28.10.2024

ਕੇਂਦਰ ਦੀ ਭਾਜਪਾ ਸਰਕਾਰ ਕਿਸਾਨਾਂ ਦੇ ਮਸਲਿਆਂ ਨੂੰ ਪਹਿਲ ਦੇ ਆਧਾਰ ‘ਤੇ ਹੱਲ ਕਰੇਗੀ- ਕੈਪਟਨ ਅਮਰਿੰਦਰ ਸਿੰਘ

ਕੈਪਟਨ ਜੀ, ਕੇਂਦਰ ਤੋਂ ਏਨਾ ਹੀ ਪੁੱਛ ਕੇ ਦਸ ਦਿਉ ਕਿ ਉਨ੍ਹਾਂ ਨੇ ਪਿਛਲੇ ਸਾਲ ਦਾ ਸਟਾਕ ਕਿਉਂ ਨਹੀਂ ਚੁੱਕਿਆ?

ਬਾਦਲ ਅਕਾਲੀ ਦਲ ਜਥੇਦਾਰਾਂ ਦੇ ਫ਼ੈਸਲੇ ਨੂੰ ਢਾਲ ਬਣਾ ਕੇ ਚੋਣਾਂ ਤੋਂ ਭੱਜਿਆ- ਮਾਲਵਿੰਦਰ ਸਿੰਘ ਕੰਗ

ਖਾਲੀ ਘੋੜੀ ਹਿਣਕਦੀ, ਉੱਤੇ ਨਹੀਂ ਦੀਂਹਦਾ ਵੀਰ ਸੁਖਬੀਰ।

ਦਿੱਲੀ ‘ਚ ਹੋਏ ਕਿਸਾਨ ਅੰਦੋਲਨ ਦਾ ਬਦਲਾ ਪੰਜਾਬ ਤੋਂ ਲੈ ਰਹੀ ਹੈ ਭਾਜਪਾ- ਹਰਪਾਲ ਚੀਮਾ

ਜੱਗ ਭਾਵੇਂ ਕਰੇ ਨਿੰਦਿਆ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਭਾਜਪਾ ਦਾ ਕਿਸਾਨ ਵਿਰੋਧੀ ਚੇਹਰਾ ਆਇਆ ਸਾਹਮਣੇ- ਕੁਮਾਰੀ ਸ਼ੈਲਜਾ

ਬੀਬੀ ਜੀ, ਬੜੀ ਦੇਰ ਬਾਅਦ ਦਿਸਿਆ ਤੁਹਾਨੂੰ ਇਹ ਚੇਹਰਾ।

ਐਤਕੀਂ ਦਿਲਚਸਪ ਹੋਣਗੇ ਸ਼੍ਰੋਮਣੀ ਕਮੇਟੀ ਦੇ ਚੋਣ ਨਤੀਜੇ- ਇਕ ਖ਼ਬਰ

ਕੁੰਢੀਆਂ ਦੇ ਸਿੰਙ ਫ਼ਸਣੇ, ਕੋਈ ਨਿੱਤਰੂ ਵੜੇਵੇਂ ਖਾਣੀ।

ਨਸ਼ਾ ਤੇ ਗੈਂਗਸਟਰਵਾਦ ਰੋਕਣ ’ਚ ਨਾਕਾਮ ਰਹੀ ਹੈ ਸੂਬਾ ਸਰਕਾਰ- ਬੀਬੀ ਜਤਿੰਦਰ ਕੌਰ

ਬੀਬੀ ਜੀ, ਤੁਹਾਡੇ ਮੁੱਖ ਮੰਤਰੀ ਨੇ ਤਾਂ ਇਕ ਮਹੀਨੇ ‘ਚ ਇਨ੍ਹਾਂ ਦਾ ਲੱਕ ਤੋੜਨ ਦੀ ਸਹੁੰ ਚੁੱਕੀ ਸੀ। 

ਨਾਮ ਲਿਖਣ ‘ਚ ਪੰਜਾਬੀ ਭਾਸ਼ਾ ਨੂੰ ਪਹਿਲ ਦਿਤੀ ਜਾਵੇ- ਜਿਲ੍ਹਾ ਭਾਸ਼ਾ ਅਫ਼ਸਰ

ਸਿਰਫ਼ ਨਾਮ ਲਿਖਣ ‘ਚ ਹੀ ਪਹਿਲ ਕਿਉਂ, ਬਾਕੀ ਥਾਈਂ ਪੰਜਾਬੀ ਦੰਦੀਆਂ ਵੱਢਦੀ ਐ।   

ਮੇਰੇ ਕੋਲ ਸਿਆਸਤ ‘ਚ 35 ਸਾਲਾਂ ਦਾ ਤਜਰਬਾ ਹੈ- ਪ੍ਰਿਅੰਕਾ ਗਾਂਧੀ

ਮੈਨੂੰ ਨਰਮ ਕੁੜੀ ਨਾ ਜਾਣੀ, ਲੜ ਜੂੰ ਭ੍ਰਿੰਡ ਬਣ ਕੇ।   

ਭਾਜਪਾ ਨੇ ਠੰਡਲ ਨੂੰ ਅਕਾਲੀ ਦਲ ’ਚੋਂ ਨਿੱਕਲਦਿਆਂ ਸਾਰ ਹੀ ਚੱਬੇਵਾਲ ਤੋਂ ਉਮੀਦਵਾਰ ਐਲਾਨਿਆਂ-ਇਕ ਖ਼ਬਰ

ਝੱਟ ਮੰਗਣੀ, ਪੱਟ ਸ਼ਾਦੀ।

ਅਕਾਲੀ ਦਲ ਵਲੋਂ ਚੋਣ ਨਾ ਲੜਨ ਦਾ ਫ਼ੈਸਲਾ ਨਮੋਸ਼ੀ ਵਾਲ਼ੀ ਗੱਲ- ਭਾਈ ਮਨਜੀਤ ਸਿੰਘ

ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।

ਗਰਾਂਟਾਂ ਦੇਣ ‘ਚ ਕੋਈ ਕਮੀ ਨਹੀਂ ਛੱਡੀ ਜਾਵੇਗੀ- ‘ਆਪ’ ਵਿਧਾਇਕ ਰਾਇ

ਚੋਰਾਂ ਦੇ ਕੱਪੜੇ, ਡਾਂਗਾਂ ਦੇ ਗਜ਼।

ਸੁਖਬੀਰ ਬਾਦਲ ਵੀਰ ਜੀ ਚੋਣ ਮੈਦਾਨ ਛੱਡ ਕੇ ਨਾ ਭੱਜੋ-ਅੰਮ੍ਰਿਤਾ ਵੜਿੰਗ

ਜੇ ਤੂੰ ਚੁੰਘੀਆਂ ਬੂਰੀਆਂ ਤਾਂ ਵਿਚ ਮੈਦਾਨੇ ਆ।

ਕੇਂਦਰ ਸਰਕਾਰ ਨੇ ਇਕ ਸਾਜ਼ਿਸ਼ ਅਧੀਨ ਪੰਜਾਬ ‘ਚ ਝੋਨੇ ਦੀ ਸਮੱਸਿਆ ਪੈਦਾ ਕੀਤੀ- ਪਰਤਾਪ ਸਿੰਘ ਬਾਜਵਾ

ਕੁੜਤਾ ਹਰੀ ਦਰਿਆਈ ਦਾ ਵੇ, ਤੈਨੂੰ ਇਸ਼ਕ ਵੱਡੀ ਭਰਜਾਈ (ਕਾਰਪੋਰੇਟ) ਦਾ ਵੇ।

ਮੋਗਾ ‘ਚ ਕਿਸਾਨ ਅਤੇ ਵਪਾਰੀ ਆਪਸ ‘ਚ ਭਿੜੇ, ਆੜ੍ਹਤੀਆ ਐਸੋਸੀਏਸ਼ਨ ਦਾ ਆਗੂ ਜ਼ਖ਼ਮੀ- ਇਕ ਖ਼ਬਰ

ਚੰਦ ਕੌਰ ਚੱਕਵਾਂ ਚੁੱਲ੍ਹਾ, ਕਿਤੇ ਯਾਰਾਂ ਨੂੰ ਭਿੜਾ ਕੇ ਮਾਰੂ।

ਜਥੇਦਾਰ ਦੀ ਚੇਤਾਵਨੀ ਤੋਂ ਬਾਅਦ ਰਾਜਾ ਵੜਿੰਗ ਨੇ ਮੰਗੀ ਮੁਆਫ਼ੀ- ਇਕ ਖ਼ਬਰ

ਬੜ੍ਹਕਾਂ ਕਿਉਂ ਮਾਰਦੈਂ? ਅਸੀਂ ਸਾਨ੍ਹ ਹੁੰਨੇ ਆਂ! ਹੁਣ ਮੋਕ ਕਿਉਂ ਮਾਰਦੈਂ? ਗਊ ਦਾ ਜਾਇਆ ਜੁ ਹੋਇਆ।

------------------------------------------------------------------------------------------------------------------------

22.10.2024

ਭਾਰਤ ਭੁੱਖਮਰੀ ‘ਚ 127 ਦੇਸ਼ਾਂ ‘ਚੋਂ 105 ਵੇਂ ਨੰਬਰ ‘ਤੇ, ਹਾਲਾਤ ਗੰਭੀਰ।

ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।

ਦਲਜੀਤ ਸਿੰਘ ਚੀਮਾ ਨੇ ਪਾਰਟੀ ਵਲੋਂ ਜਥੇਦਾਰ ਤੋਂ ਮੰਗੀ ਮੁਆਫ਼ੀ- ਇਕ ਖ਼ਬਰ

ਨਾਨੀ ਖ਼ਸਮ ਕਰੇ, ਦੋਹਤਾ ਚੱਟੀ ਭਰੇ।

‘ਐਮਰਜੈਂਸੀ’ ਫ਼ਿਲਮ ‘ਚੋਂ ਸਿੱਖਾਂ ਸਬੰਧੀ ਸਾਰੇ ਇਤਰਾਜ਼ਯੋਗ ਸੀਨ ਕੱਟ ਦਿਤੇ ਗਏ ਹਨ- ਰਵਨੀਤ ਬਿੱਟੂ

ਖੁਆਜੇ ਦਾ ਗਵਾਹ ਡੱਡੂ।

ਸ਼੍ਰੋਮਣੀ ਅਕਾਲੀ ਦਲ ਨੇ ਵਿਰਸਾ ਸਿੰਘ ਵਲਟੋਹਾ ਦਾ ਅਸਤੀਫ਼ਾ ਕੀਤਾ ਪ੍ਰਵਾਨ- ਇਕ ਖ਼ਬਰ

ਹੁਕਮ ਅਸਤੀਫ਼ਾ ਪ੍ਰਵਾਨ ਕਰਨ ਦਾ ਨਹੀਂ ਸਗੋਂ ਦਸ ਸਾਲ ਲਈ ਪਾਰਟੀ ‘ਚੋਂ ਬਰਖ਼ਾਸਤ ਕਰਨ ਦਾ ਸੀ।

ਵਲਟੋਹਾ ਨੇ ਜੋ ਬੀਜਿਆ ਉਹ ਹੀ ਵੱਢ ਰਿਹਾ ਹੈ- ਗੁਰਜੀਤ ਸਿੰਘ ਔਜਲਾ

ਕਿੱਥੋਂ ਭਾਲਦੈਂ ਸੰਧੂਰੀ ਅੰਬੀਆਂ, ਬੀਜ ਕੇ ਤੂੰ ਕੰਡਿਆਂ ਨੂੰ।

ਹਿਮਾਚਲ ਦੇ ਮੰਡੀ ਇਲਾਕੇ ‘ਚ ਭੂਚਾਲ ਦੇ ਝਟਕੇ- ਇਕ ਖ਼ਬਰ

ਕਿਉਂ ਬਈ ਪਹੁੰਚ ਗਈ ਝਟਕੇ ਦੇਣ ਵਾਲੀ ਉੱਥੇ ਵੀ?

