Major Singh

'ਫੇਸਬੁੱਕ ਬੋਲੀਆਂ' - ਮੇਜਰ ਸਿੰਘ ਬੁਢਲਾਡਾ

*ਬਈ ਫੇਸਬੁੱਕ ਮੰਚ ਮਿਲ ਗਿਆ ਸਾਨੂੰ,
ਜਿਥੇ ਮਨ ਮਰਜੀ ਦੀਆਂ ਪੋਸ਼ਟਾਂ ਪਾਈਏ।
ਸੱਜਣਾਂ ਨਾਲ ਦੁੱਖ-ਸੁੱੱਖ ਕਰਕੇ,
ਹੋਲੇ ਫੁੱਲ ਵਰਗੇ ਹੋ ਜਾਈਏ।
ਹੱਸੀਏ ਖੇਡੀਏ ਪਾਈਏ ਬੋਲੀਆਂ,
ਗੀਤ ਸ਼ੌਕ ਦੇ ਗਾਈਏ।
ਸੱਜਣੋ ਖੁਸ਼ ਰਹੀਏ,
ਨਾ ਕਿਸੇ ਦਿਲ ਦੁਖਾਈਏ।
ਸੱਜਣੋ ਖੁਸ਼ ਰਹੀਏ ...।
*ਫੇਸਬੁੱਕ ਮੰਚ ਮਿਲ ਗਿਆ ਸੱਜਣਾਂ,
ਦੇ ਲਾ ਸ਼ੌਂਕ ਦੇ ਗੇੜੇ।
ਦੂਰ ਦੁਰਾਡੇ ਬੈਠੇ ਸੱਜਣ,
ਕਰ ਦਿਤੇ ਨੇੜੇ ਨੇੜੇ।
ਚੰਗੇ ਮਿੱਤਰਾਂ ਨੂੰ,
ਚੰਗੇ ਮਿਲਦੇ ਮਿੱਤਰ ਵਧੇਰੇ।
ਚੰਗੇ ਮਿੱਤਰਾਂ ਨੂੰ...।
*ਫੇਸਬੁੱਕ ਮੰਚ ਮਿਲ ਗਿਆ ਸੱਜਣਾਂ,
ਇਥੇ ਮਿਲਦੇ ਮਿੱਤਰ ਵਧੇਰੇ।
ਬੜੇ ਗਿਆਨੀ ਧਿਆਨੀ ਇਥੇ,
ਮਿਲਦੇ ਬੁਝੜ ਵੀ ਲੋਕ ਵਧੇਰੇ।
ਇਹ ਤੈਨੇ ਤਹਿ ਕਰਨਾ,
ਮਿੱਤਰ ਬਣਾਉਣੇ ਕਿਹੜੇ?
ਇਹ ਤੈਨੇ ਤਹਿ ਕਰਨਾ...।
*ਫੇਸਬੁੱਕ ਇਕ ਦਰਿਆ ਦੇ ਵਾਂਗਰ,
ਜਿਥੇ 'ਹੰਸ' ਲੱਭਦੇ ਰਹਿੰਦੇ ਮੋਤੀ।
'ਬਗਲੇ' ਲੱਭਦੇ ਡੱਡੂ ਮੱਛੀਆਂ,
ਕਿਸਮਤ ਜਿੰਨ੍ਹਾਂ ਦੀ ਖੋਟੀ।
ਉਹਨਾਂ ਨੂੰ ਕੀ ਮਿਲਣਾ?
ਅਕਲ ਜਿੰਨ੍ਹਾਂ ਦੀ ਮੋਟੀ।
ਉਹਨਾਂ ਨੂੰ ਕੀ ਮਿਲਣਾ...।
ਮੇਜਰ ਸਿੰਘ ਬੁਢਲਾਡਾ
94176 42327

