Jaspreet Kaur Mangat

ਗਰੀਨਵਿਊ ਸਕੂਲ, ਬੇਗੋਵਾਲ 'ਚ ਮਨਾਈਆਂ ਤੀਆਂ/ਜਸਪ੍ਰੀਤ ਕੌਰ ਮਾਂਗਟ - ਜਸਪ੍ਰੀਤ ਕੌਰ ਮਾਂਗਟ

ਪਿੰਡ ਬੇਗੋਵਾਲ ਤੋਂ ਬਾਹਰ ਹਰੇ-ਭਰੇ ਖੇਤਾਂ ਵਿੱਚ ਬਣਿਆ,''ਗਰੀਨਵਿਊ ਸਕੂਲ'' ਬੱਚਿਆਂ ਲਈ ਵਿੱਦਿਆ ਦਾ ਚਾਨਣ-ਮੁਨਾਰਾ ............। ਜਦੋਂ ਬੱਚਿਆਂ ਨੂੰ ਵਿੱਦਿਆ ਦੇ ਨਾਲ-ਨਾਲ ਸੱਭਿਆਚਾਰ ਨਾਲ ਵੀ ਜੋੜਿਆ ਜਾਵੇ ਤਾਂ ਸਾਡੇ ਸਾਰਿਆਂ ਲਈ ਸਾਰਿਆਂ ਲਈ ਸੋਨੇ ਤੇ ਸੁਹਾਗੇ ਵਾਲੀ ਗੱਲ ਹੈ। 3 ਅਗਸਤ, ਸ਼ਨੀਚਰਵਾਰ ਨੂੰ ਗਰੀਨਵਿਊ ਸਕੂਲ ਵੱਲੋਂ ਮੈਨੂੰ ਖਾਸ ਸੱਦਾ-ਪੱਤਰ ਤੇ ਮੁੱਖ-ਮਹਿਮਾਨ ਵੱਜੋਂ ਤੀਆਂ ਦੇ ਤਿਉਹਾਰ ਦਾ ਆਨੰਦ ਮਾਨਣ ਦਾ ਸੁਭਾਗ ਪ੍ਰਾਪਤ ਹੋਇਆ। ਜਸਪ੍ਰੀਤ ਕੌਰ ਮਾਂਗਟ ਨੂੰ ਜੋ ਮਾਣ-ਸਤਿਕਾਰ ਦਿੱਤਾ ਗਿਆ ਉਸ ਲਈ ਸਕੂਲ ਅਤੇ ਸਟਾਫ ਦੀ ਦਿਲੋਂ ਧੰਨਵਾਦੀ ਹਾਂ ............। ਪ੍ਰਿੰਸੀਪਲ ਮਝੈਲ ਸਿੰਘ, ਰਣਬੀਰ ਸਿੰਘ, ਮਨਦੀਪ ਸਿੰਘ, ਹਰਪ੍ਰੀਤ ਕੌਰ, ਇੰਦਰਜੀਤ ਕੌਰ ਤੇ ਸਾਰੇ ਸਟਾਫ ਤੋਂ ਇਲਾਵਾ ਗਿੱਧੇ ਦੇ ਕੋਚ ਇਕਬਾਲ ਮੁਹੰਮਦ, ਬੇਗੋਵਾਲ ਅਤੇ ਗਾਇਕ ਐਮ ਰਹਿਮਾਨ, ਬੇਗੋਵਾਲ ਨੇ ਬਹੁਤ ਨਿੱਘਾ ਸਵਾਗਤ ਕੀਤਾ ਅਤੇ ਤੀਆਂ ਦੇ ਤਿਉਹਾਰ ਦਾ ਆਨੰਦ ਮਾਣਿਆ ............। ਇਸ ਖਾਸ ਮੌਕੇ ਤੇ ਪਹੁੰਚੇ ਪੱਤਰਕਾਰ ਲਾਲ ਸਿੰਘ ਮਾਂਗਟ, ਬੇਗੋਵਾਲ ਵੱਲੋਂ ਯੂ ਟਿਊਬ ਤੇ ਪ੍ਰੋਗਰਾਮ ਦੀ ਖ਼ਬਰ ਅਤੇ ਤੀਆਂ ਦੀਆਂ ਝਲਕੀਆਂ ਪੇਸ ਕੀਤੀਆਂ ਗਈਆਂ। ਸਾਨੂੰ ਸਾਰਿਆਂ ਨੂੰ ਬਹੁਤ ਮਾਣ-ਸਤਿਕਾਰ ਦਿੱਤਾ ਗਿਆ ............। ਲਾਲ ਸਿੰਘ ਮਾਂਗਟ ਜੀ ਸਦਕਾ ਸਕੂਲ ਗਿੱਧੇ ਦੇ ਗਰੁੱਪ ਅਤੇ ਮੈਂ ਪ੍ਰਸੰਸਕਾਂ ਦੀ ਵਾਹ-ਵਾਹ ਖੱਟੀ ............। ਸਕੂਲ ਦੀਆਂ ਬੱਚੀਆਂ ਨੇ ਗੀਤਾਂ ਤੇ ਆਪਣੀ ਕਲਾ ਦੇ ਜੌਹਰ ਦਿਖਾਏ ਅਤੇ ਗਿੱਧੇ ਦੀ ਧਮਾਲ ਨਾਲ ਸਾਰਿਆਂ ਦਾ ਮਨ ਮੋਹ ਲਿਆ ............। ਸੱਭਿਆਚਾਰ ਦਾ ਹਰ ਰੰਗ ਮੈਨੂੰ ਦੇਖਣ ਨੂੰ ਮਿਲਿਆ, ਪੁਰਾਣੇ ਵੇਲਿਆਂ ਜਹੇ ਗੀਤ ਗਾਉਂਦੀਆਂ ਮੁਟਿਆਰਾਂ, ਪੱਖੀਆਂ, ਘੱਗਰੇ, ਸੱਗੀਆਂ, ਪਰਾਂਦੀਆਂ, ਫੁੱਲਕਾਰੀਆਂ ਆਦਿ ਕਈ ਤਰ੍ਹਾਂ ਦੇ ਗਹਿਣਿਆਂ ਨਾਲ ਸੱਜੀਆਂ ਮੁਟਿਆਰਾਂ ਨੂੰ ਦੇਖ ਸਾਡੀ ਸਾਰਿਆਂ ਦੀ ਰੂਹ ਖੁਸ਼ ਹੋ ਗਈ ............। ਪ੍ਰੋਗਰਾਮ ਦੌਰਾਨ ਸਾਡੀ ਸਾਡੀ ਇਹੀ ਗੱਲ ਸਾਂਝੀ ਹੋਈ ਕਿ ਜੇਕਰ ਅੱਜ ਦੇ ਯੁੱਗ ਵਿੱਚ ਬੱਚਿਆਂ ਨੂੰ ਸੱਭਿਆਚਾਰ ਨਾਲ ਨਹੀਂ ਜੋੜਦੇ ਤਾਂ ਇਹਨਾਂ ਨੂੰ ਪੰਜਾਬੀ ਵਿਰਸਾ ਭੁੱਲ ਜਾਣਾ ਤੇ ਇਸਦੇ ਜਿੰਮੇਵਾਰ ਵੀ ਅਸੀਂ ਹੀ ਹੋਵਾਂਗੇ ਕਿਉਂਕਿ ਅਸੀਂ ਪੁਰਾਣੇ ਰੀਤੀ -ਰਿਵਾਜ਼ ਹੰਢਾਏ ਹਨ ਤੇ ਇਹਨਾਂ ਬੱਚਿਆਂ ਨੇ ਕਿਤਾਬਾਂ 'ਚ ਪੜ੍ਹੇ ਨੇ ............। ਜੇਕਰ ਅਸੀਂ ਪੜ੍ਹਾਈ ਦੇ ਨਾਲ-ਨਾਲ ਦਿਨ-ਤਿਉਹਾਰਾਂ ਤੇ ਬੱਚਿਆਂ ਨੂੰ ਸੱਭਿਆਚਾਰਕ ਪ੍ਰੋਗਰਾਮਾਂ ਨਾਲ ਜੋੜੀ ਰੱਖੀਏ .........ਤਾਂ ਪੰਜਾਬੀ ਵਿਰਸਾ ਕਾਇਮ ਰਹੇਗਾ। ਸਰਕਾਰਾਂ ਅਤੇ ਹੋਰ ਮੁੱਦਿਆਂ ਕਾਰਨ ਨਿਰਾਸ਼ ਹੋ ਕੇ ਆਪਣੇ ਸੱਭਿਆਚਾਰ ਅਤੇ ਮਿੱਟੀ ਨੂੰ ਨਾ ਭੁਲਾਇਓ ਜੀ ............।
ਧੰਨਵਾਦ
ਜਸਪ੍ਰੀਤ ਕੌਰ ਮਾਂਗਟ
ਬੇਗੋਵਾਲ, ਦੋਰਾਹਾ (ਲੁਧਿਆਣਾ)
99143-48246

