ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
08.06.2026
ਬਿਕਰਮ ਮਜੀਠੀਆ ਦੀ ਗ੍ਰਿਫ਼ਤਾਰੀ ਲਈ 12 ਟੀਮਾਂ ਦਾ ਗਠਨ- ਇਕ ਖ਼ਬਰ
ਵੱਢਿਆ ਗੰਡਾਸਿਆਂ ਦੇ ਨਾਲ਼, ਚੰਦੜਾਂ ਨੇ ਮਿਰਜ਼ੇ ਨੂੰ।
ਪੰਜਾਬ ਕਾਂਗਰਸ ਪੂਰੀ ਤਰ੍ਹਾਂ ਇਕਜੁੱਟ- ਰਾਜਾ ਵੜਿੰਗ
ਵੜਿੰਗ ਸਾਬ, ਇਹ ਕੋਈ ਦੱਸਣ ਦੀ ਗੱਲ ਐ। ਘਰ ਦੇ ਭਾਗ ਡਿਉਢੀ ਤੋਂ ਹੀ ਦਿਸ ਜਾਂਦੇ ਐ।
ਪੁਲਿਸ ਦੀ ਮੰਨਜ਼ੂਰੀ ਤੋਂ ਬਿਨਾਂ ਵੀ ਧਰਨੇ ‘ਤੇ ਬੈਠੇਗੀ ਤ੍ਰਿਣਮੂਲ ਕਾਂਗਰਸ- ਮਮਤਾ ਬੈਨਰਜੀ
ਮੈਨੂੰ ਨਰਮ ਕੁੜੀ ਨਾ ਜਾਣੀ, ਲੜ ਜੂੰ ਭ੍ਰਿੰਡ ਬਣ ਕੇ।
ਇਰਾਨ- ਅਮਰੀਕਾ ਪ੍ਰਮਾਣੂੰ ਸਮਝੌਤੇ ‘ਚ ਪਾਕਿਸਤਾਨ ਬਣੇਗਾ ਜ਼ਾਮਨ- ਇਕ ਖ਼ਬਰ
ਗੱਡੀ ਜੋੜ ਕੇ ਆਈਂ ਵੇ ਵੀਰਾ, ਕਰੂਏ ਦੇ ਵਰਤਾਂ ਨੂੰ।
ਜੰਗਬੰਦੀ ਦੇ ਦਾਅਵਿਆਂ ਵਿਚਾਲੇ ਇਜ਼ਰਾਇਲ ਵਲੋਂ ਲਿਬਨਾਨ ‘ਤੇ ਵੱਡਾ ਹਮਲਾ- ਇਕ ਖ਼ਬਰ
ਕਾਹਨੂੰ ਪਾਲ਼ਿਆ ਕੁਲੱਛਣਾ ਬੋਤਾ, ਚੜ੍ਹਦੀ ਦੇ ਵੱਢੇ ਦੰਦੀਆਂ।
ਜੂਨ 84 ਦੇ ਫੌਜੀ ਹਮਲੇ ਦੀ ਜਾਂਚ ਕਰਵਾਏ ਮੋਦੀ ਸਰਕਾਰ- ਗੁਰਚਰਨ ਸਿੰਘ ਬੱਬਰ
ਬੱਬਰ ਸਾਹਿਬ ਅਡਵਾਨੀ ਦੀ ਕਿਤਾਬ ਨਹੀਂ ਪੜ੍ਹੀ ਤੁਸੀਂ? ਨਹੀਂ ਪੜ੍ਹੀ ਤਾਂ ਪੜ੍ਹੋ।
ਭਾਰਤ ਨੇ ਸਾਡੇ ਕੋਲੋਂ ਬਹੁਤ ਫ਼ਾਇਦਾ ਉਠਾਇਆ, ਹੁਣ ਹੋਰ ਨਹੀਂ- ਟਰੰਪ
ਲੈ ਜਾਣਗੇ ਜਿਨ੍ਹਾਂ ਨੇ ਦੰਮ ਖਰਚੇ, ਫੋਕੇ ਦਾਅਵੇ ਮਿੱਤਰਾਂ ਦੇ।
ਲੰਡਨ ‘ਚ ਸੀ.ਜੇ.ਆਈ. ਸੂਰਿਆਕਾਂਤ ਦੇ ਪ੍ਰੋਗਰਾਮ ‘ਚ ਹੋਇਆ ਹੰਗਾਮਾ- ਇਕ ਖ਼ਬਰ
ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।
ਅਮਰੀਕੀ ਸੰਸਦ ਵਿਚ ਇਰਾਨ ਨਾਲ ਜੰਗ ਰੋਕਣ ਲਈ ਮਤਾ ਪਾਸ, ਟਰੰਪ ਨੂੰ ਝਟਕਾ- ਇਕ ਖ਼ਬਰ
ਗੋਰੇ ਰੰਗ ‘ਤੇ ਝਰੀਟਾਂ ਆਈਆਂ, ਬੇਰੀਆਂ ਦੇ ਬੇਰ ਖਾਣੀਏਂ।
ਕੈਪਟਨ ਅਮਰਿੰਦਰ ਸਿੰਘ ‘ਘਰ ਵਾਪਸੀ’ ਨਹੀਂ ਕਰ ਰਹੇ- ਇਕ ਖ਼ਬਰ
ਐਵੇਂ ਰੌਲ਼ਾ ਪੈ ਗਿਆ, ਬਈ ਐਵੇਂ ਰੌਲਾ ਪੈ ਗਿਆ।
ਮਮਤਾ ਬੈਨਰਜੀ ਦੇ 20 ਸੰਸਦ ਮੈਂਬਰਾਂ ਦੇ ਭਾਜਪਾ ‘ਚ ਜਾਣ ਦੀ ਚਰਚਾ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।
ਹਿਮਾਚਲ ਤੋਂ ਆਉਣ ਵਾਲੇ ਵਾਹਨਾਂ ਉੱਪਰ ਨਿਹੰਗ ਸਿੰਘਾਂ ਨੇ ਲਗਾਇਆ ਖ਼ਾਲਸਾ ਟੈਕਸ- ਇਕ ਖ਼ਬਰ
ਬੋਤਾ ਸਿੰਘ ਤੇ ਗਰਜਾ ਸਿੰਘ ਜੀ, ਡਟ ਗਏ ਪਿੱਠਾਂ ਜੋੜ ਕੇ।
ਮਮਤਾ ਬੈਨਰਜੀ ਨੂੰ ਤਕੜਾ ਝਟਕਾ, ਵਿਰੋਧੀ ਧੜੇ ਨੂੰ ਮਿਲੀ ਮਾਨਤਾ- ਇਕ ਖ਼ਬਰ
ਅੱਗ ਲਾ ਗਈ ਝਾਂਜਰਾਂ ਵਾਲ਼ੀ, ਲੈਣ ਆਈ ਪਾਣੀ ਦਾ ਛੰਨਾ।
ਮਹਾਰਾਜਾ ਰਣਜੀਤ ਸਿੰਘ ਦੇ ਨਾਂ ‘ਤੇ ਭਾਜਪਾ ਹਮਦਰਦੀ ਹਾਸਲ ਨਹੀਂ ਕਰ ਸਕਦੀ- ਸੁਖਜਿੰਦਰ ਸਿੰਘ ਰੰਧਾਵਾ
ਸਭੇ ਕੰਨ ਪੜਵਾ ਕੇ ਬੈਠ ਜਾਂਦੇ, ਮੁਸ਼ਕਲ ਜੋਗ ਦਾ ਹੁੰਦਾ ਚੜ੍ਹਾਉਣ ਬੇਟਾ।
ਲਿਬਨਾਨ ‘ਤੇ ਇਜ਼ਰਾਇਲੀ ਹਮਲੇ ਤੋਂ ਟਰੰਪ ਨਾਰਾਜ਼- ਇਕ ਖ਼ਬਰ
ਕੋਈ ਕਰੇ ਨਾ ਯਕੀਨ ਹੁਣ ਤੇਰਾ, ਝੂਠਿਆ ਦੋਜ਼ਕੀਆ।
=====================================================================
ਚੁੰਝਾਂ-ਪ੍ਹੌਂਚੇ
01.06.2026
ਅਕਾਲੀ ਦਲ ਪੁਨਰ ਸੁਰਜੀਤ ਪੰਜਾਬ ਦੀਆਂ ਮੰਗਾਂ ਲਈ ਦੇਵੇਗਾ ਮੰਗ ਪੱਤਰ- ਗੁਰਪ੍ਰਤਾਪ ਸਿੰਘ ਵਡਾਲਾ
ਮੇਰੀ ਚੱਪਣੀ ਵਗਾਹ ਕੇ ਮਾਰੀ, ਛੜਿਆਂ ਦੇ ਗਈ ਅੱਗ ਨੂੰ।
ਵਿੱਤ ਮੰਤਰੀ ਨੇ ਮੋਦੀ ਵਲੋਂ ਦਿਤੇ ਬਿਆਨ ਦਾ ਕੀਤਾ ਬਚਾਅ- ਇਕ ਖ਼ਬਰ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।
ਸਮੂਹ ਸਿੱਖ ਜਥੇਬੰਦੀਆਂ ਜਗਦੀਸ਼ ਸਿੰਘ ਝੀਂਡਾ ਦੇ ਸਮਰਥਨ ‘ਚ ਖੜ੍ਹੀਆਂ ਹੋਣ- ਜਗਤਾਰ ਸਿੰਘ ਜਾਚਕ
ਨਾ ਨੌਂ ਮਣ ਤੇਲ ਹੋਵੇ ਨਾ ਰਾਧਾ ਨੱਚੇ।
15 ਸਾਲ ਤੋਂ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਨਾ ਹੋਣ ਦਾ ਮੁੱਦਾ ਕਿਉਂ ਨਹੀਂ ਚੁੱਕਦੇ ਪਰਮਜੀਤ ਸਿੰਘ ਸਰਨਾ- ਕਾਲਕਾ
ਹਿਜ਼ ਮਾਸਟਰਜ਼ ਵਾਇਸ। ‘ਮਾਲਕ’ ਦੇ ਹੁਕਮ ਮੁਤਾਬਿਕ ਹੀ ਬੋਲਣਗੇ ਭਾਈ।
ਭਾਰਤ ਸਾਡਾ ਸਭ ਤੋਂ ਵੱਡਾ ਰਣਨੀਤਕ ਸਾਥੀ- ਰੂਬੀਓ
ਤੈਨੂੰ ਚੰਦ ਦੇ ਬਹਾਨੇ ਦੇਖਾਂ, ਕੋਠੇ ਉੱਤੇ ਆ ਜਾ ਮਿੱਤਰਾ।
ਰਵਨੀਤ ਸਿੰਘ ਬਿੱਟੂ ਨੇ ਪੰਜਾਬ ਪੁਲਿਸ ਨਾਲ ਬਦਸਲੂਕੀ ਕੀਤੀ- ਅਮਨ ਅਰੋੜਾ
ਚੁੱਕੀ ਹੋਈ ਪੰਚਾਂ ਦੀ, ਗਾਲ਼ ਬਿਨਾਂ ਨਾ ਬੋਲੇ।
ਸੌਦਾ ਸਾਧ ਦੇ ਮੁੜ 30 ਦਿਨਾਂ ਦੀ ਪੈਰੋਲ ‘ਤੇ ਜੇਲ੍ਹ ‘ਚੋਂ ਬਾਹਰ ਆਉਣ ‘ਤੇ ਉਸ ਦੇ ਚੇਲੇ ਬਾਗੋ-ਬਾਗ਼- ਇਕ ਖ਼ਬਰ
ਲੌਢੇ ਵੇਲੇ ਮਾਹੀਏ ਆਉਣਾ ਮੰਨ ਪਕਾਵਾਂ ਕਣਕ ਦਾ, ਅੰਦਰ ਜਾਵਾਂ ਬਾਹਰ ਜਾਵਾਂ ਲਾਲ ਚੂੜਾ ਛਣਕਦਾ।
ਸ਼੍ਰੀ ਹਜ਼ੂਰ ਸਾਹਿਬ ਨਾਂਦੇੜ ਵਿਖੇ ਪੁਲਿਸ ਵਲੋਂ ਸਿੱਖਾਂ ਦੇ ਸ਼ਸਤਰ ਜ਼ਬਤ, ਪਰਚੇ ਦਰਜ- ਇਕ ਖ਼ਬਰ
ਭਾਜਪਾ ਦੇ ਚਹੇਤੇ ਸ਼੍ਰੀਮਾਨ ਹਰਨਾਮ ਸਿੰਘ ਧੁੰਮਾ ਜੀ ਕਿੱਥੇ ਹਨ ਬਈ?