 ਬੇਅਦਬੀ ਮਾਮਲੇ ‘ਚ ਸੌਦਾ ਸਾਧ ਵਿਰੁਧ ਕੇਸ ਚਲਾਉਣ ਲਈ ਰਾਹ ਪੱਧਰਾ- ਇਕ ਖ਼ਬਰ

ਸੰਭਲ ਕੇ ਬਈ, ਬਾਦਲਕੇ ਕਿਤੇ ਫੇਰ ਨਾ ਕੇਸ ਵਾਪਸ ਲੈ ਲੈਣ।

ਲੋਕ ਸਭਾ ‘ਚ ਇਕ ਸੀਟ ’ਤੇ ਸਿਮਟ ਜਾਣ ਦੇ ਬਾਵਜੂਦ ਬਾਦਲ ਪਰਵਾਰ ਦਾ ਹੰਕਾਰ ਕਾਇਮ-

ਮਲਵਿੰਦਰ ਸਿੰਘ ਕੰਗ

ਰੱਸੀ ਜਲ਼ ਗਈ, ਪਰ ਵੱਟ ਨਾ ਗਿਆ।

ਵਿਰਸਾ ਸਿੰਘ ਵਲਟੋਹਾ ਬਾਰੇ ਲਏ ਫ਼ੈਸਲੇ ਦੀ ਸਭ ਪਾਸੇ ਪ੍ਰਸ਼ੰਸਾ ਹੋ ਰਹੀ ਹੈ- ਇਕ ਖ਼ਬਰ

ਆਉ ਸਈਓ ਨੀ ਰਲ਼ ਵੇਖਣ ਚਲੀਏ, ਰਾਂਝੇ ਖੂਹਾ ਲੁਆਇਆ ਈ।

ਪ੍ਰਧਾਨ ਮੰਤਰੀ ਮੋਦੀ ਦੀ ਹੱਲਾਸ਼ੇਰੀ ਬਾਅਦ ਜਾਖੜ ਨੇ ਭਾਜਪਾ ‘ਚ ਸਰਗਰਮੀ ਫੜੀ- ਇਕ ਖ਼ਬਰ

ਧੱਕਾ ਸਟਾਰਟ।

ਸ਼੍ਰੋਮਣੀ ਅਕਾਲੀ ਦਲ ਚੋਣ ਲਈ ਤਿਆਰ ਹੈ- ਡਾ. ਦਲਜੀਤ ਸਿੰਘ ਚੀਮਾ

ਜ਼ਮਾਨਤਾਂ ਹੀ ਜ਼ਬਤ ਕਰਵਾਉਣੀਆਂ, ਜਦੋਂ ਮਰਜ਼ੀ ਕਰਵਾ ਲਈਏ।

ਕਮਲਾ ਹੈਰਿਸ ਬਣੇਗੀ ਅਮਰੀਕਾ ਦੀ ਪਹਿਲੀ ਮਹਿਲਾ ਰਾਸ਼ਟਰਪਤੀ- ਮਾਹਰ ਦੀ ਭਵਿੱਖਬਾਣੀ

ਸਿਰ ਗੁੰਦ ਦੇ ਕੁਪੱਤੀਏ ਨੈਣੇ, ਉੱਤੇ ਪਾ ਦੇ ਡਾਕ ਬੰਗਲਾ।

ਸੁਖਬੀਰ ਬਾਦਲ ਦੇ ਕਹਿਣ ‘ਤੇ ਹੀ ਵਲਟੋਹਾ ਅਕਾਲ ਤਖ਼ਤ ਦੀ ਮਰਯਾਦਾ ਦਾ ਘਾਣ ਕਰ ਰਹੇ ਹਨ- ਸੁਧਾਰ ਲਹਿਰ ਕਮੇਟੀ

ਤੂੰ ਨਹੀਂ ਬੋਲਦੀ ਰਕਾਨੇ, ਤੂੰ ਨਹੀਂ ਬੋਲਦੀ, ਤੇਰੇ ‘ਚ ਤੇਰਾ ਯਾਰ ਬੋਲਦਾ।

ਕਾਂਗਰਸ ਵਲੋਂ ਈ.ਵੀ.ਐਮ. ਮਸ਼ੀਨਾਂ ਉੱਤੇ ਚੁੱਕੇ ਗਏ ਸਵਾਲਾਂ ਦਾ ਚੋਣ ਕਮਿਸ਼ਨ ਜਵਾਬ ਦੇਵੇ- ਕਪਿਲ ਸਿਬਲ

ਕੁਝ ਬੋਲ ਵੇ, ਦਿਲਾਂ ਦੀ ਘੁੰਡੀ ਖੋਲ੍ਹ ਵੇ।

ਪੰਥ ਵਿਰੋਧੀ ਸ਼ਕਤੀਆਂ ਅਤੇ ਸਰਕਾਰੀ ਏਜੰਸੀਆਂ ਦੇ ਮਨਸੂਬੇ ਸਿੱਖਾਂ ਲਈ ਖ਼ਤਰਨਾਕ- ਇਕ ਖ਼ਬਰ

ਬੂਟੇ ਸੁਖਾਂ ਦੇ ਹੋਣੀ ਨੇ ਸਾੜ ਦਿੱਤੇ, ਹਰੇ ਹੋ ਗਏ ਦੁਖਾਂ ਦੇ ਰੁੱਖ ਵੀਰਾ।

=============================================================

07.10.2024

ਸੌਦਾ ਸਾਧ ਨੂੰ 26 ਦਿਨਾਂ ਮਗਰੋਂ ਹੀ ਫਿਰ ਐਮਰਜੈਂਸੀ ਪੇਰੋਲ ਦਿਤੀ ਸਰਕਾਰ ਨੇ - ਇਕ ਖ਼ਬਰ

ਨਿੱਕਾ ਦਿਉਰ ਭਾਬੀਆਂ ਦਾ ਗਹਿਣਾ, ਪੱਟਾਂ ਵਿਚ ਖੇਡਦਾ ਫਿਰੇ।

ਪੰਜਾਬੀ ਭਾਸ਼ਾ ‘ਚ ਕੰਮ ਨਾ ਕਰਨ ‘ਤੇ ਭਾਸ਼ਾ ਵਿਭਾਗ ਨੇ ਪਾਵਰਕਾਮ ਨੂੰ ਨੋਟਿਸ ਜਾਰੀ ਕੀਤਾ-ਇਕ ਖ਼ਬਰ

ਨੜੇ ਨੋਟਿਸਾਂ ਦੀ ਕੋਈ ਪਰਵਾਹ ਨਾਹੀਂ, ਤੇਰੇ ਹੁਕਮਾਂ ਨੂੰ ਟਿੱਚ ਕਰ ਕੇ ਜਾਣਦੇ ਹਾਂ।

ਭਾਰਤ ਸਿੱਖਾਂ ਦਾ ਯੋਗਦਾਨ ਕਦੇ ਨਹੀਂ ਭੁਲਾ ਸਕਦਾ- ਰਾਜਨਾਥ ਸਿੰਘ

ਮੂੰਹ ਮੇਂ ਰਾਮ ਰਾਮ, ਬਗਲ ਮੇਂ ਛੁਰੀ।

ਸ਼ਕਤੀਸ਼ਾਲੀ ਦੇਸ਼ਾਂ ਨੇ ਯੂ.ਐਨ. ਨੂੰ ਸ਼ਕਤੀਹੀਣ ਤੇ ਅਰਥਹੀਣ ਵਿਸ਼ਵ ਸੰਸਥਾ ਬਣਾ ਕੇ ਰੱਖ ਦਿਤਾ ਹੈ- ਦਲ ਖ਼ਾਲਸਾ

ਕੋਈ ਊਠਾਂ ਵਾਲ਼ੇ ਨੀ, ਲੁੱਟ ਕੇ ਸੇਜ ਸੱਸੀ ਦੀ ਲੈ ਗਏ।

ਵਧਦੀ ਮਹਿੰਗਾਈ ਨੇ ਤੋੜਿਆ ਮੱਧਵਰਗੀ ਲੋਕਾਂ ਦਾ ਲੱਕ- ਇਕ ਖ਼ਬਰ

ਥੋੜ੍ਹਾ ਸਬਰ ਕਰੋ ਬਈ! ਵਿਤ ਮੰਤਰੀ ਨੇ ਕਿਹਾ ਤਾਂ ਹੈ ਕਿ ਕੁਝ ਦਹਾਕਿਆਂ ਤੱਕ ‘ਅੱਛੇ ਦਿਨ ਆਨੇ ਵਾਲੇ ਹੈਂ’।

ਕੰਗਨਾ ਪੰਜਾਬ ਨੂੰ ਬਦਨਾਮ ਕਰਨਾ ਬੰਦ ਕਰੇ- ਮਲਵਿੰਦਰ ਸਿੰਘ ਕੰਗ

ਘੁੱਗੂਆਂ ਨੂੰ ਟੱਕਰੀ, ਤੈਨੂੰ ਟੱਕਰੂ ਬੰਸਰੀ ਵਾਲਾ।

ਵਿਵਾਦਾਂ ‘ਚ ਰਹੇ ਸੁੱਚਾ ਸਿੰਘ ਲੰਗਾਹ ਦੀ ਅਕਾਲੀ ਦਲ ‘ਚ ਵਾਪਸੀ- ਇਕ ਖ਼ਬਰ

ਛੱਡ ਮਿੱਤਰਾ ਫੁਲਕਾਰੀ, ਹਾਕਾਂ ਘਰ ਵੱਜੀਆਂ।

ਮੋਦੀ ਅਤੇ ਸ਼ਾਹ ਦਾ ਵਤੀਰਾ ਕਦੀ ਵੀ ਪੰਜਾਬ ਪ੍ਰਤੀ ਚੰਗਾ ਨਹੀਂ ਰਿਹਾ- ਨੀਲ ਗਰਗ

ਉੱਜੜੀਆਂ ਭਰਜਾਈਆਂ, ਵਲੀ ਜਿਨ੍ਹਾਂ ਦੇ ਜੇਠ।

ਭਾਰਤ ਦੀਆਂ ਜੇਲ੍ਹਾਂ ਵਿਚ 76 ਫ਼ੀ ਸਦੀ ਕੈਦੀ ਬਿਨਾਂ ਕਿਸੇ ਜ਼ੁਰਮ ਦੇ ਜੇਲ੍ਹਾਂ ‘ਚ ਬੰਦ- ਇਕ ਖ਼ਬਰ