"ਬੇਟੀ ਪੜ੍ਹਾਓ ਬੇਟੀ ਬਚਾਓ" - ਮੇਜਰ ਸਿੰਘ ਬੁਢਲਾਡਾ


'ਝਾੜਖੰਡ' ਦੀ ਭਾਜਪਾ ਆਗੂ 'ਸੀਮਾ ਪਾਤਰਾਂ' ਨੇ,
ਅਪਾਹਜ ਕਬਾਇਲੀ ਔਰਤ ਨੂੰ ਬੰਦੀ ਬਣਾਇਆ ਲੋਕੋ।
ਕ‌ਈ ਕ‌ਈ ਦਿਨ ਰੱਖਕੇ ਭੁੱਖੀ ਇਸ ਔਰਤ ਨੂੰ,
ਜਿਨਾਂ ਹੋ ਸਕਿਆ ਜ਼ੁਲਮ ਗਿਆ ਢਾਇਆ ਲੋਕੋ।
ਦੰਦ ਤੋੜ ਦਿਤੇ ਇਹਦੇ ਮਾਰ-ਮਾਰ ਰਾੜਾ,
ਪਿਸ਼ਾਬ ਫਰਸ਼ ਤੋਂ ਨਾਲ ਜੀਭ ਚਟਵਾਇਆ ਲੋਕੋ।
ਨਰਕ ਭਰੀ ਜ਼ਿੰਦਗੀ ਜਿਉਣ ਲਈ ਮਜ਼ਬੂਰ ਕੀਤੀ,
ਬੇਟੀ 'ਮਨੂੰ' ਦੀ ਨੇ ਤਰਸ ਨਾ ਖਾਇਆ ਲੋਕੋ।
ਮੇਜਰ "ਬੇਟੀ ਪੜ੍ਹਾਓ, ਬੇਟੀ ਬਚਾਓ" ਮੁਹਿੰਮ ਦਾ,
ਇਸਨੂੰ ਭਾਜਪਾ ਨੇ ਸਰਪ੍ਰਸਤ ਬਣਾਇਆ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327

'ਬਾਣੀ' - ਮੇਜਰ ਸਿੰਘ ਬੁਢਲਾਡਾ

'ਬਾਣੀਕਾਰਾਂ' ਨੇ ਜੋ 'ਬਾਣੀ' ਵਿੱਚ ਫ਼ੁਰਮਾਇਆ।
ਬਹੁਤਿਆਂ ਦੇ ਉਹ ਸਮਝ ਨਾ ਆਇਆ।
ਅਸਲ ਸਮਝਣ ਦੀ ਨਾ ਕੀਤੀ ਕੋਸ਼ਿਸ਼,
'ਬਾਣੀ' ਵਿੱਚ ਗਿਆ ਕੀ ਸਮਝਾਇਆ।
ਮਨਮਰਜ਼ੀ ਦੇ ਅਰਥ ਕੱਢ ਕੱਢਕੇ,
ਲੋਕਾਂ ਨੂੰ ਇਥੇ ਗਿਆ ਭਰਮਾਇਆ।
'ਬਾਣੀ' ਸਮਝਕੇ ਪੈਣਾ ਸੀ ਰਾਹ ਸਿਧੇ,
ਉਲਟਾ ਹੋਰਾਂ ਨੂੰ ਵੀ ਭਟਕਾਇਆ।
'ਮੇਜਰ' ਉਸ ਦੀ ਤਹਿ ਤੱਕ ਜਾਵੋ,
ਜੋ ਜਾਂਦਾ ਦਿਖਾਇਆ ਅਤੇ ਪੜਾਇਆ।
ਮੇਜਰ ਸਿੰਘ ਬੁਢਲਾਡਾ
94176 42327

ਇਕੱਠੇ ਹੋ ਜਾਓ ਸ਼ੇਰ ਪੰਜਾਬੀਓ! - ਮੇਜਰ ਸਿੰਘ 'ਬੁਢਲਾਡਾ

ਉੱਠੋ ਜਾਗੋ ਤੁਸੀਂ ਪੰਜਾਬੀਓ!
ਪੰਜਾਬ ਜੇ ਵੇਖਣਾ ਖ਼ੁਸ਼ਹਾਲ।
'ਹਾਕਮ' ਖਾ ਗਏ ਇਹਨੂੰ ਲੁੱਟਕੇ,
ਇਸਦਾ ਕਰਤਾ ਮੰਦੜਾ ਹਾਲ।
ਬਿਨਾਂ ਰਿਸ਼ਵਤ ਕੰਮ ਨਾ ਹੋਂਵਦੇ,
ਇਹਨਾਂ ਰਿਸ਼ਵਤਖ਼ੋਰ ਰੱਖੇ ਨੇ ਪਾਲ।
ਸੁਰੱਖਿਤ ਇੱਜ਼ਤਾਂ ਨਾਹੀਂ ਲੋਕ ਨੇ,
ਲੋਕੋ! ਗੁੰਡਾ-ਗਰਦੀ ਬੇਮਿਸਾਲ।
ਇਥੇ ਹਰ ਤਰਾਂ ਦਾ ਮਾਫੀਆ,
ਰਲਿਆ ਹੋਇਆ ਇਹਨਾਂ ਨਾਲ।
ਬੇਰੁਜ਼ਗਾਰੀ ਹੱਦਾਂ ਟੱਪ ਗਈ,
ਨਿੱਤ ਮਾਰਦੀ ਜਾਂਦੀ ਛਾਲ।
ਹੱਕ ਮੰਗਦਿਆਂ ਨੂੰ ਕੁੱਟ ਸੁਟਦੇ,
ਨਾ ਕਰਨ ਕਿਸੇ ਦਾ ਖਿਆਲ।
ਜਵਾਨੀ ਨਸ਼ਿਆਂ ਦੇ ਵਿਚ ਡੋਬਤੀ,
ਐਸੀ ਖੇਡੀ ਇਹਨਾਂ ਚਾਲ।
ਇਕੱਠੇ ਹੋ ਜਾਓ ਸ਼ੇਰ ਪੰਜਾਬੀਓ!
ਤੁਸੀਂ ਬਣੋ ਇਸ ਦੀ ਢਾਲ।
ਮੇਜਰ ਬਣੋ ਇਸ ਦੀ ਢਾਲ...।
*ਮੇਜਰ ਸਿੰਘ 'ਬੁਢਲਾਡਾ'*
9417642327