ਮੋਦੀ ਸਰਕਾਰ ਵੱਡੇ ਕਾਰਪੋਰੇਟਾਂ ਨੂੰ ਲਾਭ ਦੇਣ ਲਈ ਆਮ ਲੋਕਾਂ ‘ਤੇ ਪਾ ਰਹੀ ਬੋਝ- ਹਰਪਾਲ ਚੀਮਾ
ਦੋ ਧੜਿਆਂ ਵਿਚ ਖ਼ਲਕਤ ਵੰਡੀ, ਇਕ ਲੋਕਾਂ ਦਾ ਇਕ ਜੋਕਾਂ ਦਾ।
ਮੋਦੀ ਸਰਕਾਰ ਨੇ ਦੇਸ਼ ਦੇ ਹਿਤਾਂ ਨੂੰ ਅਮਰੀਕਾ ਕੋਲ ਗਹਿਣੇ ਰੱਖਿਆ- ਕੁਲਦੀਪ ਧਾਲੀਵਾਲ
ਘੜਾ ਘਰੋਟੀ ਵੇਚ ਗਿਆ ਨੀਂ ਮਰ ਜਾਣਾ ਅਮਲੀ।
ਪੰਜਾਬ ‘ਚ ਆਗਾਮੀ ਚੋਣਾਂ ਵਿਚ ਕਿਸੇ ਵੀ ਸਿਆਸੀ ਦਲ ਨਾਲ ਨਹੀਂ ਹੋਵੇਗਾ ਸਮਝੌਤਾ- ਨਾਇਬ ਸਿੰਘ ਸੈਣੀ
ਘੜਾ ਚੁੱਕ ਲਊਂ ਪੱਟਾਂ ‘ਤੇ ਹੱਥ ਧਰ ਕੇ, ਖਸਮਾਂ ਨੂੰ ਖਾਣ ਕੁੜੀਆਂ।
ਨਾਇਬ ਸਿੰਘ ਸੈਣੀ ਨੇ ਬਾਬਾ ਗੁਰਿੰਦਰ ਸਿੰਘ ਢਿੱਲੋਂ ਨਾਲ ਕੀਤੀ ਮੁਲਾਕਾਤ- ਇਕ ਖ਼ਬਰ
ਮੇਰੇ ਭੁੱਖ ਨਾ ਕਲੇਜਿਉਂ ਜਾਵੇ, ਮਿੱਤਰਾਂ ਦੇ ਮਿਲਣੇ ਦੀ।
ਮੋਦੀ ਸਰਕਾਰ ਨੇ ਸਿੱਖਿਆ ਪ੍ਰਣਾਲੀ ਤਬਾਹ ਕਰਨ ਦੀ ਸਾਜ਼ਿਸ਼ ਰਚੀ- ਖੜਗੇ
ਕਿਹੜੇ ਰੱਬ ਦੇ ਕੀਰਨੇ ਪਾਵਾਂ, ਪਿੰਡ ਵਿਚ ਕਾਲ਼ ਪੈ ਗਿਆ।
ਪਾਕਿਸਤਾਨ ‘ਚ ਨਸ਼ਾ ਤਸਕਰੀ ‘ਚ ਮਰਦਾਂ ਨਾਲੋਂ ਜ਼ਿਆਦਾ ਔਰਤਾਂ ਸਰਗਰਮ- ਇਕ ਖ਼ਬਰ
ਚੰਨ ਬਣ ਗਿਆ ਠਾਣੇਦਾਰ, ਹੁਣ ਮੈਂ ਨਹੀਂ ਡਰਦੀ।
ਜਦੋਂ ਤੱਕ ਸਾਡੇ ਅਧਿਕਾਰ ਸੁਰੱਖਿਅਤ ਨਹੀਂ, ਕੋਈ ਸਮਝੌਤਾ ਨਹੀਂ ਕਰਾਂਗੇ- ਇਰਾਨ
ਇੱਥੋਂ ਉਡ ਜਾ ਫਰੰਗੀਆ ਤੋਤਿਆ, ਕੁੜੀਆਂ ਨੇ ਪੀਂਘ ਝੂਟਣੀ।
ਚੁੰਝਾਂ-ਪ੍ਹੌਂਚੇ
25.05.2026
ਮੋਦੀ-ਮੇਲੋਨੀ ਨੇ ਕੀਤੀ ਰੋਮ ਦੀ ਸੈਰ- ਇਕ ਖ਼ਬਰ
ਕਿਸੇ ਜ਼ਮਾਨੇ ‘ਚ ਨੀਰੋ ਬੰਸਰੀ ਵਜਾਉਂਦਾ ਸੀ ਅੱਜ ਕੱਲ ਰੋਮ ਦੀ ਸੈਰ ਕਰਦੈ।
ਇਰਾਨ ਵਲੋਂ ਅਮਰੀਕਾ ਨੂੰ ਬੰਦਰਗਾਹ ਤੋਂ ਫ਼ੌਜਾਂ ਹਟਾਉਣ ਦੀ ਚੇਤਾਵਨੀ- ਇਕ ਖ਼ਬਰ
ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀਹੜੀ, ਛੜਿਆਂ ਨੇ ਬੋਕ ਬੰਨ੍ਹਣਾ।
ਸੁਪਰੀਮ ਕੋਰਟ ਨੇ ਚੋਣ ਕਮਿਸ਼ਨਰਾਂ ਦੀ ਨਿਯੁਕਤੀ ‘ਤੇ ਉਠਾਏ ਸਵਾਲ- ਇਕ ਖ਼ਬਰ
ਅਸੀਂ ਬਸ ਸਵਾਲ ਉਠਾਉਣ ਜੋਗੇ ਹੀ ਹਾਂ, ਕਰਨ ਜੋਗੇ ਕੁਝ ਨਹੀਂ।
ਅਕਾਲੀ ਦਲ ਵਾਰਸ ਪੰਜਾਬ ਦੇ ਅਤੇ ਅਕਾਲੀ ਦਲ ਪੁਨਰ ਸੁਰਜੀਤ ਦਾ ਤਾਲਮੇਲ ਟੁੱਟਿਆ- ਇਕ ਖ਼ਬਰ
ਕੋਹ ਤੁਰੀ ਨਾ ਅਖੇ ਬਾਬਾ ਤ੍ਰਿਹਾਈ।
ਜੰਗ ਕਾਰਨ 63 ਫ਼ੀਸਦੀ ਅਮਰੀਕਨ ਟਰੰਪ ਤੋਂ ਨਾਰਾਜ਼- ਇਕ ਖ਼ਬਰ
ਪਿੰਡ ‘ਚ ਪੁਆੜੇ ਪਾਉਂਦਾ ਨੀਂ, ਮਰ ਜਾਣਾ ਅਮਲੀ।
ਟਰੰਪ ਤੇ ਨੇਤਨਯਾਹੂ ਵਿਚਕਾਰ ਗਰਮਾ-ਗਰਮ ਬਹਿਸ- ਇਕ ਖ਼ਬਰ
ਕੂੰਡੇ ਭੱਜ ਗਏ ਘੋਟਣੇ ਟੁੱਟ ਗਏ, ਤਕੀਏ ਮਲੰਗ ਲੜ ਪਏ।
ਭਾਰਤ ਦੀ ਤਰਜ਼ ‘ਤੇ ਪਾਕਿਸਤਾਨ ‘ਚ ਵੀ ਬਣੀ ‘ਕਾਕਰੋਚ ਅਵਾਮੀ ਪਾਰਟੀ’- ਇਕ ਖ਼ਬਰ
ਤਾਏ ਦੀ ਧੀ ਚੱਲੀ ਤਾਂ ਮੈਂ ਕਿਉਂ ਰਹਾਂ ‘ਕੱਲੀ।
ਸ਼ੀ ਜਿਨਪਿੰਗ ਵਲੋਂ ਜੰਗ ਤੁਰਤ ਖ਼ਤਮ ਕਰਨ ਦੀ ਅਪੀਲ- ਇਕ ਖ਼ਬਰ
ਜ਼ਖ਼ਮ ਮਿਲਾਉਣਾ ਔਖਾ ਤੇ ਤਲਵਾਰ ਚਲਾਉਣੀ ਸੌਖੀ ਆ।
ਮੋਦੀ ਸਰਕਾਰ ਆਰ.ਬੀ.ਆਈ. ਨੂੰ ਨਿੱਜੀ ਖ਼ਜ਼ਾਨੇ ਵਾਂਗ ਵਰਤ ਰਹੀ ਹੈ- ਖ਼ਜ਼ਾਨਾ ਮੰਤਰੀ ਚੀਮਾ
ਕੋਈ ਊਠਾਂ ਵਾਲੇ ਨੀਂ, ਲੁੱਟ ਕੇ ਸੇਜ ਸੱਸੀ ਦੀ ਲੈ ਗਏ।
ਕਾਕਰੋਚ ਜੰਨਤਾ ਪਾਰਟੀ ਨੇ ਕੁਝ ਘੰਟਿਆਂ ਬਾਅਦ ਹੀ ਆਪਣਾ ਨਵਾਂ ਖਾਤਾ ਖੋਲ੍ਹ ਲਿਆ- ਇਕ ਖ਼ਬਰ
ਆ ਵੇ ਨਾਜਰਾ, ਜਾਹ ਵੇ ਨਾਜਰਾ ਬੋਤਾ ਬੰਨ੍ਹ ਦਰਵਾਜ਼ੇ।
ਭਾਜਪਾ ‘ਚ ਦੂਰਅੰਦੇਸ਼ੀ ਅਤੇ ਲੀਡਰਸ਼ਿੱਪ ਦੀ ਘਾਟ- ਖੜਗੇ
ਜਿਹੜਾ ਮੇਰੇ ਪੱਲੇ ਪੈ ਗਿਆ, ਉਹਨੂੰ ਪੱਗ ਬੰਨ੍ਹਣੀਂ ਨਾ ਆਵੇ।
ਟਰੰਪ ਨੇ ਅਰਬ ਦੇਸ਼ਾਂ ਦੇ ਆਗੂਆਂ ਦੀ ਬੇਨਤੀ ਉੱਤੇ ਇਰਾਨ ‘ਤੇ ਹਮਲਾ ਟਾਲਿਆ- ਇਕ ਖ਼ਬਰ
ਝੂਠੀ ਸ਼ਾਨ ਬਣਾਵਣ ਖਾਤਰ, ਝੂਠ ਹੀ ਬਣੇ ਸਹਾਰਾ।
2 ਦਸੰਬਰ 2024 ਦੇ ਫ਼ੈਸਲੇ ਨਾਲ ਜੁੜੇ ਲੀਡਰ ਸੱਤਾ ਲਈ ਅਕਾਲ ਤਖ਼ਤ ਨੂੰ ਪਿੱਠ ਦੇ ਕੇ ਖਿਸਕਣ ਲੱਗੇ- ਇਕ ਖ਼ਬਰ
ਮੋੜੀਂ ਮੋੜੀਂ ਵੇ ਗੁਲਜ਼ਾਰੀ, ਭੇਡਾਂ ਖਿਸਕ ਗਈਆਂ।
ਦੇਸ਼ ਵਿਚ ਆਰਥਕ ਤੂਫ਼ਾਨ ਆਉਣ ਵਾਲਾ ਹੈ- ਰਾਹੁਲ ਗਾਂਧੀ