ਰੁਕਨਦੀਨਾਂ ਅਦਾਲਤੀਂ ਕੂੜ ਵਿਕਦਾ, ਹੁੰਦੇ ਫ਼ੈਸਲੇ ਨਹੀਂ ਹੁੰਦਾ ਇਨਸਾਫ਼ ਮੀਆਂ।

ਸੰਯੁਕਤ ਰਾਸ਼ਟਰ ਮੁਖੀ ਗੁਤਰੇਸ ਦੇ ਇਜ਼ਰਾਈਲ ’ਚ ਦਾਖ਼ਲ ਹੋਣ ‘ਤੇ ਪਾਬੰਦੀ- ਇਕ ਖਬਰ

ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।

ਬੀਬੀ ਜਗੀਰ ਕੌਰ ਦੇ ਹੱਕ’ਚ ਡਟੀ ਬੀਬੀ ਕਿਰਨਜੋਤ ਕੌਰ- ਇਕ ਖ਼ਬਰ

ਤੇਰੀ ਮੇਰੀ ਇਕ ਜਿੰਦੜੀ, ਤੈਨੂੰ ਤਾਪ ਚੜ੍ਹੇ ਮੈਂ ਹੂੰਗਾਂ।

ਸਾਡੇ ਬੰਦੀ ਸਿੰਘਾਂ ਲਈ ਸਮਰੱਥ ਅਥਾਰਟੀ ਕਿਹੜੀ ਹੈ?- ਡਾ. ਕੁਲਵੰਤ ਕੌਰ

ਬੋਤਾ ਵੀਰ ਦਾ ਨਜ਼ਰ ਨਾ ਆਵੇ, ਉਡਦੀ ਧੂੜ ਦਿਸੇ।

ਕਾਂਗਰਸ ਨੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦਾ ਅਸਤੀਫ਼ਾ ਮੰਗਿਆ- ਇਕ ਖ਼ਬਰ

ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨਣ੍ਹਾਂ।

ਨਸ਼ਾ ਤਸਕਰਾਂ ਤੇ ਹੋਰ ਅਪਰਾਧੀਆਂ ’ਤੇ ਸਖ਼ਤੀ ਵਰਤਣ ਦਾ ਫ਼ੈਸਲਾ ਕੀਤਾ ਪੰਜਾਬ ਪੁਲਿਸ ਨੇ-ਇਕ ਖ਼ਬਰ

ਕੀ ਗੱਲ ਬਈ, ਪਹਿਲਾਂ ਨਾਨਕਿਆਂ ਦੇ ਗਏ ਹੋਏ ਸੀ।

ਪੱਛਮੀ ਬੰਗਾਲ’ਚ ਹੜ੍ਹਾਂ ਦੀ ਹਾਲਤ ਚਿੰਤਾਜਨਕ, ਕੇਂਦਰ ਮਦਦ ਨਹੀਂ ਕਰ ਰਿਹਾ- ਮਮਤਾ ਬੈਨਰਜੀ

ਮੇਰੀ ਰੋਂਦੀ ਨਾ ਵਰਾਈ ਕਰਤਾਰੋ, ਕੀ ਲੱਪ ਰਿਉੜੀਆਂ ਦੀ।

=================================================

30.09.2024

ਮੈਂ ਜੋ ਵੀ ਹਾਂ, ਉਸ ‘ਚ ਹਰਿਆਣਾ ਦਾ ਵੱਡਾ ਯੋਗਦਾਨ ਹੈ- ਪ੍ਰਧਾਨ ਮੰਤਰੀ ਮੋਦੀ

ਗੰਗਾ ਗਏ ਗੰਗਾ ਰਾਮ, ਜਮਨਾ ਗਏ ਜਮਨਾ ਦਾਸ।

ਸ਼ੰਭੂ ਬਾਰਡਰ ਬੰਦ ਹੋਣ ਨਾਲ ਲੋਕਾਂ ਨੂੰ ਵੱਡੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹੈ- ਖੱਟਰ

ਖੱਟਰ ਸਾਹਿਬ ਤੁਹਾਡੇ ਹੀ ਬੀਜੇ ਹੋਏ ਕੰਡੇ ਹਨ।

ਭਾਰਤ ਭੂਸ਼ਨ ਮਾਮਲੇ ‘ਚ ਈ.ਡੀ. ਨੇ ਉਸ ਦੀ ਕਰੋੜਾਂ ਰੁਪਏ ਦੀ ਜਾਇਦਾਦ ਕੀਤੀ ਕੁਰਕ-ਇਕ ਖ਼ਬਰ

ਇਨ੍ਹਾਂ ਸੁਹਣਿਆਂ ਮੂੰਹਾਂ ‘ਤੇ ਖ਼ਾਕ ਪੈਣੀ, ਕੁੰਡੇ ਲੱਗਣੇ ਅੰਤ ਹਵੇਲੀਆਂ ਨੂੰ।

ਕਾਂਗਰਸੀ ਕੌਂਸਲਰਾਂ ਨੂੰ ਭਾਜਪਾ ‘ਚ ਸ਼ਾਮਲ ਹੋਣ ਵੇਲੇ ਗੰਗਾ ਜਲ ਅਤੇ ਗਊ ਮੂਤਰ ਛਿੜਕ ਕੇ ਸ਼ੁੱਧ ਕੀਤਾ ਗਿਆ- ਇਕ ਖ਼ਬਰ

ਡਿਜੀਟਲ ਇੰਡੀਆ ਜ਼ਿੰਦਾਬਾਦ।

ਪਸ਼ੂ ਪਾਲਣ ਵਿਭਾਗ ਨੇ ਗਊ ਭਲਾਈ ਕੈਂਪ ਲਗਾਇਆ- ਇਕ ਖ਼ਬਰ

ਬਾਕੀ ਪਸ਼ੂਆਂ ਨੇ ਕੀ ਜ਼ੁਰਮ ਕਰ ਲਿਆ ਬਈ?