'ਵੋਟਾਂ ਦਾ ਟਾਇਮ ਹੈ' - ਮੇਜਰ ਸਿੰਘ ਬੁਢਲਾਡਾ

'ਰਾਜਨੀਤੀ' ਗੰਧਲੀ ਕੀਤੀ ਜਿਹਨਾਂ ਲੀਡਰਾਂ ਨੇ,
ਉਹਨਾਂ ਨੂੰ ਸਬਕ ਸਿਖਾਓ,ਵੋਟਾਂ ਦਾ ਟਾਇਮ ਹੈ।

ਜਿਹਨਾਂ ਲੋਟੂਆਂ ਨੂੰ ਅਜਮਾਕੇ ਵੇਖ ਲਿਆ,
ਉਹ ਨਾਂ ਮੁੜ ਅਜ਼ਮਾਓ, ਵੋਟਾਂ ਦਾ ਟਾਇਮ ਹੈ।

ਝੂਠੇ ਲਾਰੇ ਲਾਕੇ ਜੋ ਮੂਰਖ਼ ਬਣਾਉਂਦੇ ਰਹੇ,
ਉਹਨਾਂ ਨੂੰ ਮੂਰਖ਼ ਬਣਾਓ,ਵੋਟਾਂ ਦਾ ਟਾਇਮ ਹੈ।

ਮੇਜਰ ਖੁਸ਼ਹਾਲ ਪੰਜਾਬ ਕਰਜਾਈ ਕੀਤਾ ਜਿਹਨਾਂ ਨੇ,
ਨਾ ਉਹਨਾਂ ਨੂੰ ਮੂੰਹ ਲਾਓ ਵੋਟਾਂ ਦਾ ਟਾਇਮ ਹੈ।

ਮੇਜਰ ਸਿੰਘ ਬੁਢਲਾਡਾ
94176 42327

'ਬਾਬਾ ਮੋਤੀ ਮਹਿਰਾ' - ਮੇਜਰ ਸਿੰਘ ਬੁਢਲਾਡਾ

  'ਬਾਬਾ ਮੋਤੀ ਮਹਿਰਾ'
'ਬਾਬਾ ਮੋਤੀ ਮਹਿਰਾ' ਨੇ ਠੰਡੇ ਬੁਰਜ ਅੰਦਰ,
ਮਾਤਾ 'ਤੇ ਬੱਚਿਆਂ ਦਾ ਕੀਤਾ ਸਤਿਕਾਰ ਲੋਕੋ।
ਜਿੰਨੀਂ ਵੀ ਹੋ ਸਕੀ ਇਸਨੇ ਕਰੀ ਸੇਵਾ,
ਦੁੱਧ ਪਿਲਾਉਂਦਾ ਰਿਹਾ ਨਾਲ ਪਿਆਰ ਲੋਕੋ।
ਜਦ ਮਾਤਾ ਤੇ ਬੱਚੇ ਸ਼ਹੀਦ ਹੋ ਗਏ,
ਚੰਦਨ ਲਿਆਯਾ ਕਰਨ ਲਈ ਸਸਕਾਰ ਲੋਕੋ।
ਜਦ ਪਤਾ ਲੱਗ ਗਿਆ ਹਾਕਮਾਂ ਨੂੰ,
ਕੋਹਲੂ ਪੀੜ ਦਿੱਤਾ ਸਾਰਾ ਪਰਿਵਾਰ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327
'ਸਜਾ ਨਾ ਦਵਾ ਸਕਿਆ'
'ਦੋ ਹਜ਼ਾਰ ਪੰਦਰਾਂ' ਵਿੱਚ 'ਗੁਰੂ' ਦੀ ਹੋਈ ਬੇਅਦਬੀ,
ਨਵਜੋਤ ਕੌਰ ਸਿੱਧੂ ਸ਼ਾਮਲ ਸੀ ਵਿੱਚ ਸਰਕਾਰ ਲੋਕੋ।
ਨਵਜੋਤ ਸਿੰਘ ਸਿੱਧੂ ਨੇ ਨਾ ਕਰਿਆ ਅਫ਼ਸੋਸ ਕਹਿੰਦੇ,
ਜੋ ਅੱਜ ਬੇਅਦਬੀ ਤੇ ਰਿਹਾ ਭਾਸ਼ਣ ਝਾੜ ਲੋਕੋ।
ਕਹਿੰਦਾ "ਸਜਾ ਨਾ ਦਵਾ ਸਕਿਆ ਦੋਸ਼ੀਆਂ ਨੂੰ ਮੈਂ,
ਸਦਾ ਲਈ ਹੋਵਾਂਗਾ ਸਿਆਸਤ ਵਿਚੋਂ ਬਾਹਰ ਲੋਕੋ।"
ਬਠਿੰਡੇ ਆਖਿਆ ਸੀ 'ਸਿੱਧੂ' ਨੇ ਗੱਜ ਵੱਜ ਕੇ,
ਵੇਖੋ ਕਾਇਮ ਰਹਿੰਦਾ ਕਿ ਨਹੀਂ ਭੇਖੀ ਸਰਦਾਰ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327
  'ਝੁਕੀਆਂ ਨਾ ਮਾਸੂਮ ਜਿੰਦਾਂ'
ਮਹੀਨਾਂ ਪੋਹ ਦਾ ਠੰਡੇ ਬੁਰਜ਼ ਅੰਦਰ,
ਕੈਦ ਮਾਸੂਮ 'ਜਿੰਦਾਂ' ਤੇ 'ਗੁਜਰੀ ਮਾਂ' ਲੋਕੋ।