ਗਿੱਧਾ ਭੰਗੜਾ ਲੋਕ ਨਾਚ ਅਕੈਡਮੀ (ਦੋਰਾਹਾ) - ਜਸਪ੍ਰੀਤ ਕੌਰ ਮਾਂਗਟ

ਗਿੱਧੇ ਦੇ ਕੋਚ ਇਕਬਾਲ ਮੁਹੰਮਦ (ਬੇਗੋਵਾਲ) ਕਈ ਸਾਲਾਂ ਤੋਂ ਦੋਰਾਹਾ ਸ਼ਹਿਰ ਵਿੱਚ, ''ਗਿੱਧਾ-ਭੰਗੜਾ'' ਲੋਕ ਨਾਚ ਅਕੈਡਮੀ ਚਲਾ ਰਹੇ ਹਨ.........।  ਪਿੰਡ ਬੇਗੋਵਾਲ ਵਿਖੇ ਪਿਤਾ ਸਦੀਕ ਮੁਹੰਮਦ ਮਾਤਾ ਮੁਖਤਿਆਰੋ ਦੇ ਘਰ ਜਨਮੇਂ ਇਕਬਾਲ ਮੁਹੰਮਦ ਪੰਜ ਭੈਣਾ ਦਾ ਭਰਾ ਹੈ। ਆਪ ਤੋਂ ਵੱਡੇ ਵੀਰ ਦੇ ਆਸ਼ੀਰਵਾਦ ਅਤੇ ਛੋਟੇ ਵੀਰ ਐਮ ਰਹਿਮਾਨ ਦੀ ਗਾਇਕੀ ਨਾਲ ਬਹੁਤ ਹੀ ਮਾਣ-ਸਤਿਕਾਰ ਹਾਸਿਲ ਹੈ। ਦੋਰਾਹਾ ਸ਼ਹਿਰ ਵਿੱਚ ਸਾਲਾਂ ਤੋਂ ਚੱਲ ਰਹੀ ਅਕੈਡਮੀ 'ਚ ਦੂਰੋਂ-ਨੇੜਿਓ ਸਕੂਲਾਂ ਅਤੇ ਕਾਲਜਾਂ ਦੇ ਵਿਦਿਆਰਥੀ ਗਿੱਧੇ-ਭੰਗੜੈ ਦੀ ਸਿਖਲਾਈ ਲੈਣ ਆਉਂਦੇ ਹਨ............। ਇਕਬਾਲ ਮੁਹੰਮਦ ਆਪਣੇ ਗਿੱਧਾ ਗਰੁੱਪ ਨੂੰ ਲੈ ਕੇ ਵੱਖੋ-ਵੱਖਰੇ ਸਟੇਜ਼ ਸ਼ੋਅ ਕਰ ਚੁੱਕਾ ਹੈ। ਵਿਰਾਸਤ 'ਚ ਮਿਲੇ ਗੁਣ ਨਾਲ ਭਰਪੂਰ ਇਕਾਬਲ ਮੁਹੰਮਦ ਦੀ ਦੂਰ-ਦੂਰ ਤੱਕ ਪਹਿਚਾਣ ਬਣ ਚੁੱਕੀ ਹੈ ਕਿਉਂ ਕਿ ਇਹਨਾਂ ਦੇ ਗੀਤਾਂ-ਬੋਲੀਆਂ ਅਤੇ ਗਿੱਧੇ-ਭੰਗੜੇ ਦੀ ਗੂੰਜ਼ ਮਨਾਂ ਨੂੰ ਮੋਹ ਲੈਂਦੀ ਹੈ। ਮੁਟਿਆਰਾਂ ਇਹਨਾਂ ਦੀ ਅਕੈਡਮੀ ਤੋਂ ਗਿੱਧੇ ਦੀ ਸਿਖਲਾਈ ਲੈ ਕੇ ਸਭਿਆਚਰਕ ਪ੍ਰੋਗਰਾਮਾਂ 'ਚ ਭਾਗ ਲੈਂਦੀਆਂ ਹਨ। ਇਕਬਾਲ ਮੁਹੰਮਦ ਤੀਆ ਦੇ ਤਿਉਹਾਰ ਤੇ ਗਿੱਧੇ ਨਾਲ ਚਾਰ ਚੰਨ ਲਾਉਂਦੇ ਹਨ ਅਤੇ ਗੱਭਰੂਆਂ ਨੂੰ ਭੰਗੜੇ ਤੇ ਬੋਲੀਆਂ ਨਾਲ ਸਟੇਜਾਂ ਤੇ ਰੰਗ ਬੰਨਣ ਦਾ ਦਮ ਰੱਖਦੇ ਹਨ ਜੋ ਲੋਕਾਂ ਦੇ ਦਿਲਾਂ 'ਚ ਉਤਰਦਾ ਹੈ......। ਇਕਬਾਲ ਮੁਹੰਮਦ ਦੀ ਗਿੱਧਾਂ-ਭੰਗੜਾ ਲੋਕ ਨਾਚ ਅਕੈਡਮੀ  ਤੋਂ ਸਿਖਲਾਈ ਲੈ ਕੇ ਹੀਰੇ-ਮੋਤੀ ਚਮਕਦੇ ਰਹਿਣ.........।

ਜਸਪ੍ਰੀਤ ਕੌਰ ਮਾਂਗਟ
ਬੇਗੋਵਾਲ, ਦੋਰਾਹਾ (ਲੁਧਿਆਣਾ)
9914348246

ਚਿੜੀਆਂ ਦਾ ਚੰਬਾ/ਗੁਰੂਤੇਜ਼ ਪਾਰਮਾ/ਜਸਪ੍ਰੀਤ ਕੌਰ ਮਾਂਗਟ

ਆਪਣੀ ਸੁਰੀਲੀ ਆਵਾਜ਼ ਸਦਕਾ ਕੁਦਰਤ ਦੇ ਬਹੁਤ ਹੀ ਨੇੜੇ ਹੋ ਕੇ ਸਭਿਆਚਾਰਕ ਗੀਤ ਗਾਉਂਦੀ ਹੈ, ਗੁਰੂਤੇਜ਼ ਪਾਰਮਾ ਮੈਂਨੂੰ ਬਹੁਤ ਹੀ ਭਾਵੁਕ ਕੀਤਾ ਇਹਨੇ ਦੇ ਗਾਏ ਗੀਤ,"ਚਿੜੀਆਂ ਦਾ ਚੰਬਾ" ਨੇ............. ਕਿਉਂਕਿ ਮੈਂ ਅਕਸਰ ਕੁੜੀਆਂ ਚਿੜੀਆਂ ਤੇ ਲਿਖਦੀ ਹਾਂ ...............। ਚੰਡੀਗੜ੍ਹ 'ਚ ਰਹਿੰਦੀ ਗੁਰੂਤੇਗ਼ ਪਾਰਮਾ ਜੀ ਨੂੰ ਸਕੂਲ-ਕਾਲਜ ਤੋਂ ਹੀ ਲਿਖਣ ਤੇ ਗਾਉਣ ਦਾ ਸ਼ੌਂਕ ਰਿਹਾ ............। ਕਦੇ ਸਭਿਆਚਾਰਕ ਪ੍ਰੋਗਰਾਮਾਂ 'ਚ ਹਿੱਸਾ ਕਦੇ ਲਿਖਣਾ ਤੇ ਗਾਉਣਾ ............ ਮਨ ਉਡਾਰੀਆਂ ਭਰਦਾ ਰਿਹਾ ...........। ਅੱਜ ਦੋ ਧੀਆਂ ਦੀ ਮਾਂ 'ਗੁਰੂਤੇਜ਼ ਪਾਰਮਾ' ਆਪਣੀਆਂ ਧੀਆਂ ਦਾ ਵਿਆਹ ਕਰ ਚੁੱਕੀ ਹੈ ਤੇ ਆਪਣੇ ਪਤੀ ਨਾਲ ਚੰਡੀਗੜ੍ਹ 'ਚ ਖੁਸ਼ਹਾਲ ਜੀਵਨ ਜੀਅ ਰਹੀ ...........। ਅਣਗਿਣਤ ਗੀਤ ਗਾ ਚੁੱਕੀ 'ਗੁਰੂਤੇਜ਼ ਪਾਰਮਾ' ਦੀਆਂ ਲਿਖੀਆਂ ਕਿਤਾਬਾਂ ਵੀ ਮਾਰਕੀਟ 'ਚ ਆ ਚੁੱਕੀਆਂ ਹਨ। ਪਹਿਲੀ ਕਿਤਾਬ ਲਿਖੀ, "ਮੈਂ ਤਾਰੇ ਕੀ ਕਰਨੇ" ਬਹੁਤ ਹੀ ਭਾਵੁਕ ਸੀ ਦਿਲਾਂ ਨੂੰ ਛੂਹ ਗਈ ...........। ਦੂਜੀ ਕਿਤਾਬ "ਮੇਰੀ ਕਲਮ ਗਵਾਚੀ" ਲਿਖੀ ਜਿਸ ਵਿੱਚ ਸਤਰਾਂ, "ਮੇਰੀ ਕਲਮ ਗਵਾਚੀ
ਭਾਲਵੇ ਸੱਜਣਾ।
ਨਾ ਬਹੁਤੀ ਗੱਲ ਉਛਾਲ ਵੇ ਸੱਜਣਾ "