ਚੋਰ ਚੌਧਰੀ ਯਾਰ ਨਾਪਾਕ ਦਾਮਨ, ਭੂਤ ਮੰਡਲੀ ਇਕ ਦੂੰ ਚਾਰ ਹੋਈ।
ਦੇਸ਼ ‘ਚ ਪੈਦਾ ਹੋਏ ਆਰਥਕ ਸੰਕਟ ਲਈ ਕੇਂਦਰ ਸਰਕਾਰ ਜ਼ਿੰਮੇਵਾਰ- ਸੁਖਜਿੰਦਰ ਰੰਧਾਵਾ
ਹੁੰਦਾ ਰੱਬ ਨਹੀਂ ਕਿਸੇ ਦਾ ਵੈਰੀ, ਵੈਰੀ ਤੇਰੇ ਐਬ ਬੰਦਿਆ।
===================================================================
ਚੁੰਝਾਂ-ਪ੍ਹੌਂਚੇ
19.05.2026
ਵਿਕਾਸ ਲਈ ਫੰਡਾਂ ਦੀ ਘਾਟ ਨਹੀਂ ਆਉਣ ਦਿਤੀ ਜਾਵੇਗੀ- ਮੰਤਰੀ ਗੋਇਲ
ਲਾ ਦਿਆਂਗੇ ਲਾਲੇ ਦੀ ਵਹੀ ‘ਤੇ ਗੂਠਾ, ਗੱਲ ਕਿਹੜੀ ਆ !
ਮਾਨ ਸਰਕਾਰ ਨੇ ਪੰਜਾਬ ਨੂੰ ਭ੍ਰਿਸ਼ਟਾਚਾਰ, ਕ੍ਰਾਈਮ ਅਤੇ ਡਰੱਗ ਦੀ ਰਾਜਧਾਨੀ ਬਣਾ ਦਿਤਾ- ਚੁੱਘ
ਚੁੱਘ ਸਾਬ, ਬਾਕੀ ਦੇਸ਼ ‘ਚ ਕਿਹੜਾ ਸਤਿਯੁਗ ਵਰਤਦਾ, ਬੰਗਾਲ ਵਲ ਵੀ ਜ਼ਰਾ ਨਿਗਾਹ ਮਾਰ ਲੈਂਦੇ।
ਐਨ.ਆਰ.ਆਈ. ਭਾਈਚਾਰੇ ਦੀ ਸੁਰੱਖਿਆ ਅਤੇ ਹੱਕਾਂ ਦੀ ਰੱਖਿਆ ਸਖ਼ਤੀ ਨਾਲ ਕੀਤੀ ਜਾਵੇਗੀ- ਡਾ. ਰਵਜੋਤ ਸਿੰਘ
ਹਰੇਕ ਸਰਕਾਰ ਇਹੋ ਜੁਮਲਾ ਦੁਹਰਾਉਂਦੀ ਹੈ ਪਰ ਪਰਨਾਲ਼ਾ ਉੱਥੇ ਦਾ ਉੱਥੇ ਹੀ ਰਹਿੰਦਾ।
ਗ਼ਲਤੀ ਮੋਦੀ ਸਰਕਾਰ ਦੀ, ਕੀਮਤ ਜੰਨਤਾ ਚੁਕਾਏਗੀ- ਰਾਹੁਲ ਗਾਂਧੀ
ਨਾਨੀ ਖ਼ਸਮ ਕਰੇ, ਦੋਹਤਾ ਚੱਟੀ ਭਰੇ।
ਐੱਸ.ਆਈ.ਆਰ. ਦੌਰਾਨ ਇਕ ਵੀ ਯੋਗ ਵੋਟ ਨਹੀਂ ਕੱਟਣ ਦਿਆਂਗੇ- ਭਗਵੰਤ ਮਾਨ
ਮਾਨ ਸਾਹਿਬ ਤੁਹਾਨੂੰ ਤਾਂ ਪਤਾ ਵੀ ਨਹੀਂ ਲੱਗਣਾ ਕਿ ਚਿੜੀਆਂ ਨੇ ਕਦੋਂ ਦੁੱਧ ਪੀ ਲਿਆ।
ਸਾਬਕਾ ਕੈਬਨਿਟ ਮੰਤਰੀ ਰੱਖੜਾ ਵੀ ‘ਆਪ’ ਵਿਚ ਸ਼ਾਮਲ- ਇਕ ਖ਼ਬਰ
ਮੈਂ ਦੇਖ ਲਿਆ ਜੱਗ ਸਾਰਾ, ਹੁਣ ਆਇਆ ਤੇਰੇ ਦੁਆਰੇ ‘ਤੇ।
ਮੀਰੀ ਪੀਰੀ ਟਰਸਟ ਮਾਮਲੇ ਨੂੰ ਹੁਣ ਸੁਪਰੀਮ ਕੋਰਟ ‘ਚ ਨਾ ਘਸੀਟਿਆ ਜਾਵੇ- ਜਗਦੀਸ਼ ਸਿੰਘ ਝੀਂਡਾ
ਖਿੱਚ ਕੇ ਕਾਲੀਨ ਪੈਰਾਂ ਹੇਠੋਂ ਸਾਡਿਉਂ, ਬਹਿ ਜਾਈਏ ਚੁੱਪ ਕਰ, ਮੱਤਾਂ ਸਾਨੂੰ ਦੇਂਵਦੇ।
ਇਰਾਨ ਜੰਗ ਕਾਰਨ ਬ੍ਰਿਕਸ ਦੇਸ਼ਾਂ ਵਿਚਾਲੇ ਵਧੀਆਂ ਦੂਰੀਆਂ- ਇਕ ਖ਼ਬਰ
ਬੇਰੀਆਂ ਨੂੰ ਬੇਰ ਲੱਗ ਗਏ, ਤੈਨੂੰ ਕੁਝ ਨਾ ਲੱਗਾ ਮੁਟਿਆਰੇ।
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਕੀਅਰ ਸਟਾਰਮਰ ਨੇ ਅਸਤੀਫ਼ਾ ਦੇਣ ਤੋਂ ਕੀਤਾ ਕੋਰਾ ਇਨਕਾਰ- ਇਕ ਖ਼ਬਰ
ਕਿਤੇ ‘ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।
117 ਵਿਧਾਇਕਾਂ ‘ਚੋਂ 36 ਨੇ ਅਜੇ ਤੱਕ ਆਪਣੀ ਜਾਇਦਾਦ ਦਾ ਵੇਰਵਾ ਨਹੀਂ ਦਿਤਾ- ਇਕ ਖ਼ਬਰ
ਅਜੇ ਛੇ ਮਹੀਨੇ ਹੋਰ ਠਹਿਰ ਜਾਉ, ਇਕੱਠਾ ਹੀ ਹਿਸਾਬ ਪੁੱਛ ਲਇਉ।
ਬੇਅਦਬੀ ਕਾਨੂੰਨ ਬਾਰੇ ਅਕਾਲੀ ਦਲ ਕਿਸ ਹੈਸੀਅਤ ‘ਚ ਸ਼੍ਰੋਮਣੀ ਕਮੇਟੀ ਨੂੰ ਦੇ ਰਿਹੈ ਹਦਾਇਤਾਂ- ਰਵੀਇੰਦਰ ਸਿੰਘ
ਹੈਸੀਅਤ ਕੁਰਸੀ ਨਾਲ ਬੱਝੀ ਹੁੰਦੀ ਐ ਤੇ ਅਗਲਾ ਕੁਰਸੀ ‘ਤੇ ਬੈਠਾ।
ਮੀਰੀ-ਪੀਰੀ ਮੈਡੀਕਲ ਕਾਲਜ ਦੇ ਮਾਮਲੇ ‘ਚ ਹਰਿਆਣਾ ਗੁਰਦੁਆਰਾ ਕਮੇਟੀ ਦੀ ਵੱਡੀ ਜਿੱਤ- ਇਕ ਖ਼ਬਰ
ਆਈ ਐ ਮੋਰਚਾ ਜਿੱਤ ਕੇ, ਗੁਰੂ ਜੀ ਤੇਰੀ ਫੌਜ ਰੰਗਲੀ।
ਬਠਿੰਡਾ ‘ਚ ਭਾਜਪਾ ਤੇ ‘ਆਪ’ ਆਗੂ ਹੋਏ ਆਹਮੋ-ਸਾਹਮਣੇ- ਇਕ ਖ਼ਬਰ
ਕੁੰਢੀਆਂ ਦੇ ਸਿੰਙ ਫ਼ਸ ਗਏ, ਕੋਈ ਨਿੱਤਰੂ ਵੜੇਂਵੇਂ ਖਾਣੀ।
ਜੰਗ ਰੋਕਣ ਲਈ ਟਰੰਪ ਨੇ ਇਰਾਨ ਦਾ ਪ੍ਰਸਤਾਵ ਕੀਤਾ ਰੱਦ- ਇਕ ਖ਼ਬਰ
ਗੱਲ ਸਿਰੇ ਲੱਗਣ ਨਹੀਂ ਦੇਣੀ, ਕਾਨਾ ਟਿੰਡ ‘ਚ ਫ਼ਸਾਈ ਰੱਖਣਾ।
ਤਾਇਵਾਨ ਦੇ ਮੁੱਦੇ ‘ਤੇ ਚੀਨ ਦੀ ਟਰੰਪ ਨੂੰ ਸਿੱਧੀ ਧਮਕੀ- ਇਕ ਖ਼ਬਰ
ਪਰੇ ਹਟ ਜਾ ਬਲਦ ਸਿੰਙ ਮਾਰੂ, ਨੀ ਸੋਨੇ ਦੇ ਤਵੀਤ ਵਾਲੀਏ।
==========================================================
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
18-05-2026
ਵਿਕਾਸ ਲਈ ਫੰਡਾਂ ਦੀ ਘਾਟ ਨਹੀਂ ਆਉਣ ਦਿਤੀ ਜਾਵੇਗੀ- ਮੰਤਰੀ ਗੋਇਲ
ਲਾ ਦਿਆਂਗੇ ਲਾਲੇ ਦੀ ਵਹੀ ‘ਤੇ ਗੂਠਾ, ਗੱਲ ਕਿਹੜੀ ਆ !