ਦਿੱਤੇ ਲਾਲਚ ਤੇ ਤਸੀਹੇ ਹਾਕਮਾਂ ਨੇ,
ਨਹੀਂ ਮਿਲਾਈ ਹਾਂ ਵਿੱਚ ਹਾਂ ਲੋਕੋ।
ਜਦ ਝੁਕੀਆਂ ਨਾ ਮਾਸੂਮ ਜਿੰਦਾਂ,
ਜਿਉਂਦੀਆਂ ਦਿੱਤੀਆਂ ਕੰਧੀ ਚਿਣਵਾ ਲੋਕੋ।
ਮੇਜਰ ਧਰਮ ਲਈ ਵਾਰ ਪਤੀ ਪੋਤੇ,
'ਮਾਂ ਗੁਜਰੀ' ਦੁਨੀਆਂ ਤੋਂ ਹੋਈ ਵਿਦਾ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327
 'ਸਿਹਰਾ'
'ਸਿਹਰਾ' ਲਾੜੇ ਦੇ ਬੰਨਦੇ ਇਸ ਕਰਕੇ,
ਵਧ ਜਾਂਦੀ ਹੈ ਉਸਦੀ ਸ਼ਾਨ ਲੋਕੋ।
ਦੋ ਪਰਿਵਾਰਾਂ ਦੇ ਇਹ ਇਕੱਠ ਅੰਦਰ,
ਕਿਉਂਕਿ ਹੁੰਦਾ ਹੈ 'ਮੁੱਖ ਮਹਿਮਾਨ' ਲੋਕੋ।
ਪਰਦਾ ਚੁੱਕਣ ਦੀ ਇਕ ਰਸਮ ਹੁੰਦੀ,
ਪਾਲਣ ਜਿਸਦਾ ਕਰਨ ਇਨਸਾਨ ਲੋਕੋ।
ਹਰ ਕੰਮ ਦਾ ਕਾਰਨ ਜ਼ਰੂਰ ਹੁੰਦਾ,
ਭਾਵੇਂ ਹੋਵੇ ਨਾ ਹੋਵੇ ਗਿਆਨ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327
   'ਕਰਾਮਾਤ'
'ਕਰਾਮਾਤ' ਹੈ ਝੂਠ ਫਰੇਬ ਦਾ ਨਾਂ,
ਇਹਦੇ ਵਿੱਚ ਨਾ ਕੋਈ ਸਚਾਈ ਲੋਕੋ।
'ਪੁਜਾਰੀਵਾਦ' ਦੀ ਹੈ ਇਹ ਦੇਣ ਸਾਰੀ,
ਜਿਸ ਤੇ ਕੀਤੀ ਖੂਬ ਕਮਾਈ ਲੋਕੋ।
ਸਾਡੇ ਰਹਿਬਰਾਂ ਦੇ ਨਾਲ ਜੋੜ ਇਹਨਾਂ,
ਜਨਤਾ ਜਾਲ ਦੇ ਵਿਚ ਫਸਾਈ ਲੋਕੋ।
ਸੱਚੇ ਲੋਕਾਂ ਨੂੰ ਨਾ ਲੋੜ ਇਹਦੀ,
ਉਹ ਤਾਂ ਸੱਚ ਦੀ ਦੇਣ ਦੁਹ‌ਈ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327
'ਆ ਗਈਆਂ ਨੇ ਵੋਟਾਂ'
ਆ ਗਈਆਂ ਨੇ ਵੋਟਾਂ ਦੁਬਾਰੇ ਮੇਰੇ ਸਾਥੀਓ।
ਹੋ ਜਾਓ ਹੁਸ਼ਿਆਰ ਤੁਸੀਂ ਸਾਰੇ ਮੇਰੇ ਸਾਥੀਓ।
ਮਾਂਜ ਦਿਓ ਐਤਕੀਂ ਤੁਸੀਂ ਉਹਨਾਂ ਲੋਟੂਆਂ ਨੂੰ,
ਜਿਹਨਾਂ ਦੇ ਅਸੀਂ ਹਾਂ ਲਿਤਾੜੇ ਮੇਰੇ ਸਾਥੀਓ।
ਕਰਨੇ ਸਵਾਲ ਤੇ ਜਵਾਬ ਦੇਣੇ ਸਿੱਖੋ ਤੁਸੀਂ,
ਬਣੋ ਇਮਾਨਦਾਰ ਪਾਰਟੀ ਦੇ ਹਰਕਾਰੇ ਮੇਰੇ ਸਾਥੀਓ।
ਆਪਣੇ ਹੀ ਘਰ ਭਰੇ ਪੰਜਾਬ ਨੂੰ ਲੁੱਟਕੇ,
ਜਿਹਨਾਂ ਕਰਜ਼ੇ ਸੂਬੇ 'ਤੇ ਚਾੜ੍ਹੇ ਮੇਰੇ ਸਾਥੀਓ।
ਬਣਾਓ ਸਰਕਾਰ ਜਿਹਨਾਂ ਤੇ ਕੋਈ ਦਾਗ਼ ਨਹੀਂ,
ਕਰਵਾਉਣੇ ਮਸਲੇ ਜੇ ਹੱਲ ਪਿਆਰੇ ਮੇਰੇ ਸਾਥੀਓ।