ਸਿੰਗਾਪੁਰ ਦੇ ਭਾਰਤੀ ਮੂਲ ਦੇ ਸਾਬਕਾ ਮੰਤਰੀ ਈਸ਼ਵਰਨ ਦੋਸ਼ੀ ਕਰਾਰ- ਇਕ ਖ਼ਬਰ

ਰੁਕਨਦੀਨਾ ਨਾ ਆਦਤਾਂ ਜਾਂਦੀਆਂ ਨੇ, ਜਾਈਏ ਸਿੰਘਾਪੁਰ ਭਾਵੇਂ ਚੀਨ ਮੀਆਂ।

ਅੰਮ੍ਰਿਤਸਰ ਦੇ ਜੱਜ ਨੂੰ ‘ਹਾਈਕੋਰਟ ਵਲੋਂ ਝਾੜ’ - ਇਕ ਖ਼ਬਰ

ਦੋ ਪਈਆਂ ਕਿਧਰ ਗਈਆਂ, ਸਦਕਾ ਢੂਈ ਦਾ।

ਹੁਣ ਸ਼੍ਰੋਮਣੀ ਕਮੇਟੀ ਨੇ ਸੌਦਾ ਸਾਧ ਦੇ ਸਵਾਂਗ ਕੇਸ ਨੂੰ ਰੱਦ ਕਰਨ ਦੀ ਵਿਰੋਧਤਾ ਕੀਤੀ- ਇਕ ਖ਼ਬਰ

ਬੜੀ ਦੇਰ ਕਰ ਦੀ ਮੇਹਰਬਾਂ ਆਤੇ ਆਤੇ।

ਇੰਦੌਰ ‘ਚ ਗੁਰਦੁਆਰਾ ਚੋਣਾਂ ਨੂੰ ਲੈ ਕੇ ਭਖਿਆ ਵਿਵਾਦ, ਕੁਲੈਕਟਰ ਨੂੰ ਸ਼ਿਕਾਇਤ- ਇਕ਼ ਖ਼ਬਰ

ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।

ਇਕ ਪਰਵਾਰ ਦੀ ਪਾਰਟੀ, ਅਕਾਲੀ ਦਲ ਦਾ ਇੰਜਨ ਬਦਲਣ ਦੀ ਲੋੜ- ਭਗਵੰਤ ਮਾਨ

ਇੰਜਨ ਤਾਂ ਤੁਹਾਡਾ ਵੀ ਬਦਲਣ ਦੀਆਂ ਕਨਸੋਆਂ ਹਵਾ ਵਿਚ ਤੈਰ ਰਹੀਆਂ, ਬਈ।

ਬਾਬਾ ਫਰੀਦ ਸਾਹਿਤ ਮੇਲੇ ‘ਚ 30 ਲੱਖ ਦੀਆਂ ਕਿਤਾਬਾਂ ਖ਼ਰੀਦੀਆਂ ਪੰਜਾਬੀਆਂ ਨੇ- ਇਕ ਖ਼ਬਰ

ਅਜੇ ਕਹਿੰਦੇ ਪੰਜਾਬੀ ਕਿਤਾਬਾਂ ਨਹੀਂ ਪੜ੍ਹਦੇ।

ਭਾਰਤ ‘ਚ ਪੈਰਾਸੀਟਾਮੋਲ ਸਮੇਤ 53 ਦਵਾਈਆਂ ਕੁਆਲਿਟੀ ਦੇ ਟੈਸਟ ‘ਚ ਫੇਲ੍ਹ- ਇਕ ਖ਼ਬਰ

ਖੂਹ ਟੋਭੇ ਤੇਰੀ ਚਰਚਾ ਹੁੰਦੀ, ਚਰਚਾ ਨਾ ਕਰਵਾਈਏ।

ਕੇਜਰੀਵਾਲ ਨੇ ਹੰਝੂਆਂ ਨਾਲ ਲਿਖ ਕੇ ਚਿੱਠੀ ਮੋਹਨ ਭਾਗਵਤ ਨੂੰ ਪਾਈ- ਇਕ ਖ਼ਬਰ

ਦੁੱਖ ਮਿੱਤਰਾਂ ਕੋਲ਼ ਰੋਵਾਂ, ਕੰਤ ਨਿਆਣੇ ਦਾ।

ਜੇ ਮੈਂ ਰਾਸ਼ਟਰਪਤੀ ਬਣ ਗਿਆ ਤਾਂ ਯੂਕਰੇਨ-ਰੂਸ ਯੁੱਧ ਰੁਕਵਾ ਦਿਆਂਗਾ- ਟਰੰਪ

ਨਹੀਂ ਲੱਭਣੇ ਲਾਲ ਗੁਆਚੇ, ਮਿੱਟੀ ਨਾ ਫਰੋਲ ਜੋਗੀਆ।

ਟਰੂਡੋ ਖ਼ਿਲਾਫ਼ ਬੇਭਰੋਸਗੀ ਦਾ ਮਤਾ ਠੁੱਸ ਹੋ ਗਿਆ, ਬਚ ਗਈ ਸਰਕਾਰ- ਇਕ ਖ਼ਬਰ

ਬਾਜ਼ੀ ਮਾਰ ਗਿਆ ਬਠਿੰਡੇ ਵਾਲ਼ਾ ਗੱਭਰੂ, ਬਾਕੀ ਰਹਿ ਗਏ ਹਾਲ ਪੁੱਛਦੇ।

=================================================

ਮੈਂ ਜੋ ਵੀ ਹਾਂ, ਉਸ ‘ਚ ਹਰਿਆਣਾ ਦਾ ਵੱਡਾ ਯੋਗਦਾਨ ਹੈ- ਪ੍ਰਧਾਨ ਮੰਤਰੀ ਮੋਦੀ

ਗੰਗਾ ਗਏ ਗੰਗਾ ਰਾਮ, ਜਮਨਾ ਗਏ ਜਮਨਾ ਦਾਸ।

ਸ਼ੰਭੂ ਬਾਰਡਰ ਬੰਦ ਹੋਣ ਨਾਲ ਲੋਕਾਂ ਨੂੰ ਵੱਡੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹੈ- ਖੱਟਰ

ਖੱਟਰ ਸਾਹਿਬ ਤੁਹਾਡੇ ਹੀ ਬੀਜੇ ਹੋਏ ਕੰਡੇ ਹਨ।

ਭਾਰਤ ਭੂਸ਼ਨ ਮਾਮਲੇ ‘ਚ ਈ.ਡੀ. ਨੇ ਉਸ ਦੀ ਕਰੋੜਾਂ ਰੁਪਏ ਦੀ ਜਾਇਦਾਦ ਕੀਤੀ ਕੁਰਕ-ਇਕ ਖ਼ਬਰ

ਇਨ੍ਹਾਂ ਸੁਹਣਿਆਂ ਮੂੰਹਾਂ ‘ਤੇ ਖ਼ਾਕ ਪੈਣੀ, ਕੁੰਡੇ ਲੱਗਣੇ ਅੰਤ ਹਵੇਲੀਆਂ ਨੂੰ।

ਕਾਂਗਰਸੀ ਕੌਂਸਲਰਾਂ ਨੂੰ ਭਾਜਪਾ ‘ਚ ਸ਼ਾਮਲ ਹੋਣ ਵੇਲੇ ਗੰਗਾ ਜਲ ਅਤੇ ਗਊ ਮੂਤਰ ਛਿੜਕ ਕੇ ਸ਼ੁੱਧ ਕੀਤਾ ਗਿਆ- ਇਕ ਖ਼ਬਰ

ਡਿਜੀਟਲ ਇੰਡੀਆ ਜ਼ਿੰਦਾਬਾਦ।

ਪਸ਼ੂ ਪਾਲਣ ਵਿਭਾਗ ਨੇ ਗਊ ਭਲਾਈ ਕੈਂਪ ਲਗਾਇਆ- ਇਕ ਖ਼ਬਰ

ਬਾਕੀ ਪਸ਼ੂਆਂ ਨੇ ਕੀ ਜ਼ੁਰਮ ਕਰ ਲਿਆ ਬਈ?