ਮਾਨ ਸਰਕਾਰ ਨੇ ਪੰਜਾਬ ਨੂੰ ਭ੍ਰਿਸ਼ਟਾਚਾਰ, ਕ੍ਰਾਈਮ ਅਤੇ ਡਰੱਗ ਦੀ ਰਾਜਧਾਨੀ ਬਣਾ ਦਿਤਾ- ਚੁੱਘ
ਚੁੱਘ ਸਾਬ, ਬਾਕੀ ਦੇਸ਼ ‘ਚ ਕਿਹੜਾ ਸਤਿਯੁਗ ਵਰਤਦਾ, ਬੰਗਾਲ ਵਲ ਵੀ ਜ਼ਰਾ ਨਿਗਾਹ ਮਾਰ ਲੈਂਦੇ।
ਐਨ.ਆਰ.ਆਈ. ਭਾਈਚਾਰੇ ਦੀ ਸੁਰੱਖਿਆ ਅਤੇ ਹੱਕਾਂ ਦੀ ਰੱਖਿਆ ਸਖ਼ਤੀ ਨਾਲ ਕੀਤੀ ਜਾਵੇਗੀ- ਡਾ. ਰਵਜੋਤ ਸਿੰਘ
ਹਰੇਕ ਸਰਕਾਰ ਇਹੋ ਜੁਮਲਾ ਦੁਹਰਾਉਂਦੀ ਹੈ ਪਰ ਪਰਨਾਲ਼ਾ ਉੱਥੇ ਦਾ ਉੱਥੇ ਹੀ ਰਹਿੰਦਾ।
ਗ਼ਲਤੀ ਮੋਦੀ ਸਰਕਾਰ ਦੀ, ਕੀਮਤ ਜੰਨਤਾ ਚੁਕਾਏਗੀ- ਰਾਹੁਲ ਗਾਂਧੀ
ਨਾਨੀ ਖ਼ਸਮ ਕਰੇ, ਦੋਹਤਾ ਚੱਟੀ ਭਰੇ।
ਐੱਸ.ਆਈ.ਆਰ. ਦੌਰਾਨ ਇਕ ਵੀ ਯੋਗ ਵੋਟ ਨਹੀਂ ਕੱਟਣ ਦਿਆਂਗੇ- ਭਗਵੰਤ ਮਾਨ
ਮਾਨ ਸਾਹਿਬ ਤੁਹਾਨੂੰ ਤਾਂ ਪਤਾ ਵੀ ਨਹੀਂ ਲੱਗਣਾ ਕਿ ਚਿੜੀਆਂ ਨੇ ਕਦੋਂ ਦੁੱਧ ਪੀ ਲਿਆ।
ਸਾਬਕਾ ਕੈਬਨਿਟ ਮੰਤਰੀ ਰੱਖੜਾ ਵੀ ‘ਆਪ’ ਵਿਚ ਸ਼ਾਮਲ- ਇਕ ਖ਼ਬਰ
ਮੈਂ ਦੇਖ ਲਿਆ ਜੱਗ ਸਾਰਾ, ਹੁਣ ਆਇਆ ਤੇਰੇ ਦੁਆਰੇ ‘ਤੇ।
ਮੀਰੀ ਪੀਰੀ ਟਰਸਟ ਮਾਮਲੇ ਨੂੰ ਹੁਣ ਸੁਪਰੀਮ ਕੋਰਟ ‘ਚ ਨਾ ਘਸੀਟਿਆ ਜਾਵੇ- ਜਗਦੀਸ਼ ਸਿੰਘ ਝੀਂਡਾ
ਖਿੱਚ ਕੇ ਕਾਲੀਨ ਪੈਰਾਂ ਹੇਠੋਂ ਸਾਡਿਉਂ, ਬਹਿ ਜਾਈਏ ਚੁੱਪ ਕਰ, ਮੱਤਾਂ ਸਾਨੂੰ ਦੇਂਵਦੇ।
ਇਰਾਨ ਜੰਗ ਕਾਰਨ ਬ੍ਰਿਕਸ ਦੇਸ਼ਾਂ ਵਿਚਾਲੇ ਵਧੀਆਂ ਦੂਰੀਆਂ- ਇਕ ਖ਼ਬਰ
ਬੇਰੀਆਂ ਨੂੰ ਬੇਰ ਲੱਗ ਗਏ, ਤੈਨੂੰ ਕੁਝ ਨਾ ਲੱਗਾ ਮੁਟਿਆਰੇ।
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਕੀਅਰ ਸਟਾਰਮਰ ਨੇ ਅਸਤੀਫ਼ਾ ਦੇਣ ਤੋਂ ਕੀਤਾ ਕੋਰਾ ਇਨਕਾਰ- ਇਕ ਖ਼ਬਰ
ਕਿਤੇ ‘ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।
117 ਵਿਧਾਇਕਾਂ ‘ਚੋਂ 36 ਨੇ ਅਜੇ ਤੱਕ ਆਪਣੀ ਜਾਇਦਾਦ ਦਾ ਵੇਰਵਾ ਨਹੀਂ ਦਿਤਾ- ਇਕ ਖ਼ਬਰ
ਅਜੇ ਛੇ ਮਹੀਨੇ ਹੋਰ ਠਹਿਰ ਜਾਉ, ਇਕੱਠਾ ਹੀ ਹਿਸਾਬ ਪੁੱਛ ਲਇਉ।
ਬੇਅਦਬੀ ਕਾਨੂੰਨ ਬਾਰੇ ਅਕਾਲੀ ਦਲ ਕਿਸ ਹੈਸੀਅਤ ‘ਚ ਸ਼੍ਰੋਮਣੀ ਕਮੇਟੀ ਨੂੰ ਦੇ ਰਿਹੈ ਹਦਾਇਤਾਂ- ਰਵੀਇੰਦਰ ਸਿੰਘ
ਹੈਸੀਅਤ ਕੁਰਸੀ ਨਾਲ ਬੱਝੀ ਹੁੰਦੀ ਐ ਤੇ ਅਗਲਾ ਕੁਰਸੀ ‘ਤੇ ਬੈਠਾ।
ਮੀਰੀ-ਪੀਰੀ ਮੈਡੀਕਲ ਕਾਲਜ ਦੇ ਮਾਮਲੇ ‘ਚ ਹਰਿਆਣਾ ਗੁਰਦੁਆਰਾ ਕਮੇਟੀ ਦੀ ਵੱਡੀ ਜਿੱਤ- ਇਕ ਖ਼ਬਰ
ਆਈ ਐ ਮੋਰਚਾ ਜਿੱਤ ਕੇ, ਗੁਰੂ ਜੀ ਤੇਰੀ ਫੌਜ ਰੰਗਲੀ।
ਬਠਿੰਡਾ ‘ਚ ਭਾਜਪਾ ਤੇ ‘ਆਪ’ ਆਗੂ ਹੋਏ ਆਹਮੋ-ਸਾਹਮਣੇ- ਇਕ ਖ਼ਬਰ
ਕੁੰਢੀਆਂ ਦੇ ਸਿੰਙ ਫ਼ਸ ਗਏ, ਕੋਈ ਨਿੱਤਰੂ ਵੜੇਂਵੇਂ ਖਾਣੀ।
ਜੰਗ ਰੋਕਣ ਲਈ ਟਰੰਪ ਨੇ ਇਰਾਨ ਦਾ ਪ੍ਰਸਤਾਵ ਕੀਤਾ ਰੱਦ- ਇਕ ਖ਼ਬਰ
ਗੱਲ ਸਿਰੇ ਲੱਗਣ ਨਹੀਂ ਦੇਣੀ, ਕਾਨਾ ਟਿੰਡ ‘ਚ ਫ਼ਸਾਈ ਰੱਖਣਾ।
ਤਾਇਵਾਨ ਦੇ ਮੁੱਦੇ ‘ਤੇ ਚੀਨ ਦੀ ਟਰੰਪ ਨੂੰ ਸਿੱਧੀ ਧਮਕੀ- ਇਕ ਖ਼ਬਰ
ਪਰੇ ਹਟ ਜਾ ਬਲਦ ਸਿੰਙ ਮਾਰੂ, ਨੀ ਸੋਨੇ ਦੇ ਤਵੀਤ ਵਾਲੀਏ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
05-05-2026
ਪੰਥਕ ਮਹਾਂਗੱਠਜੋੜ ਨੂੰ ਮਿਲ ਰਿਹਾ ਹੁੰਗਾਰਾ ਬਾਦਲ ਧੜੇ ਲਈ ਖ਼ਤਰੇ ਦੀ ਘੰਟੀ- ਇਕ ਖ਼ਬਰ
ਢਿੱਲੇ ਹੋ ਗਏ ਗਰਦਨ ਦੇ ਮੂੰਗੇ, ਲਿੱਸੀ ਹੋ ਗਈ ਤੂੰ ਬਚਨੋ।
ਰਾਜ ਸਭਾ ਮੈਂਬਰ ਹਰਭਜਨ ਸਿੰਘ ਨੂੰ ਕੇਂਦਰ ਤੋਂ ਮਿਲੀ ਸੀ.ਆਰ.ਪੀ.ਐਫ. ਸੁਰੱਖਿਆ- ਇਕ ਖ਼ਬਰ
ਨਿੱਕਾ ਦਿਉਰ ਭਾਬੀਆਂ ਦਾ ਖਿਡਾਉਣਾ, ਪੱਟਾਂ ਵਿਚ ਖੇਡਦਾ ਫਿਰੇ।
ਹਰ ਖੇਤਰ ਵਿਚ ਮਜ਼ਦੂਰਾਂ ਦਾ ਯੋਗਦਾਨ ਬੇਮਿਸਾਲ-ਜਗਮੋਹਨ ਆਨੰਦ
ਤਾਂ ਹੀ ਇਨ੍ਹਾਂ ਦੀ ਜ਼ਿੰਦਗੀ ਅਜੇ ਵੀ ਬੜੀ ਮੁਹਾਲ।