ਕਰੋ ਹੌਂਸਲੇ ਬੁਲੰਦ, ਨਵਾਂ ਚਾੜ੍ਹ ਦਿਓ ਚੰਦ,
ਲੁਟੇਰਿਆਂ ਨੂੰ ਦਿਖਾਓ ਦਿਨੇ ਤਾਰੇ ਮੇਰੇ ਸਾਥੀਓ।
ਮੇਜਰ ਸਿੰਘ ਬੁਢਲਾਡਾ
94176 42327
            'ਗਾਥਾ'
'ਨਿਹੰਗ ਖਾਨ ਅਤੇ ਬੀਬੀ ਮੁਮਤਾਜ'
ਜਦ 'ਬਚਿੱਤਰ ਸਿੰਘ' ਜ਼ਖ਼ਮੀ ਹੋ ਗਿਆ,
ਦਿੱਤਾ 'ਨਿਹੰਗ ਖਾਨ' ਦੇ 'ਕਿਲੇ' ਪਹੁੰਚਾ।
ਜੋ ਮੁਰੀਦ ਸੀ 'ਗੁਰੂ ਗੋਬਿੰਦ ਸਿੰਘ' ਦਾ,
ਜਿਸਦਾ 'ਗੁਰੂ' ਨਾਲ ਸੀ ਪ੍ਰੇਮ ਅਥਾਹ।
ਕੀਤੀ ਕਿਸੇ ਸੂਹੀਏ ਨੇ ਮੁਖ਼ਬਰੀ,
ਲਿਆ 'ਕਿਲੇ' ਨੂੰ ਘੇਰਾ ਪਾ।
'ਨਿਹੰਗ ਖਾਨ' ਨੇ ਧੀ 'ਮੁਮਤਾਜ' ਨੂੰ
'ਸਿੰਘ' ਦੀ ਸੇਵਾ ਦੇ ਵਿੱਚ ਲਾ।
ਇਕ ਕਮਰੇ ਅੰਦਰ ਬਿਠਾਕੇ
ਦਿੱਤਾ ਅੰਦਰੋਂ ਕੁੰਡਾ ਲਵਾ।
ਪੁਲਿਸ ਨੇ ਸਾਰਾ 'ਕਿਲ੍ਹਾ' ਫਰੋਲਤਾ,
ਕਿਤੋਂ ਕੁਝ ਵੀ ਨਾ ਮਿਲ਼ਿਆ।
ਇਕ ਬੰਦ ਕਮਰੇ ਨੂੰ ਵੇਖਕੇ,
'ਨਿਹੰਗ ਖਾਨ' ਨੂੰ ਪੁੱਛਿਆ ਬੁਲਾਅ।
ਫਿਰ 'ਨਿਹੰਗ ਖਾਨ' ਨੇ ਦੱਸਿਆ,
ਤੁਸੀਂ ਵੇਖ ਲਓ ਭਾਵੇਂ ਜਾ।
ਇਥੇ ਮੇਰੀ 'ਧੀ' ਅਤੇ 'ਦਾਮਾਦ' ਹੈ,
ਉਹ ਰਹੇ ਨੇ ਆਰਾਮ ਫ਼ਰਮਾ।
ਕਰ ਯਕੀਨ 'ਨਿਹੰਗ ਖਾਨ' ਤੇ,
ਫਿਰ ਹੋਈ ਪੁਲਿਸ ਵਿਦਾ।
'ਮੁਮਤਾਜ' ਦੇ ਬੋਲ ਕੰਨਾਂ ਵਿਚ ਪੈ ਗਏ,
ਉਹਨੇ ਮਨ ਵਿਚ ਧਾਰ ਲਿਆ।
ਮੰਨ ਲਿਆ 'ਪਤੀ' ਬੱਚਿਤਰ ਸਿੰਘ ਨੂੰ,
ਕਹਿੰਦੀ "ਨਹੀਂ ਕਰਾਉਣਾ ਹੋਰ ਨਿਕਾਹ।"
ਕੁੱਝ ਦਿਨਾਂ ਬਾਅਦ ਬੱਚਿਤਰ ਸਿੰਘ ਜੀ,
ਇਹ ਦੁਨੀਆਂ ਤੋਂ ਤੁਰ ਗਿਆ।
ਇਕ ਦਿਨ ਘਰੇ 'ਨਿਹੰਗ ਖਾਨ' ਨੇ,
ਮੁਮਤਾਜ ਦੇ ਵਿਆਹ ਦੀ ਕਰੀ ਸਲਾਹ।
'ਮੁਮਤਾਜ' ਨੇ ਝੱਟ 'ਪਿਤਾ' ਨੂੰ ਆਖਿਆ,
"ਨਹੀਂ ਕਰਾਉਣਾ ਦੂਜਾ ਵਿਆਹ।
ਤੁਸੀਂ ਭੁੱਲ ਗ‌ਏ ਉਦੇਂ ਕੀ ਸੀ ਆਖਿਆ?"
ਦਿੱਤਾ ਪਿਤਾ ਨੂੰ ਯਾਦ ਕਰਾ।
"ਹੁਣ ਮੈਂ ਏਦਾਂ ਹੀ ਉਮਰ ਗੁਜਾਰਨੀ,
ਇਹ ਜਿੰਦਗੀ ਉਸਦੇ ਦਿੱਤੀ ਲੇਖੇ ਲਾ।"
'ਮੁਮਤਾਜ' ਪੱਕੀ ਰਹੀ ਸਿਦਕ ਦੀ,
ਜੋ ਗਈ ਆਪਣੇ ਬੋਲ ਪੁਗਾ।
ਲੋਕੀ ਉਸਦੀ ਯਾਦਗਾਰ 'ਤੇ ਜਾਕੇ,
ਮੇਜਰ ਰਹੇ ਨੇ ਸੀਸ ਨਿਵਾਅ
ਲੋਕ ਰਹੇ ਨੇ ਸੀਸ ਨਿਵਾਅ...।
ਮੇਜਰ ਸਿੰਘ ਬੁਢਲਾਡਾ
94176 42327