ਸਿੰਗਾਪੁਰ ਦੇ ਭਾਰਤੀ ਮੂਲ ਦੇ ਸਾਬਕਾ ਮੰਤਰੀ ਈਸ਼ਵਰਨ ਦੋਸ਼ੀ ਕਰਾਰ- ਇਕ ਖ਼ਬਰ

ਰੁਕਨਦੀਨਾ ਨਾ ਆਦਤਾਂ ਜਾਂਦੀਆਂ ਨੇ, ਜਾਈਏ ਸਿੰਘਾਪੁਰ ਭਾਵੇਂ ਚੀਨ ਮੀਆਂ।

ਅੰਮ੍ਰਿਤਸਰ ਦੇ ਜੱਜ ਨੂੰ ‘ਹਾਈਕੋਰਟ ਵਲੋਂ ਝਾੜ’ - ਇਕ ਖ਼ਬਰ

ਦੋ ਪਈਆਂ ਕਿਧਰ ਗਈਆਂ, ਸਦਕਾ ਢੂਈ ਦਾ।

ਹੁਣ ਸ਼੍ਰੋਮਣੀ ਕਮੇਟੀ ਨੇ ਸੌਦਾ ਸਾਧ ਦੇ ਸਵਾਂਗ ਕੇਸ ਨੂੰ ਰੱਦ ਕਰਨ ਦੀ ਵਿਰੋਧਤਾ ਕੀਤੀ- ਇਕ ਖ਼ਬਰ

ਬੜੀ ਦੇਰ ਕਰ ਦੀ ਮੇਹਰਬਾਂ ਆਤੇ ਆਤੇ।

ਇੰਦੌਰ ‘ਚ ਗੁਰਦੁਆਰਾ ਚੋਣਾਂ ਨੂੰ ਲੈ ਕੇ ਭਖਿਆ ਵਿਵਾਦ, ਕੁਲੈਕਟਰ ਨੂੰ ਸ਼ਿਕਾਇਤ- ਇਕ਼ ਖ਼ਬਰ

ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।

ਇਕ ਪਰਵਾਰ ਦੀ ਪਾਰਟੀ, ਅਕਾਲੀ ਦਲ ਦਾ ਇੰਜਨ ਬਦਲਣ ਦੀ ਲੋੜ- ਭਗਵੰਤ ਮਾਨ

ਇੰਜਨ ਤਾਂ ਤੁਹਾਡਾ ਵੀ ਬਦਲਣ ਦੀਆਂ ਕਨਸੋਆਂ ਹਵਾ ਵਿਚ ਤੈਰ ਰਹੀਆਂ, ਬਈ।

ਬਾਬਾ ਫਰੀਦ ਸਾਹਿਤ ਮੇਲੇ ‘ਚ 30 ਲੱਖ ਦੀਆਂ ਕਿਤਾਬਾਂ ਖ਼ਰੀਦੀਆਂ ਪੰਜਾਬੀਆਂ ਨੇ- ਇਕ ਖ਼ਬਰ

ਅਜੇ ਕਹਿੰਦੇ ਪੰਜਾਬੀ ਕਿਤਾਬਾਂ ਨਹੀਂ ਪੜ੍ਹਦੇ।

ਭਾਰਤ ‘ਚ ਪੈਰਾਸੀਟਾਮੋਲ ਸਮੇਤ 53 ਦਵਾਈਆਂ ਕੁਆਲਿਟੀ ਦੇ ਟੈਸਟ ‘ਚ ਫੇਲ੍ਹ- ਇਕ ਖ਼ਬਰ

ਖੂਹ ਟੋਭੇ ਤੇਰੀ ਚਰਚਾ ਹੁੰਦੀ, ਚਰਚਾ ਨਾ ਕਰਵਾਈਏ।

ਕੇਜਰੀਵਾਲ ਨੇ ਹੰਝੂਆਂ ਨਾਲ ਲਿਖ ਕੇ ਚਿੱਠੀ ਮੋਹਨ ਭਾਗਵਤ ਨੂੰ ਪਾਈ- ਇਕ ਖ਼ਬਰ

ਦੁੱਖ ਮਿੱਤਰਾਂ ਕੋਲ਼ ਰੋਵਾਂ, ਕੰਤ ਨਿਆਣੇ ਦਾ।

ਜੇ ਮੈਂ ਰਾਸ਼ਟਰਪਤੀ ਬਣ ਗਿਆ ਤਾਂ ਯੂਕਰੇਨ-ਰੂਸ ਯੁੱਧ ਰੁਕਵਾ ਦਿਆਂਗਾ- ਟਰੰਪ

ਨਹੀਂ ਲੱਭਣੇ ਲਾਲ ਗੁਆਚੇ, ਮਿੱਟੀ ਨਾ ਫਰੋਲ ਜੋਗੀਆ।

ਟਰੂਡੋ ਖ਼ਿਲਾਫ਼ ਬੇਭਰੋਸਗੀ ਦਾ ਮਤਾ ਠੁੱਸ ਹੋ ਗਿਆ, ਬਚ ਗਈ ਸਰਕਾਰ- ਇਕ ਖ਼ਬਰ

ਬਾਜ਼ੀ ਮਾਰ ਗਿਆ ਬਠਿੰਡੇ ਵਾਲ਼ਾ ਗੱਭਰੂ, ਬਾਕੀ ਰਹਿ ਗਏ ਹਾਲ ਪੁੱਛਦੇ।

24.09.2024

ਖੇਡਾਂ ਵਿਚ ਭਾਰਤ ਦੀ ਅਜਿਹੀ ਦੁਰਦਸ਼ਾ ਕਿਉਂ ਹੈ?- ਇਕ ਸਵਾਲ

ਕਾਦਰਯਾਰ ਜੇ ਕੋਲ ਗਵਾਹ ਹੁੰਦੇ, ਕਹਿੰਦੇ ਖੋਲ੍ਹ ਹਕੀਕਤ ਸਾਰੀ।

ਆਖਰ ਮਾਇਆਵਤੀ ਨੂੰ ਬਹੁਜਨ ਰਾਜਨੀਤੀ ਵਲ ਮੁੜਨਾ ਪਿਆ- ਇਕ ਖ਼ਬਰ

ਹੱਥਾਂ ਵਿਚੋਂ ਲਾਲ ਗੁਆਇਆ, ਧਿਰ ਨੂੰ ਪਿਆਰੀ ਕਰ ਕੇ।

ਹਰਿਆਣਾ ਚੋਣਾਂ ‘ਚ ਭਾਜਪਾ ਨੇ ਵਾਅਦਿਆਂ ਦੀ ਲਾਈ ਝੜੀ- ਇਕ ਖ਼ਬਰ

ਲੌਂਗ ਘੜਾ ਦਊਂਗਾ, ਗੁੱਸਾ ਛੱਡ ਮੁਟਿਆਰੇ।

ਅਮੀਰ ਤੇ ਗ਼ਰੀਬ ਵਿਦਿਆਰਥੀਆਂ ਦੇ ਅਲੱਗ ਅਲੱਗ ਅਧਿਆਪਕ ਕਿਉਂ?- ਭਗਵੰਤ ਮਾਨ

ਵੱਢੀ ਦੇ ਕੇ ਜ਼ਮੀਨ ਦੇ ਬਣੇ ਮਾਲਕ, ਬੰਜਰ ਜ਼ਿਮੀਂ ਰੰਝੇਟੇ ਨੂੰ ਆਈਆ ਈ।

ਫ਼ਿਲਮ ਇੰਡਸਟਰੀ ਵਲੋਂ ਮੈਨੂੰ ਕੋਈ ਸਮਰਥਨ ਨਹੀਂ ਮਿਲਿਆ- ਕੰਗਨਾ ਰਣੌਤ

ਏਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

ਰਾਹੁਲ ਗਾਂਧੀ ਐਸੀ ਹਨ੍ਹੇਰੀ ਹੈ ਜੋ ਰੋਕੀ ਨਹੀਂ ਜਾ ਸਕਦੀ- ਰਾਜਾ ਵੜਿੰਗ

ਉਹੀਓ ਮੇਰਾ ਵੀਰ ਲਗਦਾ, ਕੰਨੀਂ ਨੱਤੀਆਂ ਸੰਧੂਰੀ ਸਿਰ ਸਾਫ਼ਾ।

ਭਗਵੰਤ ਮਾਨ ਦੀ ਸਰਕਾਰ ਦੇ ਚਾਰ ਮੰਤਰੀਆਂ ਨੇ ਅਸਤੀਫ਼ੇ ਦਿਤੇ- ਇਕ ਖ਼ਬਰ

ਉਨ੍ਹੀਂ ਅਸਤੀਫ਼ੇ ਦਿਤੇ ਨਹੀਂ ਸਗੋਂ ਉਨ੍ਹਾਂ ਤੋਂ ਅਸਤੀਫ਼ੇ ਲਏ ਗਏ।

12 ਸਾਲ ਦੇ ਬੱਚੇ ਨੇ 30 ਦਿਨਾਂ ‘ਚ 154 ਸਫ਼ਿਆਂ ਦੀ ਕਿਤਾਬ ਲਿਖ ਦਿਤੀ-ਇਕ ਖ਼ਬਰ

ਜਿਸ ਪੱਲੇ ਫੁੱਲ ਬੱਧੇ ਹੋਵਣ, ਆਵੇ ਬਾਸ ਰੁਮਾਲੋਂ।

ਅਮਰੀਕਾ ਨੇ ਭਾਰਤ ਨੂੰ 297 ਕਲਾਕ੍ਰਿਤੀਆਂ ਵਾਪਸ ਕੀਤੀਆਂ- ਇਕ ਖ਼ਬਰ

ਹੁਣ ਮੈਨੂੰ ਕੁਝ ਨਾ ਕਹੀਂ, ਮੈਂ ਚਰਖ਼ਾ ਸੰਦੂਕ ਲਿਆਈ।

ਗ਼ਲਤ ਬਿਆਨਬਾਜ਼ੀ ਤੇ ਵਿਵਾਦਾਂ ਨਾਲ ਹਮੇਸ਼ਾ ਸਬੰਧ ਰਿਹੈ ਕੰਗਨਾ ਰਣੌਤ ਦਾ- ਇਕ ਖ਼ਬਰ

ਸੋਨੇ ਦੇ ਤਵੀਤ ਵਾਲ਼ੀਏ, ਤੇਰੀ ਹਰ ਮੱਸਿਆ ਬਦਨਾਮੀ।

ਸਲਾਮਤੀ ਕੌਂਸਲ ‘ਚ ਭਾਰਤ ਦੀ ਸੀਟ ਦੀ ਅਮਰੀਕਾ ਨੇ ਕੀਤੀ ਹਮਾਇਤ- ਇਕ ਖ਼ਬਰ

ਆਉਂਦੀ ਜਾਂਦੀ ਨੂੰ ਘੜਾ ਚੁਕਾਉਂਦਾ, ਮਗਰੋਂ ਮਾਰਦਾ ਗੋਡਾ।

ਵਿਧਾਇਕਾਂ ਦੀ ਤਨਖ਼ਾਹ ਤੇ ਭੱਤੇ ਤਿੰਨ ਗੁਣਾਂ ਕਰਨ ਦੀ ਸਿਫ਼ਾਰਿਸ਼- ਇਕ ਖ਼ਬਰ

ਕੀ ਲਗਦੇ ਸੰਤੀਏ ਤੇਰੇ, ਜਿਨ੍ਹਾਂ ਨੂੰ ਰਾਤੀਂ ਖੰਡ ਪਾਈ ਸੀ।

ਬਿਹਾਰ ‘ਚ ਸਿੱਖਾਂ ਨੇ ਆਪਣੇ ਹੱਕਾਂ ਲਈ ਚੁੱਕੀ ਆਵਾਜ਼- ਇਕ ਖ਼ਬਰ

ਇਕ ਮੰਜੇ ਹੋ ਚਲੀਏ, ਚੰਨ ਛੁਪਿਆ ਟਹਿਕਦੇ ਤਾਰੇ।

‘ਕਵਾਡ’ ਆਗੂਆਂ ਨੇ ਚੀਨ ਵਿਰੁੱਧ ਇਕਜੁਟਤਾ ਦਾ ਕੀਤਾ ਪ੍ਰਗਟਾਵਾ- ਇਕ ਖ਼ਬਰ

ਕੋਠੀ ‘ਚੋਂ ਲਿਆ ਦੇ ਘੁੰਗਰੂ, ਬੱਗੇ ਬਲਦ ਖਰਾਸੇ ਜਾਣਾ।

ਦਰਿਆਵਾਂ ਨੂੰ ਪ੍ਰਦੂਸ਼ਣ ਮੁਕਤ ਕਰਨ ਲਈ ਕੋਈ ਸਰਕਾਰ ਵੀ ਸੰਜੀਦਾ ਨਹੀਂ ਰਹੀ- ਸੀਚੇਵਾਲ

ਖੇਤ ਤਾਂ ਆਪਣਾ ਡਬਰਿਆਂ ਖਾ ਲਿਆ, ਮੇਰਾ ਕਾਲਜਾ ਧੜਕੇ।

==============================================

16.09.2024

 ਭਾਜਪਾ ਲਈ ਗੀਤ ਗਾਉਣ ਵਾਲਾ ਗਾਇਕ 48 ਘੰਟਿਆਂ ਬਾਅਦ ਹੀ ਮੁੜਿਆ ਭਾਜਪਾ ਵਿਚ- ਇਕ ਖ਼ਬਰ

ਸਈਓ ਕਹੀਓ ਅਹਿਮਦ ਪਿਆਰੇ ਨੂੰ, ਦਿਲ ਤਰਸੇ ਇਕ ਨਜ਼ਾਰੇ ਨੂੰ।

ਭਾਰਤ ‘ਚ 2024 ਦੀਆਂ ਆਮ ਚੋਣਾਂ ਨਿਰਪੱਖ ਨਹੀਂ ਸਨ- ਸੈਮ ਪਿਤਰੋਦਾ

ਢਾਬ ਤੇਰੀ ਦਾ ਗੰਧਲ਼ਾ ਪਾਣੀ, ਉੱਤੋਂ ਬੂਰ ਹਟਾਵਾਂ।

ਸਾਬਕਾ ਉੱਪ ਪ੍ਰਧਾਨ ਮੰਤਰੀ ਦੇਵੀ ਲਾਲ ਦੇ ਪੋਤਰੇ ਨੇ ਵੀ ਭਾਜਪਾ ਛੱਡੀ-ਇਕ ਖ਼ਬਰ

ਕਿਤੋਂ ਬੋਲ ਵੇ ਪੁਰਾਣਿਆਂ ਯਾਰਾ, ਲੱਡੂਆਂ ਨੂੰ ਜੀਅ ਕਰਦਾ।

ਘੱਟ ਗਿਣਤੀ ਕਮਿਸ਼ਨ ਦੇ ਚੇਅਰਮੈਨ ਲਾਲਪੁਰਾ ਨੇ ਗੁਰੂ ਨਾਨਕ ਨੂੰ ਵਿਸ਼ਨੂੰ ਦਾ ਅਵਤਾਰ ਦੱਸਿਆ- ਇਕ ਖ਼ਬਰ