ਬੜਾ ਕੁੱਝ ਕਹਿੰਦੀਆਂ ..............। 'ਗੁਰੂਤੇਜ਼ ਪਾਰਮਾ' ਦੇ ਸਾਹਿਤ ਰੂਪੀ ਗੁਲਦਸਤੇ ਵਿੱਚ ਅਣਗਿਣਤ ਤਰ੍ਹਾਂ ਦੇ ਕਵਿਤਾਵਾਂ, ਗਜ਼ਲਾਂ ਤੇ ਗੀਤਾਂ ਦੇ ਫੁੱਲ ਸਾਂਭੇ ਹਨ ............। ਜਿਹਨਾਂ ਦੀ ਸੁਗੰਧ ਦੂਰ-ਦੂਰ ਤੱਕ ਫੈਲੀ ਹੈ ...............। ਇਹ ਖੁਸ਼ਬੂ ਮੇਰੇ ਤੱਕ ਜਦੋਂ ਪਾਹੁੰਚੀ, ਮੈਨੂੰ ਭਾਵਕ ਤੇ ਲੀਨ ਕਰ ਗਈ। ਆਪਣੇ-ਆਪ ਇਹ ਬਹਾਰ ਮੈਨੂੰ 'ਗੁਰੂਤੇਜ਼ ਪਾਰਮਾ' ਤੱਕ ਲੈ ਗਈ ...........। ਇਸ ਹਸਤੀ ਨੂੰ ਦੁਨੀਆਂ ਜਾਣ ਦੀ ਹੈ। ਕਿਉਂਕਿ ਇਹਨਾਂ ਦੇ ਲਿਖੇ ਤੇ ਗਾਏ ਗੀਤਾਂ ਨੂੰ ਸੁਣਦਿਆਂ ਹੀ ਹਰ ਕੋਈ ਸਭਿਆਚਾਰ ਅਤੇ ਕੁਦਰਤ ਨਾਲ ਜੁੜ ਜਾਂਦਾ ਹੈ।'ਗੁਰੂਤੇਜ਼ ਪਾਰਮਾ' ਦਾ ਗੀਤ ਮਿੱਟੀਏ ਪੰਜਾਬ ਦੀਏ ਦਿਲਾਂ ਨੂੰ ਛੂਹ ਗਿਆ ਤੇ ਆਪਣੀ ਮਿੱਟੀ ਨਾਲ ਜੋੜਦਾ ਹੈ। ਪਿਆਰ-ਮੁਹੱਬਤ ਦੀ ਗੱਲ ਕਰਦਾ ਗੀਤ, "ਨਿਉ ਕੇ ਇਸ਼ਕ ਕਮਾਇਆ" ਸੱਚੀਆਂ ਪ੍ਰੀਤਾਂ ਨੂੰ ਤਰਜੀਹ ਦਿੰਦਾ ਹੈ ਤੇ ਰੂਹਾਂ ਨਾਲ ਮੁਹੱਬਤਾਂ ਨਿਭਾਉਣ ਦਾ ਸੰਦੇਸ਼ ਦਿੰਦਾ ਹੈ ...........। ਗੀਤ ਗਾਉਣ ਤੇ ਕਿਤਾਬਾਂ ਲਿਖਣ ਤੋਂ ਇਲਾਵਾ ਕਵੀ ਸੰਮੇਲਨਾਂ 'ਚ ਹਾਜ਼ਰੀ ਲਗਾਤਾਰ ਲਾਉਂਦੇ ਰਹੇ ਹਨ, ਗੁਰੂਤੇਜ਼ ਪਾਰਮਾ .............। ਬਹੁ-ਗਿਣਤੀ 'ਚ ਸੰਗੀਤਕਾਰ, ਗਾਇਕ, ਗਤਿਕਾਰ ਤੇ ਪੰਸ਼ਸ਼ਕ ਜਾਣਦੇ ਹਨ ਇਹਨਾਂ ਨੂੰ, ਉਘੇ ਗਾਇਕ ਕੁਲਦੀਪ ਮਾਣਕ ਗੁਰੂਤੇਜ਼ ਪਾਰਮਾ ਨਾਲ ਡੀਉਟ ਗਾਉਣਾ ਚਾਹੁੰਦੇ ਹਨ ..........। ਪਰ ਪਰਿਵਾਰਿਕ ਜ਼ਿੰਮੇਵਾਰੀਆਂ ਨਿਭਾਉਂਦੇ ਹੋਏ ਆਪ ਕੱਲੇ ਤਾਂ ਲਿਖਦੇ ਤੇ ਗਾਉਂਦੇ ਰਹੇ, ਕਿਸੇ ਗਾਇਕ ਨਾਲ ਡੀਉਟ ਨਹੀਂ ਗਾ ਸਕੇ ...........। ਹੁਣ ਤੱਕ ਜਿੰਦਗੀ ਨਾਲ ਬਹੁਤਾ ਸਿਕਵਾ-ਸ਼ਿਕਾਇਤਾਂ ਤਾਂ ਨਹੀਂ ਹੈ ਲੇਕਿਨ ਇੱਕ ਆਜ਼ਾਦੀ ਦੀ ਭਾਲ ਜਹੀ ਰਹੀ .............। ਜੋ ਕੱਲਿਆਂ ਰਹਿ ਕੇ ਵੀ ਜਿਵੇਂ ਨਹੀਂ ਮਿਲੀ ............। ਗੁਰੂਤੇਜ਼ ਪਾਰਮਾ ਵਰਗੀ ਸੱਭਿਆਚਾਰਕ ਗਾਇਕਾ ਨੂੰ ਮਿਲਦੀ ਰਹੇਗੀ,'ਜਸਪ੍ਰੀਤ ਮਾਂਗਟ' .............।
ਜਸਪ੍ਰੀਤ ਕੌਰ ਮਾਂਗਟ
ਬੇਗੋਵਾਲ, ਦੋਰਾਹਾ (ਲੁਧਿਆਣਾ)
9914348246

ਸਾਡਾ ਨਹਿਰਾਂ ਵਾਲਾ ਦੋਰਾਹਾ - ਜਸਪ੍ਰੀਤ ਕੌਰ ਮਾਂਗਟ

ਜੀ. ਟੀ. ਰੋਡ ਤੇ ਸ਼ਹਿਰ ਸਾਡਾ, ਨਹਿਰਾਂ ਸੰਗ ਹੈ ਵੱਸਿਆ,
ਨਾਲੇ ਲੱਗਦਾ ਲੁਧਿਆਣਾ, ਸਭ ਪੁੱਛਦੇ ਮਾਣ ਨਾਲ ਦੱਸਿਆ।
ਪਿੰਡ ਰਾਮਪੁਰ ਤੇ ਬੇਗੋਵਾਲ, ਜਿਓਦੇ ਸ਼ਹਿਰ ਦੇ ਸਾਹਾਂ,
ਸ਼ਹਿਰ ਸਾਡੇ ਨੂੰ ਕਹਿੰਦੇ ਸਾਰੇ, ਨਹਿਰਾਂ ਵਾਲਾ ਦੋਰਾਹਾ।

ਆਨੰਦਪੁਰ ਸਾਹਿਬ ਹਾਈਵੇ, ਨਾਲੋ-ਨਾਲ ਨਹਿਰ ਦੇ ਜਾਈਏ,
ਆਉਂਦੇ-ਜਾਂਦੇ ਗੁਰੂ ਘਰਾਂ ਦੇ, ਸੰਗਤੋ ਦਰਸ਼ਨ ਪਾਈਏ।
ਮਾਰੀਆਂ ਵੱਡੀਆਂ ਮੱਲਾਂ, ਕਰਦਾ ਚਾਨਣ ਮੁਨਾਰਾ,3
ਸ਼ਹਿਰ ਸਾਡੇ ਨੂੰ ਕਹਿੰਦੇ ਸਾਰੇ, ਨਹਿਰਾਂ ਵਾਲਾ ਦੋਰਾਹਾ।