'ਟੈਕਸ' - ਮੇਜਰ ਸਿੰਘ ਬੁਢਲਾਡਾ

'ਟੈਕਸ' ਨਿੱਤ ਖਰੀਦਦਾਰੀ ਉਤੇ ਦੇਈਏ ਅਸੀਂ,
ਭਾਵੇਂ ਸੁੱਤੇ ਹੋਈਏ ਭਾਵੇਂ ਸਖ਼ਤ ਬਿਮਾਰ ਲੋਕੋ।

ਖੁਸ਼ੀ ਗ਼ਮੀ ਦੇ ਮੌਕੇ ਦੇਈਏ ਜ਼ਿਆਦਾ,
ਚਾਹੇ ਮਨਾਈਏ ਛੋਟਾ ਵੱਡਾ ਤਿਉਹਾਰ ਲੋਕੋ।

ਦੁਨੀਆਂ ਛੱਡ ਗਏ ਬਜ਼ੁਰਗਾਂ ਦੇ ਨਾਂ ਉਤੇ,
ਸਰਾਧ ਕਰਕੇ ਵੀ ਰਹੇ ਹਾਂ ਤਾਰ ਲੋਕੋ।

ਬਚੀਆਂ ਸਰਕਾਰੀ ਜਾਇਦਾਦਾਂ ਧਰੀਆਂ ਸਭ ਗਹਿਣੇ,
ਫਿਰ ਵੀ ਵੱਡੇ ਕਰਜੇ ਦਾ ਪੰਜਾਬ ਤੇ ਭਾਰ ਲੋਕੋ।

ਜਿਹਨਾਂ ਲੁੱਟਿਆ ਖਾਧਾ ਸੋਹਣਾ ਪੰਜਾਬ ਸਾਡਾ,
ਉਹ ਮੁੜਕੇ ਰਾਜ ਕਰਨ ਦੇ ਨਹੀਂ ਹੱਕਦਾਰ ਲੋਕੋ।

ਮੇਜਰ ਸਿੰਘ ਬੁਢਲਾਡਾ
94176 42327

ਸਿੱਖ ਲ‌ਓ ਪਰਖ਼ ਕਰਨੀ - ਮੇਜਰ ਸਿੰਘ ਬੁਢਲਾਡਾ


  'ਸਿੱਖ ਲ‌ਓ ਪਰਖ਼ ਕਰਨੀ'
ਆਪਣੇ ਅਤੇ ਬੱਚਿਆਂ ਦੇ ਭਵਿੱਖ ਖਾਤਰ,
ਹੁਣ ਬਦਲ ਲ‌ਓ ਤੁਸੀਂ ਸੋਚ ਲੋਕੋ।
ਜਿਹਨਾਂ ਲੁੱਟ ਖਾਧਾ ਦੇਸ਼ ਪੰਜਾਬ ਤਾਈਂ,
ਛੱਡ ਦਿਓ ਉਸ ਨੂੰ ਦੇਣੀ ਵੋਟ ਲੋਕੋ।
ਚੰਗੇ ਮਾੜੇ ਦੀ ਸਿੱਖ ਲ‌ਓ ਪਰਖ਼ ਕਰਨੀ,
ਤੁਸੀਂ ਗਿਆਨ ਦੀ ਜਗਾਕੇ ਜੋਤ ਲੋਕੋ।
ਮੇਜਰ ਬਚੋ ਆਪ ਬਚਾਓ ਬੱਚਿਆਂ ਨੂੰ,
ਚੰਗੀ ਪਾਰਟੀ ਦੀ ਕਰਕੇ ਸਪੋਟ ਲੋਕੋ।
ਮੇਜਰ ਸਿੰਘ ਬੁਢਲਾਡਾ
94176 42327

ਭਾਈ ਬਲਾਕਾ ਸਿੰਘ ਕੰਗ - ਮੇਜਰ ਸਿੰਘ ਬੁਢਲਾਡਾ

'ਮੱਸੇ ਰੰਗੜ' ਨੇ ਦਰਬਾਰ ਸਾਹਿਬ ਵਿੱਚ,