ਪੰਜਾਬ ਭਾਜਪਾ ਨੇ ਵਿਸ਼ੇਸ਼ ਸੈਸ਼ਨ ਸਮੇਂ ਕੀਤਾ ਆਪਣਾ ਵੱਖਰਾ ਸੈਸ਼ਨ।
ਢਾਈ ਇੱਟ ਦਾ ਬਣਾ ਕੇ ਚੁਬਾਰਾ, ਅਸੀਂ ਵੱਖਰੀ ਖਿਚੜੀ ਪਕਾਉਂਦੇ।
ਪੰਜਾਬ ਅਤੇ ਹਰਿਆਣਾ ਭੂਗੋਲਿਕ ਰੂਪ ‘ਚ ਅਲੱਗ ਅਲੱਗ ਪਰ ਸਾਡੀ ਆਤਮਾ ਇਕ- ਮੁੱਖ ਮੰਤਰੀ ਸੈਣੀ
ਸੈਣੀ ਸਾਹਿਬ ਆਤਮਾ ਤਾਂ ਦੋਵਾਂ ਦੀ ਕੇਂਦਰ ਕੋਲ ਗਿਰਵੀ ਪਈ ਐ।
ਜਥੇਦਾਰ ਗੜਗੱਜ ਆਪਣੇ ਫ਼ੈਸਲੇ ਦੀ ਸਿਧਾਂਤਕ ਸਪਸ਼ਟਤਾ ਸੰਗਤਾਂ ਸਾਹਮਣੇ ਰੱਖਣ- ਪ੍ਰੋ. ਖ਼ਿਆਲਾ
ਉਹਦੀ ਜਥੇਦਾਰੀ ਸਪਸ਼ਟ ਨਹੀਂ, ਤੁਸੀਂ ਫ਼ੈਸਲੇ ਦੀ ਸਿਧਾਂਤਕ ਸਪਸ਼ਟਤਾ ਭਾਲ਼ਦੇ ਓ।
ਸਿਆਸੀ ਬਦਲਾਖੋਰੀ ਲਈ ਨਿੱਜੀ ਆਜ਼ਾਦੀ ਕੁਰਬਾਨ ਨਹੀਂ ਕੀਤੀ ਜਾ ਸਕਦੀ- ਪਵਨ ਖੇੜਾ
ਦੁਖੀ ਦਿਲਾਂ ਦੀ ਦੇਖ ਲੈ ਫੋਟੋ, ਮੂਰਤਾਂ ਦਾ ਕੀ ਦੇਖਣਾ।
ਅਮਰੀਕਾ ਨਾਲ ਜੰਗ ਖ਼ਤਮ ਕਰਨ ਲਈ ਰਾਜ਼ੀ ਹੋਇਆ ਇਰਾਨ- ਇਕ ਖ਼ਬਰ
ਨੀ ਤੂੰ ਬਣ ਕੇ ਕਬੂਤਰੀ ਚੀਨੀ, ਗਿੱਧੇ ਵਿਚ ਆ ਜਾ ਗੋਰੀਏ।
ਕੇਂਦਰੀ ਮੰਤਰੀ ਖੱਟੜ ਨਾਲ ਦਾਦੂਵਾਲ ਨੇ ਕੀਤੀ ਮੁਲਾਕਾਤ- ਇਕ ਖ਼ਬਰ
ਬੋਤਾ ਬੰਨ੍ਹ ਜੰਡੀਆਂ ਦੀ ਛਾਂਵੇਂ, ਆਪਾਂ ਦੋਵੇਂ ਤਾਸ਼ ਖੇਡੀਏ।
‘ਆਪ’ ਸਰਕਾਰ ਵਲੋਂ ਦਰਜ ਕੀਤੇ ਜਾ ਰਹੇ ਝੂਠੇ ਕੇਸਾਂ ਤੋਂ ਭਾਜਪਾ ਡਰਨ ਵਾਲੀ ਨਹੀਂ- ਜਾਖੜ
ਜੀਹਨੇ ਕਾਲ਼ ਪਾਵੇ ਨਾਲ਼ ਬੰਨ੍ਹਿਆਂ, ਇਕ ਦਿਨ ਹੋਇਆ ਚਲਦਾ।
ਇੰਗਲੈਂਡ ਦੇ ਸਾਬਕਾ ਸਫ਼ੀਰਾਂ ਨੇ ਇਜ਼ਰਾਇਲ ਦੇ ਵਿਸਥਾਰ ਪ੍ਰਤੀ ਸਖ਼ਤ ਕਦਮ ਚੁੱਕਣ ਦੀ ਕੀਤੀ ਮੰਗ- ਇਕ ਖ਼ਬਰ
ਪਾਪ ਪੁੰਨ ਨੀ ਜਿੰਦੜੀਏ ਤੇਰੇ, ਤੱਕੜੀ ‘ਤੇ ਤੋਲੇ ਜਾਣਗੇ।
ਭਗਵੰਤ ਮਾਨ ਸਰਕਾਰ ਨੇ ਵਿਧਾਨ ਸਭਾ ‘ਚ ਭਰੋਸੇ ਦਾ ਵੋਟ ਕੀਤਾ ਹਾਸਲ-ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।
ਭਾਜਪਾ ਨੇ ਰਾਜਪਾਲ ਕਟਾਰੀਆ ਨੂੰ ਮਿਲ ਕੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਹਟਾਉਣ ਦੀ ਕੀਤੀ ਮੰਗ- ਇਕ ਖ਼ਬਰ
ਸਲਵਾਨ ਜੱਲਾਦਾਂ ਨੂੰ ਆਖਦਾ, ਕਰੋ ਪੂਰਨ ਜਲਦ ਹਲਾਲ।
ਸਿੱਖ ਸੰਸਥਾਵਾਂ ਵਲੋਂ ਜਾਗਤ ਜੋਤ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਸਤਿਕਾਰ ਕਾਨੂੰਨ ਨਾਮਨਜ਼ੂਰ- ਇਕ ਖ਼ਬਰ
ਮੋਢਾ ਸਿੱਖ ਸੰਸਥਾਵਾਂ ਦਾ, ਕੋਈ ਗੋਲ਼ੀ ਹੋਰ ਚਲਾਵੇ।
ਟਰੰਪ ਨੇ ਪੰਜ ਹਜ਼ਾਰ ਅਮਰੀਕਨ ਸਿਪਾਹੀ ਖਾੜੀ ‘ਚੋਂ ਵਾਪਸ ਬੁਲਾਉਣ ਲਈ ਕਿਹਾ- ਇਕ ਖ਼ਬਰ
ਇਹਦੇ ਕਹਿਣੇ ਮਗਰ ਨਾ ਜਾਵੋ ਕੋਈ, ਇਹ ਬੰਦਾ ਬੇਇਤਬਾਰਾ, ਕਰਦਾ ਕਾਰਾ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
27-04-2026
ਸਵਾਮੀਨਾਥਨ ਫਾਰਮੂਲੇ ਮੁਤਾਬਿਕ ਭਾਅ ਨਾ ਮਿਲਣ ਕਰ ਕੇ ਕਿਸਾਨਾਂ ਦਾ ਘਾਟਾ ਹੋਰ ਵਧਿਆ- ਪੰਧੇਰ
ਕੁਝ ਲੁੱਟ ਲਈ ਮੈਂ ਪਿੰਡ ਦਿਆਂ ਪੰਚਾਂ, ਕੁਝ ਲੁੱਟ ਲਈ ਸਰਕਾਰਾਂ।
ਅਮਰੀਕਾ ‘ਚ ਟਰੰਪ ਦੇ ਗ਼ੈਰ ਸੰਵਿਧਾਨਕ ਟੈਰਿਫ਼ਾਂ ਦੇ ਰੀਫ਼ੰਡ ਦੀ ਪ੍ਰਕਿਰਿਆ ਸ਼ੁਰੂ- ਇਕ ਖ਼ਬਰ
ਹੱਥਾਂ ਨਾਲ਼ ਬਣਾਇਆ ਸੀ, ਪੈਰਾਂ ਨਾਲ ਢਾਇਆ ਸੀ।
ਲੋਕ ਸਭਾ ਦੀਆਂ ਸੀਟਾਂ ਵਧਾਉਣ ਦਾ ਪ੍ਰਸਤਾਵ ਔਰਤ ਸਸ਼ਕਤੀਕਰਨ ਦੇ ਨਾਂ ‘ਤੇ ਵੇਚਿਆ ਜਾ ਰਿਹੈ- ਜਮਹੂਰੀ ਅਧਿਕਾਰ ਸਭਾ
ਹੋਕਾ ਵੰਙਾਂ ਦਾ, ਵੇਚਣੇ ਚੱਕੀ ਰਾਹੇ।
ਪ੍ਰਧਾਨ ਮੰਤਰੀ ਮੋਦੀ ਟਰੰਪ ਦੇ ਹੁਕਮਾਂ ਅਨੁਸਾਰ ਹੀ ਇਜ਼ਰਾਇਲ ਨੂੰ ਗਏ ਸਨ- ਰਾਹੁਲ ਗਾਂਧੀ
ਕੀ ਘੋਲ਼ ਕੇ ਤਵੀਤ ਪਿਲਾਏ, ਲੱਗੀ ਤੇਰੇ ਮਗਰ ਫਿਰਾਂ।
ਲੋਕ ਸਭਾ ‘ਚ ਹਾਰ ਨਾਲ ਭਾਜਪਾ ਦਾ ਪਤਨ ਸ਼ੁਰੂ- ਮਮਤਾ ਬੈਨਰਜੀ
ਸੁੰਞੇ ਰਹਿਣਗੇ ਬਨੇਰੇ ਤੇਰੇ, ਤੋਤੇ ਉੱਡ ਜਾਣਗੇ।