ਇਥੋਂ ਦੇ ਪੁਲਿਸ ਮਹਿਕਮਿਆਂ, ਨਸ਼ਿਆਂ ਤੇ ਪਾਏ ਪਰਚੇ,
ਚਾਰ-ਚੁਫੇਰ ਖੇਡਾਂ ਅਤੇ ਖਿਡਾਰੀਆਂ, ਦੇ ਬੜੇ ਚਰਚੇ।
ਰੇਲਵੇ ਸਟੇਸ਼ਨ, ਸਕੂਲ-ਕਾਲਜਾਂ ਮਹਿਕਦੀਆਂ ਬਹਾਰਾ,
ਸ਼ਹਿਰ ਸਾਡੇ ਨੂੰ ਕਹਿੰਦੇ ਸਾਰੇ, ਨਹਿਰਾਂ ਵਾਲਾ ਦੋਰਾਹਾ।

ਦੋਰਾਹਾ ਸ਼ਹਿਰ ਦੀ ਗੋਦ ਵੱਸਦੇ, ਗਾਇਕ ਤੇ ਸਾਹਿਤਕਾਰ,
ਇਸ ਧਰਤੀ ਤੇ ਅੱਜ ਵੀ, ਮਿਲਦੇ ਪੁਰਾਤਨ ਉਪਹਾਰ।
ਬੜੇ ਪੁਰਾਣੇ ਪਾਣੀ ਦੇ ਨਲ, ਚੱਲਦੇ ਨੇ ਵਿੱਚ ਰਾਹਾਂ,
ਸ਼ਹਿਰ ਸਾਡੇ ਨੂੰ ਕਹਿੰਦੇ ਸਾਰੇ, ਨਹਿਰਾਂ ਵਾਲਾ ਦੋਰਾਹਾ।

ਜਸਪ੍ਰੀਤ ਕੌਰ ਮਾਂਗਟ,
ਬੇਗੋਵਾਲ, ਦੋਰਾਹਾ (ਲੁਧਿਆਣਾ)।
ਮੋਬਾਇਲ ਨੰਬਰ 9914348246

ਵਿਹਲੀ ਬਿਜ਼ੀ, ਜਨਤਾ - ਜਸਪ੍ਰੀਤ ਕੌਰ ਮਾਂਗਟ

ਨਾ ਕੋਈ ਕੰਮ ਨਾ ਧੰਦਾ, ਫੇਰ ਵੀ ਹਾਲ ਹੈ ਮੰਦਾ..........।
ਅੱਜ ਦੇ ਸਮੇਂ ਨੂੰ ਦੇਖਦੇ ਹੋਏ, ਵੱਡੇ ਬਜ਼ੁਰਗ ਬੜੇ ਹੈਰਾਨ ਹਨ। ਇਸੇ ਜਨਤਾ ਵਿੱਚੋਂ ਬਹੁਤ ਵਾਰ ਜਸਪ੍ਰੀਤ ਨੂੰ ਲਿਖਣ ਵਾਰੇ ਕਿਹਾ ਗਿਆ। ਦੱਸਣਾ ਚਾਹੁੰਦੀ ਹਾਂ ਕਿ ਮੈਂ ਅਕਸਰ ਲਿਖਦੀ ਆਈ ਹਾਂ, ਅੱਜ ਦੇ ਮਹੌਲ ਤੇ 'ਸਿਆਣੇ ਕਹਿੰਦੇ ਹਨ, ਏਦੋਂ ਮਾੜਾ ਸਮਾਂ ਹੋਰ ਕੀ ਹੋਣਾ ਭਲਾਂ? ਕਿਤੇ ਵਜ਼ਾ ਬਣਦੀ ਹੈ ਬੇਰੁਜ਼ਗਾਰੀ, ਕਿਤੇ ਨਸ਼ੇ, ਬਾਕੀ ਰਹਿੰਦੀ ਕਸਰ ਕੱਢ ਤੀ ਮੁਬਾਇਲਾਂ ਨੇ। ਏਸੇ ਲਈ ਹੱਸਦੇ ਕਹਿੰਦੇ ਨੇ ਸਭ, ਵਿਹਲੀ ਬਿਜ਼ੀ ਜਨਤਾ। ਜੇ ਸਾਡੇ ਦੇਸ਼ ਦੀ ਹਾਲਤ ਵੀ ਵਿਦੇਸ਼ਾਂ ਨਾਲ ਮੇਲ ਖਾਂਦੀ ਤਾਂ ਕਾਹਨੂੰ ਆਪੇ ਤੇ ਮਜਾਕ ਉੜਾਉਦੇਂ।ਅੱਜ ਦੀ ਨੌਜਵਾਨ ਪੀੜੀ ਨੂੰ ਸਰਕਾਰਾਂ ਤੇ ਆਸ ਰੱਖਣ ਦੀ ਵਜਾਏ ਕੋਈ ਕੰਮ ਧੰਦਾ ਤੋਰ ਲੈਣਾ ਚਾਹੀਦਾ, ਕਿਓਂਕਿ ਹਰ ਵਾਰ ਸਰਕਾਰਾਂ ਤੇ ਆਸਾਂ ਰੱਖਦੇ ਨੇ ਦੇਸ਼ ਵਾਸੀ ਪਰ ਕੁਝ ਵੀ ਪੱਲੇ ਨਹੀਂ ਪੈਂਦਾ। ਸਰਕਾਰਾਂ ਆਉਦੀਆਂ ਜਾਂਦੀਆਂ ਰਹਿੰਦੀਆਂ, ਜਨਤਾਂ ਓਥੇ ਦੀ ਓਥੇ ਹੈ ਰੁਜ਼ਗਾਰ ਵਿੱਚ, ਬਾਕੀ ਸਭ ਗੱਲਾਂ 'ਚ ਬਹੁਤ ਤੇਜ਼ੀ ਵਰਤੀ ਜਾ ਰਹੀ ਹੈ। ਜਿਵੇਂ ਕਿ ਨੈੱਟਵਰਕ ਦੇ ਆਦਿ ਅਸੀ ਸਾਰਾ ਦਿਨ ਇਸ ਜਾਲ 'ਚ ਉਲਝੇ ਰਹਿੰਦੇ ਹਾਂ ਭਾਵੇਂ ਵਿਹਲੇ ਵੀ ਹੋਈਏ ਤਾਂ ਵੀ ਬਿਜੀ ਲੱਗਦੇ ਹਾਂ। ਬੜੇ ਬਜ਼ੁਰਗ ਤਰਸਦੇ ਨੇ ਗੱਲਾਂ ਕਰਨੇ ਨੂੰ ਕਿ ਜਦੋਂ ਪਰਾਂ ਹੋ ਕੇ ਸਾਡੇ ਨਾਲ ਗੱਲ ਕਰਨਗੇ। ਕਿਹੋ ਜਿਹਾ ਮਹੌਲ ਬਣ ਗਿਆ ਹੈ, ਸਾਡੇ ਚਾਰ-ਚੁਫੇਰੇ ਏਸ ਤੋਂ ਮਾੜਾ ਕੀ ਹੋਜੂ। ਗਲੀਆਂ ਦੀ ਰੌਣਕ ਤੇ ਲੋਕਾਂ ਦਾ ਮਿਲਵਰਤਣ ਦਿਨੋਂ-ਦਿਨ ਖਤਮ ਹੁੰਦਾ ਜਾ ਰਿਹਾ।
ਸੜਕਾਂ ਤੇ ਤੁਰਦੇ-ਫਿਰਦੇ ਜਾਂ ਸਫਰ ਕਰਦੇ ਹੋਏ, ਮੁਬਾਇਲਾਂ ਤੇ ਲੱਗੇ ਹੈੱਡਫੋਨ ਹਾਦਸਿਆਂ ਦਾ ਕਾਰਨ ਬਣਦੇ ਹਨ। ਫੇਰ ਵੀ ਸਮਝਣ ਦੀ ਵਜਾਏ, ਜਨਤਾ ਅੰਨੇ-ਵਾਹ ਚੱਲਦੀ ਜਾਂਦੀ ਆ। ਹਰ ਸਮੇਂ ਕਿਸੇ ਤਲਾਸ਼ ਵਿੱਚ ਭੱਜੇ ਫਿਰਦੇ ਰਹਿੰਦੇ ਹਾਂ ਅਸੀਂ, ਜਿਵੇਂ ਬਹੁਤ ਬਿਜ਼ੀ ਹੋਈਏ। ਸਮਝ ਨਹੀਂ ਆਉਂਦੀ ਕੀ ਭਾਲਦੇ ਹਾਂ, ਉਲਝੇ ਰਹਿੰਦੇ ਹਾਂ, ਮਨ ਦਾ ਚੈਨ ਖੋ ਕੇ .....। ਅੱਜ ਰਿਸ਼ਤੇਦਾਰੀਆਂ 'ਚ ਜਾਣ ਤੋਂ ਪਹਿਲਾਂ ਫੋਨ ਕਰ ਕੇ ਦੱਸਣਾ ਪੈਂਦਾ, ਓਹ ਵੀ ਦਿਨ ਹੁੰਦੇ ਸੀ ਜਦੋਂ ਬਨੇਰੇ ਕਾਂ ਬੋਲਦਾ ਸੁਣ ਕੇ ਉਡੀਕਦੇ ਸੀ ਕਿ ਕਿਹੜਾ ਰਿਸ਼ਤੇਦਾਰ ਆਵੇਗਾ?? ਬੜਾ ਚਾਅ ਮੰਨਿਆ ਜਾਂਦਾ ਸੀ। ਅੰਤਾਂ ਦੇ ਕੰਮ ਧੰਦਿਆਂ ਚੋਂ ਨਿਕਲ ਕੇ ਵੀ ਇੱਕ ਦੂਜੇ ਦੀ ਸਾਰ ਲੈਂਦੇ ਸੀ ਤੇ ਅੱਜ ਵਿਹਲੇ ਵੀ ਬਿਜੀ ਰਹਿੰਦੇ ਹਾਂ। ਸੱਚ ਹੀ ਕਿਹਾ ਗੁਰਦਾਸ ਮਾਨ ਜੀ ਨੇ ਸੱਚੇ ਪਾਤਸ਼ਾ ਵਾਹਿਗੁਰੂ ਜਾਣੇ, ਕੀ ਬਣੂ ਦੁਨੀਆਂ ਦਾ................