ਜਦ ਡੇਰਾ ਲਿਆ ਆਣਕੇ ਲਾ।
ਹਰ ਮਾੜਾ ਕੰਮ ਕਰਨ ਲੱਗ ਪਿਆ,
ਨਾਲੇ ਦਿੱਤਾ ਸੀ ਪੂਰ ਤਲਾਅ।
'ਮੱਸਾ' ਹੰਕਾਰ ਦੇ ਵਿੱਚ ਆ ਗਿਆ,
ਉਹ ਹੋਕੇ ਸਿੰਘਾਂ ਵੱਲੋਂ ਬੇਪਰਵਾਹ।
ਸਜਾਉਣ ਲੱਗ ਪਿਆ ਨਿੱਤ ਮਹਿਫਲਾਂ,
ਕੰਜਰੀਆਂ ਤਾਈਂ ਉਥੇ ਨਚਾ।
ਸਿੰਘਾ ਦੇ ਮੁੱਲ ਸਿਰਾਂ ਦੇ ਰੱਖਤੇ,
ਉਹ ਆਪਣਾ ਕਰਨ ਲਈ ਬਚਾਅ।
ਸਾਰੇ ਆਸੇ-ਪਾਸੇ ਹੋ ਗਏ,
ਲ‌ਏ ਡੇਰੇ ਜੰਗਲਾਂ ਦੇ ਵਿਚ ਲਾ।
ਸਿੰਘਾ ਦਾ ਸੂਹੀਆ 'ਬਲਾਕਾ ਸਿੰਘ' ਨੇ,
'ਬੁੱਢੇ ਜੌਹੜ' ਬੀਕਾਨੇਰ ਵਿਚ ਜਾ।
ਦੱਸ ਦਿੱਤਾ ਸ਼ਾਮ ਸਿੰਘ ਦਲ ਨੂੰ,
ਮੱਸਾ ਰਿਹਾ ਸੀ ਜੋ ਗੰਦ ਪਾ।
ਸੁਣ ਖੂਨ ਉਬਾਲੇ ਖਾ ਗਿਆ,
ਦਲ ਆਪਣੇ ਵਿੱਚ ਕਰ ਸਲਾਹ।
'ਸੁੱਖਾ ਸਿੰਘ ਤੇ ਮਹਿਤਾਬ ਸਿੰਘ ਨੇ'
ਫਿਰ ਲਈਆਂ ਕਸਮਾਂ ਖਾ।
"ਸੋਧਾ ਲਾਕੇ ਮੁੜਨਾ ਦੁਸ਼ਟ ਨੂੰ,
ਜਾਂ ਫਿਰ ਜਿੰਦ ਦੇਣੀ ਲੇਖੇ ਲਾ।"
ਉਹ ਤਿਆਰ-ਬਰ-ਤਿਆਰ ਹੋਕੇ,
ਦਿੱਤੇ ਅੰਮ੍ਰਿਤਸਰ ਵੱਲ ਚਾਲੇ ਪਾ।
ਬਣਾਈ ਸਕੀਮ ਮੁਤਾਬਿਕ ਸਿੰਘਾਂ ਨੇ,
ਦਿੱਤਾ 'ਮੱਸੇ ਰੰਗੜ' ਨੂੰ ਝਟਕਾ।
ਉਹਨਾਂ ਵਿਉਂਤ ਨਾਲ 'ਸਿਰ' ਚੁੱਕਕੇ
ਲਿਆ ਨੇਜ਼ੇ ਉਤੇ ਟਿਕਾਅ।
ਦੁਸ਼ਮਣਾਂ ਨੂੰ ਭਾਜੜ ਪੈ ਗਈ,
ਸਿੰਘ ਜਦ ਪੈ ਗਏ ਆਪਣੇ ਰਾਹ।
ਮੇਜਰ ਅਮਰ ਜੱਗ ਤੇ ਹੋ ਗ‌ਏ,
ਸਿੰਘ ਮੱਸੇ ਦੀ ਅਲਖ ਮਿਟਾ।
ਉਹ ਰੰਗੜ ਨੂੰ ਸੋਧਾ ਲਾ...।