ਜੋ ਆਖੋਗੇ ਮੈਂ ਬੋਲਾਂਗਾ, ਬਸ ਕੁਰਸੀ ਦੀ ਮਿਆਦ ਵਧਾ ਦਿਉ ਜੀ।

ਅਮਰੀਕਾ ਦੀ ਮਿੱਤਰ ਦੇਸ਼ਾਂ ਦੀ ਸੂਚੀ ਵਿਚ ਭਾਰਤ ਦਾ ਅੱਵਲ ਨੰਬਰ- ਅਮਰੀਕੀ ਉੱਚ ਅਧਿਕਾਰੀ

ਇਥੇ ਹਰ ਕੋਈ ਆਪਣੇ ਮਤਲਬ ਦਾ, ਕੋਈ ਬਣਦਾ ਕਿਸੇ ਦਾ ਯਾਰ ਨਹੀਂ।

ਜੰਮੂ-ਕਸ਼ਮੀਰ ਅਤੇ ਹਰਿਆਣੇ ‘ਚ ਚੋਣਾਂ ਕਾਰਨ ਪੰਜਾਬ ‘ਚ 16 ਨਾਕੇ ਲਾਏ- ਚੋਣ ਅਧਿਕਾਰੀ

ਨੱਚਾਂ ਮੈਂ ਅੰਬਾਲੇ, ਮੇਰੀ ਧਮਕ ਜਲੰਧਰ ਪੈਂਦੀ।

ਕਮਲਾ ਹੈਰਿਸ ਅਤੇ ਟਰੰਪ ਵਿਚਕਾਰ ਤਿੱਖੀ ਬਹਿਸ, ਦੋਵਾਂ ਨੇ ਆਪਣਾ ਆਪਣਾ ਪੱਖ ਰੱਖਿਆ- ਇਕ ਖ਼ਬਰ

ਕੁੱਕੜਾਂ ਵਾਂਗੂੰ ਲੜਦੇ, ਕਿੱਸਾ ਕੁਰਸੀ ਦਾ।

ਪੰਚਾਇਤੀ ਵੋਟਾਂ ਸਾਡੀ ਆਪਸੀ ਭਾਈਚਾਰਕ ਸਾਂਝ ਨੂੰ ਨੁਕਸਾਨ ਪਹੁੰਚਾਉਂਦੀਆਂ ਹਨ- ਕਿਸਾਨ ਆਗੂ

ਭੱਠ ਪਿਆ ਸੋਨਾ, ਜਿਹੜਾ ਕੰਨਾਂ ਨੂੰ ਖਾਵੇ।

ਰਾਹੁਲ ਨੂੰ ਕੋਈ ਹੱਥ ਨਹੀਂ ਲਾ ਸਕਦਾ, ਅਸੀਂ ਵੀ ਚੂੜੀਆਂ ਨਹੀਂ ਪਾਈਆਂ ਹੋਈਆਂ- ਰਾਜਾ ਵੜਿੰਗ

ਜੱਟ ਪੰਦਰਾਂ ਮੁਰੱਬਿਆਂ ਵਾਲ਼ਾ, ਮੋਢੇ ‘ਤੇ ਗੰਡਾਸੀ ਰੱਖਦਾ।

ਸੁਖਬੀਰ ਬਾਦਲ ਦੀ ਪ੍ਰਧਾਨਗੀ ਬਚਣ ਨਾਲ਼ ਹੀ ਅਕਾਲੀ ਦਲ ਕਾਇਮ ਰਹਿ ਸਕੇਗਾ- ਪਰਮਜੀਤ ਸਿੰਘ ਸਰਨਾ

ਗੱਪ ਦੀ ਉਦੋਂ ਇੰਤਹਾ ਹੁੰਦੀ, ਟਟੀਹਰੀ ਆਖਦੀ ਆਸਮਾਨ ਮੈਂ ਥੰਮ੍ਹਿਆਂ ਏਂ।

ਡਰੱਗ ਇੰਸਪੈਕਟਰ ਨਸ਼ਾ ਤਸਕਰਾਂ ਦੀ ਸਹਾਇਤਾ ਕਰਦਾ ਫੜਿਆ ਗਿਆ- ਇਕ ਖ਼ਬਰ

ਫ਼ਕਰਦੀਨਾਂ ਇਸ ਦੇਸ਼ ਦਾ ਕੀ ਬਣਸੀ, ਜਿੱਥੇ ਵਾੜ ਹੀ ਖੇਤ ਨੂੰ ਖਾਂਵਦੀ ਹੈ।

ਕੇਜਰੀਵਾਲ ਦੀ ਜ਼ਮਾਨਤ ‘ਤੇ ਭਗਵੰਤ ਮਾਨ ਨੇ ਕਿਹਾ,’ ਸੱਚ ਦੀ ਜਿੱਤ ਹੋਈ ਹੈ’।

ਇਹ ਸੱਚ ਦੀ ਜਿੱਤ ਨਹੀਂ, ਭਾਜਪਾ ਦੀ ਚਾਲ ਹੈ ਹਰਿਆਣੇ ‘ਚ ਕਾਂਗਰਸ ਨੂੰ ਠਿੱਬੀ ਮਾਰਨ ਦੀ।

ਗ਼ੈਰ-ਸਰਕਾਰੀ ਸੰਸਥਾਵਾਂ ਲਈ ਇੰਟਰਨੈਸ਼ਨਲ ਫੰਡ ਲੈਣਾ ਭਾਰਤ ਸਰਕਾਰ ਨੇ ਮੁਸ਼ਕਲ ਕੀਤਾ- ਅਮਰੀਕੀ ਸੈਨੇਟਰ

ਸੈਨੇਟਰ ਸਾਹਿਬ ਇਲੈਕਟੋਰਲ ਬਾਂਡਾਂ ਰਾਹੀਂ ਜਿੰਨਾ ਮਰਜ਼ੀ ਭੇਜੋ, ਕੋਈ ਰੋਕ ਨਹੀਂ।

ਮੈਂ ਨਵੀਂ ਪੀੜ੍ਹੀ ਦੀ ਨੁਮਾਇੰਦਗੀ ਕਰਦੀ ਹਾਂ- ਕਮਲਾ ਹੈਰਿਸ

ਮੈਂ ਮਾਝੇ ਦੀ ਜੱਟੀ, ਗੁਲਾਬੂ ਨਿਕਾ ਜਿਹਾ।

ਸ਼ਾਹਬਾਜ਼ ਸਰਕਾਰ ਵਲੋਂ ਨਿਆਂਪਾਲਿਕਾ ‘ਤੇ ਕਬਜ਼ਾ ਕਰਨ ਦੀਆਂ ਤਿਆਰੀਆਂ-ਇਕ ਖ਼ਬਰ

ਨਮਾਜ਼ ਪੜ੍ਹਨ ਦੇ ਬਹਾਨੇ ਜਾ ਵੜ ਚੀਫ਼ ਜਸਟਿਸ ਦੇ ਘਰ।

========================================================

ਮੈਂ ਅਦਾਲਤ ‘ਚ ਕੇਸ ਲੜਾਂਗੀ ਤੇ ਬਿਨਾਂ ਕੱਟ ਤੋਂ ਫ਼ਿਲਮ ਰਿਲੀਜ਼ ਕਰਾਂਗੀ- ਕੰਗਣਾ ਰਣੌਤ

ਮੈਨੂੰ ਨਰਮ ਕੁੜੀ ਨਾ ਜਾਣੀ, ਲੜ ਜੂੰ ਭਰਿੰਡ ਬਣ ਕੇ।

8 ਸਤੰਬਰ ਦੇ ਹਰਿਆਣਾ ਸਿੱਖ ਸੰਮੇਲਨ ‘ਤੇ ਸਰਕਾਰ ਦੀ ਨਜ਼ਰ ਰਹੇਗੀ- ਇਕ ਖ਼ਬਰ

ਛੜੇ ਜੇਠ ਦੀ ਮੈਂ ਅੱਖ ਵਿਚ ਰੜਕਾਂ, ਕੰਧ ਉੱਤੋਂ ਰਹੇ ਝਾਕਦਾ।

ਕਾਨੂੰਨ ਦੀ ਉਚਿਤ ਪ੍ਰਕ੍ਰਿਆ ਬਿਗ਼ੈਰ ਮਕਾਨ ਕਿਵੇਂ ਢਾਏ ਜਾ ਸਕਦੇ ਹਨ?- ਸੁਪਰੀਮ ਕੋਰਟ

ਜ਼ੋਰਾਵਰ ਦਾ ਸੱਤੀਂ ਵੀਹੀਂ ਸੌ ਹੁੰਦੈ ਸੁਪਰੀਮ ਕੋਰਟ ਜੀ।

ਵਿਦੇਸ਼ਾਂ ਦੀਆਂ ਸੰਗਤਾਂ ਵਲੋਂ ਹਰਨਾਮ ਸਿੰਘ ਧੁੰਮਾ ਨੂੰ ਦਮਦਮੀ ਟਕਸਾਲ ਦਾ ਆਗੂ ਮੰਨਣ ਤੋਂ ਇਨਕਾਰ- ਇਕ ਖ਼ਬਰ

ਸਭੇ ਕੰਨ ਪੜਵਾ ਕੇ ਬੈਠ ਜਾਂਦੇ, ਮੁਸ਼ਕਿਲ ਜੋਗ ਦਾ ਤੋੜ ਚੜ੍ਹਾਉਣ ਬੇਟਾ।

ਵਿਵਾਦ ਛਿੜਨ ਤੋਂ ਬਾਅਦ ਦਰਬਾਰਾ ਸਿੰਘ ਗੁਰੂ ਦੀ ਨਿਯੁਕਤੀ ਅਕਾਲੀ ਦਲ ਨੇ ਵਾਪਸ ਲਈ- ਇਕ ਖ਼ਬਰ

ਕੋਈ ਪਾਸਾ ਸਿੱਧਾ ਨਹੀਂ ਪੈਂਦਾ, ਥੁੱਕ ਕੇ ਹੁਣ ਚੱਟਣਾ ਪਿਆ।

ਪਾਕਿਸਤਾਨ ‘ਚ ਡਾਕੂਆਂ ਨੇ ਆਪਣਾ ਯੂ-ਟਿਊਬ ਚੈਨਲ ਸ਼ੁਰੂ ਕੀਤਾ-ਇਕ ਖ਼ਬਰ

ਵਿਹੜੇ ਲਾ ਤ੍ਰਿਵੈਣੀ, ਛਾਂਵੇਂ ਬਹਿ ਕੇ ਕੱਤਿਆ ਕਰੂੰ।

ਮਾਨਸੂਨ ਸੈਸ਼ਨ ‘ਚ ਅਹਿਮ ਮੁੱਦਿਆਂ ‘ਤੇ ਸਾਰਥਕ ਬਹਿਸ ਨਹੀਂ ਹੋਈ- ਪਰਤਾਪ ਸਿੰਘ ਬਾਜਵਾ

ਮੈਂ ਰੱਜ ਨਾ ਗੱਲਾਂ ਕੀਤੀਆਂ, ਮੇਰੇ ਮਨੋ ਨਾ ਲੱਥਾ ਚਾਅ।

ਵਿਧਾਨ ਸਭਾ ‘ਚ ਕੁੰਵਰ ਵਿਜੈ ਪ੍ਰਤਾਪ ਨੇ ਬੇਅਦਬੀ ਸਬੰਧੀ ਕਈ ਤੱਥ ਪੇਸ਼ ਕੀਤੇ- ਇਕ ਖ਼ਬਰ

ਮੈਂ ਬੇਰੀਆਂ ਤੋਂ ਬੇਰ ਲਿਆਇਆ, ਭਾਬੀ ਤੇਰੀ ਗੱਲ੍ਹ ਵਰਗਾ।

ਮਾਂ ਬੋਲੀ ਪੰਜਾਬੀ ਨੂੰ ਕਦੇ ਨਹੀਂ ਭੁੱਲਣਾ ਚਾਹੀਦਾ- ਸਤੀਸ਼ ਕੁਮਾਰ ਵਰਮਾ

ਮਾਂ ਬੋਲੀ ਜੇ ਭੁੱਲ ਜਾਉਗੇ, ਕੱਖਾਂ ਵਾਂਗੂੰ ਰੁਲ਼ ਜਾਉਗੇ।

ਕੰਗਨਾ ਦੀ ‘ਐਮਰਜੈਂਸੀ’ ਨੂੰ ਹਾਈ ਕੋਰਟ ਤੋਂ ਵੀ ਨਹੀਂ ਮਿਲੀ ਰਾਹਤ- ਇਕ ਖ਼ਬਰ

ਨੀ ਐਡਾ ਤੇਰਾ ਕਿਹੜਾ ਦਰਦੀ, ਜੋ ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

ਕਾਂਗਰਸ ‘ਚ ਸ਼ਾਮਲ ਹੋਏ ਵਿਨੇਸ਼ ਫੋਗਾਟ ਅਤੇ ਬਜਰੰਗ ਪੂਨੀਆ- ਇਕ  ਖ਼ਬਰ

ਮਿੱਠੇ ਯਾਰ ਦੇ ਬਰੋਬਰ ਬਹਿ ਕੇ, ਮਿੱਠੇ ਮਿੱਠੇ ਬੇਰ ਚੁਗੀਏ।

ਜੇ ਚਾਹੇ ਤਾਂ ‘ਆਪ’ ਹਰਿਆਣੇ ‘ਚ ਕਾਂਗਰਸ ਤੋਂ ਬਿਨਾਂ ਵੀ ਚੋਣ ਲੜ ਸਕਦੀ ਹੈ- ਭਗਵੰਤ ਮਾਨ

ਫਿਰ ਗਾਂ ਦੇ ਵੱਛੈ ਵਾਂਗ ਕਾਂਗਰਸ ਦੇ ਮਗਰ ਮਗਰ ਕਿਉਂ ਘੁੰਮ ਰਹੇ ਹੋ ਬਾਈ ਸਿਆਂ?