ਜਸਪ੍ਰੀਤ ਕੌਰ ਮਾਂਗਟ
ਬੇਗੋਵਾਲ, ਦੋਰਾਹਾ (ਲੁਧਿਆਣਾ)
9914348246

ਨਵੀਂ ਸਰਕਾਰ, ਨਵੀਂ ਆਸ - ਜਸਪ੍ਰੀਤ ਕੌਰ ਮਾਂਗਟ,

ਹਰ ਵਾਰ ਇਹੀ ਹੁੰਦਾ, ਜਨਤਾ ਲਾਉਂਦੀ ਏ ............ ਸਰਕਾਰ ਤੇ ਨਵੀਂ ਆਸ ................ ਹਰ ਵਾਰ ਹੱਥ ਲੱਗਦੀ ਏ ਨਿਰਾਸ਼ਾ ............. ਬੇਰੁਜ਼ਗਾਰੀ, ਕਿਸਾਨਾਂ ਦੀਆਂ ਮੰਗਾਂ, ਸਕੂਲੀ ਅਧਿਆਪਕਾਂ, ਆਂਗਨਵਾੜੀ ਵਰਕਰਾਂ, ਪਾਣੀਆਂ ਦੇ ਮਸਲੇ ਜਿਹੇ ਅਨੇਕਾਂ ਮੁੱਦੇ ਹਨ ................... ਜਿਹਨਾਂ ਦਾ ਹੱਲ ਪੂਰੀ ਤਰ੍ਹਾਂ ਨਹੀਂ ਕਰਦੀ ਸਰਕਾਰ ............... ਲੋਕ ਅੱਕ ਜਾਂਦੇ ਹਨ ਆਪਣੀਆਂ ਸਮੱਸਿਆਵਾਂ ਨੂੰ ਦੇਖ-ਦੇਖ ................ ਕਿਉਂਕਿ ਹੋਰ ਕਿਹਦੇ ਵੱਲ ਦੇਖਣ ਜੇ ਸਾਡੀ ਸਰਕਾਰ ਨਹੀਂ ਸੁਣਦੀ ਤਾਂ ……………? ਕਿੱਤੇ ਕਾਂਗਰਸ, ਕਿੱਤੇ ਅਕਾਲੀ-ਭਾਜਪਾ ਤੇ ਹੋਰ ਕਈ ਨਵੀਆਂ ਪਾਰਟੀਆਂ ਹਰ ਵਾਰ ਵੋਟਾਂ ਵੇਲੇ ਇਹੀ ਤਸੱਲੀ ਦਿਵਾਉਂਦੀਆਂ ਹਨ ਕਿ ਅਸੀਂ ਕਰਾਂਗੇ ਹਰ ਮਸਲੇ ਦਾ ਹੱਲ ................... ਅਸੀਂ ਸੁਣਾਂਗੇ ਜਨਤਾ ਦੀ ............ ਅਸੀ ਉਠਾਵਾਂਗੇ ਗੰਭੀਰ ਮੁੱਦੇ .................। ਪਰ ਲੋਕਾਂ ਦੀਆਂ ਆਸਾਂ ਟੁੱਟਦਿਆਂ ਦੇਰ ਨਹੀਂ ਲੱਗਦੀ ..............। ਜੇ ਦੇਖਿਆ ਜਾਵੇ ਤਾਂ ਅਕਾਲੀ-ਭਾਜਪਾ ਸਰਕਾਰ ਨੇ ਲੋਕਾਂ ਦੀਆਂ ਕੁਝ ਮੁਸ਼ਕਿਲਾਂ ਹੱਲ ਕੀਤੀਆਂ ............... ਪਰ ਕਾਂਗਰਸ ਨੇ ਉਨੀਆਂ ਵੀ ਨਹੀਂ .................. ਦੇਖਣ 'ਚ ਇਹੀ ਆਉਂਦਾ ਹੈ ਕਿ ਕਾਂਗਰਸ ਨੂੰ ਲੈ ਕੇ  ਲੋਕਾਂ 'ਚ ਜਿਆਦਾ ਨਰਾਜ਼ਗੀ ਹੈ ..............। ਨੌਕਰੀ ਪੇਸ਼ੇ ਵਾਲਿਆਂ ਨੂੰ ਵੇਲੇ ਸਿਰ ਤਨਖਾਹਾਂ ਨਹੀਂ, ਕਿਸਾਨਾਂ ਨੂੰ ਮਿਹਨਤ ਦਾ ਪੂਰਾ ਮੁੱਲ ਨਹੀਂ ਮਿਲਦਾ .................. ਬਹੁਤ ਸਾਰੇ ਅਜਿਹੇ ਗੰਭੀਰ ਮੁੱਦਿਆਂ ਤੇ ਕਾਂਗਰਸ ਸਰਕਾਰ ਤੋਂ ਜਨਤਾ ਨਿਰਾਸ਼ ਹੋਈ ਹੈ ...................। ਚਲਾਈ ਗਈ ਮੁਹਿੰਮ, "ਰੁਜ਼ਗਾਰ ਨਹੀਂ ਵੋਟ ਨਹੀਂ" ਨੂੰ ਭਰਮਾਂ ਹੁੰਗਾਰਾ ਮਿਲ ਰਿਹਾ ..................। ਲੋਕ ਆਪਣੇ ਹੀ ਦੇਸ਼ ਭਾਰਤ ਤੋਂ ਬਿਹਤਰ ਵਿਦੇਸ਼ਾ 'ਚ ਜਾ ਕੇ ਵੱਸਣਾ ਸਹੀ ਸਮਝਦੇ ਨੇ ................। ਜੇਕਰ ਸਾਡੀਆਂ ਸਰਕਾਰਾਂ ਰੁਜ਼ਗਾਰ, ਸਹੂਲਤਾਂ, ਵਧੀਆਂ ਰੂਲ ਅਤੇ ਸਾਫ਼-ਸਫਾਈ ਜਿਹੇ ਬਹੁਤ ਸਾਰੇ ਮਸਲੇ ਹੱਲ ਕਰੇ ਤਾਂ ਆਪਣਾ ਦੇਸ਼ ਛੱਡ ਕੇ ਜਾਣਦੀ ਜ਼ਰੂਰਤ ਨਹੀਂ ...................। ਵੋਟਾਂ ਨੂੰ ਲੈ ਕੇ ਭਾਰਤ ਵਿੱਚ ਘਮਸਾਨ ਮੱਚਿਆ ਪਿਆ ............... ਕਿਧਰੇ ਰੈਲੀਆਂ, ਜਿੱਥੇ ਕਿਧਰੇ ਵੀ ਨਾਹਰੇਬਾਜੀਆਂ ਪੂਰੇ ਜੋਰਾਂ ਤੇ ਚੱਲ ਰਹੀਆਂ ਹਨ ................ ਵੋਟਾਂ 'ਚ ਖੜ੍ਹੇ ਅਕਾਲੀ-ਭਾਜਪਾ ਲਈ ਫਿਲਮੀ ਹੀਰੋ ਸਨੀ ਦਿਉਲ ਨੂੰ ਲੈ ਕੇ ਅਲੱਗ-ਅਲੱਗ ਰਾਇ ਦੇ ਰਹੇ ਹਨ ਲੋਕ .............। ਇੰਨਾਂ ਤਾਂ ਸਭ ਜਾਣਦੇ ਹਨ ਕਿ ਸਨੀ ਦਿਉਲ ਪੰਜਾਬ ਦਾ ਬਹੁਤ ਹਰਮਨ ਪਿਆਰਾ ਹੀਰੋ ਰਿਹਾ ਤੇ ਨੇਤਾ ਵੀ ਬਣੇਗਾ ਤਾਂ ਉਮੀਦਾਂ ਤੇ ਖਰਾ ਉਤਰੇ ...........। ਇਹੀ ਆਸ ਕਰਦੇ ਹਾਂ ...............। ਦੇਖਦੇ ਹਾਂ, ਕਿਹੜੀ ਨਵੀਂ ਸਰਕਾਰ ਬਣੇਗੀ .............। ਵਾਅਦੇ ਪੂਰੇ ਕਰੇਗੀ ................