ਮੇਜਰ ਸਿੰਘ ਬੁਢਲਾਡਾ
94176 42327

'ਭਗਵੰਤ ਮਾਨਾਂ' - ਮੇਜਰ ਸਿੰਘ ਬੁਢਲਾਡਾ

ਮਿਹਨਤ ਪਾਰਟੀ ਲਈ ਕੀਤੀ ਵਥੇਰੀ 'ਭਗਵੰਤ ਮਾਨਾਂ'।
ਤਾਂਹੀ ਹਰ ਕੋਈ ਸਿਫ਼ਤ ਕਰੇ ਤੇਰੀ 'ਭਗਵੰਤ ਮਾਨਾਂ'।
ਤੁਸੀਂ ਮਲਾਹ ਹੋਂ ਇਸਨੂੰ ਕਿਨਾਰੇ ਲਾਕੇ ਰਹਿਓਂ,
ਘੁੰਮਣਘੇਰੀਆਂ ਵਿਚ ਫਸੀ ਜੋ ਬੇੜੀ 'ਭਗਵੰਤ ਮਾਨਾਂ'।
ਇਤਿਹਾਸ ਬਣਾਉਣ ਲਈ ਕਰਨੀਆਂ ਪੈਂਦੀਆਂ ਕੁਰਬਾਨੀਆਂ,
ਜੇ ਸਮਾਂ ਆ ਗਿਆ ਕੁਰਬਾਨੀ ਕਰੀ 'ਭਗਵੰਤ ਮਾਨਾਂ'।
ਪਾਰਟੀ 'ਚ ਉਤਰ੍ਹਾ-ਚੜ੍ਹਾ ਆਉਂਦੇ ਜਾਂਦੇ ਰਹਿੰਦੇ ਨੇ,
ਵੇਖੀ ਕਿਤੇ ਕਰ ਜਾਵੇਂ ਅੜੀ 'ਭਗਵੰਤ ਮਾਨਾਂ'।
ਵੇਖ ਸਵੇਰੇ ਜਾਖੜ, ਦੁਪਿਹਰੇ ਰੰਧਾਵਾ, ਸ਼ਾਮ ਨੂੰ ਚੰਨੀ,
ਸਭ ਅਡੋਲ ਰਹੇ, ਚੱਲੀ ਖ਼ਤਰਨਾਕ ਨ੍ਹੇਰੀ 'ਭਗਵੰਤ ਮਾਨਾਂ'।
'ਸੀ. ਐੱਮ. ਦਾ ਮਤਲਬ ਤੁਸਾਂ '"ਕੋਮਨ ਮੈਨ" ਮੰਨਿਆਂ,
ਬੜੀ ਪਰਖ਼ਣ ਦੀ ਆ ਗ‌ਈ ਘੜੀ "ਭਗਵੰਤ ਮਾਨਾਂ'।
ਮੇਜਰ ਸਿੰਘ ਬੁਢਲਾਡਾ
94176 42327