ਵਧ ਰਿਹਾ ਹੈ।
ਨਸ਼ੇ ਦੇ ਵਧਦੇ ਪ੍ਰਭਾਵ ਨੂੰ ਰੋਕਣ ਲਈ ਕਾਨੂੰਨੀ ਸਖਤੀ ਦੇ ਨਾਲ ਨਾਲ ਸਹਿਚਾਰ, ਆਪਸੀ ਸਮਝ, ਪਿਆਰ ਦੀ ਭਾਵਨਾ, ਸਮਾਜਿਕ ਸਹਿਣਸ਼ੀਲਤਾ ਦੀ ਵੀ ਲੋੜ ਹੈ, ਨਸ਼ਾ ਮੁਕਤ ਸਮਾਜ ਦੀ ਸਥਾਪਨਾ ਲਈ ਸਮਾਜਿਕ ਅਤੇ ਭਾਈਚਾਰਕ ਸਾਂਝ ਵੀ ਜਰੂਰੀ ਹੈ। ਸੰਯੁਕਤ ਰਾਸ਼ਟਰ ਸੰਘ ਵੀ ਨਸ਼ੇ ਦੀ ਸਮੱਸਿਆ ਦੇ ਹੱਲ ਲਈ ਨਸ਼ੇ ਦੀ ਦਲਦਲ ਵਿੱਚ ਫਸੇ ਨੌਜਵਾਨਾਂ ਦੇ ਲਈ ਪਿਆਰ ਅਤੇ ਉਚਿਤ ਸਮਾਂ ਦੇਣ ਦੀ ਗੱਲ ਕਰ ਰਿਹਾ ਹੈ। ਆਓ ਸਮੇਂ ਦੀ ਲੋੜ ਅਨੁਸਾਰ ਨਸ਼ਾ ਵਿਰੋਧੀ ਅਭਿਆਨ ਨੂੰ ਹੋਰ ਤੇਜ ਕਰੀਏ।
ਜੈ ਹਿੰਦ
ਅਵਨੀਸ਼ ਕੁਮਾਰ ਲੌਂਗੋਵਾਲ
9463126465