ਜਸਪ੍ਰੀਤ ਕੌਰ ਮਾਂਗਟ,
ਬੇਗੋਵਾਲ , ਦੋਰਾਹਾ(ਲੁਧਿਆਣਾ)
ਮੋਬਾਇਲ ਨੰਬਰ : 99143-48246

ਰਿਸ਼ਤੇ ਰੂਹਾਂ ਦੇ - ਜਸਪ੍ਰੀਤ ਕੌਰ ਮਾਂਗਟ

ਏਨੇ ਵੀ ਨਹੀਂ ਸੋਖੇ
ਜੋ ਤੂੰ ਲੱਭਦੀ ਏਂ
ਭਾਲਦਿਆਂ ਨਹੀਂ ਮਿਲਦੇ
ਰਿਸ਼ਤੇ ਰੂਹਾਂ ਦੇ

ਰੱਬ ਦੇ ਨਾਂ ਵਰਗੇ
ਤਪਦੀ ਲੋਅ ਵਿੱਚ ਛਾਂ ਵਰਗੇ
ਨਾਲ ਨਸੀਬਾਂ ਮਿਲਦੇ
ਰਿਸ਼ਤੇ ਰੂਹਾਂ ਦੇ

ਰਹਿ ਜੇ ਸਾਂਝ ਦਿਲਾਂ ਦੀ
ਖਿੜੇ ਰੁੱਤ ਮੁਹੱਬਤਾਂ ਦੀ
ਫਾਸਲੇ ਮਿਟਾਵਣ
ਰਿਸ਼ਤੇ ਰੂਹਾ ਦੇ

ਮਹਿਕਾਂ ਵੰਡਦੇ ਰਹਿਣ
ਸਦਾ ਬਹਾਰ ਜਿਹੇ
ਮਾਂਗਟ ਜੇ ਮਿਲ ਜਾਵਣ
ਰਿਸ਼ਤੇ ਰੂਹਾਂ ਦੇ

ਜਸਪ੍ਰੀਤ ਕੌਰ ਮਾਂਗਟ,
ਬੇਗੋਵਾਲ ਦੋਰਾਹਾ (ਲੁਧਿਆਣਾ),
ਮੋਬਾਇਲ ਨੰਬਰ 99143-48246

ਜ਼ੱਦੀ ਸਰਦਾਰ / ਦਿਲਪ੍ਰੀਤ ਢਿੱਲੋਂ - ਜਸਪ੍ਰੀਤ ਕੌਰ ਮਾਂਗਟ

ਸਾਡਾ ਸਾਰਿਆਂ ਦਾ ਚਹੇਤਾ ਤੇ ਹਰਮਨ ਪਿਆਰਾ, “ਗਾਇਕ ਤੇ ਐਕਟਰ” ਦਿਲਪ੍ਰੀਤ ਢਿੱਲੋਂ ਨੂੰ ਮਿਲ ਕੇ ਰੂਹ ਖੁਸ਼ ਹੋ ਗਈ ਮੇਰੀ ................ 23 ਅਪ੍ਰੈਲ ਨੂੰ ਮੇਰੇ ਭਰਾ ਕੁਲਵੀਰ ਸੇਖੋਂ ਅਤੇ ਸਤਿੰਦਰਜੀਤ (ਸਿੰਦਾ) ਜੋ ਦਿਲਪ੍ਰੀਤ ਦੇ ਬੜੇ ਕਰੀਬੀ ਹਨ, ਇਹਨਾਂ ਨੇ ਮੇਰੀ ਦਿਲਪ੍ਰੀਤ ਢਿੱਲੋਂ ਨਾਲ ਮੁਲਾਕਾਤ ਕਰਵਾਈ। ਇਸ ਨਾਚੀਜ਼  ਨੇ ਆਪਣੀ ਕਿਤਾਬ, “ਰਿਸ਼ਤੇ ਰੂਹਾਂ ਦੇ” ਦਿਲਪ੍ਰੀਤ ਢਿੱਲੋਂ  ਦੇ ਹੱਥਾਂ ’ਚ ਸੌਂਪੀ ................। ਗਾਇਕ ਦਿਲਪ੍ਰੀਤ ਨੂੰ ਮਿਲ ਕੇ ਅਪਾਰ ਸੌਹਰਤ ਦਾ ਘਮੰਡ ਕਿਤੇ ਨਜ਼ਰ ਨਹੀਂ ਆਇਆ ................। ਬਹੁਤ ਹੀ ਮਿਲਣਸਾਰ ਅਤੇ ਸਤਿਕਾਰ ਦੇਣ ਚ ਪਹਿਲ ਕਦਮੀਂ ਦੇਖਣ ਨੂੰ ਮਿਲੀ ................।
ਹੁਣ ਤੱਕ ਆਏ ਅਣਗਿਣਤ ਗੀਤ ................ Picka, Yaaran da Group ਨਵਾ ਗੀਤ ਬਹਿਮ, Gunday & Gunday Return, Gulab, Watch, Red Rose ................ ਆਦਿ ਚਰਚਾ 'ਚ ਰਹੇ ................। ਪਿੰਡ ਮਾਨੂੰਪੁਰ (ਖੰਨਾ) 'ਚ ਰਿਹਾਇਸ਼ ਹੋਣ ਕਰਕੇ ਉਸ ਇਲਾਕੇ ਦਾ ਬਹੁਤ ਮਾਣ ਵਧਾਇਆ ਦਿਲਪ੍ਰੀਤ ਢਿੱਲੋਂ ਨੇ ................ । ਖੰਨਾਂ ਸ਼ਹਿਰ ਅਤੇ ਵੱਖੋ-ਵੱਖਰੇ ਸ਼ਹਿਰਾਂ ਚ ਆਏ ਦਿਨ ਸ਼ੋਅ ਲੱਗਦੇ ਹਨ, ਦਿਲਪ੍ਰੀਤ ਦੇ ................। ਆਪਣੀ ਮਿਹਨਤ ਦੇ ਸਦਕਾ ਅੰਬਰੀ ਉਡਾਰੀਆਂ ਭਰ ਰਿਹਾ ਦਿਲਪ੍ਰੀਤ ਢਿੱਲੋਂ ................ ਵਧੀਆਂ ਆਵਾਜ਼ ਦਾ ਮਾਲਿਕ, ਗੀਤ ਅਜਿਹੇ ਗਾਉਂਦਾ ਕਿ ਸਿੱਧੇ ਦਿਲ 'ਚ ਉਤਰ ਜਾਂਦੇ ਹਨ ਅਤੇ ਸੁਣਨ ਵਾਲੇ ਵਾਰ-ਵਾਰ ਸੁਣਨਾਂ ਪਸੰਦ ਕਰਦੇ ਹਨ। ਗਾਉਣ ਦੇ ਨਾਲ-ਨਾਲ ਪੰਜਾਬੀ ਫਿਲਮਾਂ 'ਚ ਬਤੌਰ ਐਕਟਰ ਕੰਮ ਕਰ ਚੁੱਕਾ ਦਿਲਪ੍ਰੀਤ ਢਿੱਲੋਂ ਨਵੀਂ ਫਿਲਮ ਜ਼ੱਦੀ  ਸਰਦਾਰ  ਲੈ ਕੇ ਹਾਜਿਰ ਹੋ ਰਿਹਾ ਜੋ ਕਿ 12 ਜੁਲਾਈ ਨੂੰ ਸਿਨੇਮਾਂ ਘਰਾਂ ਦਾ ਸਿੰਗਾਰ ਬਣਨ ਜਾਂ ਰਹੀ ਹੈ ................। ਇਸ ਫਿਲਮ ਤੋਂ ਪਹਿਲਾਂ ਵੀ ਵਧੀਆ ਕਹਾਣੀਆਂ ਤੇ ਕੰਮ ਕਰ ਚੁੱਕਾ ਦਿਲਪ੍ਰੀਤ ਢਿੱਲੋਂ ................। ਛੋਟਾ ਭਰਾ ਜੋਬਨ ਢਿੱਲੋਂ ਵੀ ਨਾਮਵਰ ਗਾਇਕਾਂ 'ਚ ਸ਼ਾਮਿਲ ਹੋ ਚੁੱਕਾ ਹੈ, ਸਰੋਤਿਆਂ ਦੀ ਕਚਿਹਰੀ 'ਚ ਆਇਆ ਜੋਬਨ ਢਿੱਲੋਂ ਦਾ ਗੀਤ, " ਅਪਰੋਚ" ਕਮਾਲ ਕਰ ਗਿਆ ................ ਜ਼ੱਦੀ ਸਰਦਾਰ ਬਹੁਤ ਹੀ ਲਾਜ਼ਵਾਬ ਵਿਸ਼ੇ ਤੇ ਬਣੀ ਫਿਲਮ ਹੈ, ਜਿਸ ਵਿੱਚ ਦਿਲਪ੍ਰੀਤ ਢਿੱਲੋਂ, ਸਿੱਪੀ ਗਿੱਲ, ਗੱਗੂ ਗਿੱਲ ਅਤੇ ਹੌਬੀ ਧਾਲੀਵਾਲ ਤੋਂ ਇਲਾਵਾ ਹੋਰ ਕਈ ਵਧੀਆ ਕਲਾਕਾਰਾਂ ਨੇ ਭੂਮਿਕਾ ਨਿਭਾਈ ਹੈ ................। ਸਾਫ਼ - ਸੁਥਰੀ ਅਤੇ ਚੰਗੀ ਸੇਧ ਦੇਣ ਵਾਲੀ ਕਹਾਣੀ ਤੇ ਫਿਲਮ ਬਣੀ ਹੈ ................ ਜ਼ੱਦੀ ਸਰਦਾਰ। ਆਪਣੇ ਪਰਿਵਾਰਾਂ ਅਤੇ ਦੋਸਤਾਂ – ਮਿੱਤਰਾਂ ਨਾਲ ਸਿਨੇਮਾਂ ਘਰਾਂ 'ਚ ਜਾ ਕੇ ਜਰੂਰ ਦੇਖਣੀ। ਐਨਾਂ ਅੰਦਾਜਾ ਤਾਂ ਜ਼ਰੂਰ ਹੈ ਕਿ ਲੋਕਾਂ ਦਾ ਭਰਮਾਂ ਹੁੰਗਾਰਾ ਮਿਲੇਗਾ ਦਿਲਪ੍ਰੀਤ ਢਿੱਲੋਂ ਦੀ ਇਸ ਪੰਜਾਬੀ ਫਿਲਮ ਨੂੰ ................ ਕਿਉਂਕਿ ਆਪਣੇ ਹੁਨਰ ਅਤੇ ਮਿਹਨਤ ਨਾਲ ਦੁਨੀਆਂ ਦਾ ਚਹੇਤਾ ਹੈ ਗਾਇਕ ਤੇ ਐਕਟਰ, ਦਿਲਪ੍ਰੀਤ ਢਿੱਲੋਂ, ਪ੍ਰਮਾਤਮਾਂ ਕਰੇ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਕਰੇ, ਆਪਣੇ ਗੀਤਾਂ ਅਤੇ ਫਿਲਮਾਂ ਨਾਲ ................ ਦਿਲਪ੍ਰੀਤ ਢਿੱਲੋਂ
ਜਸਪ੍ਰੀਤ ਕੌਰ ਮਾਂਗਟ,
ਬੇਗੋਵਾਲ (ਦੋਰਾਹਾ),
                99143-48246