ਅਕਾਲੀ ਆਗੂ ਨੂੰ ਦੇਹ ਵਪਾਰ ਦੇ ਧੰਦੇ ‘ਚ ਫੜੇ ਜਾਣ ‘ਤੇ ਪਾਰਟੀ ਦੀ ਚੁੱਪ ਉੱਤੇ ਬਲਤੇਜ ਪੰਨੂੰ ਨੇ ਚੁੱਕੇ ਸਵਾਲ- ਇਕ ਖ਼ਬਰ
ਚੋਰ ਦੀ ਮਾਂ, ਕੋਠੀ ‘ਚ ਮੂੰਹ।
ਸ਼੍ਰੋਮਣੀ ਕਮੇਟੀ ਨੇ ਗਿਆਨੀ ਰਘਬੀਰ ਸਿੰਘ ਦੇ ਸਾਮਾਨ ਦੀ ਤਲਾਸ਼ੀ ਲਈ- ਇਕ ਖ਼ਬਰ
ਤੂੰ ਨਹੀਂ ਬੋਲਦੀ ਰਕਾਨੇ ਤੂੰ ਨਹੀਂ ਬੋਲਦੀ, ਤੇਰੇ ‘ਚ ਤੇਰਾ ਯਾਰ ਬੋਲਦਾ।
ਬੀ.ਬੀ.ਐੱਮ.ਬੀ. ਜਲ ਵਿਵਾਦ ‘ਚ ਹਾਈ ਕੋਰਟ ਨੇ ਪੰਜਾਬ ਦੀ ਪਟੀਸ਼ਨ ਕੀਤੀ ਰੱਦ- ਇਕ ਖ਼ਬਰ
ਪੰਜਾਬ ਸਿਆਂ ਹੋਰ ਇਥੋਂ ਛਿੱਕੂ ਮਿਲਣਾ ਤੈਨੂੰ! ਦਰਬਾਰੇ ਵਰਗੇ ਤੇਰੀਆਂ ਜੜ੍ਹਾਂ ‘ਚ ਤੇਲ ਦੇ ਗਏ ਸੀ।
ਮੁੰਬਈ ਹਾਈ ਕੋਰਟ ਵਲੋਂ ਕੇਂਦਰ ਸਰਕਾਰ ਦੀ ਝਾੜਝੰਭ- ਇਕ ਖ਼ਬਰ
ਦੋ ਪਈਆਂ ਕਿਧਰ ਗਈਆਂ, ਸਦਕਾ ਢੂਈ ਦਾ।
ਅਮਰੀਕਾ-ਇਰਾਨ ਵਿਚਕਾਰ ਪਾਕਿਸਤਾਨ ਦਾ ਵਿਚੋਲਗਿਰੀ ਕਰਨਾ ਮੋਦੀ ਸਰਕਾਰ ਲਈ ਝਟਕਾ- ਕਾਂਗਰਸ
ਇਹ ਪਾਕਿਸਤਾਨ ਨੂੰ ਦਲਾਲ ਕਹਿ ਕੇ ਹੀ ਖੁਸ਼ ਨੇ।
ਪਾਕਿਸਤਾਨ ਨੇ ਭਾਰਤੀ ਹਵਾਈ ਕੰਪਨੀਆਂ ਉੱਤੇ ਪਾਬੰਦੀ ਵਧਾਈ- ਇਕ ਖ਼ਬਰ
ਹੱਥ ਸੋਚ ਕੇ ਗੰਦਲ ਨੂੰ ਪਾਈਂ, ਕਿਹੜੀ ਏਂ ਤੂੰ ਸਾਗ ਤੋੜਦੀ।
ਅਰਬਪਤੀਆਂ ਦੇ ਮਾਮਲੇ ‘ਚ ਭਾਰਤ ਤੀਸਰੇ ਨੰਬਰ ‘ਤੇ- ਇਕ ਖਬਰ
ਦੋ ਧੜਿਆਂ ਵਿਚ ਖ਼ਲਕਤ ਵੰਡੀ, ਇਕ ਲੋਕਾਂ ਦਾ ਇਕ ਜੋਕਾਂ ਦਾ।
ਅਰਵਿੰਦ ਕੇਜਰੀਵਾਲ ਨੇ ਚੋਣਾਂ ਤੋਂ ਪਹਿਲਾਂ ਮਮਤਾ ਨਾਲ ਇਕਜੁੱਟਤਾ ਦਾ ਪ੍ਰਗਟਾਵਾ ਕੀਤਾ- ਇਕ ਖ਼ਬਰ
ਆ ਜਾ ਆਪਾਂ ਦੋਵੇਂ ਨੱਚੀਏ, ਆਪਾਂ ਭੈਣ ਭਰਾ।
ਰਾਘਵ ਚੱਢਾ ‘ਆਪ’ ਦੇ ਛੇ ਹੋਰ ਮੈਂਬਰਾਂ ਨੂੰ ਲੈ ਕੇ ਭਾਜਪਾ ‘ਚ ਜਾ ਵੜਿਆ, ਭਾਜਪਾ ਬਾਗ਼ੋ-ਬਾਗ਼- ਇਕ ਖ਼ਬਰ
ਡੋਰ ਵੱਟ ਕੇ ਗਲ਼ੇ ਦੇ ਵਿਚ ਪਾਵਾਂ, ਮਿੱਤਰਾ ਤਵੀਤ ਬਣ ਜਾ।
ਖੜਗੇ ਦੇ ਬਿਆਨ ‘ਤੇ ਚੋਣ ਕਮਿਸ਼ਨ ਦਾ ਸਖ਼ਤ ਨੋਟਿਸ- ਇਕ ਖ਼ਬਰ
ਅਣਦਾੜ੍ਹੀਆ ਸੁੱਕਾ ਨਾ ਲੰਘ ਜਾਵੇ, ਲੜ ਜਾਂ ਭ੍ਰਿੰਡ ਬਣ ਕੇ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
21-04-2026
ਨਾਮਧਾਰੀ ਸੰਪਰਦਾ ਦੇ ਠਾਕੁਰ ਦਲੀਪ ਸਿੰਘ ਨੂੰ ਅਦਾਲਤ ਨੇ ਭਗੌੜਾ ਐਲਾਨਿਆ- ਇਕ ਖ਼ਬਰ
ਵਾਹ ਭਾਈ ਜੀ ਵਾਹ ਪੜ੍ਹਨੀਆਂ ਪੋਥੀਆਂ ਤੇ ਕੰਮ ਕਰਨੇ ਆਹ।
ਭਾਖੜਾ ਬਿਆਸ ਬੋਰਡ ਉੱਤੇ ਪੰਜਾਬ ਅਤੇ ਹਰਿਆਣਾ ਦਾ ਦਬਦਬਾ ਖ਼ਤਮ- ਇਕ ਖ਼ਬਰ
ਯਾਨੀ ਕਿ ਬਿੱਲੀਆਂ ਦੀ ਰੋਟੀ ਬਾਂਦਰ ਖਾ ਗਿਐ।
ਪੱਕੇ ਤੌਰ ‘ਤੇ ਹੋਰਮੁਜ਼ ਸਟਰੇਟ ਖੋਲ੍ਹ ਦੇਵਾਂਗੇ- ਟਰੰਪ
ਬੋਹਲ ਦੀ ਰਾਖੀ ਬੱਕਰਾ।
ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸੁਖਬੀਰ ਬਾਦਲ ਉੱਤੇ ਕੀ ਫ਼ਖ਼ਰ ਕੀਤਾ ਜਾਵੇ?- ਗਿ. ਰਘਬੀਰ ਸਿੰਘ
ਭਾਂਡੇ ਵੇਚ ‘ਤੇ ਅਮਲੀਆ ਯਾਰਾ, ਤੇਰੇ ‘ਤੇ ਕਾਹਦਾ ਮਾਣ ਕਰਾਂ।
ਬਿਨਾਂ ਸਮਝੌਤੇ ਦੇ ਹੀ ਅਮਰੀਕੀ ਅਤੇ ਈਰਾਨੀ ਵਫ਼ਦ ਪਾਕਿਸਤਾਨ ਤੋਂ ਹੋਏ ਰਵਾਨਾ- ਇਕ ਖਬ਼ਰ
ਵੀਰਾ ਕੁਝ ਪੁੰਨ ਕਰ ਦੇ, ਘਟਾ ਆਣ ਕੇ ਬਨੇਰੇ ਕੋਲ਼ੋਂ ਮੁੜ ਗਈ।
ਪੰਜਾਬ ਨੂੰ ਅੰਕੜਿਆਂ ਦੀ ਨਹੀਂ, ਨਸ਼ੇ ਖ਼ਤਮ ਕਰਨ ਲਈ ਨਤੀਜਿਆਂ ਦੀ ਲੋੜ ਹੈ- ਸੁਖਜਿੰਦਰ ਸਿੰਘ ਰੰਧਾਵਾ
ਮੇਰੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।
ਸ਼੍ਰੋਮਣੀ ਕਮੇਟੀ ਦੀਆਂ ਕਮਜ਼ੋਰੀਆਂ ਕਰ ਕੇ ਪੰਜਾਬ ਬਣਿਆ ਡੇਰਿਆਂ ਦਾ ਡੇਰਾ- ਇਕ ਖ਼ਬਰ
ਮਰ ਜਾਣੇ ਅਮਲੀ ਨੇ ਸਾਰੇ ਪਿੰਡ ‘ਚ ਪੁਆੜੇ ਪਾਏ।
ਲੋਕ ਸਭਾ ਵਿਚ ਡਿਗਿਆ ਮਹਿਲਾ ਰਾਖਵਾਂਕਰਨ ਬਿੱਲ- ਇਕ ਖ਼ਬਰ
ਕੰਢੇ ਕੰਢੇ ਹੀਰ ਭਾਲ਼ਦਾ. ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।
ਅਸੀਂ ਕੇਂਦਰੀ ਏਜੰਸੀਆਂ ਦੀਆਂ ਕਾਰਵਾਈਆਂ ਤੋਂ ਡਰਨ ਵਾਲੇ ਨਹੀਂ- ਭਗਵੰਤ ਮਾਨ