ਕੈਬਨਿਟ ਮੰਤਰੀ ਅਨਮੋਲ ਗਗਨ ਮਾਨ ਨੇ ਭ੍ਰਿਸ਼ਟ ਅਫ਼ਸਰਾਂ ਨੂੰ ਦਿਤੀ ਚਿਤਾਵਨੀ- ਇਕ ਖ਼ਬਰ

ਕੈਦ ਕਰਾ ਦਊਂਗੀ ਮੈ ਡਿਪਟੀ ਦੀ ਸਾਲ਼ੀ।

ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਬੇਅਦਬੀਆਂ ਦਾ ਇਨਸਾਫ਼ ਦਿਤਾ ਜਾਵੇਗਾ- ਇਕ ਖ਼ਬਰ

ਤੇਰਾ ਲਾਰਾ ਵੇ ਸ਼ਰਾਬੀਆਂ ਦੀ ਗੱਪ ਵਰਗਾ।

ਲਾਰੈਂਸ ਬਿਸ਼ਨੋਈ ਦੀ ਜੇਲ੍ਹ ‘ਚ ਹੋਈ ਇੰਟਰਵਿਊ ਬਾਰੇ ਕੀ ਕੀਤਾ ਸਰਕਾਰ ਨੇ? –ਹਾਈ ਕੋਰਟ

ਰੱਜ ਕੇ ਝੂਠ ਬੋਲਿਆ ਸਰਕਾਰ ਨੇ, ਪੁਲਿਸ ਨੇ, ਹੋਰ ਕੀ ਕਰ ਸਕਦੇ ਸੀ।

====================================================

ਸੁਖਬੀਰ ਬਾਦਲ ਨੇ ਮੁੜ ਕੋਰ ਕਮੇਟੀ ਦਾ ਕੀਤਾ ਗਠਨ, 27 ਮੈਂਬਰ ਸ਼ਾਮਲ- ਇਕ ਖ਼ਬਰ
ਮਰ ਜਾਉ ਚਿੜੀਓ, ਜੀ ਪਉ ਚਿੜੀਓ।
ਅਕਾਲੀ ਦਲ ਦੀ ਬਰਬਾਦੀ ਲਈ ਸੁਖਬੀਰ ਬਾਦਲ ਹੀ ਹੈ ਦੋਸ਼ੀ- ਬੰਨੀ ਜੌਲੀ
ਪਿੰਡ ‘ਚ ਪੁਆੜੇ ਪਾਉਂਦਾ ਨੀਂ ਮਰ ਜਾਣਾ ਅਮਲੀ।
ਜਥੇਦਾਰਾਂ ਦੀ ਮੀਟਿੰਗ ਤੋਂ ਪਹਿਲਾਂ ਅਕਾਲੀਆਂ ਦੇ ਦੋਵੇਂ ਧੜੇ ਹੋਏ ਸਰਗਰਮ- ਇਕ ਖ਼ਬਰ
ਜੰਗ ਹਿੰਦ ਪੰਜਾਬ ਦਾ ਹੋਣ ਲੱਗਾ, ਬਾਦਸ਼ਾਹੀ ਫੌਜਾਂ ਦੋਵੇਂ ਭਾਰੀਆਂ ਨੇ।
ਕੇਂਦਰ ਦੇ ਫ਼ੈਸਲੇ ਘੱਟ ਗਿਣਤੀਆਂ ਨੂੰ ਬੇਗਾਨਗੀ ਦਾ ਅਹਿਸਾਸ ਕਰਵਾਉਂਦੇ ਨੇ- ਸੁਖਬੀਰ ਬਾਦਲ
ਜਦੋਂ ਕੇਂਦਰ ਦੇ ਗੋਡੇ ਮੁੱਢ ਬੈਠ ਕੇ ਘੱਟ ਗਿਣਤੀਆਂ ਖ਼ਿਲਾਫ਼ ਫ਼ੈਸਲੇ ਕਰਵਾਉਂਦੇ ਸੀ, ਭੁੱਲ ਗਏ?  
ਸੌਦਾ ਸਾਧ ਦੀ ਫ਼ਰਲੋ ‘ਤੇ ਜੇਲ੍ਹ ਮੈਨੁਅਲ ਅਨੁਸਾਰ ਫ਼ੈਸਲਾ ਲਵੇ ਸਰਕਾਰ- ਹਾਈ ਕੋਰਟ
ਜੇਲ੍ਹ ਮੈਨੁਅਲ ਵੀ ਸਰਕਾਰ ਨੇ ਹੀ ਬਣਾਉਣੈ, ਹਾਈ ਕੋਰਟ ਜੀ।
ਕੀ ਜਥੇਦਾਰ ਨਿਰਪੱਖ ਹੋ ਕੇ ਫ਼ੈਸਲਾ ਲੈ ਸਕਣਗੇ?- ਇਕ ਸਵਾਲ
ਸੱਪ ਦੇ ਮੂੰਹ ਵਿਚ ਕਿਰਲੀ।
10 ਸਤੰਬਰ ਨੂੰ ਕਮਲਾ ਹੈਰਿਸ ਅਤੇ ਟਰੰਪ ਵਿਚਕਾਰ ਹੋਵੇਗੀ ਪਹਿਲੀ ਬਹਿਸ- ਇਕ ਖ਼ਬਰ
ਕੁੰਢੀਆਂ ਦੇ ਸਿੰਙ ਫ਼ਸਣੇ, ਕੋਈ ਨਿੱਤਰੂ ਵੜੇਵੇਂ ਖਾਣੀ।
ਪਟਿਆਲਾ ‘ਚ ‘ਸਿੱਟ’ ਵਲੋਂ ਬਿਕਰਮ ਮਜੀਠੀਆ ਤੋਂ ਡੇਢ ਘੰਟਾ ਪੁੱਛ-ਗਿੱਛ- ਇਕ ਖ਼ਬਰ
ਪੁੱਛ-ਗਿੱਛ ਨਹੀਂ ਇਹ ‘ਪੂਛ-ਗੀਛ’ ਹੈ, ਯਾਨੀ ਕਿ ਇਹ ਪੂਛ ਲੰਮੀ ਹੀ ਹੋਈ ਜਾ ਰਹੀ ਹੈ।
ਰਾਜ ਸਭਾ ‘ਚ ਜਯਾ ਬੱਚਨ ਨੇ ਧਨਖੜ ‘ਤੇ ਮੰਦੀ ਭਾਸ਼ਾ ਬੋਲਣ ਦਾ ਇਲਜ਼ਾਮ ਲਾਇਆ- ਇਕ ਖ਼ਬਰ
ਤੂੰ ਕੀ ਜਾਣੇ ਪਤੀਲੇ ਦਿਆ ਢੱਕਣਾ, ਰਾਮ ਸੱਤ ਕੁੜੀਆਂ ਦੀ।
ਪੰਜਾਬ ਸਰਕਾਰ ਨੇ ਰਾਜ ਮਾਰਗਾਂ ‘ਤੇ ਬੰਦ ਕੀਤੇ ਦੋ ਹੋਰ ਟੌਲ ਪਲਾਜ਼ੇ- ਮੰਤਰੀ ਹਰਭਜਨ ਸਿੰਘ
ਗੋਰੇ ਰੰਗ ਨੇ ਸਦਾ ਨਹੀਂ ਰਹਿਣਾ, ਭਰ ਭਰ ਵੰਡ ਮੁੱਠੀਆਂ।
ਸੁਪਰੀਮ ਕੋਰਟ ਨੇ ਅੰਮ੍ਰਿਤਪਾਲ ਸਿੰਘ ਦੀ ਚੋਣ ਵਿਰੁੱਧ ਦਿਤੀ ਪਟੀਸ਼ਨ ਕੀਤੀ ਖ਼ਾਰਜ-ਇਕ ਖ਼ਬਰ
ਜਲ ਡੋਬੇ ਨਾ ਅਗਨੀ ਸਾੜੇ, ਜਿਨ੍ਹਾਂ ਨੇ ਤੇਰਾ ਨਾਮ ਜਪਿਆ।
ਅਮਰੀਕੀ ਯੂਨੀਵਰਸਿਟੀ ‘ਚ ਦਾਖ਼ਲਾ ਲੈਣ ਲਈ ਭਾਰਤੀ ਵਿਦਿਆਰਥੀ ਨੇ ਕੀਤੀ ਧੋਖਾਧੜੀ- ਇਕ ਖ਼ਬਰ
ਵਾਦੜੀਆਂ ਸਜਾਦੜੀਆਂ, ਨਿਭਣ ਸਿਰਾਂ ਦੇ ਨਾਲ਼।
ਉਮੀਦ ਹੈ ਕਿ ਪ੍ਰਧਾਨ ਮੰਤਰੀ ਨੂੰ ਮਨੀਪੁਰ ਜਾਣ ਦਾ ਸਮਾਂ ਮਿਲੇਗਾ- ਕਾਂਗਰਸ ਆਗੂ ਜੈਰਾਮ ਰਮੇਸ਼
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।
ਸ਼੍ਰੋਮਣੀ ਕਮੇਟੀ ਵਿਰੁੱਧ ਖੱਟੜਾ ਦੀ ਬਿਆਨਬਾਜ਼ੀ ਗੁੰਮਰਾਹਕੁਨ ਤੇ ਤੱਥਹੀਣ- ਸਕੱਤਰ ਸ਼੍ਰੋਮਣੀ ਕਮੇਟੀ
ਲਾ ਕੇ ਦੋਸਤੀਆਂ, ਪਾ ਗਈ ਚੁੱਲ੍ਹੇ ਵਿਚ ਪਾਣੀ।
ਸੇਬੀ ਬਾਰੇ ਹਿੰਡਨਬਰਗ ਦੀਆ ਤਾਜ਼ਾ ਰਿਪੋਰਟਾਂ ਮਗਰੋਂ ਸਿਆਸੀ ਅਤੇ ਵਪਾਰ ਜਗਤ ਵਿਚ ਤਰਥੱਲੀ-ਇਕ ਖ਼ਬਰ
ਸੋਨੇ ਦੇ ਤਵੀਤ ਵਾਲੀਏ, ਤੇਰੀ ਹਰ ਮੱਸਿਆ ਬਦਨਾਮੀ।
ਬੰਗਲਾਦੇਸ਼ ਦੀ ਹਿੰਸਾ ਲਈ ਚੀਨ ਅਤੇ ਅਮਰੀਕਾ ਜ਼ਿੰਮੇਵਾਰ- ਸ਼ੇਖ਼ ਹੁਸੀਨਾ
ਗੋਰੇ ਰੰਗ ‘ਤੇ ਝਰੀਟਾਂ ਵੱਜੀਆ, ਨੀਂ ਬੇਰੀਆਂ ਦੇ ਬੇਰ ਖਾਣੀਏਂ।