ਗੋਲਡ ਰਿਕੌਡਰ, ਗੁਰੀ ਮਾਂਗਟ - ਜਸਪ੍ਰੀਤ ਕੌਰ ਮਾਂਗਟ

ਸੱਚ ਹੀ ਕਹਿੰਦੇ ਨੇ, ਕਹਿਣ ਵਾਲੇ ਕਿ ਜਿੰਨਾਂ ਨੂੰ ਜਿੰਦਗੀ 'ਚ ਕੁਝ ਅਲੱਗ ਕਰਨ ਦੀ ਤਾਂਘ ਹੋਵੇ, ਉਹ ਜ਼ਿੰਦਗੀ ਦੇ ਰੁਝੇਮਿਆਂ ਵਿਚੋਂ ਵੀ ਸਮਾਂ ਕੱਢ ਹੀ ਲੈਂਦੇ ਹਨ......। ਅਜਿਹੀ ਕੋਸ਼ਿਸ਼ ਵਿੱਚ ਰਹਿੰਦਾ ਹੈ, "ਗੁਰੀ ਮਾਂਗਟ ਬੇਗੋਵਾਲ" ......। ਮਾਤਾ ਦਵਿੰਦਰ ਕੌਰ ਅਤੇ ਪਿਤਾ ਪਵਿੱਤਰ ਸਿੰਘ ਦੇ ਘਰ ਜਨਮੇਂ, "ਗੁਰੀ ਮਾਂਗਟ ਦਾ ਸੰਗੀਤ ਅਤੇ ਸਭਿਆਚਾਰ ਨਾਲ ਖਾਸ ਨਾਤਾ ਰਿਹਾ ਹੈ। ਗੋਲਡ ਰਿਕੌਰਡ ਕੰਪਨੀ ਦਾ ਮਾਲਿਕ 'ਗੁਰੀ ਮਾਂਗਟ" ਕਈ ਗੀਤ ਪ੍ਰਡਿਊਸ ਕਰ ਚੁੱਕਾ ਹੈ। ਇਹਨਾਂ ਨੂੰ ਪੂਰਾ ਸਹਿਯੋਗ ਦੇ ਰਹੇ ਹਨ ਛੋਟੇ ਭਰਾਂ ਨਵਜੀਤ ਸਿੰਘ ਮਾਂਗਟ ਕਹਿੰਦੇ ਹਨ ਭਰਾਂ ਬਰਾਬਰ ਦੀ ਬਾਂਹ ਹੁੰਦਾ ਹੈ, ਰੱਬ ਕਰੇ ਇਹਨਾਂ ਭਰਾਵਾਂ ਦਾ ਆਪਸੀ ਸਹਿਯੋਗ ਬਣਿਆ ਰਹੇ। ਗੁਰੀ ਮਾਂਗਟ ਦੇ ਪ੍ਰਡਿਊਸਰ ਦੇ ਕਾਰਜ਼ਕਾਲ ਚੱਲਦਿਆਂ ਕਈ ਸਿੰਗਰ ਚਰਚਾ ਦਾ ਵਿਸ਼ਾਂ ਬਣੇ ਹਨ, ਜਿਹਨਾਂ 'ਚ ਸ਼ਾਮਿਲ ਗਾਇਕ ਮਨਪ੍ਰੀਤ ਸ਼ੇਰਗਿੱਲ ਅਤੇ ਪਿੰਡ ਬੇਗੋਵਾਲ ਤੋਂ ਗਾਇਕ ਐਮ ਰਹਿਮਾਨ ਕੁਝ ਸਮਾਂ ਪਹਿਲਾਂ ਹੀ, ਗੋਲਡ ਰਿਕੌਡ ਵੱਲੋਂ ਤਿਆਰ ਗੀਤ, 'ਝੂਠੀਏ'  ਬੜਾ ਚਰਚਾ 'ਚ ਰਿਹਾ ਜਿਸ ਗੀਤ ਨੂੰ ਆਵਾਜ਼ ਐਮ ਰਹਿਮਾਨ ਨੇ ਦਿੱਤੀ ਸੀ........। ਪਿਆਰ-ਮੁਹੱਬਤ ਦੇ ਝੂਠ ਨੂੰ ਦਰਸਾਉਦਾ ਗੀਤ "ਝੂਠੀਏ" ਦਿਲਾਂ ਨੂੰ ਛੂ ਗਿਆ........। 'ਗੁਰੀ ਮਾਂਗਟ' ਦਾ ਵਿਦੇਸ਼ਾ ਵਿੱਚ ਆਉਣਾ-ਜਾਣਾ ਆਮ ਰਹਿੰਦਾ ਹੈ ਤੇ ਪਿੰਡ ਬੇਗੋਵਾਲ 'ਚ ਵਧੀਆਂ ਸੁਭਾਅ ਅਤੇ ਸਾਝਤਾ ਨੂੰ ਲੈ ਕੇ ਸਤਿਕਾਰ ਦਾ ਹੱਕਦਾਰ ਹੈ........। ਸਾਨੂੰ ਮਾਣ ਹੈ ਕਿ ਪਿੰਡ ਬੇਗੋਵਾਲ ਦੇ ਵਾਸੀ ਅਸੀਂ ਕਈ ਜਾਣੇ, ਸੰਗੀਤ, ਸਾਹਿਤ ਅਤੇ ਸਭਿਆਚਾਰ ਨਾਲ ਜੁੜੇ ਹੋਏ ਹਾਂ ........ । ਰੱਬ ਸਾਨੂੰ ਪਿੰਡ ਬੇਗੋਵਾਲ ਦੇ ਵਾਸੀਆਂ ਅਤੇ ਸਾਰੇ ਪ੍ਰਸੰਸਕਾਂ ਤੋਂ ਸਤਿਕਾਰ ਨਾਲ ਨਵਾਜ਼ੀ ਰੱਖੇ......। 'ਗੁਰੀ ਮਾਂਗਟ' ਨੇ ਛੋਟੀ ਉਮਰੇ ਵੱਡੀਆਂ ਪੁਲਾਗਾਂ ਪੁੱਟੀਆਂ ਹਨ, ਕਈ ਗੀਤਾਂ ਤੋਂ ਬਾਅਦ ਹੁਣ ਪੰਜਾਬੀ ਫਿਲਮ ਲੈ ਕੇ ਆਉਣ ਦੀ ਤਿਆਰੀ ਵਿੱਚ ਹੈ। ਜੋ ਇੱਕ ਚੰਗੇ ਵਿਸ਼ੇ ਤੇ ਬਣੇਗੀ......। ਪ੍ਰਮਾਤਮਾਤ ਕਰੇ ਇਹ ਫਿਲਮ ਏਨੀ ਚੱਲੇ ਕਿ 'ਗੁਰੀ ਮਾਂਗਟ' ਦੀ ਪਛਾਣ ਵਿੱਚ ਵਾਧਾ ਕਰੇ .........।