ਗੱਲ ਸੋਚ ਕੇ ਕਰੀਂ ਜ਼ੈਲਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।
ਬਿੱਲ ਪਾਸ ਨਾ ਹੋਣ ਲਈ ਮੈਂ ਮੁਆਫ਼ੀ ਮੰਗਦਾ ਹਾਂ- ਮੋਦੀ
ਜੇਠਾ ਵੇ ਮਾਫ਼ ਕਰੀਂ, ਭੁੱਲ ਗਈ ਮੈਂ ਘੁੰਡਣਾ।
ਕੇਂਦਰ ਸਰਕਾਰ ਵਾਰ-ਵਾਰ ਪੰਜਾਬ ਦੇ ਹੱਕਾਂ ‘ਤੇ ਡਾਕਾ ਮਾਰ ਰਹੀ ਹੈ- ਬਲਤੇਜ ਸਿੰਘ ਪੰਨੂੰ
ਸਰਵਣ ਵੀਰ ਬਿਨਾਂ, ਮੇਰੀ ਰੁਲ਼ਦੀ ਵਣਾਂ ਵਿਚ ਗੱਠੜੀ
ਸਮਾਜ ਦਾ ਹਰ ਵਰਗ ਭਾਜਪਾ ਸਰਕਾਰ ਦੀਆਂ ਲੋਕ ਵਿਰੋਧੀਆਂ ਨੀਤੀਆਂ ਤੋਂ ਪ੍ਰੇਸ਼ਾਨ- ਹਰਿਆਣਾ ਕਾਂਗਰਸ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।
ਰਾਜਪਾਲ ਨੇ ਬੇਅਦਬੀ ਸਬੰਧੀ ਸਖ਼ਤ ਸਜ਼ਾਵਾਂ ਵਾਲੇ ਬਿੱਲ ਨੂਂ ਦਿਤੀ ਪ੍ਰਵਾਨਗੀ- ਇਕ ਖਬ਼ਰ
ਤੈਨੂੰ ਚੰਦ ਦੇ ਬਹਾਨੇ ਦੇਖਾਂ, ਕੋਠੇ ਉੱਤੇ ਆ ਜਾ ਮਿੱਤਰਾ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
12-04-2026
ਰਾਜਨਾਥ ਸਿੰਘ ਨੇ ਖੇਤੀਬਾੜੀ ਸੁਧਾਰਾਂ ਦੀ ਲੋੜ ‘ਤੇ ਦਿਤਾ ਜ਼ੋਰ- ਇਕ ਖ਼ਬਰ
ਇਹ ਊਠ ਦਾ ਬੁੱਲ੍ਹ ਪਤਾ ਨਹੀਂ ਕਦੋਂ ਡਿਗੇਗਾ।
ਮੀਂਹ ਨਾਲ ਫ਼ਸਲਾਂ ਦੇ ਨੁਕਸਾਨ ਦਾ ਪਤਾ ਲਾਉਣ ਲਈ ਪੰਜਾਬ ਭਾਜਪਾ ਨੇ ਟੀਮਾਂ ਦਾ ਗਠਨ ਕੀਤਾ- ਇਕ ਖ਼ਬਰ
ਭਾਜਪਾ ਜੀ, ਪਹਿਲਾਂ ਹੜ੍ਹਾਂ ਨਾਲ ਹੋਏ ਨੁਕਸਾਨ ਦਾ 1600 ਕਰੋੜ ਤਾਂ ਕੇਂਦਰ ਕੋਲੋਂ ਲੈ ਆਉ।
ਦਿੱਲੀ ਪਹੁੰਚ ਕੇ ਨਿਤੀਸ਼ ਕੁਮਾਰ ਰਾਜ ਸਭਾ ਮੈਂਬਰ ਵਜੋਂ ਸਹੁੰ ਚੁੱਕਣਗੇ- ਇਕ ਖ਼ਬਰ
ਮਰਦੀ ਨੇ ਅੱਕ ਚੱਬਿਆ, ਹਾਰ ਕੇ ਜੇਠ ਨਾਲ ਲਾਈਆਂ।
ਸ੍ਰੀ ਅਕਾਲ ਤਖ਼ਤ ਦੇ ਸਿਧਾਂਤ ਨੂੰ ਢਾਅ ਲਾਉਣ ਲਈ ਸੁਖਬੀਰ ਬਾਦਲ ਆਪਣੇ ਬਾਪ ਤੋਂ ਵੀ ਅੱਗੇ ਲੰਘਿਆ- ਭਾਈ ਮਾਝੀ
ਗੁਰੂ ਜਿਨ੍ਹਾਂ ਦੇ ਟੱਪਣੇ, ਚੇਲੇ ਜਾਣ ਛੜੱਪ।
ਪੱਛਮੀ ਬੰਗਾਲ ਵੋਟਰ ਸੂਚੀ ‘ਚੋਂ 91 ਲੱਖ ਵੋਟਰਾਂ ਦੇ ਨਾਮ ਹਟਾਏ ਗਏ- ਚੋਣ ਕਮਿਸ਼ਨ
ਨਾ ਰਹੇ ਬਾਂਸ, ਨਾ ਬਜੇ ਬੰਸਰੀ।
ਕਾਰੋਬਾਰੀ ਨੂੰ ਧਮਕਾਉਣ ਦੀ ਮੰਤਰੀ ਮੁੰਡੀਆਂ ਬਾਰੇ ਵਾਇਰਲ ਵੀਡੀਓ ਦੀ ਹੋਵੇ ਜਾਂਚ- ਰਵਨੀਤ ਬਿੱਟੂ
ਲੌਂਗ ਘੜਾ ਦਊਂਗਾ, ਗੁੱਸਾ ਛੱਡ ਮੁਟਿਆਰੇ।
ਸ਼੍ਰੋਮਣੀ ਕਮੇਟੀ ਦੀ ਸਬ ਕਮੇਟੀ ਨੇ ਫਿਰ ਸਰਕਾਰ ਨੂੰ ਲਿਖੀ ਚਿੱਠੀ- ਇਕ ਖ਼ਬਰ
ਚਿੱਠੀਆਂ ਸਾਹਿਬਾਂ ਜੱਟੀ ਨੇ ਲਿਖ ਮਿਰਜ਼ੇ ਵਲ ਪਾਈਆਂ।
ਮੁੱਖ ਮੰਤਰੀ ਵਲੋਂ ਫ਼ਸਲਾਂ ਦੇ ਹੋਏ ਨੁਕਸਾਨ ਲਈ ਸਪੈਸ਼ਲ ਗਿਰਦਾਵਰੀ ਦੇ ਹੁਕਮ- ਇਕ ਖ਼ਬਰ
ਆਪਣੀਆਂ ਮੁਰਗ਼ੀਆਂ, ਬੱਕਰੀਆਂ ਗਿਣ ਲਉ ਬਈ ਪੰਜਾਬੀਉ, ਮੁਆਵਜ਼ਾ ਆ ਰਿਹੈ।
ਅਕਾਲੀਆਂ ਨੇ ਪੰਜਾਬ ਨੂੰ ਲੁੱਟਣ ਦੀ ਆਦਤ ਨਹੀਂ ਛੱਡੀ- ਭਗਵੰਤ ਮਾਨ
ਵਾਦੜੀਆਂ ਸਜਾਦੜੀਆਂ ਨਿਭਣ ਸਿਰਾਂ ਦੇ ਨਾਲ।
ਮੈਂ ਟਰੰਪ ਅਤੇ ਪੁਤਿਨ ਤੋਂ ਤੰਗ ਆ ਚੁੱਕਿਆ ਹਾਂ- ਸਟਾਰਮਰ
ਪਰ੍ਹੇ ‘ਚ ਆ ਕੇ ਕੈਦੋ ਨੇ ਮੱਗ ਮਾਰੀ, ਗੱਲਾਂ ਵੇਖ ਲਉ ਅੱਲ ਵਲੱਲੀਆਂ ਨੇ।
ਨਾਟੋ ਦੇ ਫ਼ੈਸਲੇ ਨੂੰ ਕਦੇ ਨਹੀਂ ਭੁੱਲਾਂਗਾ- ਟਰੰਪ
ਮੇਰੀ ਚੱਪਣੀ ਵਗਾਹ ਕੇ ਮਾਰੀ, ਛੜਿਆਂ ਦੇ ਗਈ ਅੱਗ ਨੂੰ।
‘ਜਥੇਦਾਰ’ ਸਰਕਾਰ ਦੀ ਥਾਂ ਪੰਥ ਵਲ ਦੇਖਣ- ਦਲ ਖ਼ਾਲਸਾ
ਮੈਂ ਦੁੱਖ ਮਿੱਤਰਾਂ ਕੋਲ ਰੋਵਾਂ, ਕੰਤ ਨਿਆਣੇ ਦਾ।
ਗਿਆਨੀ ਰਘਬੀਰ ਸਿੰਘ ਨੇ ਸੁਖਬੀਰ ਬਾਦਲ ਨੂੰ ਦਿਤੀ ਖੁੱਲ੍ਹੀ ਚੁਣੌਤੀ- ਇਕ ਖ਼ਬਰ
ਨੀਂ ਛੜੇ ਅੱਜ ਭਜਨ ਕੁਰੇ, ਹੋ ਕੇ ਸ਼ਰਾਬੀ ਬੁੱਕਦੇ।
ਡਾ. ਨਵਜੋਤ ਕੌਰ ਸਿੱਧੂ ਨੇ ਬਣਾਈ ‘ ਭਾਰਤੀ ਰਾਸ਼ਟਰਵਾਦੀ ਪਾਰਟੀ’ ਸਿਆਸੀ ਪਾਰਟੀ- ਇਕ ਖ਼ਬਰ
ਮੈਂ ਵੀ ਦਿੰਨੀ ਆਂ, ਪੈਰਾਂ ਤੋਂ ਬੰਦਾ ਚੁੱਕ ਮੁੰਡਿਆ।