05.08.2024

ਰਵਨੀਤ ਬਿੱਟੂ ਨੂੰ ਰਾਜ ਸਭਾ ‘ਚ ਭੇਜਣ ਦੀਆਂ ਤਿਆਰੀਆਂ- ਇਕ ਖ਼ਬਰ                              

ਨਿੱਕਾ ਦਿਉਰ ਮੇਰਾ ਖੰਡ ਦਾ ਖਿਡਾਉਣਾ, ਨੀਂ ਮੈਂ ਚੁੰਮ ਚੁੰਮ ਰੱਖਦੀ ਫਿਰਾਂ।

ਬਰਤਾਨਵੀ ਸੰਸਦ ‘ਚ ਵਿਰੋਧੀ ਧਿਰ ਦੀ ਨੇਤਾ ਬਣਨ ਲਈ ਪ੍ਰੀਤੀ ਪਟੇਲ ਨੇ ਪੇਸ਼ ਕੀਤੀ ਦਾਅਵੇਦਾਰੀ- ਇਕ ਖ਼ਬਰ

ਕੰਢੇ ਉੱਤੇ ਮਹਿਰਮਾ ਵੇ, ਵੇ ਮੈਂ ਕਦੋਂ ਦੀ ਖੜ੍ਹੀ।

ਸ਼੍ਰੋਮਣੀ ਅਕਾਲੀ ਦਲ ਨੂੰ ਢਾਅ ਲਾਉਣ ਲਈ ਸਿੱਖ ਵਿਰੋਧੀ ਸ਼ਕਤੀਆਂ ਅਤੇ ਘਰ ਦੇ ਭੇਤੀ ਸਰਗਰਮ- ਪੀਰਮੁਹੰਮਦ

ਪੀਰ ਮੁਹੰਮਦ ਜੀ, ਜ਼ਰਾ ਆਪਣੀ ਪੀੜ੍ਹੀ ਹੇਠਾਂ ਵੀ ਸੋਟਾ ਘਰੋੜ ਕੇ ਫੇਰ ਲਉ।

ਸੁਰਮਈ ਤੇ ਬਸੰਤੀ ਰੰਗ ਬਾਰੇ ਕੀਤਾ ਜਥੇਦਾਰਾਂ ਦਾ ਫ਼ੈਸਲਾ ਸ਼ਲਾਘਾਯੋਗ- ਅਸ਼ੋਕ ਸਿੰਘ ਬਾਗੜੀਆਂ

ਨਾਲ਼ ਲਗਦਾ ਹੀ ਕੈਲੰਡਰ ਦਾ ਕੰਡਾ ਵੀ ਕੱਢ ਦਿੰਦੇ ਤਾਂ ਧੰਨ ਧੰਨ ਹੋ ਜਾਣੀ ਸੀ।

ਟਰੰਪ ਨੇ ਕਮਲਾ ਹੈਰਿਸ ‘ਤੇ ਕੀਤੀ ਨਸਲੀ ਟਿੱਪਣੀ, ਕਿਹਾ ਕਿ ਉਹ ਗ਼ੈਰ ਗੋਰੀ ਹੈ ਜਾਂ ਭਾਰਤੀ?-ਇਕ ਖ਼ਬਰ

ਲਗਦੈ ਟਰੰਪ ਵੀ ਜਿਵੇਂ ਅਨੁਰਾਗ ਠਾਕੁਰ ਦਾ ਹੀ ਰਿਸ਼ਤੇਦਾਰ ਹੈ।

ਵੋਟਾਂ ਖਾਤਰ ਸੌਦਾ ਸਾਧ ਕੋਲ ਜਾਣ ਬਾਰੇ ਮੈਨੂੰ ਕੋਈ ਜਾਣਕਾਰੀ ਨਹੀਂ- ਬੀਬੀ ਜਾਗੀਰ ਕੌਰ

ਬੀਬੀ ਜੀ, ਜਾਗਦੇ ਲੋਕਾਂ ਨੂੰ ਪੁਆਂਦੀ ਪਾਈ ਜਾਂਦੇ ਹੋ, ਹੁਣ ਨਹੀਂ ਚੱਲਣਾ ਇਹ ਕੰਮ।

ਸੁਖਬੀਰ ਬਾਦਲ ਦੇ ਅਸਤੀਫ਼ੇ ਬਿਨਾਂ ਸਿੱਖ ਪੰਥ ਦਾ ਅਕਾਲੀ ਦਲ ‘ਚ ਭਰੋਸਾ ਮੁਸ਼ਕਿਲ- ਚੰਦੂਮਾਜਰਾ

ਨਾਮ ਦਾਨ ਦੇ ਸਾਬਣ ਨਾਲ਼ ਧੋ ਲੈ, ਪਾਪਾਂ ਵਾਲ਼ੀ ਮੈਲ਼ੀ ਜ਼ਿੰਦੜੀ।

ਪ੍ਰਦੀਪ ਕਲੇਰ ਦੇ ਦਾਅਵਿਆਂ ਨੇ ਪੰਥਕ ਹਲਕਿਆਂ ‘ਚ ਮਚਾਈ ਤਰਥੱਲੀ- ਇਕ ਖ਼ਬਰ

ਬੰਤੋ ਦੇ ਯਾਰਾਂ ਨੇ, ਬੋਤਾ ਪਾ ਲਿਆ ਸ਼ਰੀਹ ਵਾਲੀ ਸੜਕੇ।

ਸੌਦਾ ਸਾਧ ਵਿਰੁੱਧ ਪੰਜਾਬ ਸਰਕਾਰ ਮੁਕੱਦਮਾ ਚਲਾਉਣ ਦੀ ਇਜਾਜ਼ਤ ਦੇਵੇ ਪੰਜਾਬ ਸਰਕਾਰ- ਇਕ ਖ਼ਬਰ

ਕਿਵੇ ਇਜਾਜ਼ਤ ਦੇਈਏ, ਸਿਰ ‘ਤੇ ਚੋਣ ਖੜ੍ਹੀ।

ਪ੍ਰਦੀਪ ਕਲੇਰ ਦੇ ਦਾਅਵਿਆਂ ਤੋਂ ਬਾਅਦ ਘਬਰਾਏ ਹੋਏ ਸੁਖਬੀਰ ਦੇ ‘ਚੇਲੇ’ ਕਰ ਰਹੇ ਗ਼ਲਤ ਇਲਜ਼ਾਮਬਾਜ਼ੀ-ਢੀਂਡਸਾ

ਤਾਲੋਂ ਘੁੱਥੀ ਡੂੰਮਣੀ, ਬੋਲੇ ਆਲ-ਪਤਾਲ।

ਅਕਾਲੀ ਦਲ ਵਾਲੇ ਹੋਰਾਂ ‘ਤੇ ਉਂਗਲ ਚੁੱਕਣ ਤੋਂ ਪਹਿਲਾਂ ਆਪਣਾ ਘਰ ਸੰਭਾਲਣ- ਭਾਜਪਾ

ਕੁਲਹਿਣੀਏਂ ਸੱਸੇ ਨੀਂ ਦੇਨੀਂ ਏਂ ਤਾਹਨੇ, ਆਪਣੇ ਤੂੰ ਦਿਨ ਭੁੱਲ ਗਈ।

ਪ੍ਰਦੀਪ ਕਲੇਰ ਦੇ ਦਾਅਵੇ ਅਕਾਲੀ ਦਲ ਨੂੰ ਹਾਸ਼ੀਏ ‘ਤੇ ਧੱਕਣ ਦੀ ਸਾਜ਼ਿਸ਼- ਭੂੰਦੜ, ਗਰੇਵਾਲ

ਮੋੜੀਂ ਮੋੜੀਂ ਵੇ ਸਿੰਘਾ ਸਰਦਾਰਾ ਕਿ ਰੰਨ ਚੱਲੀ ਬਸਰੇ ਨੂੰ।

ਮਾਹੌਲ ਕਾਂਗਰਸ ਦੇ ਪੱਖ ਵਿਚ, ਪਰ ਅਤਿ-ਆਤਮਵਿਸ਼ਵਾਸ ਨਾ ਪਾਲ਼ ਲੈਣਾ- ਸੋਨੀਆ ਗਾਂਧੀ

ਜਿਸ ਪੱਲੇ ਫੁੱਲ ਬੱਧੇ ਹੋਵਣ, ਆਵੇ ਬਾਸ ਰੁਮਾਲੋਂ।

ਸਾਬਕਾ ਕਾਂਗਰਸੀ ਮੰਤਰੀ ਭਾਰਤ ਭੂਸ਼ਨ ਆਸ਼ੂ ਈ.ਡੀ. ਵਲੋਂ ਗ੍ਰਿਫ਼ਤਾਰ- ਇਕ ਖ਼ਬਰ

ਜਦੋਂ ਜਾਲ਼ ਫਾਂਧੀਆਂ ਨੇ ਪਾਇਆ, ਨੈਣ ਭਰ ਰੋਈ ਮਛਲੀ।

ਚਰਨਜੀਤ ਸਿੰਘ ਚੰਨੀ ਨੇ ਪ੍ਰਧਾਨ ਮੰਤਰੀ ਵਿਰੁੱਧ ਵਿਸ਼ੇਸ਼ ਅਧਿਕਾਰਾਂ ਦੀ ਉਲੰਘਣਾ ਦਾ ਨੋਟਿਸ ਦਿਤਾ- ਇਕ ਖ਼ਬਰ

ਲੌਂਗ ਘੜਾ ਦਊਂਗਾ, ਗੁੱਸਾ ਛੱਡ ਮੁਟਿਆਰੇ।

==============================================================