ਜਸਪ੍ਰੀਤ ਕੌਰ ਮਾਂਗਟ,
ਬੇਗੋਵਾਲ ਦੋਰਾਹਾ (ਲੁਧਿਆਣਾ),
ਮੋਬਾਇਲ ਨੰਬਰ 99143-48246

09 April 2019

ਗਿੱਧੇ ਦਾ ਕੋਚ, ''ਰੋਹੀ ਰਾਮ'' ਬੇਗੋਵਾਲ - ਜਸਪ੍ਰੀਤ ਕੌਰ ਮਾਗਟ

ਮੁਟਿਆਰਾ ਦਾ ਗਿੱਧਾ ਸਦਾ ਹੀ ਪੰਜਾਬ ਦੀ ਸ਼ਾਨ ਰਿਹਾ ਹੈ ਅਤੇ ਰਹੇਗਾਂ ਵੀ............ ਪਰ ਗਿੱਧਾ ਸਿਖਉਣ ਵਾਲਾ ਆਪ ਗਿੱਧੇ 'ਚ ਮਾਹਿਰ ਹੋਵੇ ਤਾਂ ਚਾਰ-ਚੰਨ ਲੱਗ ਜਾਂਦੇ ਹਨ......। ਪਿੰਡ ਬੇਗੋਵਾਲ ਦਾ ਰਹਿਣ ਵਾਲ ਰੋਹੀ ਰਾਮ ਜੋ ਗਿੱਧਾ ਗਰੁੱਪ ਨਾਲ ਪ੍ਰੋਗਰਾਮਾਂ ਦੀ ਸ਼ਾਨ ਵਧਾਉਂਦਾ ਹੈ ਬੜਾ ਮਾਹਿਰ ਕੋਚ ਹੈ.........। 20-06-1976 ਨੂੰ ਮਾਤਾ ਮੁਖਤਿਆਰ ਕੌਰ ਪਿਤਾ ਸਦੀਕ ਮਹੁੰਮਦ ਦੇ ਘਰ ਜਨਮੇ ਰੋਹੀ ਰਾਮ ਪੰਜ ਭੈਣਾਂ ਦਾ ਭਰਾ ਹੈ। ਰੋਹੀ ਰਾਮ ਦੇ ਦੋਨੇਂ ਭਰਾਵਾਂ ਵਿੱਚੋਂ ਉਹਨਾਂ ਤੋਂ ਛੋਟਾ ਭਰਾ ਇਕਬਾਲ ਮਹੁੰਮਦ ਵੀ ਗਿੱਧਾ ਗਰੁੱਪ ਚਲਾਉਦਾ ਹੈ ਜੋ ਵੱਖ-ਵੱਖ ਸਟੇਜਾਂ ਤੇ ਸ਼ੋਅ ਕਰ ਚੁੱਕੇ ਹਨ ਅਤੇ ਛੋਟਾ ਭਰਾ 'ਮਹੁੰਮਦ ਰਹਿਮਾਨ' (ਗਾਇਕ ਐਮ ਰਹਿਮਾਨ) ਦੇ ਨਾਂ ਨਾਲ ਮਸ਼ਹੂਰ ਹੈ। ਜਿਹਨਾਂ ਦੇ ਕਈ ਗੀਤ ਆ ਚੁੱਕੇ ਹਨ.........। ਰੋਹੀ ਰਾਮ  ਪਿੰਡ ਬੇਗੋਵਾਲ 'ਚ ਆਪਣੇ ਚੰਗੇ ਸੁਭਾਅ ਅਤੇ ਦਿਲੋਂ ਸਭ ਨਾਲ ਸ਼ਾਂਝ ਰੱਖਣ ਸਦਕਾ ਜਾਣਿਆ ਜਾਦਾ ਹੈ ਜਿਹਨਾਂ ਨੂੰ ਘਰ ਪਰਿਵਾਰ ਅਤੇ ਬਾਹਰੋਂ ਮਾਣ-ਸਤਿਕਾਰ ਹਾਸਿਲ ਹੈ............। ਪਿੰਡ ਬੇਗੋਵਾਲ (ਦੋਰਾਹਾ/ਲੁਧਿਆਣਾ) ਵਿਖੇ ਅਪਣੀ ਪਤਨੀ ਅਤੇ ਬੱਚਿਆਂ ਨਾਲ ਰਹਿੰਦੇ 'ਰੋਹੀ ਰਾਮ' ਜੀ ਅੱਜ ਵੀ ਭਰਾਵਾਂ ਭਾਬੀਆਂ, ਬੱਚਿਆਂ ਅਤੇ ਮਾਤਾ-ਪਿਤਾ ਦੇ ਨਾਲ ਇਕੱਠ 'ਚ ਰਹਿ ਰਹੇ ਹਨ। ਜਿਹਨਾਂ ਦੇ ਪਰਿਵਾਰ ਦੀ ਸਾਂਝ ਅਤੇ ਭਾਈਚਾਰੇ ਤੋਂ ਹੋਰਾਂ ਨੂੰ ਵੀ ਬਹੁਤ ਕੁਝ ਸਿੱਖਣ ਨੂੰ ਮਿਲਦਾ ਹੈ.........। ਪਰਿਵਾਰਾਂ ਦੇ ਅਜਿਹੇ ਇਕੱਠ ਅੱਜ-ਕੱਲ ਦੇਖਣ ਨੂੰ ਬਹੁਤ ਘੱਟ ਮਿਲਦੇ ਹਨ ............। ਰੋਹੀ ਰਾਮ ਜੀ ਨੂੰ ਗਿੱਧਿਆ 'ਚ ਬਹੁਤ ਮੁਹਾਰਤ ਹਾਸਿਲ ਹੈ ਅਤੇ ਵਿਰਸੇ ਤੋਂ ਸੰਗੀਤ ਦੀ ਦੁਨੀਆਂ ਨਾਲ ਇਹਨਾਂ ਦਾ ਨਾਤਾ ਰਿਹਾ ਹੈ .........। ਗਿੱਧਾਂ ਦਾ ਬਹੁਤ ਹੀ ਵਧੀਆਂ ਕੋਚ ਰੋਹੀ ਰਾਮ ਵੱਖ-ਵੱਖ ਸਕੂਲਾਂ ਕਾਲਜਾਂ ਅਤੇ ਅਨੇਕਾ ਪ੍ਰੋਗਰਾਮਾ 'ਚ ਗਿੱਧੇ ਦੇ ਜੋਹਰ ਦਿਖਾ ਚੁੱਕੇ ਹਨ ਜਿਹਨਾਂ ਦੀ ਇਲਾਕੇ ਦੇ ਲੋਕਾਂ 'ਚ ਵੱਖਰੀ ਪਹਿਚਾਣ ਬਣੀ ਹੋਈ ਹੈ.........। ਰੱਬ ਕਰੇ ਰੋਹੀ ਰਾਮ ਦਾ ਗਿੱਧਾ ਗਰੁੱਪ ਦੀਆ ਸਟੇਜਾਂ ਤੇ ਧੂੰਮਾਂ ਪੈਂਦੀਆਂ ਰਹਿਣ.........।

ਜਸਪ੍ਰੀਤ ਕੌਰ ਮਾਂਗਟ
ਬੇਗੋਵਾਲ ਦੋਰਾਹਾ ਲੁਧਿਆਣਾ