ਸੁਖਬੀਰ ਬਾਦਲ ਨੇ ਅੱਠ ਸਵਾਲਾਂ ਦੇ ਜਵਾਬ ਹਾਂ ਵਿਚ ਦਿਤੇ ਤਾਂ ਆਦੇਸ਼ ਸਾਜ਼ਿਸ਼ ਕਿਵੇਂ ਹੋ ਗਿਆ?- ਗਿ.ਹਰਪ੍ਰੀਤ ਸਿੰਘ
ਦੋ ਘੁੱਟ ਪੀ ਕੇ ਦਾਰੂ, ਪੈਰ ‘ਤੇ ਮੁੱਕਰ ਗਿਆ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
07.04.2026
ਅਮਰੀਕਾ ਨੇ ਆਰਮੀ ਚੀਫ਼ ਨੂੰ ਨੌਕਰੀ ਤੋਂ ਹਟਾਇਆ- ਇਕ ਖ਼ਬਰ
ਡਿਗੀ ਖੋਤੇ ਤੋਂ, ਗੁੱਸਾ ਘੁਮਿਆਰ ‘ਤੇ।
ਬੇਅਦਬੀ ਮਾਮਲੇ ‘ਤੇ ਕਾਂਗਰਸ ਅਤੇ ‘ਆਪ’ ਨੇ ਸਿਰਫ਼ ਸਿਆਸਤ ਕੀਤੀ- ਸੁਖਬੀਰ ਬਾਦਲ
ਬਾਦਲ ਸਾਬ ਇਹ ਵੀ ਦੱਸ ਦਿਉ ਕਿ ਗੋਲ਼ੀਆਂ ਕੀਹਨੇ ਚਲਾਈਆਂ ਤੇ ਬੇਕਸੂਰ ਬੰਦੇ ਮਾਰੇ।
ਪਹਿਲਾਂ ਮੁਕਰਨ ਤੋਂ ਬਾਅਦ ਹੁਣ ਫੇਰ ਕੈਨੇਡੀਅਨ ਪੁਲਿਸ ਨੇ ਮੰਨ ਲਿਆ ਕਿ ਹਿੰਸਕ ਘਟਨਾਵਾਂ ‘ਚ ਵਿਦੇਸ਼ੀ ਏਜੰਸੀਆਂ ਦਾ ਹੱਥ- ਇਕ ਖ਼ਬਰ
ਮਰ ਜਾਉ ਚਿੜੀਓ, ਜੀ ਪਉ ਚਿੜੀਓ।
ਇਰਾਨ ਨਾ ਮੰਨਿਆ ਤਾਂ ਖਾਰਗ ਟਾਪੂ ਤਬਾਹ ਕਰ ਦਿਆਂਗੇ- ਟਰੰਪ
ਜੇ ਕੋਈ ਹੋਰ ਲੈ ਕੇ ਆਇਆ ਤੇਰੀ ਜੰਞ ਨੀ, ਬਣੂੰ ਜੰਗ ਦਾ ਮੈਦਾਨ ਵੇਖੀਂ ਬੇਲਾ ਝੰਗ ਨੀ।
ਬਰਤਾਨੀਆ ਇਰਾਨ ਵਿਰੁੱਧ ਜੰਗ ‘ਚ ਨਹੀਂ ਪਵੇਗਾ- ਬਰਤਾਨਵੀ ਪ੍ਰਧਾਨ ਮੰਤਰੀ
ਟੁੱਟ ਜਾਊਗਾ ਬਲੌਰੀ ਚੂੜਾ, ਮਿੱਤਰਾ ਬਾਂਹ ਛੱਡ ਦੇ।
ਅਸੀਂ ਕਿਸੇ ਦੀ ਮਦਦ ਨਹੀਂ ਕਰਾਂਗੇ, ਜੀਹਨੂੰ ਤੇਲ ਚਾਹੀਦੈ ਹੋਰਮੁਜ਼ ਸਟਰੇਟ ਥਾਣੀਂ ਆਪ ਲੈ ਕੇ ਆਵੇ- ਟਰੰਪ
ਕਿਤੇ ‘ਕੱਲੀ ਬਹਿ ਕੇ ਸੋਚੀਂ ਨੀ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।
ਗੁਰੂ-ਘਰ ਦੀ ਜਾਇਦਾਦ ਲੁੱਟਣ ਵਾਲੇ ਬਖ਼ਸ਼ੇ ਨਹੀਂ ਜਾਣਗੇ- ਮੁੱਖ ਸਕੱਤਰ ਮੰਨਣ
ਨਾ ਖੰਜਰ ਉਠੇਗਾ ਨਾ ਤਲਵਾਰ ਹੀ ਉਠੇਗੀ, ਯੇਹ ਬਾਜ਼ੂ ਮਿਰੇ ਆਜ਼ਮਾਏ ਹੂਏ ਹੈਂ।
ਰਜਵਾੜਿਆਂ ਦੇ ਕਬਜ਼ੇ ਨੇ ਸਿੱਖ ਸਿਆਸਤ ਅਤੇ ਅਕਾਲੀ ਦਲ ਦਾ ਘਾਣ ਕੀਤਾ- ਗਿ.ਹਰਪ੍ਰੀਤ ਸਿੰਘ
ਕਾਦਰਯਾਰ ਅਣਹੋਣੀਆਂ ਕਰਨ ਜਿਹੜੇ, ਆਖਰਵਾਰ ਉਨ੍ਹਾਂ ਪੱਛੋਤਾਵਣਾ ਈ।
ਰੁਪਇਆ ਚਾਹੇ ਡਾਲਰ ਦੇ ਮੁਕਾਬਲੇ ਕਮਜ਼ੋਰ ਪਰ ਸਥਿਤੀ ਬਿਲਕੁਲ ਠੀਕ- ਸੀਤਾਰਮਣ
ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।
2027 ‘ਚ ਪੰਜਾਬ ਦੇ ਲੋਕ ਕਾਂਗਰਸੀਆਂ, ਅਕਾਲੀਆਂ ਤੇ ਭਾਜਪਾਈਆਂ ਦਾ ਸਫ਼ਾਇਆ ਕਰ ਦੇਣਗੇ- ਭਗਵੰਤ ਮਾਨ
ਗਲੀਆਂ ਹੋ ਜਾਣ ਸੁੰਞੀਆਂ, ਵਿਚ ਮਿਰਜ਼ਾ ਯਾਰ ਫਿਰੇ।
ਰਾਘਵ ਚੱਢਾ ਭਾਜਪਾ ਤੋਂ ਏਨਾ ਡਰਦੇ ਕਿਉਂ ਹਨ?- ਆਤਿਸ਼ੀ
ਹੁਣ ਰੱਬ ਡਾਢਾ ਵੀ ਡਰਦਾ, ਠਾਣੇਦਾਰਾਂ ਤੋਂ।
ਪੋਪ ਨੇ ਸਿਆਸਤਦਾਨਾਂ ਦੇ ਜੰਗ ਬਾਰੇ ਦਾਅਵਿਆਂ ਨੂੰ ਕੀਤਾ ਰੱਦ- ਇਕ ਖ਼ਬਰ
ਜੰਗ ਮਸਲੋਂ ਕਾ ਹੱਲ ਕਿਆ ਕਰੇਗੀ, ਜੰਗ ਤੋ ਖੁਦ ਏਕ ਮਸਲਾ ਹੈ।– ਸਾਹਿਰ ਲੁਧਿਆਣਵੀ
ਯੂ.ਏ.ਈ. ਨੇ ਪਾਕਿਸਤਾਨ ਨੂੰ ਦਿਤਾ ਹੋਇਆ 3.5 ਅਰਬ ਡਾਲਰ ਦਾ ਕਰਜ਼ਾ ਵਾਪਸ ਮੰਗਿਆ- ਇਕ ਖ਼ਬਰ
ਯਾਰੀ ਲੱਗੀ ‘ਤੇ ਲੁਆ ‘ਤੇ ਤਖ਼ਤੇ, ਟੁੱਟੀ ‘ਤੇ ਚੁਗਾਠ ਪੁੱਟ ਲਈ।
ਜੰਗ ਦੀ ਲਾਗਤ ਨਾਲ ਟਰੰਪ ਦੀਆਂ ਵਧੀਆਂ ਮੁਸ਼ਕਿਲਾਂ- ਇਕ ਖ਼ਬਰ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।
ਸੁਖਬੀਰ ਬਾਦਲ ਜਿੰਨੀਆਂ ਮਰਜ਼ੀ ਰੈਲੀਆਂ ਕਰ ਲਵੇ ਕਦੇ ਕਾਮਯਾਬ ਨਹੀਂ ਹੋਵੇਗਾ- ਗਿ. ਹਰਪ੍ਰੀਤ ਸਿੰਘ
ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।
ਇਟਲੀ ਨੇ ਅਮਰੀਕਾ ਨੂੰ ਆਪਣਾ ਫੌਜੀ ਅੱਡਾ ਦੇਣ ਤੋਂ ਕੀਤੀ ਨਾਂਹ- ਇਕ ਖ਼ਬਰ
ਦਾਲ਼ ਮੰਗੇ ਛੜਿਆਂ ਤੋਂ, ਨਾ ਸ਼ਰਮ ਗੁਆਂਢਣੇ ਆਵੇ।
=================================================================================
